Nese iu pelqejne bishtajat, provojini edhe ne furre sipas menyres qe ne po iu propozojme: shume te shijshme dhe te thjeshta per tu pregatitur. Termi “i gratinuar” vjen nga frengjishtja “gratinée” qe do te thote formimi i nje kore ne siperfaqen e perimeve ne momentin qe keto te fundit piqen ne furre. Mund ta konsumoni si nje pjate te vecante apo per te shoqeruara biftekun e vicit, berxollat e derrit etj.Perberesit per 4 persona
- 500gr bishtaja jeshile te holla
- 1 presh
- 1/2 gote qumesht
- 1 luge miell
- 1 gote vere e bardhe
- djath kackavall te grire
- 1 thelpi hudher
- vaj ulliri
- gjalp
- kripe
- piper te zi
Ziejme bishtajat e pastruara per rreth 10 minuta ne uje te kripur dhe i kalojme menjehere nen uje te ftohte ne menyre qe te ruajne ngjyren e tyre te gjelbert.
Ne nje tigan te madh kaverdisim me vaj ulliri ne zjarr te avashem hudhren e shtypur (te cilen e heqim sapo te filloj te marre ngjyre) dhe preshin e prere ne rrota te holla. Shtojme nje luge rrafsh me miell dhe qumeshtin duke i perziere mire, i rregullojme me kripe, piper dhe gjithmone duke i perziere shtojme bishtajat. E lagim te gjithe masen me veren e bardhe dhe e mbulojme tiganin me kapak duke e lene te stufohet per rreth 10 minuta.
E heqim nga zjarri dhe perberjen e vendosim ne tave qelqi te lyer me pak gjalp. E sperkasim siper me djath kackavall te grire dhe e pjekim ne furre te parangrohur ne 180°C derisa te marre ngjyre te arte ne siperfaqe. E leme te pushoje per 10 minuta dhe e sherbejme ne tave.
