Garnitura

Çikore e tiganisur me domate të thara

  • Racione: 4 persona
  • Vështirësi: e thjeshtë
  • Shtype
Cikore e tiganisur me domate te thara

Çikorja eshte nje bime e eger me shije paksa te hidhur e cila ka vetine te largoj helmet nga organizmi yne. Nese deri tani e keni konsumuar te zjere me kripe, vaj ulliri dhe limon, ka ardhur koha tju tregoj nje tjeter recete te cilen une e perdor shpesh si garniture te filetove ose kotoletave te pules.

Perberesit

  • 500gr çikore, te lare dhe te pastruar
  • 5 domate te thara, te prera ne shirita te holle
  • 1 thelpi hudher, te grire holle
  • 4 luge vaj ulliri
  • pak spec te kuq djeges
  • kripe

Ziejme çikoren ne uje te bollshem me kripe per 10 minuta. E kullojme  dhe e shtrydhim mire me dore ne menyre qe te eleminojme sa me shume uje te jete e mundur, i cili eshte i hidhur.

Ne nje tigan, kaverdisim ne vaj ulliri hudhren, specin djeges dhe domatet e thara. Shtojme çikoren dhe vazhdojme ta gatuajme per rreth 5 minuta ne zjarr te ulet ne menyre qe shijet te bashkohen me njera tjetren. E rregullojme me kripe dhe e sherbejme te ngrohte.

Advertisements

Tavë me patate, proshutë dhe djathë picash

  • Racione: 6 persona
  • Vështirësi: e thjeshtë
  • Shtype

Nje pjate teper e shijshme, e cila bashkon mrekullisht shijen e patateve te pjekura me ate te proshutes, djathit dhe kremozitetin e salces beshamele. Mund ta pregatisni ne çdo rast: kur keni shume te ftuar per darke, ne drekat e te dielave tuaja apo edhe thjesht per ta shijuar si pjate te vetme ose garniture. Per me teper, konsumohet si e nxehte (kujdes! nuk do ta ruaj formen), ashtu dhe ne temperature ambjenti, prandaj mund ta pregatisni shume perpara kohe.

Perberesit

  • 4-5 patate te medhaja, te qeruara dhe te prera ne feta te holla
  • 250gr djath picash (djathe qe shkrin)
  • 250gr proshute te pjekur ne feta
  • 500ml salce beshamele te pregatitur sipas recetes qe e gjeni ketu
  • 4 luge gjelle djathe kaçkavall te grire
  • 2 luge gjelle gjalp

Marrim nje tave te rrumbullaket e cila do te na nevojitet per te pregatitur receten. E lyejm me gjalp dhe shtojme ne fund te saj 2-3 luge salce beshamele duke e perhapur mire. Shtrojme fetat e patateve te cilat i mbivendosim lehtesisht siper njera tjetres, nje shtrese djath picash, nje shtrese proshute te pjekur, perseri 2-3 luge beshamele dhe vazhdojme ne kete menyre derisa te gjithe perberesit te mbarojne (duhet te formohen 3 shtresa). Ne fund, shtojme beshamelen e mbetur, e sperkasim taven me djathin e grire kaçkavall, me pak gjalp dhe e pjekim ne furre te parangrohur ne 180°C per 45 minuta deri ne 1 ore. E leme te ftohet plotesisht ne temperature ambjenti, e heqim nga forma dhe e sherbejme te vaket te prere ne feta.

Foto nga: https://blog.giallozafferano.it/lacucinadiliberte

Lakra brukseli të pjekura në furrë

  • Racione: 4 persona
  • Vështirësi: e thjeshtë
  • Shtype

Lakrat e brukselit e arrijne maksimumin e shijes se tyre ne vjeshte, atehere kur edhe gjenden me shumice neper supermarkete. Per te qene te sinqerte, jo çdokush e pelqen shijen e tyre paksa te hidhur. Une kam provuar ti gatuaj disa here, dhe kam zbuluar qe sa me pak ereza apo perberes te tjere ti shtohen, aq me te shijshme behen! Receta me poshte eshte elementare, dhe mund te perdoret fare mire si shoqeruese e mishit apo peshkut.

Perberesit

  • 1/2kg lakra brukseli 
  • 2 luge gjelle vaj ulliri
  • kripe te trashe
  • piper te zi te sapobluar

Pastrojme lakrat e brukselit: heqim nje apo dy flete siperfaqesore, presim me majen e nje thike te mprehte fundet e tyre dhe i ndajme ne dy pjese nese jane te vogla, apo ne kater pjese nese jane pak me te medha. I vendosim ne nje tas dhe shtojme vajin e ullirit, kripen dhe piperin duke i perziere mire.

Parangrohim furren ne 220°C. I hedhim lakrat e brukselit ne nje tave te madhe te veshur me leter furre dhe i pjekim per rreth 25 minuta duke i perziere nje apo dy here ne menyre qe te piqen ne menyre uniforme.

I sherbejme te ngrohta.

Foto nga: http://www.delish.com

Purè patatesh

  • Racione: 4 persona
  • Vështirësi: e thjeshtë
  • Shtype
Purèja e patateve eshte receta e pare fare qe une kam gatuar kur kam qene afer 10 vjeçe. Perveç nostalgjise qe me sjell gjithmone gatimi i kesaj pjate elementare, ne shtepine tone eshte shoqeruesja perfekte e çdo lloji mishi, peshku apo pjate vegjetariane (per shembull thjerrezave). Per nje variant me kremoz, mund te zevendosjme qumeshtin me pana kuzhine!

Perberesit

  • 1kg patate me shume niseshte (patate te verdha), te lara shume mire
  • 200-250ml qumesht me yndyre te plote 
  • 2 luge gjelle gjalp
  • 2 luge gjelle djath kaçkavall te grire
  • kripe
  • arre moskate

Ziejme patatet me gjithe lekure ne uje me kripe per 30-35 minuta (varet nga madhesia e tyre). I kullojme dhe me shume kujdes i qerojme sa jane akoma te nxehta. I vendosim ne nje tas dhe i shtypim me nje shtypese patatesh ose nese nuk ju ndodhet, me dhembet e nje piruni.

I rivendosim serisht ne tenxheren ku i zjeme, shtojme qumeshtin, kripen, arren moskate, gjalpin dhe kaçkavallin e grire duke i perziere shume mire.

*Ruajtja: Ne frigorifer per maksimumi 2 dite ne nje tas hermetik.

Foto nga: http://www.paleoplan.com

Sallatë me lakër të bardhë dhe karrota (coleslaw)

  • Racione: 4 persona
  • Vështirësi: shumë e thjeshtë
  • Shtype

Sallaten me laker te bardhe te prere holle dhe karrota, bashkuar me nje salce qe nuk dija ta specifikoja se çfare ishte, e kam provuar disa kohe me pare ne Kroaci. Pas disa kerkimeve, mesova qe faktikisht nuk ishte nje sallate, por nje garniture me origjine irlandeze (e quajtur me emrin origjinal coleslaw). Perveçse me laker te bardhe, kjo sallate mund te pregatitet edhe me laker te kuqe apo duke i shtuar edhe pak qepe te njome te grire holle.
Shkon shume me filetot e pules ne zgare, peshkun, apo edhe mishin e viçit. Por une gjithesesi e preferoj me shume si sallate sesa si garniture.

Perberesit

  • 300gr laker e bardhe, e prere shume holle
  • 1 karrote e madhe, e grire ne rende

…per salcen (dressing)

  • 4 luge gjelle kos
  • 2 luge gjelle majoneze
  • 1 luge çaji uthull vere te bardhe
  • 1 luge çaji hudher gjarpri te freket ose te thate (e gjeni nen emrin erba cipollina, chives etj)
  • 1 luge kafe mustarde
  • kripe
  • piper te zi te sapobluar

 Vendosim lakren e bardhe dhe karroten ne nje tas te madh per sallate dhe i perziejme mire.

Pregatisim salcen: Ne nje kavanoz hedhim te gjithe perberesit e mesiperm, i tundim mire dhe kete salce (dressing) ja hedhim siper lakres dhe karrotes. I perziejme shume mire ne menyre qe e gjithe sallata te vishet ne menyre uniforme me salcen dhe e sherbejme.

Ruajtja: Ne menyre qe sallata te ruaj te gjithe shijen e saj, e bashkojme me salcen vetem disa minuta perpara se ta konsumojme, duke e ruajtur dressing ne kavanoz te mbyllur hermetikisht brenda ne frigorifer.

Kosto per 4 persona: 100 lek

Foto nga: https://newengland.com

Sallatë me patate të vogla dhe arra

Sallate me patate te vogla dhe arra

Provoni ta pregatisni kete sallate te rafinuar per festa te veçanta si shoqeruese te mishit.

Perberesit

  • 800gr patate te vogla te lara shume mire (te paqeruara)
  • 3 luge arra ne copa te vogla
  • 1 qepe e madhe e kuqe, e prere holle
  • 2 kastraveca turshi, te prera holle

… per salcen

  • 2 luge vaj ulliri
  • 2 luge vaj luledielli
  • 1 luge uthull molle
  • 2 luge te vogla mustarde
  • 1 luge e vogel mjalte
  • kripe
  • piper I zi I sapobluar

I pjekim arrat ne nje tigan ne zjarr te ulet derisa te marrin ngjyre te lehte nga te gjitha anet.

Pregatisim salcen: ne nje kavanoz hedhim uthullen, mustarden, vajin e lulediellit, vajin e ullirit, mjaltin, pak kripe dhe pak piper. E tundim mire kavanozin derisa masa e formuar te rezultoje kremoze dhe e leme menjane.

Ziejme patatet e plota ne uje te vluar me kripe per 15-20 minuta derisa te zbuten. I kullojme mire, I qerojme dhe I ndajme ne dy apo kater pjese, ne varesi te madhesise se tyre.

I vendosim patatet ne nje tas te madh qelqi, shtojme qepen e kuqe, kastravecat turshi dhe salcen qe pregatitem me siper. I perziejme shume mire te gjitha bashke dhe I leme te pushojne per te pakten 2 ore ne frigorifer, ne menyre qe shijen te bashkohen.

E sherbejme sallaten me patate te vogla ne temperature ambjenti te sperkatur me arrat e pjekura.

Foto nga: http://www.tiltedskillet.com/

Lakra brukseli me krem pana dhe djath të grirë

  • Racione: 4 persona
  • Vështirësi: e thjeshtë
  • Shtype
lakra brukseli me krem pana

Lakrat e brukselit bejne pjese ne familjen e lakrave, dhe faktikisht ngjajne per nga pamja me nje laker te vogel ne miniature. Ato jane nje burim natyror I vitaminave K dhe B6 si dhe te mineraleve magnez dhe hekur.
Duke qene se kane nje shije pak te veçante, e cila nuk I pelqen kujtdo, eshte mire te gatuhen me perberes qe I shtojne shijen, si mishi I thate I tymosur (pancetta), krem pana, fara pishe, uthull balsamike etj.
Me poshte po ju tregojme nje menyre vertete te vecante e cila do ti pelqeje edhe atyre me te rafinuar ne shije.

Perberesit

  • 500gr lakra brukseli (te fresketa ose te ngrira) te plota nese jane te vogla, apo te ndara pergjysme nese jane me te medha
  • 2 thelpinje hudher te grira holle
  • 200ml krem pana
  • 2 luge gjalp
  • 5 luge djath kaçkavall te grire
  • kripe
  • piper I zi I sapobluar

I pastrojme lakrat e brukselit duke I prere pak fundin dhe duke eleminuar gjethet e siperme te cilat mund te mos jene te fresketa. Kete e dallojme nga ngjyra e tyre qe nuk eshte e gjelber dhe nga ndonje njolle e mundshme.

I ziejme ne uje te vluar per 5 minuta nese jane te ngrira, ose per 3 minuta nese jane te fresketa. I kullojme mire dhe I leme menjane.

Ne nje tigan shkrijme gjalpin ne zjarr mesatar, shtojme hudhren, lakrat e brukselit dhe I gatuajme duke I perziere here pas here, per rreth 5 minuta. Shtojme kremin pana dhe vazhdojme gatimin edhe per pak minuta.

E heqim nga zjarri, shtojme djathin kackavall te grire, kripe, piper te zi te sapobluar dhe e sherbejme.

*Keshille: Per ti shtuar akoma me shume shijen, shtojme edhe rreth 50gr mish te thate te tymosur (pançete ose proshute spek) ne momentin e kaverdisjes se lakrave te brukselit ne gjalp.

Foto nga: http://www.queerinthekitchen.com

Si të gatuajmë orizin Basmati në mënyrë perfekte

  • Racione: 4 persona
  • Vështirësi: e thjeshtë
  • Shtype
oriz basmati

Basmati eshte nje lloj orizi I bardhe qe rritet ne Indi dhe Pakistan, me kokrra te stergjatura, delikat ne shije dhe me arome te kendshme . Emri I tij ne gjuhen Hinduishte perkthehet pikerisht “mbreteresha e shijes”. Versioni me I shtrenjte I ketij orizi eshte “Dehra Dun”, I cili kultivohet ne rreze te malit te Himalajes.

Orizi qe gjejme me se shumti ne tregun tone, e ka kokrren me te plote dhe per kete arsye kerkon nje kohe gatimi me te zgjatur.
Orizi basmati perdoret per te shoqeruar pjatat e dyta si per shembull pulen me salce kerri, filetot e pules ne zgare, mishin e vicit me pak leng, apo edhe thjesht i bardhe me pak gjalp e djath te grire.

Por, si ta gatuajme kete oriz ne menyren me te mire, qe te mos behet si qull dhe kokrrat te mos ngjiten me njera tjetrin?

  1. Kontrollojme orizin nga papastertite (mund te kete ndonje guricke te vogel, insekt, gjethe etj) dhe e masim duke e hedhur ne nje gote. Zakonisht nje gote uji oriz eshte I mjaftueshem per 4 persona, nese e perdorim si garniture, apo per 2 persona, nese e perdorim si pjate kryesore.
  2. E hedhim ne nje ene te madhe dhe e lajme nen uje te ftohte te rrjedhshem disa here derisa uji te rezultoje pothuajse transparent. Kjo ndihmon qe te eleminohet sa me shume niseshteja qe ndodhet ne siperfaqen e kokrrave.
  3. E leme te zbutet te mbuluar me uje te ftohte per te pakten 20 minuta (por edhe me shume). Ky hap eshte mjaft I rendesishem, pasi ben qe kokrrat e orizit te thithin uje dhe te mos copetohet e ngjiten gjate zierjes. Gjithashtu zvogelojne ndjeshem edhe kohen e gatimit.
  4. E vendosim orizin ne nje kulluese deri ne momentin qe do ta gatuajme (per te pakten 10 minuta).

GATIMI

Ne nje tenxhere hedhim 1 gote e gjysme uje, per 1 gote oriz, shtojme kripen dhe sapo uji te filloje te zieje shtojme orizin duke e perziere vetem nje here. Sapo orizi te marre vale, ulim zjarrin dhe vazhdojme gatimin derisa uji te shterroj plotesisht dhe te jene formuar ato vrimat tipike.

E heqim nga zjarri, shtojme copezat e gjalpit (ose vajin e ullirit), dhe pa e perziere I vendosim kapakun duke e lene keshtu te “gatuhet” me avullin e tij edhe per te pakten 10 minuta (apo derisa ta sherbejme).

Ne momentin e servirjes, I ndajme kokrrat nga njera tjetra me ndihmen e nje piruni dhe e vendosim ne pjate.

Sasia e ujit varet nga lloji I orizit : raporti mund te jete 1:1, 1:1.5 apo 1:2. Kete mund ta kuptoni vetem me kalimin e kohes!

Foto nga: https://dreamvacationsindia.wordpress.com

Patate te mbushura

Patate te mbushuraPatatet e mbushura kane formen e barkave te vogla te mbushura sipas deshires me lloje te ndryshme djathi, proshute, perimesh etj. Ato perbejne nje garniture jo vetem te shijshme, por edhe te bukur ne pamje, e cila do ti lere pa fjale miqte tuaj!
Perberesit

  • 4 patate mesatare
  • 100gr djath qe shkrin: emental, çedar etj + per sperkatje
  • 100gr proshute te pjekur (ose çdo lloj proshute qe preferoni)
  • pak majdanoz
  • kripe
  • piper te zi te sapobluar

Lajme shume mire patatet, pasi ne kete recete do te gatuhen bashke me lekuren e tyre. I vendosim ne nje tave te shtruar me leter furre dhe i pjekim ne furre te parangrohur ne 200°C per rreth 1 ore, apo derisa lekura te rezultoje krokante. I leme te ftohen plotesisht ne temperature ambjenti (kete proçedure mund ta kryejme deri ne 2 dite para pregatitjes perfundimtare te recetes).

Pregatisim mbushjen e patateve duke i prere fillimisht patatet pergjysme horizontalisht. Me ndihmen e nje luge te vogel, heqim me kujdes zemren e tyre duke i dhene formen e barkes, pra lekura duhet te jete e paprekur.

E vendosim tulin e patateve ne nje tas, e shtypim me dhembet e nje piruni dhe shtojme djathin e proshuten ne kubik te vegjel, pak kripe, pak piper dhe majdanozin e grire holle.

Duke perdorur nje luge te vogel, i mbushim serisht patatet me perberjen e formuar, i sperkasim me pak djath te grire dhe i pjekim ne pjesen e siperme te furres ne 200°C te per max 15 minuta, apo derisa djathi te shkrije dhe patatet te kene marre ngjyre te arte ne siperfaqe.

I sherbejme te shoqeruara me salce kosi ose salce Aioli.

Variantet per mbushje mund te jene:

-rreth 200gr perime te pjekura

– djath+100gr miser te ziere+100gr copeza specash shumengjyreshe

1 2 5