Keku me arra kokosi dhe nutela, eshte nje menyre e shijshme per te filluar diten bashke me nje filxhan qumesht e kafe.
Perberesit per nje torte me diameter 24cm
- 300gr miell 00
- 100gr arra kokosi pluhur
- 200gr sheqer
- 200ml qumesht arra kokosi (mund te perdorni edhe qumesht te zakonshem nese nuk e gjeni)
- 100ml vaj luledielli
- 4 veze
- 1 pako te vogel pluhur pjekes (12gr)
- 200gr krem nutela
Rrahim fillimisht vezet me sheqerin derisa e gjithe masa ta dyfishoj vellimin e saj. Shtojme pak nga pak vajin e lulediellit duke vazhduar rrahjen, shtojme miellin 00, arren e kokosit pluhur, qumeshtit e kokosit, pluhurin pjekes dhe vazhdojme perzierjen me spatul derisa te kemi perftuar nje brum homogjen.
E hedhim brumin ne taven e rrumbullaket te lyer paraprakisht me pak gjalp e miell.
Shkrijme ne mikrovale kremin nutela dhe ja hedhim siper ne menyre te çrregullt brumit.
E pjekim kekun ne furre te parangrohur ne 180°C per 35-40 minuta, gjithmone duke bere proven e pirunit per te pare nese eshte pjekur edhe ne brendesi. E leme te pushoje per disa çaste perpara se ta heqim nga forma.
Sot pergatita kete embelsire, doli shume e mire, por bera ca ndryshime si tek perberesit ashtu edhe tek menyra e pergatitjes…perdora gjalpe te shkrire ne vend te vajit…reduktova pak masen e miellit….mendoj se hedhja e vajit direkt tek vezet e rrahura e shfryn menjehere masen, prandaj perzieva miellin me arren e kokosit dhe pluhurin pjekes dhe hodha gjysmen tek vezet e rrahura, me pas gjalpin te perzier paraprakisht me nje pjese te kesaj mase, pastaj qumeshtin se fundi pjesen tjeter te miellit. Flm per receten.
PëlqejeniPëlqejeni
Pershendetje, ju falenderoj per receten une dje e pergatita vec me ndodhi nje problem i gjith kremi ra poshte dhe kishte pak shijen e djegur pjesa poshte se di ndoshta kam bere une dicka gabim. Megjithate ju falenderoj jeni pike referimi per vaktet e familjes sime. Ju pershendes
PëlqejeniPëlqejeni
@Vlora, me vjen shume keq qe receta nuk te ka dale sipas parashikimit, e vetmja gje qe mund te kete ndodhur mund te kete qene qe brumi yte ka qene shume i holle per ta “mbajtur” ne siperfaqe kremin nutella.
PëlqejeniPëlqejeni