Trungu i Krishtlindjes (Bûche de Noël)

Trungu i Krishtlindjes, eshte nje embelsire tipike Franceze e cila pregatitet ne prag Krishtlindjes dhe ka nje histori mjaft interesante: ne vendet e Europes Veriore, pjesa me e gjere e trungut te pemes, pritej nga druvaret dhe ruhej per daten 25 Dhjetor, ku me kete trung ngrohej e gjithe familja, dhe simbolikisht edhe foshnja Jezus.

Perberesit
…per pandispanjen

  • 4 veze
  • 80gr sheqer
  • 80gr miell
  • nje maje luge sode buke
  • pak vanilje

…per kremin me cokollate

  • 250ml krem pasticerie
  • 50gr cokollate te shkrire ne banjomari

…per kremin per ta mbuluar

  • 200gr gjalp pa kripe ne temperature ambjenti
  • 150gr sheqer pluhur
  • 2 luge kakao pluhur
  • 2 luge te vogla kafe qe shkrihet (psh Neskafè)

Rrahim te verdhat e vezeve me sheqerin derisa te formohet nje mase e fryre dhe me ngjyre te hapur. Shtojme miellin, pak sode buke, vaniljen dhe vazhdojme rrahjen edhe per disa minuta.

Ne nje tjeter tas, rrahim te bardhat e vezeve me pak kripe derisa kremi te mos bjere nga ena. Kete mase ja shtojme te verdhave te vezeve qe pregatitem me siper duke i perziere me kujdes nga poshte lart ne menyre qe brumi te mos humbasi volumin e tij.

Shtrojme me leter furre nje tave drejtkendeshe dhe hedhim ne te brumin e perftuar duke e niveluar me ndihmen e nje spatule kuzhine. E pjekim ne furre te parangrohur ne 180°C per rreth 10 minuta. Sapo pandispanja te jete pjekur, e nxjerrim nga furra dhe e permbysim ne nje leter furre te paster te cilen e kemi vendosur ne tavolinen e punes. E mbulojme me nje tjeter leter furre dhe e rrotullojme ne forme rolèje sa eshte akoma e nxehte. Nderkohe qe pandispanja ftohet, pregatisim 250gr krem pasticerie me çokollate sipas recetes qe do ta gjeni ketu. I vetmi ndryshim eshte se ne fund do te shtojme edhe 50gr cokollate te shkrire ne banjomari.

Kur pandispanja te jete ftohur, e çrrotullojme dhe e lyejme me kremin e pasticerise me cokollate duke lene pak hapesire tek te katert anet. E rrotullojme me delikates, presim dy ekstremitetet ne forme diagonale dhe pregatisim kremin e gjalpit me cokollate per ta lyer ne siperfaqe:

Rrahim gjalpin ne temperature ambjenti me sheqerin pluhur derisa te perftojme nje perberje kremoze. Shtojme kakaon, kafen dhe vazhdojme rrahjen edhe per pak minuta derisa perberesit te homogjenizohen ndermjet tyre. Me kete krem, lyejme siperfaqen e trungut me pandispanje, ngjisim ekstremitetet e prera sikur te ishin deget e trungut dhe i lyejme edhe ato me krem. Me dhembet e nje piruni, formojme vija si ne foto, ne menyre qe pamja ti afrohet sa me shume trungut real. E vendosim ne frigorifer per rreth 1 ore perpara se ta servirim. Siperfaqen mund ta sperkasim sipas deshires me pak sheqer pluhur, apo e dekorojme duke perdorur kremin e gjalpit te mbetur.

Advertisements

4 Comments

  1. amri says:

    Buche de Noel eshte vertete nje embelsire karakteristike franceze .Ne rinine time e benim edhe me thjesht ,nese deshironi mund edhe ta publikoni:
    Nje pako biskota jo me shume sheqer
    nje veze
    arra
    cokollate te shkrire
    kakao
    Pergatitja :
    Biskotat e thermuara i trazojme me vezen, te cilen e kemi rrahur me pare ne nje ene te vecante ,dhe me cokollaten e shkrire dhe arrat.
    Perzjerje e derdhim ne nje leter guzhine te cilen me kujdes e rrotullojme duke i dhene formen e nje trungu .
    Te gjithe pergatitjen e fusim ne frigorifer ku e leme per 10-12 ore.
    Trugu sherbehet i ftohte dhe ruhet gjitmone ne frigorifer.

    Pëlqejeni

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google+

Po komentoni duke përdorur llogarinë tuaj Google+. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s

This site uses Akismet to reduce spam. Learn how your comment data is processed.

Këtë e pëlqejnë %d blogues: