Spanjolle

Vezë në furrë me salcë pikante sipas variantit Spanjoll

  • Racione: 4
  • Vështirësi: e thjeshtë
  • Shtype
Veze te pjekura ne furre

Nje recete e shkelqyer Spanjolle, e cila kombinon vezet me nje salce pikante teper te shijshme! Mund ta sherbeni per dreke apo darke, apo edhe ne mengjes siç bejne spanjollet!

Perberesit

  • 4 veze ne temperature ambjenti
  • 150gr chorizo (lloj salçiçe pikante spanjolle, por mund te perdorni çfaredo lloj sallami tjeter pikant)
  • 1 qepe e kuqe
  • 1 kuti domate te konservuara
  • 2 luge uthull vere te kuqe
  • 2 thelpinje hudhra
  • 1 gjethe dafine
  • 1 luge te vogel rigon
  • pak spec te kuq djeges
  • kripe
  • vaj ulliri

E presim sallamin pikant ne kubik ose gjysmehena dhe e kaverdisim ne nje tigan te madh me rreth 5 luge vaj ulliri. Shtojme qepen e grire shume holle dhe hudhrat e shtypura derisa qepa te rezultoje transparente. Shtojme uthullen e veres se kuqe, domatet e konservuara, rigonin, gjethen e dafines dhe vazhdojme gatimin derisa salca te trashet. Ne fund e rregullojme me pak kripe dhe specin e kuq djeges.

E hedhim perberjen ne nje tave porcelani ose qelqi (ose ne 4 tava te vogla individuale), me pjesen konkave te luges hapim 4 gropa te vogla siper salces dhe hedhim ne secilen prej tyre nga nje veze. E sperkasim edhe me pak vaj ulliri dhe e pjekim ne furre te parangrohur ne 170C per rreth 10 minuta. 

E sherbejme me buke te thekur.

Foto nga: http://prettymayhem.com/

Reklama

Tortija me patate

  • Racione: 4 persona
  • Vështirësi: e thjeshtë
  • Shtype
Tortija me patate

Tortija me patate eshte nje recete Spanjolle super e thjeshte per tu realizuar.

Perberesit

  • 2 patate te medha
  • 1 qepe mesatare
  • 4 veze
  • kripe
  • piper te zi te sapobluar
  • rreth 7 luge vaj ulliri

Qerojme patatet dhe qepen, i lajme nen uje te rrjedhshem, i thajme me letra kuzhine dhe i presim  ne feta te holla ose ne kubik te vegjel.

Ne nje tigan te thelle hedhim vajin e ullirit dhe i skuqim qepet me patatet per rreth 20 minuta me kapak mbyllur derisa te zbuten duke i perziere here pas here.

Ne nje tas te madh rrahim vezet me kripe dhe piper. Shtojme perberjen me patate dhe qepe dhe e perziejme mire. E hedhim masen ne tigan ku kemi shtuar 2 luge vaj ulliri dhe e skuqim nga njera ane, me pas e kthejme nga ana tjeter me ndihmen e nje pjate.  Tortijen e vendosim mbi nje leter kuzhine ne menyre qe ti thithim vajin e tepert dhe e sherbejme te prere ne feta.

Mund te shtoni edhe: kubik te vegjel pançete.

Verë e ëmbël spanjolle (Sangria)

  • Racione: 10 persona
  • Vështirësi: shumë e thjeshtë
  • Shtype
rsz_1ricetta-la-sangria_f9b31642c184fc1e9939c3587a41516a

Pregatisni nje kanë akull te ftohte me kete recete tipike spanjolle, do t’ju freskoj edhe ne ditet me te nxehta te veres! Mund te shtoni cfare frutash te doni, por molla dhe dardha jane ato qe e thithin me mire alkoolin e veres dhe rumit. Nderkohe qe per zbukurim mund te perdorim fruta te kuqe si luleshtrydhet dhe qershite!

Perberesit

  • 750ml vere te kuqe
  • 250ml rum
  • 250ml leng portokalli (1 gote)
  • 200gr sheqer
  • 1 limon
  • 1 limon jeshil (lime)
  • 1 portokall
  • 1 molle
  • 1 dardhe
  • gjethe mente per zbukurim

Perpara se te fillojme me pregatitjen e recetes, duhet te kemi parasysh qe vera, rumi, frutat dhe lengu i portokallit te jene te ftohta.

Presim ne feta te holla limonin, limonin jeshil dhe portokallin dhe i futim ne nje kanë te madhe qelqi. Shtojme rumin dhe sheqerin. I fusim ne frigorifer per te pakten 2 ore ne menyre qe te leshojne te gjithe aromen e tyre.

Ne momentin e servirjes shtojme veren, lengun e portokallit dhe copat e molles dhe dardhes duke i perziere shume mire me nje luge druri. E hedhim neper gota dhe e zbukurojme secilen gote me gjethe mente te fresketa.

Paella Valenciane

Origjina e Paellas, daton qe nga popujt e lashte te fshatrave te Valencias ne Spanje. Kur vinte ora e drekes, fshataret sillnin cdo gje qe kishin ne shtepi: oriz, mish, perime te ndryshme, dhe kur gjenin edhe fruta deti dhe pregatisnin kete pjate te shijshme. Emri i saj vjen pikerist nga ena ne te cilen gatuhet “Patella” e cila duhet te jete patjeter e perbere nga material hekuri!
Perberesit

  • 700gr oriz per rizoto
  • 1 pule rreth 1.2kg
  • 1l leng pule
  • 250gr mish derri pa dhjam
  • 500gr midhje te pastruara
  • 6-8 karkaleca te medhenj
  • 300gr bizele
  • 4-5 domate te pjekura
  • 2 speca
  • 1 qepe
  • 4-5 thelpinje hudhra
  • 1 gjethe dafine
  • 1 pako te vogel shafran
  • 1 limon
  • pak spec djeges pluhur
  • kripe
  • piper
  • vaj ulliri

Pjekim fillimisht specat ne furre ne temperature shume te larte rreth 250°C derisa lekura te marre ngjyre te erret, i vendosim ashtu te nxehta siç jane ne nje qese te cilen e mbyllim mire. Ne kete menyre, avulli qe ato do te leshojne do te bej qe lekura e specave te hiqet fare lehtesisht. I qerojme, eleminojme fijet e brendshme dhe farat dhe i presim ne shirita te holle. (per te evituar kete proçedure, mund ti blejme specat e pjekur te gatshem).

Qerojme domatet, i heqim farat e brendshme dhe i presim ne copa te vogla. Qerojme edhe qepen e hudhrat dhe i grijme shume holle.

Pulen e pastruar e ndajme ne copa (rreth 12) dhe e kaverdisim ne nje tigan te madh (akoma me mire ne tiganin enkas per Paella) me 7 luge vaj ulliri dhe pak kripe e piper derisa te kete marre ngjyre te arte. E heqim nga tigani dhe e vendosim ne nje ene te mbuluar per ta mbajtur te ngrohte.

Ne vajin e mbetur ne tigan, kaverdisim mishin e derrit te prere ne kubik te vegjel se bashku me midhjet dhe karkalecat e plote te lare, por jo te thare. Kur keta te fundit te kene marre nje ngjyre roze, i heqim te gjithe perberesit, eleminojme midhjet qe nuk jane hapur dhe i leme edhe keta perberes ne nje vend te ngrohte.

Kaverdisim hudhren dhe qepen ne yndyren e mbetur, shtojme domatet dhe bizelet dhe i leme te marrin shije ne zjarr te ulet per rreth 5 minuta. Shtojme nje gjethe dafine, shafranin e shkrire ne pak uje, pak spec te kuq djegs, kripe, piper dhe i perziejme mire duke i lene edhe per disa minuta te tjera ne zjarr. Shtojme orizin, e kaverdisim per pak sekonda derisa te kete thithur te gjithe lengun dhe shtojme lengun e pules te ngrohte. Kur te kete arritur piken e vlimit, ulim zjarrin dhe e gatuajme ne kete menyre per rreth 20 minuta apo derisa orizi te jete zbutur plotesisht. Shtojme specat, copat e pules, mishin e derrit, karkalecat, midhjet dhe i perziejme mire. E mbulojme tiganin me leter alumini dhe e fusim ne furre te parangrohur ne 180°C per rreth 15 minuta. E sherbejme me feta limoni.

Kremi Katalan

Receta qe po ju paraqesim me poshte, eshte nje embelsire tipike spanjolle, dhe me egzaktesisht e rajonit te Katalonjes.

Perberesit

  • 1l qumesht
  • 150gr sheqer
  • 50gr sheqer integral (ngjyre kafe)
  • 8 te verdha vezesh
  • 20gr miell
  • 1 cope kanelle
  • lekuren e 1 limoni

Hedhim qumeshtin ne nje tenxhere bashke me lekuren e limonit dhe copen e kanelles duke lene nje gote menjane. E çojme drejt vlimit dhe sapo te marre vale, fikim zjarrin. E leme te pushoje per disa minuta me kapak te mbyllur nderkohe qe ne nje tas rrahim me ndihem e nje mikseri te verdhat e vezeve me sheqerin derisa te perftojme nje mase te fryre dhe me ngjyre te hapur.

Eleminojme lekuren e limonit dhe kanellen nga qumeshti dhe shtojme pak nga pak kremin e vezeve me sheqerin duke e perziere mire. Se fundi, shtojme edhe goten e qumeshtit te ftohte (qe kishim hequr menjane) ne te cilen kemi tretur miellin.

E vendosim te gjithe perberjen ne zjarr te ulet duke e perziere gjate te gjithe kohes derisa kremi te trashet. E ndajme neper 6 tasa te cilat mund te futen edhe ne furre (porcelani) dhe e leme ne temperature ambjenti derisa te ftohen plotesisht. Pas kesaj, i vendosim ne frigorifer per rreth 2 ore.

Ne momentin e servirjes, i sperkasim me pak sheqer integral dhe i vendosim ne  pjesen e siperme te furres me nxehtesi maksimale derisa sheqeri te karamelizohet. Ky eshte momenti me delikat, pasi kremi duhet te mbetet i ftohte brenda. Per kete arsye, i vendosim tasat e porcelanit brenda nje tave qelqi me uje te akullt dhe vazhdojme me proçeduren si me siper.

Salcë Aioli me hudhra

Salce aioli

Salca Aioli’, eshte nje salce shume e ngjashme me majonezen, por ne ndryshim nga kjo e fundit ka nje shije me te forte te cilen ia japin thelpinjt e hudhres te grire ne te. Rekomandohet kryesisht ne shoqerimin e perimeve te gjalla apo ne zgare, peshkut apo mishit ne zgare dhe patateve te skuqura, te cilave i jep nje shije mjaft te veçante. Me poshte po ju paraqesim receten e shkurtuar, ate qe pregatitet me majoneze te gatshme.

Perberesit per rreth 25ogr salce aioli’

  • 250gr majoneze te gatshme, ose te pregatitur sipas recetes qe e gjeni ketu
  • 6 thelpi hudhrash
  • 2 te verdha vezesh te ziera

Shtypim ne hava’ ose grijme ne mikser hudhrat e qeruara derisa ti reduktojme ne purè.

Bashkojme ne nje tas majoneze, kremin e hudhrave dhe te verdhat e vezeve te therrmuara shume imet me dore. E perziejme salcen derisa te rezultoje homogjene, e mbulojme me nje leter celofoni dhe e fusim ne frigorifer per minimumi 30 minuta perpara se ta sherbejme.

Foto nga: http://margieroelands.com/

Sallatë spanjolle (Amanida)

Kushdo qe ka qene ne Spanje, dhe sidomos ne Barcelone, nuk mund te kete lene pa provuar kete sallate te shijshme e cila mund te konsumohet fare mire edhe si pjate e vetme. Pervec kesaj, ajo mund te shoqeroje fare mire tapas te ndryshme apo antipasta.
Perberesit

  • 1 tufe sallate marule (ose sallate jeshile ne mungese te saj)
  • 2 veze te ziera fort (per rreth 7 minuta)
  • 2 dege selino
  • 2 qepe te njoma
  • 100gr salçiçe e pjekur (ne Spanje e gjeni nen emrin “Butifarra”)
  • 50gr proshute te pjekur
  • 3 açuge nen vaj
  • uthull
  • kripe
  • salce aioli per shoqerim

Lajme mire te gjitha perimet, pra sallaten marule (ose jeshile), deget e selinose dhe qepet e njoma. Ne nje tas te madh vendosim sallaten e prere holle (ose te ndare me dore), qepet e njoma te prera ne rrathe, deget e selinose te prera per se gjati ne shirita te holle dhe proshuten e pjekur ne kubik te vegjel. E rregullojme sallaten me pak kripe dhe uthull dhe e perziejme mire.

Shtojme edhe açuget e salçiçen te prera ne copeza shume te vogla dhe vezet e ziera te prera ne feta. Prane sallates vendosim edhe nje tas te vogel me salcen aioli me te cilen e shoqerojme.

(recete marre nga: La cocina Catalana)

Patate në salcë pikante (Patatas Bravas)

Patatas bravas jane nje pjate tradicionale e kuzhines Spanjolle, te sherbyera me shume si aperitiv, apo sic quhen ne spanjisht tapas, shoqeruar shpesh here me nje gote vere te kuqe.

Perberesit

  • 5-6 patate mesatare
  • 3 domate mesatare
  • 1 qepe mesatare
  • 2 thelpinj hudher
  • 1 spec djeges te kuq
  • lengun e gjysme limoni
  • 1/2 gote vere te bardhe
  • kripe
  • vaj ulliri

Lajme dhe pastrojme patatet, i presim ne kubik pak a shume me forme te rregullt dhe i skuqim ne vaj ulliri derisa te marrin ngjyre te arte (nevojiten rreth 15 minuta). I heqim nga zjarri dhe i vendosim mbi nje leter kuzhine ne menyre qe te thithi vajin e tepert.

Ne te njejtin tigan kaverdisim lehte qepen dhe hudhren te grira holle (ose te kaluar ne mikser), specin e kuq djeges te ndare ne copa te vogla te cilit ia kemi hequr farat dhe domatet e prera ne kubik te vegjel. I shuajme te gjitha me veren e bardhe dhe i leme te marrin shije per rreth 10 minuta.

Se fundi, shtojme patatet, lengun e limonit, pak kripe dhe i perziejme te gjitha shume mire ne zjarr te forte derisa salca te trashet dhe patatet te vishen me kete salce.

I sherbejme ne nje pjate te ceket, duke vendosur disa kunja dhembesh siper. Nje tjeter menyre eshte qe salcen ta vendosim ne nje tas te vogel dhe patatet e skuqura prane tyre; ne kete menyre gjithesecili i lyen sipas deshires.

Pulë me domate dhe speca (Pollo al Chilindrón):

Kjo eshte nje menyre shume e shijshme per te shijuar mishin e pules apo te lepurit, pasi shija e tyre delikate shkon mrekullisht me domatet dhe specat e stines. Prandaj, ne vere, reduktoni sasine e mishit dhe shtoni ate te perimeve!

Perberesit

  • 1 pule rreth 1kg
  • 120gr proshute (mundesisht pule)
  • 4-5 domate te pjekura
  • 2 speca jeshil ose te kuq
  • 1 qepe mesatare
  • 2 thelpinj hudher
  • 1 spec te kuq djegs
  • 1 gote vere te kuqe
  • pak majdanoz te grire
  • vaj ulliri
  • kripe
  • piper

Pastrojme dhe lajme nen uje te rrjedhshem pulen, i heqim lekuren (ose nese ju pelqen shija e saj mund ta mbani), e presim ne copa dhe e skuqim ne zjarr te forte me 3-4 luge vaj ulliri nga te dyja anet derisa te kete marre ngjyre te arte (nevojiten rreth 5 minuta). E heqim nga tigani dhe e leme ne nje ane.

Pastrojme domatet duke i prere ne kubik jo shume te vegjel dhe specat duke i prere ne shirita.

Ne te njejtin tigan ku skuqem pulen, shtojme edhe pak vaj ulliri dhe kaverdisim qepen dhe hudhren te grira holle bashke me specin djegs te cilit i kemi eleminuar farat e brendeshme. Shtojme domatet dhe specat  dhe i gatuajme me kapak te mbyllur ne zjarr mesatar per rreth 10 minuta.

Shtojme ne tigan edhe copat e pules te skuqura dhe e leme qe perberja te marre shije edhe per 10 minuta te tjera.

Pas kesaj, shtojme proshuten e prere ne shirita te holle dhe e shuajme masen me veren e kuqe te cilen e avullojme ne zjarr te forte per rreth 5 minuta.  E sperkasim pulen me speca me pak majdanoz te grire ne siperfaqe dhe e servirim ne pjate shoqeruar me pilaf te bardhe.

*Keshille: Nese nuk jeni te sigurt per freskine e pules, mund ta zieni per rreth 15 minuta ne uje te kripur dhe lengun e saj ta perdorni per te bere pilafin.

Krijoni një sajt ose blog te WordPress.com