Italiane

Djathë tomino i mbështjellë me proshutë spek

  • Racione: 4 persona
  • Vështirësi: shumë e thjeshtë
  • Shtype
Djathe tomino i mbeshtjelle me proshute spek

Tomino, eshte nje lloj djathi tipik Piemontez i pergatitur me qumeshtin e lopes. Karakteristike e tij eshte butesia qe ka ne brendesi dhe korja pak me e forte ne siperfaqe. Maksimumin e shijes e merr kur mbeshtillet me feta proshute nga te gjitha anet dhe me pas piqet ne tigan pa yndyre: ne kete menyre zemra e tij shkrin duke na dhene nje shije mjaft delikate.

Perberesit

  • 4 djathe tomino
  • 100gr proshute spek (rreth 16 feta)
  • gjethe sherebele te fresket, per zbukurim

Mbeshtjellim secilin djathe tomino me nga kater feta proshute spek te cilat i vendosim dy ne drejtimin vertikal dhe dy ne ate horizontal.

Nxehim shume mire nje tigan qe nuk ngjit dhe pjekim djathin e mbeshtjelle me proshute nga te dyja anet ne zjarr te ulet: ne kete menyre siperfaqa do te rezultoje krokante dhe zemra e bute.

E sherbejme te zbukuruar me ndonje gjethet sherebele te fresket.

Advertisements

Makarona me domate të freskët dhe borzilok

  • Racione: 4 persona
  • Vështirësi: shumë e thjeshtë
  • Shtype

Makarona me domate te fresket dhe borzilok

Kjo eshte nje nga pjatat simbol te kuzhines italiane! Mund te gozhdoheni gjithe diten ne kuzhine per te pergatitur recetat me te rafinuara, sofistikuara, me perberesit me te shtrenjte, por asgje… ASGJE nuk krahasohet me shijen e makaronave me domate te fresket te bahçes me borzilokun e sapokeputur. Aciditeti i domateve bashkohet mrekullisht me freskine e borzilokut!

Perberesit

  • 350gr makarona te gjata (une kam perdorur makarona me veze te tipit Papardelle)
  • 5 domate mesatare te pjekura mire, te kaluara ne mikser
  • 10 gjethe borzilok te fresket
  • 1 thelpi hudher, te grire holle
  • vaj ulliri ekstra te virgjer
  • kripe
  • nje maje luge sheqer
  • djathe kaçkavall te grire

Makarona me domate te fresket dhe borzilok1

Pergatisim fillimisht salcen me domate te fresketa: ne nje tigan kaverdisim ne vaj ulliri ekstra te virgjer hudhren e grire holle, shtojme purène e domateve, e rregullojme me pak kripe, nje maje luge sheqer, i vendosim kapakun dhe e leme ne zjarr shume te ulet te gatuhet derisa salca te trashet, per rreth 30 minuta.
Shtojme gjethet e borzilokut te copetuara me dore dhe e leme salcen menjane.

Ziejme makaronat ne uje me kripe per egzaktesisht kohen e treguar ne konfeksion, i kullojme dhe i hedhim ne tiganin ku kemi pergatitur salcen. I perziejme mire dhe i sherbejme neper pjata duke i dhene shije me pak djathe kaçkavalle te grire dhe zbukuruar me ndonje gjethe borzilok te fresket.

Ravioli të mbushur me gjizë dhe spinaq

  • Racione: 6 persona
  • Vështirësi: e vështirë
  • Shtype
Ravioli me rikota dhe spinaq1
Makaronat e fresketa te pergatitura ne shtepi, jane nje nga ato gatime qe veshtire mos ti pelqejne te gjitheve. Dhe nese jane te mbushura, akoma me mire! Heren e kaluar i pergatita me kungull dimerak (receten e se cilave e gjeni ketu). Kesaj here vendosa te provoje nje kombinim me klasik dhe me shije me delikate, siç eshte ai i gjizes pa kripe (rikota) dhe spinaqit. Me pas i kalove ne tigan me gjalp te aromatizuar me sherebele te fresket, i sperkata me pak djathe parmixhano te grire, dhe nuk di tju them sesa komplimente mora!

Perberesit

…per makaronat

  • 200gr miell 00
  • 100gr miell me krunde (miell i trashe)
  • 3 veze, ne temperature ambjenti

…per mbushjen

  • 300gr gjize pa kripe
  • 400gr spinaq te fresket, te grire shume holle
  • 6 luge djathe kaçkavall te grire (receta origjinale kerkon perdorimin e djathit parmixhano)
  • 1 veze
  • kripe
  • piper te zi te sapobluar

…per ti dhene shije

  • 2 luge gjelle gjalp
  • 5-6 gjethe sherebele te fresket
  • djathe parmixhano, te grire

Ravioli me rikota dhe spinaq

Per te pergatitur raviolit me gjize dhe spinaq, fillimisht pergatisim brumin me veze: ne tavolinen e punes ose ne nje tas te madh hedhim 2 llojet e miellit te situr, i hapim nje grope ne mes dhe shtojme vezet lehtesisht te rrahura me pirun. E punojme brumin fillimisht me gishta duke bashkuar avash avash vezet me miellin qe gjendet rreth e qark derisa te formohet nje top brumi te cilin e punojme ne tavolinen e lyer me miell per te pakten 10 minuta derisa te rezultoje elastik. Ne rast se brumi rezulton pak i forte, shtojme 2 apo 3 luge uje te ngrohte, apo ne rast se rezulton pak i bute, shtojme edhe pak miell. E mbeshtjellim brumin me leter transparente dhe e leme te pushoje per 1 ore ne frigorifer.

Nderkohe pergatisim mbushjen: kaverdisim ne pak vaj ulliri spinaqin e pastruar dhe te grire holle, i vendosim kapakun dhe e leme derisa te avulloje i gjithe uji. E transferojme ne nje tas ne te cilin shtojme edhe rikoten, djathin kaçkavall te grire, vezen, pak kripe e piper te zi duke i perziere mire. E hedhim mbushjen ne nje qese pastiçerie dhe e leme menjane.

Kur brumi te jete gati, e ndajme ne dy pjese te barabarta dhe pjesen qe nuk e perdorim e mbeshtjellim serisht me leter transparente. Kjo per shkak se ne kontakt me ajrin, brumi thahet dhe formon nje kore te holle e cila e prish lemueshmerine qe duhet te kene makaronat.
E vendosim gjysmen e brumit ne tavolinen e punes te lyer me miell krundesh dhe e hapim ne fillim me pellemben e dores, me pas me okllai te lyer me pak miell ne menyre qe te mos ngjise.

Me ndihmen e nje thike me maje te mprehte, e presim brumin ne drejtekendesha pak a shume me permasa 6cmx3cm. Vendosim nje luge te vogel mbushje me gjize dhe spinaq ne mes, i lyejme anet me uje dhe e palosim raviolin duke i shtypur mire anet ne menyre qe te eleminojme ajrin ne brendesi dhe mbushja te mos dal gjate gatimit. I japim forme raviolit duke perdorur nje rrote te dhembezuar per makarona (ose nje thike te mprehte). Me nje pjese brume duhet te dalin 8-10 ravioli. Procedojme ne te njejten menyre edhe me pjesen tjeter te brumit

Nderkohe, ne nje tigan shkrijme gjalpin ne zjarr te ulet dhe skuqim per 3-4 minuta gjethet e sherebeles.

Pasi te kemi pergatitur te gjithe raviolit, i ziejme ne uje te bollshem me kripe per 4 minuta, i kullojme mire dhe i vendosim neper pjata. Siper i sperkasim me gjalpin e aromatizuar me sherebele dhe pak djathe kackavall te grire. I sherbejme menjehere zbukuruar me ndonje gjethe sherebele.

Ruajtja: ne akull per 1 muaj.

Makarona me fileto pule, patëllxhan dhe domate qershizë

  • Racione: 4 persona
  • Vështirësi: e thjeshtë
  • Shtype
Makarona me fileto pule, patellxhan dhe domate qershize

Makaronat me fileto pule, patellxhan dhe domate qershize, jane nje pjate e pare e shkelqyer, me nje shije fantastike dhe mbi te gjitha shume te thjeshta per tu pergatitur. Mund ti gatuani ne vetem 20 minuta… jeni gati?

Makarona me fileto pule, patellxhan dhe domate qershize1

Perberesit

  • 320gr makarona te gjata
  • 1 patellxhan te madh, te prere ne kubik
  • 1 fileto pule (rreth 200gr), te prere ne kubik
  • 20 domate qershize, te ndara pergjysme
  • 1 dore gjethe borziloku te fresketa, te prera holle
  • pak hudher te thare pluhur
  • kripe
  • piper te zi te sapobluar
  • vaj ulliri ekstra te virgjer
  • disa feta djathe mocarela (sipas deshires)

Ziejme makaronat ne uje me kripe per egzaktesisht kohen e treguar ne konfeksion nderkohe qe pergatisim salcen.

Ne nje tigan te vogel, kaverdisim kubiket e patellxhaneve ne vaj ulliri ekstra te virgjer derisa te marrin ngjyre nga te gjitha anet. I rregullojme me kripe dhe pak hudher te thare pluhur dhe i leme menjane.

Ne nje tjeter tigan, kaverdisim fileton e pules ne vaj ulliri derisa te kete marre ngjyre te arte. Shtojme domatet qershize, borzilokun, kripe, piper te zi te sapobluar, pak hudher te thate dhe ne fund patellxhanet e skuqur. Hedhim ne te makaronat e ziera dhe te kulluara dhe i perziejme per disa minuta derisa te marrin shije.

I sherbejme ne pjate te zbukuruar me ndonje gjethe borziloku dhe feta djathe mocarela.

 

 

Tortë Kapreze

  • Racione: 8 persona
  • Vështirësi: e thjeshtë
  • Shtype
torte kapreze

Torta kaprese eshte nje embelsire me baze çokollaten e zeze dhe bajamet. Kombinimi i ketyre dy perberesve te shijshem e ben ideale per tu konsumuar per zemer apo mengjes. Mund ta ktheni edhe ne nje torte ditelindje thjesht duke i shtuar kremin tuaj te preferuar ne siperfaqe.
Nje tjeter e veçante e kesaj torte eshte qe nuk permban miell, gje qe e ben ideale per personat intolerant ndaj glutenit.
Receta me poshte eshte e shefit te famshem te pastiçerise Salvatore De Riso.

Perberesit per nje tave me diameter 24cm

  • 175gr sheqer
  • 175gr gjalp ne temperature ambjenti
  • 175gr çokollate te zeze me min.50% kakao, te grire
  • 75gr bajame, te reduktuar ne miell
  • 5 veze ne temperature ambjenti, te ndara te bardhat nga te verdhat
  • 30gr kakao e hidhur
  • 60gr niseshte patatesh
  • 1 pako e vogel pluhur pjekes
  • pak kripe
  • sheqer pluhur per sperkatje

Bashkojme ne nje ene therrimet e çokollates me niseshten, kakaon dhe pluhurin pjekes.

Rrahim gjalpin me sheqerin derisa masa te behet kremoze, shtojme nje nga nje te verdhat e vezeve duke i perziere shume mire. Shtojme çokollaten, niseshten, kakaon, pluhurin pjekes duke i perziere me ndihmen e nje spatule.

Ne nje tjeter ene rrahim te bardhat e vezeve me pak kripe derisa te perftojme nje krem kompakt. Shtojme me kujdes te bardhat e vezeve tek masa e mesiperme duke e perziere me delikatese nga poshte lart ne menyre qe brumi te mos e ule vellimin e tij. Ne fund shtojme edhe miellin e bajameve dhe e perziejme nje here te fundit.

Lyejme me gjalp dhe niseshte patatesh nje tave te rrumbullaket dhe hedhim ne te brumin duke e niveluar mire. E pjekim ne furre te parangrohur ne 170°C per 45 minuta. E nxjerrim menjehere torten nga forma dhe e leme te ftohtet plotesisht permbys ne temperature ambjenti. E zbukurojme me pak sheqer pluhur perpara se ta sherbejme te prere ne feta.

Foto nga: https://www.cucchiaio.it

Njoki patatesh me spinaq, pana dhe proshutë

  • Racione: 4 persona
  • Vështirësi: e thjeshtë
  • Shtype
gnocchi-653x436

Njokit me patate, spinaq, pana dhe proshute, jane nje nga ato pjatat e shpejta te cilat gatuhen kur nuk ke shume nerva te gozhdohesh ne kuzhine, por ne te njejten kohe deshiron diçka tejet te shijshme… per te lepire gishtat le te themi…
Sigurisht qe shija e njokit te bere ne shtepi me ato te blera ne supermarket jane vite drite larg, por ndryshe nuk do te quhej nje pjate e shpejte apo jo?
Gjithesesi nese doni ti pregatisni vet, receten e gjeni ketu.

Perberesit

  • 1 pako njoki te gatshem 1kg 
  • 400gr spinaq i lare dhe i pastruar (mund te perdorni edhe spinaq te ngrire)
  • 1 pako pana kuzhine (200ml)
  • 200gr proshute e prere ne kubik te vegjel
  • djath kaçkavall te grire
  • vaj ulliri
  • kripe

Ne nje tigan me pak vaj ulliri, vendosim spinaqin dhe e kaverdisim ne zjarr te ulet per 10 minuta duke e perziere here pas here. Spinaqi eshte gati kur uji ka avulluar dhe ka dal pothuajse i thate. E hedhim ne nje pjate dhe e leme menjane.

Ne te njejtin tigan, shtojme edhe pak vaj ulliri dhe kaverdisim proshuten derisa te marre pak ngjyre, shtojme spinaqin, panen e kuzhines dhe pak djath kaçkavall te grire.

Nderkohe ne nje tenxhere ziejme ujin me kripe, shtojme njokit dhe presim derisa te dalin ne siperfaqe (do te nevojiten pak a shume 2-3 minuta). I kullojme dhe i hedhim ne tiganin ku kemi pregatitur salcen duke i perziere me kujdes.

I sherbejme te ngrohte sperkatur me djath te grire.

Kosto per 4 persona: 700 lek te reja

Foto nga: http://www.americastestkitchenfeed.com

Semifreddo me çokollatë të zezë (ëmbelsirë e ftohtë)

  • Racione: 8 persona
  • Vështirësi: mesatare
  • Shtype

Semifreddo-n per here te pare e kam provuar kete vere ne restorantin Living ne Tirane. Ishte diçka midis kremit dhe akullores, por me nje shije fantastike qe te shkrinte ne goje. Ne teori receta eshte e thjeshte: te verdha vezesh, sheqer, uje, krem per embelsira (pana) dhe çokollate te zeze. E vetmja veshtiresi qendron ne pasterizimin e te verdhave te vezeve me shurupin i cili duhet te arrije temperaturen 121°C. Keshtuqe nese nuk keni termometer kuzhine, me mire mos e provoni.

Perberesit per 8 persona

  • 8 te verdha vezesh
  • 500ml krem per embelsira (pana) e parrahur + pak krem i rrahur per zbukurim
  • 200gr çokollate e zeze e ndare ne copa
  • 180gr sheqer
  • 50ml uje
  • pak kakao pluhur per sperkatje

Shkrijme ne banjomari çokollaten e zeze duke e perziere lehtesisht. E leme menjane te ftohet nderkohe qe pregatisim shurupin qe na nevojitet per pasterizimin e te verdhave te vezeve. Vendosim ne nje tenxhere te vogel ujin me sheqerin dhe e leme te vloje ne zjarr te ulet duke e perziere here pas here. Sapo shurupi te kete marre vale, vendosim brenda tij termometrin e kuzhines dhe e leme derisa temperatura te kete arritur 121°C. Per kete nevojiten rreth 5 minuta.

Rrahim te verdhat e vezeve me nje rrahes elektrik derisa masa e formuar te jete kremoze. Shtojme shume ngadale shurupin me uje e sheqer dhe vazhdojme rrahjen derisa kremi te arrije temperaturen e ambjentit. Shtojme çokollaten e shkrire e cila tashme eshte ftohur dhe i perziejme mire.

Ne nje ene tjeter rrahim fort kremin per embelsira. E bashkojme me kremin me veze dhe çokollate duke e perziere me delikatese me ndihmen e nje spatule kuzhine ne menyre qe vellimi te mos bjere. E ndajme ne 8 forma te veçanta ose e hedhim semifreddo-n ne nje forme te madhe te rrumbullaket apo te gjate te veshur me leter celofoni (ne kete menyre do jete me e lehte per ta nxjerre nga forma). E leme te ngrije ne akull per 8-12 ore. E nxjerrim nga forma dhe e sherbejme te sperkatur me pak kakao pluhur dhe krem te rrahur.

Tarta me fruta

  • Racione: 6 persona
  • Vështirësi: mesatare
  • Shtype
Tarta me fruta

Tarta me fruta eshte nje embelsire klasike e perbere nga baza (brum i shkrifet), krem pastiçerie dhe fruta te fresketa te stines.

Perberesit

…per brumin e shkrifet

  • 250gr miell
  • 125gr gjalp pa kripe nga frigoriferi (te ftohte)
  • 100gr sheqer pluhur
  • 2 te verdha vezesh
  • 1/2 pako vanilje

…per kremin e pastiçerise

  • 500ml qumesht
  • 6 te verdha vezesh
  • 6 luge plot sheqer
  • 2 luge plot miell ose niseshte
  • 1 pako te vogel vanilje

…per zbukurim

  • fruta te fresketa te stines
  • 2 luge reçel kajsie/pjeshke
  • 7gr xhelatine pluhur (gjysme pako)
  • lengun e gjysme portokalli
  • 100ml uje te ftohte

Pregatisim fillimisht kremin e pastiçerise sipas recetes qe e gjeni ketu. Kur te jete gati, e hedhim ne nje tas te madh, e mbulojme me leter celofoni dhe e leme te ftohet plotesisht ne temperature ambjenti, e me pas ne frigorifer.

Pregatisim brumin e shkrifet sipas recetes qe e gjeni ketu, por duke ndjekur gramaturat e perberesve ne kete recete.

Lyejme me pak gjalp dhe miell 6 forma te vogla per tarta me diameter rreth 8cm. Nxjerrim brumin e shkrifet nga frigoriferi dhe e hapim ne tavolinen e punes te pudrosur me pak miell duke formuar ne kete menyre nje pete me trashesi rreth 5mm. E presim brumin ne katrore 10cmx10cm dhe vendosim secilin prej tyre siper formave te tartes duke “i veshur” format dhe duke eleminuar brumin e tepert.  Me dhembet e nje piruni çpojme siperfaqen e brumit, e mbulojme me leter furre, shtojme siper fasulet te thata dhe i pjekim ne furre te parangrohur ne 180°C per rreth 20 minuta, pa lejuar qe te marrin ngjyre.

Nxjerrim bazen e tartave nga furra, eleminojme fasulet dhe letren e furres dhe i leme te ftohen plotesisht.

I mbushim tartat me kremin e pastiçerise tashme te ftohte dhe i zbukurojme me fetat e frutave te fresketa. Nese i konsumojme brenda dites, mund ta eleminojme proçesin e lyerjes me xhelatine. Ne rast se duam qe tartat te na rezistojne deri ne 5 dite, pregatisim xhelatinen ne kete menyre: ne nje tenxhere te vogel vendosim lengun e portokallit dhe reçelin e kajsise duke i perziere mire. Shtojme gjysme pako xhelatine pluhur dhe uje. I ziejme te gjitha bashke per 2-3 minuta. Me ndihmen e nje furçe per kuzhine (silikoni) lyejme frutat me xhelatine. I vendosim ne frigorifer per te pakten 2 ore perpara se ti konsumojme.

Foto nga: http://www.playingwithflour.com

Antipasta të ndryshme me polenta

  • Racione: 12 persona
  • Vështirësi: e thjeshtë
  • Shtype
rsz_ei0706_polenta-squares-with-mushroom-ragu_s4x3

Ne vend te brusketava te zakonshme, provoni te pregatisni antipasta te ndryshme me baze polenta, te cilat do ti jape nje tjeter shije tavolines suaj te festave! Nese nuk dini nga t’ja filloni, lexoni ne fillim: Si të pregatisim polenta? sipas recetes sone qe e gjeni  ketu. Per 12 persona, nevojitet 250gr polenta.

Pregatisim polenten dhe ashtu te ngrohte e hedhim ne nje tave te lyer me pak gjalp derisa te ftohet plotesisht. E ndajme ne feta dhe e pjekim ne furre te parangrohur ne 200C per 5-10 minuta. E nxjerrim nga furra, dhe mbi çdo fete polenta vendosim mbushjen e cila mund te jete:

PROSHUTE SPEK DHE DJATH FONTINA –  Vendosim mbi çdo cope polenta pak djath fontina dhe mbi te nga nje fete proshute spek. I fusim ne furre per maksimumi 2 minuta derisa te shkrij djathi dhe i sherbejme.

SALÇIÇE TE FRESKET (2 cope), DJATH FILADELFIA DHE FARA FINOKU (1 dore) – Eleminojme lekuren e salçiçeve dhe i ndajme ne copeza shume te vogla te cilat i kaverdisim ne nje tigan qe nuk ngjit me shume pak vaj ulliri (pasi salçiçet kane vet yndyre). I shuajme me vere te kuqe (1/2 gote), ngreme zjarrin ne maksimum dhe e leme perberjen derisa i gjithe alkooli i veres te kete avulluar. Shtojme farat e finokut dhe e perfundojme gatimin. Vendosim mbi çdo cope polenta nga nje luge te vogel djath filadelfia dhe mbi te perberjen me salçiçe.

DHJAM ME KRIPE DHE EREZA (LARDO DI COLONNATA) DHE PIPER TE ZI (ide e Ballakumes) – Vendosim mbi çdo cope polenta nga nje fete dhjam me ereza, e sperkasim me piper te zi dhe i fusim ne furre per maksimumi 2 minuta derisa dhjami te shkrije.

SALÇIÇE TE FRESKETA, QEPE DHE DJATH GORGONZOLA (ide e Ballakumes) – Skuqim ne vaj ulliri qepet e grira imet bashke me salçiçen, i kriposim, piperosim dhe i leme menjane. E shperndajme harxhen ne fetat e polentes dhe e fusim ne furre per maksimumi 5-6 minuta. E nxjerrim nga furra, shtojme pak djath gorgonxola mbi çdo bruskete dhe i rivendosim serisht ne furre per 2 minuta te tjera.

KERPUDHA – Kaverdisim kerpudhat me pak qepe te grire holle derisa te zbuten. I rregullojme me kripe, piper dhe i leme ne zjarr derisa te kete avulluar i gjithe uji i tepert. E shperndajme kete perberje mbi fetat e polentes dhe e sherbejme.

Foto nga: http://www.foodnetwork.com/

1 2 10