Ruse

Blinis (petulla ruse)

BlinisBlinis, jane petulla te vogla dhe te buta me origjine ruse te cilat serviren ne formen e antipastes te shoqeruara me salce kosi dhe peshk te tymosur, per shembull salmon. Por mund ti servirni edhe te embla me nutella, krem cokollate etj.

Perberesit per rreth 15 blinis

  • 350gr miell te situr
  • 400ml qumesht i vaket (250ml+150ml)
  • 2 veze (te bardhat vec e te verdhat vec)
  • 12gr maja birre
  • pak kripe
  • gjalp per skuqje

Formojme nje brume te holle duke tretur majane e birres ne 250ml qumesht te vaket, shtojme 250gr miell dhe e leme perberjen te fermentohet per rreth dy ore ne temperature ambjenti.

Pasi te kaloj kjo kohe, shtojme pjesen e mbetur te miellit, te verdhat e vezeve, qumeshtine  mbetur (150ml) dhe pak kripe duke i bashkuar te gjitha shume derisa te formohet nje brume homogjen. Ne fund shtojme edhe te bardhat e vezeve te rrahura fort duke i bashkuar nga poshte lart ne menyre qe te mos bjere volumi. E leme te vije brumi edhe per gjysme ore tjeter.

Ne nje tigan te ceket hedhim pak gjalp dhe shtojme gjysme garuzhde brume ne mes te tiganit (madhesia duhet te dale sa e blinis ne foto, rreth 10cm diametri). I gatuajme nga njera ane, me pas nga ana tjeter, dhe ne fund i vendosim mbi letra kuzhine ne menyre qe te thithin vajin e tepert. I sherbejme te ngrohta ose ne temperature ambjenti.

Foto nga: http://www.measuringlife.co

Reklama

Fileto derri alla Strogonoff

Kjo pjate kaq e veçante dhe e shijshme, eshte nje recete tipike e kuzhines ruse e krijuar nga nje mjek, emri i te cilit ishte pikerisht Strogonoff, qe ka jetuar ne epoken e Marias se Rusise. Ai ishte mjeku i gjuetareve te balenave dhe thuhet se gjate nje gjuetie, te gjithe gjuetaret e Shen Peterburgut u helmuan per shkak te nje haringe polare (lloj peshku). Per kete arsye, Strogonoff e vendosi te gjithe ekuipazhin e tij nen nje diete shume strikte te perbere vetem nga orizi i ziere dhe mishi i lopes i marinuar ne pana dhe leng qepesh.

Perberesit

  • 600-700gr fileto derri pa kocke
  • 1 qepe mesatare
  • 1 thelpi hudher
  • 200gr salce domatesh
  • 200gr pana kuzhine
  • 2 luge te vogla mustarde Digione (ose mustarde tjeter te zakonshme)
  • 4 luge konjak
  • lengun e 1 koncentrate perimesh ose viçi
  • 40gr gjalp
  • pak vaj ulliri
  • 1 gjethe dafine
  • kripe
  • piper
  • pak miell

Presim filetot e derrit ne shirita rreth 2cm, i lyejme me pak miell dhe i skuqim nga te dyja anet ne gjalp dhe pak vaj ulliri derisa te kene marre ngjyre te arte. I heqim nga tigani duke lene aty yndyren e mbetur, i vendosim ne nje pjate, i kriposim dhe i mbulojme me kapak (ose me nje pjate tjeter) nderkohe qe pregatisim salcen.

Ne te njejtin tigan, kaverdisim qepen dhe hudhren te grira holla (ose te kaluara ne mikser) duke shtuar edhe pak leng koncentrate dhe gjethen e dafines. Pasi jane zbutur, i shuajme me konjak te cilin e leme te avulloje ne zjarr te larte. Shtojme salcen e domateve dhe e leme salcen te trashet per pak minuta.

Shtojme mustarden, panen e kuzhines, e rregullojme me kripe dhe piper dhe shtojme se fundi edhe mishin e lene menjane duke i perziere mire ne zjarr te ulet derisa salca te jete trashur. E leme te pushoje per disa minuta perpara se ta servirim.

Kjo pjate rekomandohet te shoqerohet me pilaf te bardhe.

Sallata ruse

Sallate ruseSallata ruse eshte nje pjate tradicionale e kuzhines ruse dhe konsumohet si antipaste ne te gjitha periudhat e vitit, por sidomos per Pashke, Krishtlindje apo Vitin e Ri. Eshte kurioz fakti qe kjo sallate merr emra te ndryshem ne varesi te vendeve ku pregatitet: ne Rusi njihet si sallate franceze ose Olivier, ndersa ne Gjermani njihet si sallata Italiane!!!

Perberesit

  • 4 patate mesatare
  • 4 karrota mesatare
  • 300gr bizele te ngrira
  • 300gr majoneze
  • 2-3 kastraveca turshi
  • 2 veze
  • vaj ulliri
  • uthull
  • kripe
  • piper

Per te pregatitur kete sallate na nevojiten 4 ene te vecanta ne te cilat do te ziejme perimet ne uje te kripur: patatet e prera ne kubik mesatar (7-10 minuta), karrotat e prera ne feta apo ne kubik (5-7 minuta), bizelet e ngrira (3-4 minuta) dhe vezet (7 minuta).

Pasi te kete perfunduar zierja, por perimet te mos jene zbutur shume, i vendosim te gjitha ne nje kullojese derisa te humbasin ujin e tepert ndersa vezet i presim ne copa te vogla dhe ne feta duke i lene menjane (te njejten gje bejme edhe me kastravecat turshi).

Kur perimet te jene te vakta, i hedhim ne nje tas te madh qelqi bashke me kastravecat turshi dhe i rregullojme me pak vaj ulliri, 1-2 luge uthull, pak kripe dhe pak piper.


Ne momentin qe jane ftohur plotesisht, ne tas shtojme edhe vezet e prera ne copa te vogla dhe se fundi majonezen. E vendosim masen e pregatitur ne frigorifer per te pakten nje ore per te lejuar shijet te bashkohen me njera tjetren.

E hedhim sallaten ruse ne nje pjate te ceket duke e lyer siper me nje shtrese majoneze dhe e zbukurojme me fetat e vezeve te ziera, te kastravecave turshi, karrota dhe sipas deshires me ullinj, kaperi etj.

*Shenim: Ja disa rregulla per te perftuar nje sallate ruse te shijshme:

  1. perdorni nje majoneze cilesore, akoma me mire nese eshte e pregatitur ne shtepi
  2. pritini perberesit ne menyre uniforme dhe te rregullt
  3. mos shtoni perime te pabera
  4. mos shtoni perberes qe leshojne ngjyre, psh rrepa te kuqe
  5. mos shtoni me teper sec duhet perberes te cilet cenojne delikatesen qe ka kjo sallate (psh shume kastraveca turshi)
  6. mos shtoni perime qe permbajne shume uje
  7. kastravecat turshi shtohen atehere kur perimet jane akoma te vakta, per te harmonizuar shijet
  8. sallata ruse nuk duhet te permbaje me shume sec duhet majoneze, funksioni i saj i vetem eshte te lidhe perberesit

Supë Borsh ruse

Supa Borsh, eshte nje pjate tradicionale e kuzhines ruse (faktikisht e te gjitha vendeve ish-Sovjetike) e cila dallohet per ngjyren e kuqe qe merr fale panxharit te kuq, domates dhe salces se domateve. Pregatitja e saj eshte pak e zgjatur ne kohe, por ja vlen te gatuhet nese deshironi nje pjate te vecante apo po organizoni nje darke tradicionale te ketyre vendeve.

Perberesit

  • 500gr mish vici, pule apo derri
  • 2 patate mesatare
  • 1 panxhar i kuq mesatar
  • 2 karrota te vogla
  • 250gr laker savoi (laker jeshile me gjethe pak te rrudhosura)
  • 2 qepe mesatare
  • 3 domate mesatare
  • 2 luge salce domatesh
  • 2 gjethe dafine
  • 2 thelpinj hudher
  • kripe
  • majdanoz
  • koper
  • vaj ulliri
  • pak pana per kuzhine

Si fillim, i lajme te gjitha perimet dhe i presim ne copeza te vogla.

Ne nje tigan te thelle, kaverdisim ne vaj ulliri per rreth 10 minuta qepet e grira derisa te behen transparente, shtojme karrotat dhe panxharin e kuq te cilet i kaverdisim edhe per 10 minuta te tjera duke i perziere vazhdimisht ne zjarr mesatar. Shtojme domatet, salcen e domateve dhe i leme akoma dhe per 5 minuta te kaverdisen.

Ne nje tenxhere, ziejme mishin e prere ne thela ne afersisht 3 liter uje me kripe dhe me 2 gjethet e dafines per rreth 40 minuta, ose e ziejme ne presion per 20 minuta ne menyre qe te kursejme kohe.

Ziejme ne nje ene tjeter patatet per rreth 5 minuta dhe lakren savoi per rreth 10 minuta.

Kur mishi te jete gati, shtojme te gjitha perimet e mesiperme dhe i ziejme akoma dhe per 10 minuta derisa te marrin shijen e njera tjetres. Ne fund, shtojme edhe thelpinjt e hudhres te prera ne copeza te vogla, kopren, majdanozin dhe e leme supen te pushoje ne zjarr te fikur per rreth 10 minuta.

Ne momentin e servirjes ne tavoline, e sperkasim me pak pana kuzhine ne siperfaqe.

Krijoni një sajt ose blog te WordPress.com