Saganaqi eshte nje antipaste tipike greke shume e shijshme, por edhe kalorike. Djathi qe perdoret per kete lloj pjate eshte djathi kackavall i deles (mund te perdoret edhe pecorino romano) i cili skuqet ne nje tigan te vogel derisa te formoje flluska ne siperfaqen e tij dhe shpesh sherbehet i sperkatur me limon dhe piper te zi.

Perberesit

• 4 feta djath kackavall dele
• 4 luge vaj ulliri
• miell
• leng limoni te fresket
  
• piper te zi sipas deshires

Presim djathin kackavall ne feta me trashesi rreth 1/2 cm (nese nuk eshte i prere paraprakisht), i lagim fetat me uje te ftohte dhe i kalojme ne miell. Ne nje tigan te vogel nxehim fort vajin e ullirit ne zjarr mesatar dhe skuqim fetat e djathit nga te dyja anet derisa te marrin ngjyre te arte. I servirim te ngrohta sperkatur me leng limoni te fresket dhe piper te zi sipas deshires.

*Keshille: Nese deshironi, djathin mund ta kaloni ne veze te rrahur pasi e keni kaluar ne miell. Gjithashtu ne qofte se iu pelqen shija pikante, miellit mund ti shtoni edhe pak piper.

Foto nga: http://www.ronniewoo.com/