Shqiptare

Fasule me mish të thatë

  • Racione: 4 persona
  • Vështirësi: e thjeshtë
  • Shtype
Fasule me mish te thate

Besoj se nuk ka familje shqiptare qe te mos gatuaj fasulet te pakten 1 here ne 10 dite apo 2 jave, sidomos tani ne dimer. Ne po ju sjellim nje tjeter variant te fasuleve me mish te thate. Receta eshte marre nga blogu i Ballakumes dhe eshte modifikuar nga UneGatuaj bazuar ne shijet personale.

Perberesit

  • 250gr fasule te thata
  • 1 qepe mesatare
  • pjesen e bardhe te 1 preshi
  • 100gr mish te thate
  • 2 luge salce domatesh
  • pak spec te kuq jodjeges (paprika)
  • vaj ulliri ekstra i virgjer
  • kripe
  • piper i zi i sapobluar

I vendosim fasulet ne nje tas te mbushur me uje te ftohte dhe i leme per gjithe naten ne menyre qe te zbuten.

Te nesermen, i kullojme, i shplajme dhe i hedhim ne nje tenxhere me uje te ftohte te bollshem bashke me qepen e prere ne copa te trasha. E vendosim tenxheren mbi zjarr dhe e ziejme per afer 2 ore ne zjarr mesatar, duke shtuar uje nese eshte e nevojshme.

Presim ne rrathe preshin dhe ne kubik mishin e thate. I kaverdisim ne pak vaj ulliri dhe ja shtojme fasuleve. Shtojme edhe salcen e domateve, specin pluhur jodjeges dhe pak kripe dhe i ziejme fasulet edhe per 20 minuta te tjera.

I servirim te ngrohta sperkatur me pak piper te zi te sapobluar dhe vaj ulliri ekstra te virgjer.

Salce fasuleshMe fasulet qe na teprojne, mund te bejme nje salce shume te shijshme fasulesh te cilen e servirim mbi buke te thekur: I reduktojme fasulet ne pure me ndihmen e nje mikseri elektrik dhe lyejme me te buken duke e shoqeruar me feta qepe te kuqe dhe feta

Advertisements

Tullumba

  • Racione: 6-8 persona
  • Vështirësi: mesatare
  • Shtype
rsz_tulumba

Tullumbat jane nje embelsire me sherbet te pregatitura nga Brumi shu dhe te skuqura ne vaj te nxehte derisa te behen krokante ne siperfaqe. Kjo embelsire eshte shume e perhapur ne Greqi, edhe pse origjina e saj e larget eshte Otomone. Edhe ne Shqiperi mund ti gjejme ne pothuajse cdo pasticeri dhe konsiderohen si nje nga embelsirat tradicionale.

Perberesit

  • 210gr miell
  • 400ml uje
  • 3 veze
  • 3 luge gjalp pa kripe
  • 1 luge te vogel sheqer
  • pak kripe 
  • vaj luledielli per skuqje

…per sherbetin

  • 2 gota sheqer
  • 2 gota uje
  • 1 luge leng limoni
  • 1 luge te vogel vanilje

Pregatisim sherbetin:

Vendosim ne nje tenxhere te vogel ujin me sheqerin dhe e vlojme per 7 minuta, derisa te trashet pak. Shtojme lengun e limonit, vaniljen pluhur dhe e leme menjane qe te ftohet plotesisht.

Pregatisim brumin:

Vendosim ne zjarr mesatar nje tenxhere me madhesi mesatare dhe hedhim ne te ujin, sheqerin, kripen dhe gjalpin e prere ne copa. E gatuajme perberjen duke e perziere shpesh derisa gjalpi te kete shkrire plotesisht dhe te arrije piken e vlimit. E heqim menjehere nga zjarri.

Shtojme te gjithe miellin dhe me ndihmen e nje luge druri e perziejme shume mire ne zjarr te ulet per 1 minute derisa te na formohet nje top i madh brumi i cili fillon te shkeputet pak nga pak nga anet e tenxheres. E heqim nga zjarri dhe e leme brumin te ftohet per rreth 5 minuta, apo aq sa te na e durojne duart.

Rrahim nje veze ne nje tas te vogel dhe e leme menjane. Rrahim 2 vezet e tjera dhe ja shtojme brumit pak nga pak duke e perziere mire pas çdo shtese. Brumi duhet te rezultoje i bute, pa kokerriza dhe i shnderritshem. Nese brumi eshte shume i forte, shtojme edhe pak nga veza tjeter, apo nese rezulton shume i bute, shtojme edhe pak miell. Brumi duhet te bjere nga luga, por gjithesesi te ruaj formen e tij.

Nxehim ne zjarr mesatar vajin e lulediellit per te skuqur tullumbat.

Per ti dhene forme tullumbave, kemi nevoje per nje xhep pasticerie ne forme ylli. E vendosim brumin brenda ne xhepin e pasticerise dhe formojme tollumba rreth 5cm te gjate te cilet i skuqim direkt ne vajin e nxehte. I leme te skuqen derisa te marrin ngjyre te arte ne siperfaqe. I heqim me ndihmen e nje luge me vrima dhe i zhysim ne shurup nga 2-3 duke i lene per 2-3 minuta derisa ta thithin shurupin. I heqim nga shurupi dhe i leme te ftohen plotesisht perpara se ti sherbejme.

Foto nga: http://www.aydinlarg.com

Gliko ftoi

[recipe time=”30 min” difficulty=”e thjeshtë”]gliko ftoji

A e dini qe glikot e para jane bere me ftonj? Kjo per shkak te permbajtjes se larte te pektines ne kete frut, e cila lejon lengun te trashet.

Perberesit

  • 3 ftonj
  • nje maje luge limontoz ose leng limoni

…per sherbetin

  • 2 filxhan uje (500ml)
  • 2 filxhan sheqer (500gr)

Vendosim ne nje tenxhere ujin me sheqerin, dhe e ziejme egzaktesisht per 7 minuta nga fillimi i marrjes vale te shurupit duke e perziere ne menyre qe sheqeri te shkrihet plotesisht.

Lajme mire ftonjte, i qerojme, i presim ne copa te vogla dhe ja hedhim shurupit mesiper duke i ziere ne zjarr te avashem derisa te zbuten (mund te nevojiten 20-30 minuta) dhe te marrin ngjyre portokalli ne te kuqe. Ne fund shtojme pak leng limoni ose limontoz te tretur ne pak uje. E leme glikone te ftohet plotesisht ne temperature ambjenti dhe e ruajme ne nje tas te mbyllur hermetikisht ne frigorifer per maksimumi 2 muaj.

Per receten e Reçelit te ftoit, klikoni ketu.

Kjo recete eshte autentike elbasanase, e gjyshes se Ballakumes.
Foto nga: http://ballakumeelbasani.blogspot.[/recipe]

Papare me djath të bardhë

  • Racione: 2 persona
  • Vështirësi: e thjeshtë
  • Shtype
Paparja eshte nje recete Shqiptare shume e vjeter, e cila sherbehet vecanerisht per mengjes me djath te bardhe te therrmuar ne siperfaqe.

Prejardhja e emrit: Papare= pa pare, pra eshte nje recete shume e lire sepse pregatitet vetem me buke te thare, uje dhe gjalp (ose vaj)

Perberesit

  • 4 feta buke te zeze te thare ne copa te vogla
  • 4 luge gjalp (ose gjalp te shkrire) ose vaj ulliri
  • leng mishi te nxehte ose uje te nxehte
  • kripe
  • rigon, nenexhik ose hudher gjarpri per shije

Shkrijme gjalpin ne zjarr mesatar, shtojme buken ne copa dhe e skuqim per rreth 10 minuta duke e perziere shpesh. Shtojme uje ose leng mishi dhe vazhdojme gatimin derisa buka ta kete thithur te gjithe lengun.

E heqim tenxheren nga zjarri dhe e vendosim paparen neper pjata, shtojme gjalp te shkrire ne siperfaqe dhe djath te bardhe te therrmuar. I japim shije me rigon, nenexhik apo hudher gjarpri.

Sallatë me domate dhe kastraveca

  • Racione: 4 persona
  • Vështirësi: e thjeshtë
  • Shtype
Sallate me domate e kastraveca

Kjo eshte nje recete tradicionale e servirur kudo ne Shqiperi. Zakonisht sallata ka vetem domate, kastraveca dhe qepe, ndersa perberesit e tjere i shtohen sipas deshires.

Perberesit

  • 3 domate, te prera per se gjati, e me pas ne feta
  • 1 kastravec, i prere per se gjati, e me pas ne feta
  • 1 qepe e vogel e kuqe, e prere holle
  • 1 spec jeshil, i prere ne copa te vogla
  • djath i bardhe, i prere ne copa te vogla
  • ullinj Kallamate
  • vaj ulliri per sperkatje
  • kripe
  • buke per shoqerim

Ne nje tas per sallate bashkojme domatet, kastravecin, qepen dhe specin duke i perziere mire. I sperkasim me vaj ulliri, pak kripe dhe i zbukurojme me ullinj dhe djath te bardhe.

Ne momentin e servirjes, e shoqerojme sallaten me pak buke per te ngjyer lengun e saj.

Foto nga: http://www.myorganicfoodclub.com

Byrek me spinaq

  • Racione: 6-8
  • Vështirësi: e thjeshtë
  • Shtype

Byrek me spinaq

Byreku me spinaq eshte nje recete klasike e kuzhines shqiptare e cila pregatitet gjithe vitin, por sidomos per Krishtlindje dhe Vitin e Ri. Tradita kerkon qe nen petet e byrekut te vendoset nje monedhe e cila perfaqeson fshehjen e femijes Jezus nga Mbreti Herod. Cdo pjestar i familjes, duke filluar nga me i vjetri, merr nje cope byrek dhe personi qe gjen monedhen konsiderohet me fat vitin qe vjen. Por kujdes: nese fshihni nje monedhe brenda ne byrek, sigurohuni qe te tjeret ta dine perpara se ta hane!

Perberesit

  • 15 pete byreku
  • 500gr spinaq te prere holle
  • 200gr djath te bardhe ne therrime
  • 3 qepe te njoma te prera holle
  • 2 veze te rrahura
  • 200ml vaj ulliri
  • koper te fresket te grire
  • kripe
  • piper te zi te sapobluar
  • kos grek ose salce kosi per shoqerim

Parangrohim furren ne 180C.

Ngrohim 5 luge vaj ulliri ne nje tigan ne zjarr mesatar dhe kaverdisim qepet derisa te marrin ngjyre te arte.  Shtojme spinaqin dhe e mbulojme tiganin me kapak derisa te zbutet. I japim shije me kripe dhe piper te zi, shtojme djathin e bardhe, vezet, kopren, i perziejme shume mire dhe e leme mbushjen te ftohet ne temperature ambjenti.

Lyejme nje tave 30x20cm me pak vaj ulliri, shtrojme nje pete, e lyejme siper me vaj dhe e perserisim kete proces derisa te kemi shtruar 5 peta poshte. Shtojme gjysmen e mbushjes, vendosim 5 peta te tjera siper dhe vazhdojme ne kete menyre duke formuar 3 shtresa me nga 5 peta dhe 2 shtresa mbushje.

Me ndihmen e nje thike te mprehte, e presim byrekun duke e ndare ne copa dhe e pjekim per 40 minuta ose derisa shtresa e siperme te jete bere krokante dhe te kete marre ngjyre te arte. E leme byrekun te pushoje per 5 minuta perpara se ta servirim.

E shoqerojme me nje sallate jeshile dhe kos grek ose salce kosi.

Foto nga: http://www.kitchensecret.com

Kurabie

  • Racione: 10 persona
  • Vështirësi: e thjeshtë
  • Shtype
Kurabie

Kurabijet jane biskota me gjalp te buta dhe krokante shume te perhapura ne vendin tone, te adaptuara nga Kuzhina greke. Shume te lehta ne pregatitje, thjesht bashkojme te gjithe perberesit bashke dhe e ndajme brumin ne copa te vogla me madhesine e nje arre.

Perberesit

  • 500gr miell
  • 250ml kos natyral
  • 200gr sheqer
  • 120gr gjalp pa sheqer te zbutur ne temperature ambjenti
  • 3 veze te vogla + 1 te verdhe veze te rrahur per lyerje
  • 1 luge te vogel sode buke
  • 1 luge te vogel vanilje ose lekuren e 1 limoni
  • sheqer pluhur per sperkatje

Parangrohim furren ne 180C.

Bashkojme sebashku te gjithe perberesit me siper dhe i punojme mire me dore derisa te formojme nje brume homogjen. Lyejme duart me pak gjalp dhe e ndajme brumin ne sfera te vogla me madhesine e nje arre. I vendosim ne nje tave te lyer me gjalp duke lene hapesire njera nga tjetra. I lyejme siper me te verdhe veze dhe i pjekim per 20 minuta.

Kur kurabiet te jene pjekur, i sperkasim me sheqer pluhur dhe i sherbejme.

Foto nga: http://www.aflockinthecity.com

Tarator

  • Racione: 4 persona
  • Vështirësi: e thjeshtë
  • Shtype
Tarator

Taratori eshte nje pjate tipike e kuzhines Ballkanase, shume popullore edhe ne vendin tone ne stinen e veres. Mund te serviret si supe e ftohte ose si sallate.

Perberesit

  • 1kg kos me yndyre
  • 1 kastravec i madhe ne kubik te vegjel
  • 5 thelpinje hudhra te grira ne rende
  • koper e fresket e grire holle
  • kripe
  • vaj ulliri

Ne nje tas te madh, rrahim kosin me pak kripe me ndihmen e nje teli kuzhine derisa te rezultoje homogjen. E bashkojme me kastravecin, shtojme hudhrat, vaj ulliri dhe e perziejme derisa salca te rezultoje e njetrajtshme. E vendosim ne frigorifer per 1 ore ne menyre qe shijet te bashkohen me njera tjetren. E servirim te ftohte sperkatur me pak vaj ulliri dhe majdanoz te grire ne siperfaqe.

Foto nga: http://potsoup.wordpress.com

Gliko arre

  • Vështirësi: e vështirë
  • Shtype
Gliko arre

Glikoja e arres eshte nje recete tradicionale Shqiptare, e pregatitur kryesisht ne zonen e Permetit. Arrat e njoma jeshile mblidhen ne Qershor, sa me shpejt aq me mire. Madhesia e tyre duhet te jete pak me e madhe se nje kokerr e madhe ulliri dhe pak me e vogel se nje veze e vogel.

Perberesit

  • 50 kokrra arra jeshile te pabera
  • 1.5l uje
  • 2kg sheqer
  • 4 karafila
  • 1 shkope kanelle
  • lengun e 1 limoni
  • 3 luge gjelle gelqere
  • 1l uje

Me ndihmen e nje qeruese patatesh, qerojme arrat jeshile nga lekura e jashtme duke vendosur fillimisht doreza. Kjo sepse arrat e pabera kane vetine te leshojne nje leng transparent I cili ne kontakt me lekuren e duarve do te shnderrohet ne nje lende ngjitese ngjyre kafe e cila kerkon disa jave te hiqet natyralisht.

I fusim arrat e qeruara ne nje ene me uje te ftohte per 9 dite, duke ja nderruar ujin cdo dite. Per ti mbajtur arrat te zhytura brenda ne uje, vendosim nje pjate te rende siper tyre.

Pas nente ditesh, hollojme gelqeren ne uje te ftohte dhe e perziejme shume mire derisa te shkrij plotesisht. E kullojme ne menyre qe uji me gelqere te dale i paster, fusim ketu arrat dhe i leme per rreth 2 ore.

Pas dy oresh, i shplajme shume mire dhe çpojme siperfaqen e tyre me pirun ne menyre qe gjate zierjes ta thithin sa me mire sherbeti. I vendosim ne nje tenxhere, i mbulojme me uje te ftohte dhe i ziejme per rreth 10 minuta, kete procedure e perserisim 3-4 here. Ky proces na ndihmon qe arrave ti dale hidherimi dhe te zbuten ne menyre sa me uniforme. I kullojme dhe i leme menjane.

Pregatisim shurupin duke ziere ujin me sheqer derisa ky i fundit te kete shkrire plotesisht, hedhim arrat dhe i ziejme per rreth 30 minuta derisa ta thithin shurupin. Shtojme lengun e limonit te cilin e kemi tretur ne 1 gote uje, karafilin dhe kanellen te mbeshtjella me nape te cilet do ti eleminojme ne fund. I ziejme edhe per 30 minuta te tjera derisa te zbuten.

Kur lengu i glikose te jete trashur dhe arrat te jene zbutur, glikoja eshte gati. E fusim neper kavanoza te sterilizuar te cilet i permbysim dhe i leme te ftohen plotesisht. Glikone e konsumojme te pakten 1 jave nga pregatitja. Idealja eshte qe glikoja te ruhet ne vend te thate dhe te erret per te pakten 6 muaj.

Foto nga: http://handmadeoz.blogspot.com