Byrek me spinaq

  • Racione: 4-6
  • Vështirësi: mesatare
  • Shtype


Byreku me spinaq është një recetë klasike e kuzhinës shqiptare e cila pregatitet gjatë gjithë vitin, sidomos për Krishtlindje dhe Vitin e Ri. Tradita kërkon që nën petët e byrekut të vendoset një monedhë e cila përfaqëson fshehjen e fëmijës Jezus nga Mbreti Herod. Çdo pjestar i familjes, duke filluar nga më i vjetri, merr një copë byrek dhe personi që gjen monedhen konsiderohet me fat vitin që vjen. Por kujdes: nëse fshihni një monedhë brenda në byrek, sigurohuni që të tjerët ta dinë përpara se ta hanë!

Përbërësit

…për brumin:

  • 600gr miell 
  • 300-350ml ujë
  • 1 lugë vaj ulliri
  • 1 lugë të vogël kripë
  • niseshte për hapjen e petëve

… për mbushjen

  • 500gr spinaq të prerë hollë
  • 200gr djath të bardhë të thërrmuar
  • 1 qepë të prerë hollë
  • 2 vezë të rrahura
  • 1 tufë kopër të freskët të grirë
  • kripë
  • piper të zi të sapobluar
  • vaj ulliri

Pregatisim si fillim brumin: shkrijmë kripën në ujin e ngrohtë dhe ja shtojmë miellit bashkë me vajin e ullirit. E punojmë brumin shumë mirë me dorë derisa të mblidhet dhe të rezultojë i butë. E mbulojmë me një pecetë të pastër dhe e lëmë të pushojë për 30-60 minuta.

Ndërkohë pregatisim harxhën: Kavërdisim qepën në vaj ulliri derisa të zbutet. Shtojmë spinaqin dhe e mbulojmë tiganin me kapak në mënyrë që spinaqi të ulë vëllimin e tij. I japim shije me kripë, piper të zi, kopër dhe djathin e bardhë. E heqim nga zjarri, shtojmë vezët dhe e lëmë mbushjen të ftohet në temperaturë ambjenti.

Brumin e ndajmë në 15 pjesë të barabarta dhe i hapim 8 petë poshtë dhe 7 petë sipër. Pjesa e poshtme duhet gjithmonë të ketë më shumë petë pasi të gjitha lëngjet e harxhës do të precipitojnë në fund.
Ne mes shtrojmë harxhën tashmë të ftohur.

E presim byrekun duke mos e cuar thikën deri në fund dhe e pjekim në 200 gradë celcius për 40 minuta ose derisa shtresa e sipërme të jetë bërë kerce dhe të ketë marrë ngjyrë të artë. E kthejmë byrekun përmbysë në një tavë tjetër. Kjo bëhet për të zbutur petën e sipërme e cila është gjithmonë më e fortë. Ose mund ta lagim sipërfaqen e byrekut me pak ujë dhe ta mbulojmë me një pecetë të pastër. E lëmë të pushojë për 10 minuta përpara se ta shërbejmë.

E shoqërojmë me një sallatë jeshile dhe kos grek ose salcë kosi.

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni /  Ndryshoje )

Foto Google

Po komentoni duke përdorur llogarinë tuaj Google. Dilni /  Ndryshoje )

Foto Twitter-i

Po komentoni duke përdorur llogarinë tuaj Twitter. Dilni /  Ndryshoje )

Foto Facebook-u

Po komentoni duke përdorur llogarinë tuaj Facebook. Dilni /  Ndryshoje )

Po lidhet me %s

This site uses Akismet to reduce spam. Learn how your comment data is processed.