Franceze

Tartë tatin me kungulleshka dhe domate

Tarta tatin, tradicionalisht i referohet nje lloj torte me molle ku keto te fundit bashkohen me sheqerin e gjalpin dhe korja e tortes ndodhet ne siperfaqe te saj, e jo poshte si zakonisht. Per kete arsye, tarta tatin duhet kthyer permbyse direkt pas pjekjes. Por versionet tashme jane nga me te ndryshmet, dhe ne pikerisht po ju paraqesim nje te tille te kripur, mjaft te vecante si nga pamja ashtu dhe nga shija!
Perberesit

  • 1 pete sfoljate e rrumbullaket me diameter 26-28cm
  • 2 kungulleshka
  • 3-4 lule kungulleshke (fakultative)
  • 2 domate te rrumbullakta
  • 2 luge sheqer
  • 4 luge uthull vere te bardhe
  • 4 luge vaj ulliri
  • kripe
  • piper

Pastrojme kungulleshkat dhe domatet dhe i presim ne feta te pjerreta me trashesi rreth 5mm.

Ne nje tigan, shkrijme 1 luge sheqer me 2 luge uthull vere te bardhe, shtojme ne fillim kungulleshkat dhe i leme te karamelizohen per pak minuta. I heqim dhe i leme menjane. Te njejten gje bejme edhe me fetat e domateve duke perdorur sheqerin dhe uthullen e mbetur.

Lyejme me 2 luge vaj ulliri nje forme te rrumbullaket tortash me diameter rreth 24cm. Vendosim njera pas tjetres fetat e kungulleshkave dhe domateve te karamelizuara, i rregullojme me kripe, piper dhe i mbulojme me peten sfoljate te rrumbullaket duke futur anet e petes brenda formes .

E pjekim tarten ne furre te prangrohur ne 200°C per rreth 25 minuta derisa peta sfoljate te kete marre ngjyre te arte. E nxjerrim nga furra, e leme per rreth 5 minuta ne temperature ambjenti dhe me pas e kthejme ne nje pjate te ceket. E zbukurojme me lulet e kungulleshkave te pastruara dhe te skuqura ne vajin e ullirit te mbetur

Torta Kish Loren (Quiche Lorraine)

  • Racione: 6 persona
  • Vështirësi: e thjeshtë
  • Shtype

Torta kish loren

Torta Kish Loren, eshte nje recete tipike tradicionale Franceze e njohur ne te gjthe boten per thjeshtesine e pregatitjes se saj, dhe per shijen karakteristike. Nese nuk ju pelqen pançeta, mund ta zevendesoni me proshute te pjekur, apo edhe me perime ne kubik.

Perberesit

…per brumin e shkrifet

  • 250gr miell 00
  • 125gr gjalp te ftohte nga frigoriferi
  • 1 veze
  • pak kripe

…per mbushjen

  • 200gr pançete ne kubik
  • 200ml pana per kuzhine
  • 4 veze
  • 30gr gjalp
  • 1 luge plote miell
  • pak arre moskate
  • kripe
  • piper

Pregatisim si fillim brumin e shkrifet duke vendosur miellin, pak kripe dhe gjalpin e sapo nxjerre nga frigorifere (pra akoma te ftohte), ne nje mikser per “t’i grire” te gjithe perberesit bashke derisa te copetohen imtesishte.

Masen e mesiperme e vendosim ne tavolinen e punes, hapim nje grope ne mes ne te cilen hedhim vezen,  dhe i bashkojme te gjitha shpejt derisa te perftojme nje brum kompakt dhe mjaftueshmerisht elastik. Formojme me brumin nje top te madh, e mbulojme me leter transparente dhe e vendosim ne frigorifere per te pakten gjysme ore.

Pregatisim mbushjen duke kaverdisur ne gjalp pançeten e prere ne kubik derisa te marre ngjyre te arte.

Ne nje tas te madh, bashkojme vezet, panen per kuzhine dhe i japim shije kremit me pak kripe, piper dhe arre moskate.

Nxjerrim brumin nga frigoriferi, e hapim me kujdes ne tavolinen e punes te veshur me leter furre dhe e shtrojme ne nje tave me diameter 24-26cm. E çpojme ne te gjithe siperfaqen e saj me dhembet e nje piruni dhe kthejme anet nga brenda. Shtojme mbi te pançeten e kaverdisur, me pas kremin me pana kuzhine dhe e nivelojme mire.

E pjekim ne furre te parangrohur ne 180°C per rreth 30 minuta, e nxjerrim nga furra dhe e sherbejme te ngrohte apo ne temperature ambjenti te prere ne feta.

Klafuti' (Clafoutis) me qershi

  • Racione: 6 persona
  • Vështirësi: e thjeshtë
  • Shtype

Klafuti' me qershiKlafuti’ me qershi, eshte nje embelsire tipike franceze e cila rekomandohet te konsumohet e ngrohte per mengjes apo per zemer. Sipas tradites, ky gatim, tipik i zones se Limousin ne France, pregatitej me qershi te cilat nuk u ishte hequr berthama, pasi mendohej se ne kete menyre ruanin formen e tyre dhe i jepnin akoma me shume shije Klafuti’-se. Ju mund te ruani kete tradite, por nuk eshte aspak komode, sidomos per femijet tuaj.

Perberesit

  • 400-500gr qershi te embla
  • 180ml qumesht me yndyre te plote 3.5%
  • 65gr miell
  • 60gr sheqer (mund ta rrisni sasine deri ne 100gr nese e doni me te embel)
  • 2 veze te medha
  • 2 luge gjalp + per te lyer taven
  • 1 pako te vogel vanilje
  • sheqer pluhur per sperkatje
  • pak kripe

Lajme si fillim qershite nen uje te rrjedhshem, i thajme me nje pecete te paster dhe i heqim me kujdes berthamat.

Ne nje tigan, shkrijme nje luge gjalp dhe kaverdisim per 1-2 minuta ne zjarr te ulet qershite derisa te avulloje i gjithe lengu qe mund te kene leshuar. I sperkasim me 1 luge sheqer dhe vazhdojme kaverdisjen edhe per 1 minute tjeter duke i perziere gjate te gjithe kohes.

Lyejme nje tave me gjalp, e sperkasim me pak sheqer dhe hedhim qershite e kaverdisura nderkohe qe vazhdojme me pregatitjen e brumit.

Rrahim ne nje ene vezet me sheqerin derisa perberja te fryhet dhe te marre ngjyre te hapur. Shtojme vaniljen, miellin, qumeshtin, 1 luge gjalp te shkrire dhe pak kripe duke i perziere te gjitha shume mire me ndihmen e nje mikseri elektrik per rreth 1 minute. E hedhim brumin ne taven ku kemi vendosur qershite dhe e pjekim ne furre te parangrohur ne 200°C per 40-45 minuta, apo derisa siperfaqa te kete marre ngjyre te arte.

E nxjerrim embelsiren nga furra, e sperkasim me pak sheqer pluhur dhe e sherbejme te ngrohte. Mund ta shoqerojme gjithashtu me pak pana te rrahur per embelsira, akullore me vanilje apo pak kos grek me sheqer.

E ruajme ne frigorifer per maksimumi 3 dite.

*Keshille: Nese embelsiren nuk do t’ia servirni femijeve, mund ti shtoni brumit edhe 2 luge konjak, rum apo liker qershie. Gjithashtu mund te zevendesoni gjysmen e qumeshtit me pana te lengshme per embelsira; ne kete rast embelsira do te rezultoje me kalorike

Trungu i Krishtlindjes (Bûche de Noël)

Trungu i Krishtlindjes, eshte nje embelsire tipike Franceze e cila pregatitet ne prag Krishtlindjes dhe ka nje histori mjaft interesante: ne vendet e Europes Veriore, pjesa me e gjere e trungut te pemes, pritej nga druvaret dhe ruhej per daten 25 Dhjetor, ku me kete trung ngrohej e gjithe familja, dhe simbolikisht edhe foshnja Jezus.

Perberesit
…per pandispanjen

  • 4 veze
  • 80gr sheqer
  • 80gr miell
  • nje maje luge sode buke
  • pak vanilje

…per kremin me cokollate

  • 250ml krem pasticerie
  • 50gr cokollate te shkrire ne banjomari

…per kremin per ta mbuluar

  • 200gr gjalp pa kripe ne temperature ambjenti
  • 150gr sheqer pluhur
  • 2 luge kakao pluhur
  • 2 luge te vogla kafe qe shkrihet (psh Neskafè)

Rrahim te verdhat e vezeve me sheqerin derisa te formohet nje mase e fryre dhe me ngjyre te hapur. Shtojme miellin, pak sode buke, vaniljen dhe vazhdojme rrahjen edhe per disa minuta.

Ne nje tjeter tas, rrahim te bardhat e vezeve me pak kripe derisa kremi te mos bjere nga ena. Kete mase ja shtojme te verdhave te vezeve qe pregatitem me siper duke i perziere me kujdes nga poshte lart ne menyre qe brumi te mos humbasi volumin e tij.

Shtrojme me leter furre nje tave drejtkendeshe dhe hedhim ne te brumin e perftuar duke e niveluar me ndihmen e nje spatule kuzhine. E pjekim ne furre te parangrohur ne 180°C per rreth 10 minuta. Sapo pandispanja te jete pjekur, e nxjerrim nga furra dhe e permbysim ne nje leter furre te paster te cilen e kemi vendosur ne tavolinen e punes. E mbulojme me nje tjeter leter furre dhe e rrotullojme ne forme rolèje sa eshte akoma e nxehte. Nderkohe qe pandispanja ftohet, pregatisim 250gr krem pasticerie me çokollate sipas recetes qe do ta gjeni ketu. I vetmi ndryshim eshte se ne fund do te shtojme edhe 50gr cokollate te shkrire ne banjomari.

Kur pandispanja te jete ftohur, e çrrotullojme dhe e lyejme me kremin e pasticerise me cokollate duke lene pak hapesire tek te katert anet. E rrotullojme me delikates, presim dy ekstremitetet ne forme diagonale dhe pregatisim kremin e gjalpit me cokollate per ta lyer ne siperfaqe:

Rrahim gjalpin ne temperature ambjenti me sheqerin pluhur derisa te perftojme nje perberje kremoze. Shtojme kakaon, kafen dhe vazhdojme rrahjen edhe per pak minuta derisa perberesit te homogjenizohen ndermjet tyre. Me kete krem, lyejme siperfaqen e trungut me pandispanje, ngjisim ekstremitetet e prera sikur te ishin deget e trungut dhe i lyejme edhe ato me krem. Me dhembet e nje piruni, formojme vija si ne foto, ne menyre qe pamja ti afrohet sa me shume trungut real. E vendosim ne frigorifer per rreth 1 ore perpara se ta servirim. Siperfaqen mund ta sperkasim sipas deshires me pak sheqer pluhur, apo e dekorojme duke perdorur kremin e gjalpit te mbetur.

Krepa në furrë me rikota dhe proshutë

Kjo eshte nje pjate e pare (ose e dyte nese doni te shtoni sasine) shume e veçante dhe e shijshme, e cila pergjithsisht i pelqen si te rriturve ashtu dhe femijeve per shkak te shijes delikate qe ka. Per pregatitjen dhe pjekjen duhen rreth 1 ore, por ja vlen nese keni miq per darke dhe doni ti habisni me gatimet tuaja.

Perberesit

  • 12 krepa te vegjel te pregatitur sipas recetes qe e gjeni ketu
  • 500ml salce beshamele te pregatitur sipas recetes qe e gjeni ketu
  • 500gr gjize pa kripe (rikota)
  • 150gr proshute te pjekur
  • 100gr djath parmixhano rexhano te grire (ose djath tjeter kackavall)
  • 2 veze
  • gjalp
  • pak arre moskate
  • kripe
  • piper te bardhe

Pregatisim si fillim krepat sipas recetes qe e gjeni ketu, dhe i leme ne nje ane.

Per mbushjen, bashkojme ne nje ene rikoten te cilen e punojme me nje pirun, vezet, proshuten e prere shume holle, gjysmen e djathit parmixhano, pak kripe, pak piper dhe pak arre moskate.

Pregatisim edhe salcen beshamele sipas recetes qe e gjeni ketu, e cila ne fund duhet te rezultoje pak e holle.

Mbushim krepat me nje luge plote nga salca e formuar me siper, i palosim dhe i vendosim njeri pas tjetrit duke i mbivendosur pak ne nje tave te shtruar me leter furre. Siper i hedhim salcen beshamele dhe i pjekim ne furre te parangrohur ne 180°C per rreth 20 minuta, apo derisa ne siperfaqe te jete krijuar nje kore e arte.

I leme te ftohen rreth 15 minuta jashte furres (ne menyre qe mbushja te mpikset) dhe i sherbejme te ngrohta.

Si të pregatisim Vol au vent

Vol au vent jane shporteza te vogla brumi sfoljat te cilat sherbehen vecanerisht ne raste festash, ditelindjesh apo raste te tjera te vecanta pasi sjellin ne tryeze te gjithe thjeshtesine dhe shijen e tyre. Ne brendesi mund te mbushen me cdo perberes qe ju vjen nder mend, duke filluar nga filadelfia me proshute te pjekur e deri tek gjalpi i kripur me salmon te tymosur… por gjithashtu edhe me krem pasticerie dhe fruta te fresketa. Realizimi i tyre nuk eshte aspak i veshtire;

  • mjafton vetem nje pete sfoljat, pakez qumesht dhe 10 minuta kohe.

Te shohim me poshte sesi pregatiten:

Hapim brumin sfoljat ne tavolinen e punes dhe nxjerrim nga ai 12 rrathe me dimater rreth 7cm (mund te perdorim nje gote ose forme te rrumbullaket te posacme). Vendosim 4 prej tyre ne nje tave te shtruar me leter furre duke i çpuar 3-4 here me dhembet e nje piruni; kjo behet per te evituar fryrjen gjate pjekjes. Nga 8 rrathet e tjere qe na kane mbetur, nxjerrim serisht 8 rrathe me te vegjel duke perdorur nje forme te rrumbullaket me te vogel se e para. Nga keto do te perdorim vetem unazen qe formohet dhe jo diskun qendror. I lyejme me pak qumesht dhe vendosim dy nga unazat mbi rrathet me te medhenje qe kemi shtruar ne tave duke “i ngjitur” me qumesht. I pjekim ne furre te parangrohur ne 200°C per rreth 15 minuta apo derisa te jene fryre dhe te kene marre ngjyre te arte ne siperfaqe. I leme te ftohen plotesisht ne temperature ambjenti dhe i mbushim sipas deshires.

*Keshille: Pjeset e mbetura te brumit sfoljat i presim ne forma te vogla, i pjekim dhe dekorojme vol au vent tashme te mbushura.

Lepur alla franceze

Lepuri eshte nje nga kafshet me mish me te shijshem dhe me te lehte, prandaj mund te gatuhet ne shume menyra. Me poshte po iu propozojme menyren “franceze” te gatimit te tij, e cila sigurisht qe do t’u pelqeje edhe femijeve.

Perberesit

  • 1 lepur te plote
  • 1/2 limoni
  • 1 gote vere te bardhe
  • 1/2 gote vaj ulliri
  • 3-4 gjethe dafine
  • 1 thelpi hudher
  • kripe
  • piper

E presim lepurin ne copa afersisht te te njejtes madhesi ne menyre qe te gatuhet uniforme. E vendosim ne nje tenxhere te thelle dhe te gjere qe te permbaj te gjitha copezat pa i vene njera siper tjetres, i mbulojme me veren e bardhe, vajin e ullirit, lengun e gjysme limonit dhe lekuren e tij, gjethet e dafines, hudhren e shtypur dhe pak kripe e piper. E leme ne kete menyre te marinohet me kapak te mbyllur per minimumi 2 ore.

Pasi ka kaluar kjo kohe, e vendosim lepurin per tu gatuar ne zjarr mesatar per rreth 1 ore duke shtuar pak uje apo leng mishi ne menyre qe te mos digjet. Duhet te kemi parasysh qe ne fund lepuri duhet ta kete thithur te gjithe ujin dhe lekura e tij duhet te rezultoje paksa krokante, gje te cilen e realizojme duke e kthyer shpesh nga njera ane dhe nga tjetra.

Perpara se ta sherbejme ne pjate, heqim hudhren, gjethet e dafines dhe lekuren e limonit dhe e servirim shoqeruar me purè patatesh apo patate ne furre.

Kroasant me brumë sfoljat

Kroasantet jane embelsira tipike te kuzhines franceze, por tashme te njohura ne te gjithe boten, te cilat konsumohen vecanerisht ne mengjes bashke me nje kapucino te ngrohte. Mbushja mund te jete nga me te ndryshmet, qe nga marmalatat e bera ne shtepi, nutela, krem pasticerie etj. Per realizimin e tyre, brumi sfoljat mund te pregatitet ne shtepi sipas recetes qe do ta gjeni ketu, por mund edhe te blihet i gatshem, gje e cila do t’iu shkurtoj shume kohe.
Perberesit per 6-8 kroasant

Me brumin sfoljat te formuar, hapim nje pete ne forme drejtkendeshi me gjeresi rreth 20cm. Nese perdorim brumin sfoljat te gatshem (te ngrire), duhet ta nxjerrim nga akulli nje nate perpara ne menyre qe te nesermen te kete arritur ne temperature ambjenti.

Me majen e nje thike presim trekendesha me baze rreth 15cm, i terheqim pak me gishta te tre majat e tij dhe vendosim ne mes nje luge mbushje. I mbyllim duke i rrotulluar si ne figure, pra fillojme nga baza te cilen mundohemi ta rrotullojme rreth kroasantit ne menyre qe gjate pjekjes mbushja te mos dal jashte, ndersa anet i perkulim pak nga brenda.

Patè mëlçie pule me marsala

Patè melcie pule me marasala

Patè-ja e melcise eshte nje pjate delikate dhe shume e vjeter e kuzhines se famshme franceze. Ne France quhet patè de foie gras (patè me melci te dhjamur) dhe pregatitet kryesisht me melcine e pates apo te roses, duke i ushqyer keto te fundit ne menyre shume te bollshme me miser derisa melcia e tyre “rritet” disa here mbi normalen.
Por duke qene se ky organ i brendshem i ketyre shpendeve eshte i veshtire per t’u gjendur, por mbi te gjitha i kushtueshme, pjaten e sotme do ta pregatisim me melcine e pules. Mos u shqetesoni nese edhe ju beni pjese tek ata persona qe nuk pelqejne te brendshmet e shpendeve apo te kafsheve; ne momentin qe pregatitet shija e saj nuk perafron fare me melcine… eshte totalisht nje gje tjeter!

Perberesit per 4-6 persona

  • 300gr melçi pule
  • 1/2 qepe
  • 100gr gjalp
  • 3 luge pana
  • 3 luge marsala (lloj vere e embel)
  • 3 luge konjak
  • 1 gjethe dafine
  • 1 dege rozmarine
  • 1 gjethe sherebele
  • kripe
  • piper te zi

Pastrojme melcite e pules, i lajme nen uje te rrjedhshem dhe i fshijme me kujdes.

Ne nje tigan kaverdisim me 1/3 e gjalpit qepen e prere holle dhe erezat per pak minuta. Shtojme melcite e pules qe i kemi ndare ne copeza te vogla derisa te marrin ngjyre nga te gjitha anet duke i perziere here pas here me nje luge druri. E lagim te gjithe perberjen me marsala dhe konjak te cilat i leme te avullojne ne zjarr te forte.