Arkiva Autori për Kamela Vasa

Rreth Kamela Vasa

Lindur ne vitin 2009, nga pasioni per kuzhinen dhe per recetat gjithnje e me te shumellojshme, kjo faqe synon te jete me prane atyre qe udhehiqen nga motoja: TE GATUASH ESHTE NJE KENAQESI!

Tavë me bamje

  • Racione: 4 persona
  • Vështirësi: e thjeshtë
  • Shtype

Tave me bamje

Bamjet jane nje nga ato perimet qe ose i pelqen ose nuk i pelqen, nuk ka vije te mesme me to! Por kjo nuk ja heq as shijen dhe as vlerat ushqyese: hekur, kalcium, magnez, fosfor dhe zink, duke u bere keshtu nje superushqim per te gjithe familjen. Gatuhen ne pothuajse te gjithe boten, qe nga ishujt Karaibe deri ne Kine dhe format e gatimit jane nga me te ndryshmet: supe, gjelle, tave, te skuqura, madje edhe turshi.
Sot po ju sjell receten me te dashur per mua gjate veres: taven me bamje. Mund te konsiderohet fare mire nje pjate tradicionale shqiptare me nje shije fantastike!

Perberesit

  • 1kg bamje, te pastruara
  • 1/2 kg mish tul, te prere ne thela
  • 1 qepe te madhe, te prere trashe
  • 2 karrota, te prera ne kubik te vegjel
  • 3 domate, ne copa te vogla ose te grira ne mikser + 1 domate ne feta
  • 1 tufe majdanoz, te grire holle
  • vaj ulliri ekstra te virgjer
  • kripe
  • 2 luge uthull

Tave me bamje2

Pastrojme bamjet duke i prere bishtin ne forme konike, ne kete menyre gjate gatimit ato nuk do te shperbehen. I vendosim ne nje ene dhe i mbulojme me uje te ftohte, i sperkasim me dy luge uthull, pak kripe dhe i leme keshtu per gjysme ore. Uthulla dhe kripa do ti zbuse pushin qe kane ne siperfaqe.

Kaverdisim ne vaj ulliri qepen derisa te rezultoje transparente. Shtojme domatet, karrotat, majdanozin dhe vazhdojme kaverdisjen ne zjarr te ngadalte derisa perimet te zbuten me lengun e tyre. Shtojme thelat e mishit te cilave i japim nje faqe shume te lehte nga te dyja anet, shtojme nje gote uje dhe i ziejme te gjitha bashke per rreth 30 minuta ne tenxhere me presion.

Nderkohe bamjet i shplajme dhe i thajme me letra kuzhine, i sperkasim me pak vaj ulliri dhe i pjekim ne furre te parangrohur ne 180°C per 10-15 minuta. Hedhim siper tyre harxhen me mishin tashme te ziere dhe ne fund vendosim edhe disa feta domatesh per shije. E mbulojme taven me leter alumini  dhe e pjekim ne 180°C per rreth 30 minuta. Heqim letren e aluminit dhe i leme derisa te marrin ngjyre ne siperfaqe. I sherbejme te ngrohta.

Advertisements

Mish keci në furrë me patate

  • Racione: 4-6 persona
  • Vështirësi: e thjeshtë
  • Shtype

SAMSUNG CSC

Keci ne furre me patate, eshte nje nga ato recetat qe nuk gatuhet vetem per festen e Pashkeve, por sa here kemi deshire te shijojme diçka ndryshe ne fundjave ne nje dreke mes miqve. E veçanta e kesaj recete eshte marinimi ne vere te bardhe, ereza dhe perime te cilat e bejne mishin perveçse shume te bute, edhe teper te shijshem duke çliruar te gjithe aromen e tij teksa piqet. Shoqerimi me patatet eshte klasik, dhe i shkon mrekullisht kesaj recete. Ne vend te mishit te kecit mund te perdorim edhe ate te qengjit duke e marinuar identik ne te njejten menyre.

Perberesit

  • 1kg mish keci, te ndare ne copa
  • 1/2kg patate, te prera ne feta
  • 750ml vere te bardhe
  • 1 qepe, te ndare ne kater pjese
  • 1 karrote, te ndare pergjysme
  • 1 dege selino, te ndare pergjysme
  • 2 koka hudhrash, te ndara pergjysme
  • 3-4 gjethe dafine
  • 6 dege rozmarine
  • piper te zi te sapobluar
  • piper te zi kokerr
  • piper te kuq kokerr
  • vaj ulliri ekstra te virgjer
  • kripe

SAMSUNG CSC

Per te pergatitur kecin ne furre me patate, fillimisht marinojme copat e mishit te kecit te cilat nuk duhet te jene shume te vogla. Ne nje ene vendosim mishin, shtojme qepen, karroten, selinone, gjethet e dafines, 3 dege rozmarine, piperin e zi kokerr dhe ne fund veren e bardhe. E mbulojme me leter transparente dhe e leme te marinohet per 12 ore brenda ne frigorifer. Idealja do te ishte ta marinonim mishin ne darke dhe ta gatuanim te nesermen ne dreke.

Pas 12 oresh, nxjerrim mishin nga marinatura dhe e thajme mire me letra kuzhine. Ne taven ku do te pergatisim receten, shtrojme leter furre mbi te cilat rendisim njera pas tjetres fetat e patateve. I kriposim, vendosim siper tyre copat e mishit te cilat gjithashtu i kriposim dhe piperosim me piperin e zi te sapobluar. Shtojme 3 dege rozmarine, gjysmat e kokave te hudhrave, piper te kuq kokerr dhe e sperkasim bollshem me vaj ulliri.

E mbulojme taven me leter alumini dhe e pjekim ne furre te parangrohur ne 200°C per 1 ore. Heqim letren e aluminit dhe e pjekim edhe per 1 ore tjeter duke i kthyer copat e mishit pas 30 minutash. Nese shohim qe tava po thahet shume, pra mishi nuk eshte aq i yndyrshem sa te leshoje lengun e tij, shtojme dhe 1 filxhan uje.

E sherbejme te ngrohte zbukuruar me piper te kuq kokerr.

Tortë e kripur me spinaq

  • Racione: 6-8 persona
  • Vështirësi: e thjeshtë
  • Shtype

SAMSUNG CSC

Nje torte e kripur per tu konsumuar e ngrohte, e sapodale nga furra apo edhe e ftohte diten tjeter. Shume e shijshme dhe e ushqyeshme, ideale per vaktin e drekes apo per tu shijuar ne nje piknik me miqte!

Perberesit per nje tave me diameter 28cm

…per brumin

  • 300gr miell 00
  • 250gr gjalpe ne temperature ambjenti
  • kripe

…per mbushjen

  • 500gr spinaq te lare e te pastruar, te prere holle
  • 250gr rikota (gjize pa kripe)
  • 250gr domate qershize, te ndara ne dy pjese
  • 100gr djathe kaçkavall dele, te prere ne kubik
  • 50gr djathe guda, te grire holle ne rende
  • 50gr ullinj pa berthame
  • 1 qepe, te prere holle
  • 3 thelpinje hudhra, te prera holle
  • 100ml vaj ulliri ekstra te virgjer
  • 3 veze
  • kripe
  • arre moskate
  • piper te zi te sapobluar

SAMSUNG CSC

Bashkojme ne nje ene miellin e situr me kripen, shtojme gjalpin ne temperature ambjenti (te zbutur) dhe e punojme brumin shume mire me dore derisa te rezultoje i bute. E mbeshtjellim me leter transparente dhe e vendosim ne frigorifer per 30 minuta.

Nderkohe pergatisim mbushjen: ne nje tigan qe nuk ngjit, kaverdisim ne vaj ulliri qepen, hudhren dhe spinaqin. I vendosim kapakun dhe i leme te gatuhen ne zjarre te ulet, ne menyre qe te zbuten me avullin e tyre. E rregullojme  me kripe, piper te zi te sapobluar dhe arre moskate. Masa duhet te rezultoje pa leng, pra e thate, prandaj vazhdojme gatimin me kapak hapur derisa i gjithe uji i tepert te avulloje.

Ne nje tjeter ene rrahim vezet me rikoten, shtojme spinaqin dhe ne kete moment kemi gati mbushjen e tortes.

Nxjerrim brumin nga frigoriferi, e heqim nga qesja transparente dhe e shtypim paksa me duar. I vendosim siper leter furre e cila do te na ndihmoje ta hapim me lehtesisht. E hapim brumin nga te gjitha anet duke formuar nje pete me trashesi rreth 1cm. E shtrojme ne taven ku do te gatuajme torten e kripur te cilen e kemi lyer paraprakisht me pak vaj ulliri. Hedhim siper mbushjen me spinaq dhe rikota dhe nivelojme me kujdes. E zbukurojme me domatet qershize te ndara pergjysme, ullinjte pa berthame, kubiket e djathit kaçkavall dhe djathin guda te grire. E pjekim ne furre te parangrohur ne 200°C per rreth 45 minuta. E leme te ftohet per minimumi gjysme ore perpara se ta sherbejme te prere ne feta.

Kek me kafe dhe arra

  • Racione: 6-8 persona
  • Vështirësi: e thjeshtë
  • Shtype

Kek me kafe dhe arra1

Nje kombinim fantastik i shijes se kafes me arrat, ben qe kjo embelsire te shijohet deri ne feten e fundit. Kontrasti midis kremozitetit te mbushjes me krem kafe dhe krokantes se arrave, e ben perfekt per mengjeset e vona te fundjaves, atehere kur shpesh duam te perkedhelemi me diçka te embel. Receta eshte shume e thjeshte per tu pergatitur, dhe ne me pak se 1 ore do te keni ne tavolinen tuaj nje nga embelsirat me te mira qe keni provuar ndonjehere!

Perberesit per nje torte me diameter 20cm

…per kekun

  • 200gr miell 00
  • 200gr gjalpe, ne temperature ambjenti
  • 200gr sheqer
  • 3 veze, ne temperature ambjenti
  • 1 luge çaji pluhur pjekes
  • 2 luge çaji kafe te tretshme ne uje (psh Nescafè)
  • 100gr arra te qeruara dhe te copetuara trashe

…per kremin me kafe

  • 600ml krem pana per embelsira te sheqerosur, te cilin e kemi mbajtur ne frigorifer per min 1 ore
  • 2 luge çaji kafe te tretshme ne uje

Kek me kafe dhe arra2

Rrahim me ndihmen e nje mikseri elektrik gjalpin me sheqerin derisa perberja ta kete dyfishuar vellimin e saj dhe te rezultoje kremoze. Rrahim lehtesisht vezet ne nje ene te vogel dhe i shtojme dalengadale duke vazhduar rrahjen.

Ne nje tas bashkojme miellin me pluhurin pjekes dhe ja shtojme pak nga pak gjalpit me sheqerin duke e rrahur me shpejtesi te ulet ose duke e bashkuar manualisht me ndihmen e nje spatule kuzhine.

Shkrijme kafen ne 1 luge uje te ngrohte dhe ja shtojme perberjes. Shtojme se fundi edhe copezat e arrave duke mbajtur disa menjane per zbukurim.

Lyejme me pak gjalp dhe miell (ose veshim me leter furre) dy tava te rrumbullakta me diameter 20cm. E ndajme brumin e kekut ne menyre te barabarte ne secilen prej tyre dhe i pjekim ne furre te parangrohur ne 180°C per 20-25 minuta. 

I leme te ftohen plotesisht ne temperature ambjenti nderkohe qe pergatisim mbushjen: rrahim me ndihmen e mikserit elektrik panen e ftohte per embelsira derisa te formohet nje krem qe nuk bie nga ena. Nese kremi eshte i pasheqerosur, shtojme sheqer pluhur sipas deshires. Shtojme kafen dhe vazhdojme rrahjen.

Perhapim gjysmen e kremit me kafe mbi njeren nga gjysmat e kekut dhe vendosim me kujdes gjysmen tjeter siper duke e lyer me kremin e mbetur. E zbukurojme me copeza arrash dhe pak kafe pluhur.

Qofte me qull e arra

  • Racione: 4 persona
  • Vështirësi: e thjeshtë
  • Shtype

Qofte me qull e arra2

Nga te gjitha menyrat e servirjes se qofteve, kjo eshte absolutisht e preferuara ime! Qulli me arra dhe hudhra te grira, del gati gati si krem dhe bashkohet ne menyre perfekte me butesine e qofteve. Duke provur vit pas viti çdo recete qoftesh qe me dilte perpara (ne familjen tone mund te haen qofte 7 dite te javes!) kam arritur te krijoj receten time te personalizuar qe eshte kjo me poshte. Perberesi sekret eshte speci jeshil: provoni ti shtoni brumit te qofteve nje spec jeshil te grire ne mikser dhe do ta shikoni sesi do te ndryshoje totalisht shija!

Perberesit 

…per qoftet

  • 500gr mish viçi te grire
  • 1 qepe mesatare, te kaluar ne mikser
  • 1 spec jeshil, te kaluar ne mikser
  • 1 veze
  • 1 tufe majdanoz, te grire holle
  • 2 feta buke te regjura ne qumesht dhe te shtrydhura forte me dore
  • kripe
  • piper te zi te sapobluar
  • 2 luge buke te thare te grire (galete)
  • 2-3 luge miell
  • vaj luledielli per skuqje

…per qullin me arra

  • 1 luge gjalpe
  • 1 luge vaj ulliri
  • 2 luge miell
  • 2 gota leng mishi ose uje
  • 1 dore arra te grira
  • 1 luge uthull molle
  • 3-4 thelpinje hudhra, te grira holle
  • kripe
  • piper te zi te sapobluar

Qofte me qull e arra1

Pergatisim fillimisht qoftet: bashkojme ne nje tas mishin e grire me qepen, specin jeshil, vezen, buken e regjur, majdanozin, kripen dhe piperin e zi. E perziejme me duar brumin per pak minuta, e mbulojme me nje pecete te paster ose me leter celofoni dhe e vendosim ne frigorifer per minimumi gjysme ore. Kjo lejon qe aromat te bashkohen me njera tjetren dhe qoftet te dalin shume te shijshme. Nese brumi ka dale paksa i bute, shtojme 2 luge galete.

Ne nje pjate hedhim 2-3 luge miell. Lagim duart me uje dhe formojme qoftet ne madhesine dhe formen e deshiruar. I kalojme ne miell dhe i skuqim ne tigan te mbushur pergjysme me vaj luledielli. Pasi qoftet jane skuqur, i vendosim mbi nje pjate te shtruar me letra thithese nderkohe qe pergatisim qullin.

Ne te njejtin tigan ku skuqem qoftet, hedhim nje luge vaj ulliri dhe nje luge gjalpe. Shtojme miellin dhe i perziejme mire derisa mielli te marre ngjyre te arte. E heqim tiganin nga zjarri dhe shtojme lengun e mishit te ftohte ose ujin. E perziejme vazhdimisht me tel kuzhine ne menyre qe te mos formohen kokerriza. E rregullojme me kripe, shtojme hudhrat e grira dhe e rivendosim tiganin ne zjarre mesatar duke e gatuar per afer 5 minuta. Shtojme arrat e therrmuara dhe vazhdojme gatimin derisa qulli te kete arritur trashesine e deshiruar.

I servirim ne pjate qoftet me qullin duke e sperkatur me piper te zi te sapoblur dhe zbukuruar me ndonje gjethe majdanozi dhe copeza arrash.

Byrek të vegjël me kërpudha dhe proshutë të tymosur

  • Racione: 6 persona
  • Vështirësi: e thjeshtë
  • Shtype

Byreçka me2

Darkat tuaja mes miqve nuk kane qene asnjehere kaq te shijshme! Provoni te pergatisni keto byrek te vegjel me pete sfoljate te cilat piqen ne vetem 15 minuta! Mund te konsumohen si te ngrohte ashtu edhe ne temperature ambjenti dhe do ti pelqejne absolutisht te gjitheve!

Perberesit

  • 1 pete sfoljate e gatshme
  • 300gr kerpudha te tipit champignon, te pastruara dhe te prera ne feta te holla
  • 150gr djathe guda, ose çdo lloj djathi qe shkrin, te prere ne kubik
  • 6 feta proshute te tymosur, te prere holle
  • 1 te verdhe veze
  • kripe
  • piper te zi te sapobluar
  • vaj ulliri
  • fara susami

Ne nje tigan me pak vaj ulliri, kaverdisim per disa minuta ne zjarr mesatar proshuten e tymosur. Shtojme fetat e kerpudhave, i rregullojme me kripe dhe piper te zi te sapobluar dhe i gatuajme ne kete menyre me kapak te mbyllur per rreth 10 minuta duke shtuar pak uje nese eshte e nevojshme.

Hapim peten sfoljate ne tavolinen e punes dhe me ndihmen e nje forme rrethore ose nje gote, formojme 12 rrathe ose disqe brumi.

Byreçka meNe secilin disk brumi vendosim nga nje luge te vogel mbushje me proshute dhe kerpudha, nje cope djathe qe shkrin dhe i mbyllim me kujdes duke i vendosur nje tjeter siper. I mbyllim mire anet e byreçkve dhe i lyejme ne siperfaqe me pak te verdhe veze te holluar me uje. I sperkasim me fara susami dhe i pjekim ne furre te parangrohur ne 200°C per 15 minuta. 

Byreçka me3

Fileto viçi me pana dhe kërpudha

  • Racione: 4 persona
  • Vështirësi: e thjeshtë
  • Shtype

Fileto viçi me pana dhe kerpudha1

Filetot e viçit te gatuara ne kete menyre jane aq te shijshme dhe te buta sa te shkrijne ne goje! Salca e kerpudhave i jep nje shije te pakrahasueshme, ndersa pana i jep te gjithe kremozitetin per te cilen kjo recete ka nevoje. Une kam perdorur kerpudha te tipit champignon (shempinjon), por mund te perdorni çdo lloj tjeter kerpudhash si porcini, pleurotus etj.
Shoqeruesja ideale e kesaj pjate do te ishte purèja me patate ose pilafi, ne menyre qe salcen e mishit tja hidhnim siper.

Perberesit

  • 8 feta te holla fileto viçi
  • 500gr kerpudha champignon, te pastruara dhe te prera ne feta
  • 200ml pana kuzhine
  • 2 luge gjalpe
  • 2 luge vaj ulliri ekstra te virgjer
  • miell
  • kripe
  • piper te zi te sapobluar
  • disa gjethe mente te fresketa

Fileto viçi me pana dhe kerpudha

Per pergatitjen e kesaj recete, filetot e viçit duhet te jene shume te holla. Prandaj nese eshte e nevojshme i vendosim midis dy letrave per furre dhe i rrahim me kujdes me çekiçin e mishit. I kalojme ne miell dhe i leme menjane.

Ne nje tigan qe nuk ngjit, shkrijme gjalpin, shtojme vajin e ullirit dhe kaverdisim filetot e viçit nga te dyja anet derisa te marrin ngjyre te arte. I rregullojme me kripe, shtojme kerpudhat ne feta dhe e ulim zjarrin ne minimum derisa kerpudhat te zbuten pak (me kapak mbyllur). Shtojme panen e kuzhines dhe vazhdojme gatimin ne zjarre te ulet derisa salca te trashet. Shtojme gjethet e mentes, piper te zi te sapobluar dhe i sherbejme filetot e viçit me pana dhe kerpudha te ngrohta.

Kek me avokado, kungull të njomë dhe çokollatë të zezë

  • Racione: 6-8 persona
  • Vështirësi: e thjeshtë
  • Shtype

Kek me avokado

Ju ka shkuar ndonjehere ndermend te perdorni kungullin e njome dhe avokadon ne nje embelsire? Nese jo, duhet patjeter te provoni kete kek me çokollate! Me besoni qe butesia dhe aroma e tij ndersa piqet, do ti bej te gjithe te harrojne qe ne brendesi ndodhen edhe fruta edhe perime… Per me teper ne kete recete nuk eshte perdorur as vaj dhe as gjalpe, vetem yndyra qe permban natyralisht avokado, qe eshte super e shendetshme!

Perberesit per nje forme drejtkendore 28cm

  • 150gr miell 00
  • 50gr kakao te hidhur
  • 1 luge çaji pluhur pjekes me vanilje
  • 1 luge çaji kanelle pluhur
  • 1/2 luge çaji kripe
  • 2 veze
  • 1 avokado te bute, te shtypur me pirun
  • 230gr sheqer te bardhe
  • 3 kunguj te njome, te grire ne rende
  • 150gr çokollate te zeze me 65% kakao, te grire imet (ose copeza çokollate)

Kek me avokado1Bashkojme ne nje ene duke i situr nje nga nje te gjithe perberesit e thate: miellin, kakaon, pluhurin pjekes, kanellen dhe kripen.

Ne nje tjeter ene rrahim me pirun vezet, shtojme avokadon, sheqerin, kungujt e grire dhe çokollaten e zeze. Shtojme edhe perzierjen me miell e kakao duke i trazuar mire derisa te formohet nje brume i njetrajtshem.

Lyejme me pak vaj dhe miell nje forme drejtekendore me gjatesi 28cm, hedhim ne te brumin e kekut dhe e nivelojme me kujdes.

E pjekim ne furre te parangrohur ne 180°C per 45-50 minuta, duke bere gjithmone proven e pirunit. E leme te ftohet plotesisht perpara se ta presim ne feta. Ky kek eshte ideal nese konsumohet ne vere me pak akullore me vanilje ose ne dimer me pak krem pana te rrahur.

Kek me dardha dhe vaj ulliri

  • Racione: 8 persona
  • Vështirësi: e thjeshtë
  • Shtype
Kush do ta mendonte qe ky kek do te pelqehej kaq shume nga e gjithe familja dhe do te bente pjese ne recetat tona te preferuara? Realizohet kaq thjeshte dhe shpejt, sa nuk ka nevoje te gozhdoheni me ore te tera ne kuzhine. Per me teper eshte edhe i shendetshme sepse permban vaj ulliri ne vend te gjalpit dhe copa frutash. Provoni ta shoqeroni ne mengjes me nje filxhan kafe ose çaj apo pasdite per disa momente te embla.

Kek me dardha dhe vaj ulliri

Ne kete recete kam perdorur dardha te tipit Abate qe arrijne maksimumin e shijes se tyre nga Gushti deri ne Nentor, por ndihuni te lire te perdorni llojin qe ju pelqen me shume dhe qe gjeni me lehtesisht ne treg.
Ndersa tava ne te cilen e kam gatuar kekun eshte nga linja Delimano Stone Legend CopperLUX e cila eshte perfekte edhe per embelsira perveçse per receta te kripura.

Perberesit per nje tave katrore 27cmX27cm

  • 300gr miell 00
  • 1 pako te vogel pluhur pjekes (me vanilje ose jo)
  • 4 veze, ne temperature ambjenti, te ndara te verdhat nga te bardhat
  • 200gr sheqer te bardhe
  • 2 luge gjelle sheqer kaf
  • 200ml kos me yndyre
  • 6 luge gjelle vaj ulliri
  • 1 limon, lekuren e grire dhe lengun
  • 2 dardha, te qeruara dhe te prera ne kubik 
  • 2 luge gjelle buke te grire (galete)
  • nje maje luge kripe

…per zbukurim

  • disa feta dardha
  • gjethe mente te fresketa
  • pak sheqer te bardhe

Kek me vaj ulliri dhe dardha1

Lagim copezat e dardhave me lengun e limonit ne menyre qe te mos nxihen dhe i leme menjane.

Perziejme ne nje tas miellin e situr me pluhurin pjekes dhe e leme menjane.

Me ndihmen e nje mikseri elektrik, rrahim te bardhat e vezeve me nje maje luge kripe derisa te formohet nje shkume e bardhe qe nuk bie nga ena.

Ne nje tjeter ene, rrahim te verdhat e vezeve me sheqerin e bardhe derisa te perftojme nje krem me ngjyre te verdhe te hapur. Shtojme kosin, vajin e ullirit dhe vazhdojme perzierjen edhe per disa sekonda. Shtojme miellin me pluhurin pjekes, lekuren e limonit dhe me shpejtesi minimale vazhdojme perzierjen. Shtojme se fundi edhe te bardhat e vezeve te rrahura duke i bashkuar me delikatese nga poshte lart me ndihmen e nje spatule ne menyre qe brumi te mos ule vellimin.

Ne fund, shtojme edhe copezat e dardhave, e perziejme mire te gjithe masen dhe e hedhim ne nje forme katrore te lyer me pak vaj ulliri dhe buke te grire. E sperkasim me sheqerin kaf dhe e pjekim ne furre te parangrohur ne 180°C per rreth 40 minuta.

E leme te ftohet plotesisht perpara se ta heqim nga forma. E zbukurojme me feta te holla dardhash, me gjethe mente te fresketa dhe me pak sheqer te bardhe.

Ruajtja: per 3-4 dite ne nje ene te mbyllur hermetikisht.

1 2 74