Fokaça me qepe dhe djath, eshte nje menyre shume e shijshme per te zevendesuar buken gjate nje bufeje apo mbremje festive.
Perberesit
- 800gr brume buke i pregatitur sipas recetes qe e gjeni ketu
- 4 qepe te verdha mesatare ne feta te holla
- 100gr djath qe shkrin (psh aziago, emental etj) te grire
- 2 luge vaj ulliri
- pak gjalp
- kripe
- piper
- per shoqerim: feta proshute apo sallami
Parangrohim furren ne 200C.
Kaverdisim qepet me gjalp ne zjarr te ulet derisa te rezultojne transparente. I rregullojme me kripe e piper, shtojme 5-6 luge uje dhe i gatuajme me kapak te mbyllur per rreth 5 minuta te tjera derisa te zbuten duke i perziere here pas here. Ne fund qepet duhet te rezultojne te buta dhe me shume pak leng.
Hapim brumin e bukes ne nje tave te lyer me vaj ulliri dhe formojme me mollezat e gishtave shume gropa te vogla ne siperfaqe te brumit. E pjekim per rreth 15 minuta. E nxjerrim nga furra, shtojme mbi brumin djathin e grire, me pas qepet e gatuara te cilat i hapim ne menyre uniforme dhe e pjekim fokaçen akoma per 10 minuta te tjera, apo derisa siperfaqa te kete marre ngjyre te arte.
Pasi fokaça te jete pjekur, e presim ne copa dhe e sherbejme ne forme aperitivi shoqeruar me proshuta apo sallame te ndryshme.
Foto nga: http://www.youchef.tv
