Pica dhe torta të kripura

Tortë e kripur me spinaq

  • Racione: 6-8 persona
  • Vështirësi: e thjeshtë
  • Shtype

SAMSUNG CSC

Nje torte e kripur per tu konsumuar e ngrohte, e sapodale nga furra apo edhe e ftohte diten tjeter. Shume e shijshme dhe e ushqyeshme, ideale per vaktin e drekes apo per tu shijuar ne nje piknik me miqte!

Perberesit per nje tave me diameter 28cm

…per brumin

  • 300gr miell 00
  • 250gr gjalpe ne temperature ambjenti
  • kripe

…per mbushjen

  • 500gr spinaq te lare e te pastruar, te prere holle
  • 250gr rikota (gjize pa kripe)
  • 250gr domate qershize, te ndara ne dy pjese
  • 100gr djathe kaçkavall dele, te prere ne kubik
  • 50gr djathe guda, te grire holle ne rende
  • 50gr ullinj pa berthame
  • 1 qepe, te prere holle
  • 3 thelpinje hudhra, te prera holle
  • 100ml vaj ulliri ekstra te virgjer
  • 3 veze
  • kripe
  • arre moskate
  • piper te zi te sapobluar

SAMSUNG CSC

Bashkojme ne nje ene miellin e situr me kripen, shtojme gjalpin ne temperature ambjenti (te zbutur) dhe e punojme brumin shume mire me dore derisa te rezultoje i bute. E mbeshtjellim me leter transparente dhe e vendosim ne frigorifer per 30 minuta.

Nderkohe pergatisim mbushjen: ne nje tigan qe nuk ngjit, kaverdisim ne vaj ulliri qepen, hudhren dhe spinaqin. I vendosim kapakun dhe i leme te gatuhen ne zjarre te ulet, ne menyre qe te zbuten me avullin e tyre. E rregullojme  me kripe, piper te zi te sapobluar dhe arre moskate. Masa duhet te rezultoje pa leng, pra e thate, prandaj vazhdojme gatimin me kapak hapur derisa i gjithe uji i tepert te avulloje.

Ne nje tjeter ene rrahim vezet me rikoten, shtojme spinaqin dhe ne kete moment kemi gati mbushjen e tortes.

Nxjerrim brumin nga frigoriferi, e heqim nga qesja transparente dhe e shtypim paksa me duar. I vendosim siper leter furre e cila do te na ndihmoje ta hapim me lehtesisht. E hapim brumin nga te gjitha anet duke formuar nje pete me trashesi rreth 1cm. E shtrojme ne taven ku do te gatuajme torten e kripur te cilen e kemi lyer paraprakisht me pak vaj ulliri. Hedhim siper mbushjen me spinaq dhe rikota dhe nivelojme me kujdes. E zbukurojme me domatet qershize te ndara pergjysme, ullinjte pa berthame, kubiket e djathit kaçkavall dhe djathin guda te grire. E pjekim ne furre te parangrohur ne 200°C per rreth 45 minuta. E leme te ftohet per minimumi gjysme ore perpara se ta sherbejme te prere ne feta.

Reklama

Byrek i hapur me kungull të njomë

  • Racione: 6 persona
  • Vështirësi: e thjeshtë
  • Shtype

Byrek i hapur me kunguj te njome2

Kemi hyre zyrtarisht ne sezonin veror, atehere kur buka me vete ne plazh te shijon me shume se çdo gje tjeter. Eshte koha te shlodhemi nen hijen e pishave te gjithe bashke duke organizuar nje piknik ne ajer te paster me ato qe pergatisim me duart tona. Receta qe do tju prezantoj me poshte, i pershtatet mrekullisht kesaj kohe: kungulli i njome eshte ne kulmin e shijes se tij ndersa borziloku i jep freski. Jeni gati te perveshni menget?

Perberesit per nje tave me diameter 26cm

  • 1 pete sfoljate e gatshme (ose pergatiteni sipas recetes tone ketu)
  • 1kg kunguj te njome, ne feta te rrumbullakta
  • 1 qepe e vogel, e grire holle
  • 3 feta proshute, ne copeza te vogla
  • 4 veze
  • 200ml pana kuzhine
  • 100gr djathe guda, ne kubik
  • disa gjethe borzilok
  • vaj ulliri ekstra i virgjer
  • kripe
  • piper te zi te sapobluar

Pergatisim fillimisht mbushjen duke kaverdisur ne vaj ulliri ekstra te virgjer qepen derisa te rezultoje transparente. Shtojme kungujt e njome, proshuten dhe vazhdojme gatimin edhe per pak minuta ne zjarr mesatar. Shtojme pak uje (rreth 1 filxhan kafe) dhe i gatuajme kungujt me kapak te mbyllur derisa te zbuten duke i rregulluar ne fund me kripe, piper te zi te sapobluar dhe borzilok te fresket. E leme masen te ftohet.

Ne nje tas, rrahim vezet, shtojme panen e kuzhines dhe vazhdojme rrahjen.

Shtrojme ne tave peten sfoljate dhe e çpojme lehtesisht me dhembet e nje piruni ne fundin e saj. Shtojme perberjen me kunguj, qepe dhe proshute dhe siper hedhim kremin me veze dhe pana. Shperndajme ne siperfaqe kubiket e djathit dhe e pjekim ne furre te parangrohur ne 200°C per rreth gjysme ore. Presim te ftohet plotesisht perpara se ta presim dhe ta sherbejme.

Byrek i hapur me kunguj te njome1

Ruajtja: Byreku i hapur me kunguj te njome mund te ruhet ne frigorifer per maksimumi 2 dite mbuluar me qese transparente ose mund te ruhet ne ngrirje i ndare ne feta.

Byrek i hapur me kunguj te njome3

Pema e Vitit të Ri me brumë sfoljat

Peme e vitit te ri prej brumi sfoljate

Nje antipaste shume e veçante te cilen mund ta servirni ne tavolinen tuaj te festave te fundvitit. Kerkon minimumin e perberesve dhe fare pak kohe si per tu pregatitur ashtu dhe per tu pjekur.

Perberesit per nje peme Vitit te Ri

  • 2 peta sfoljat te gatshme (ose te pregatitura vet sipas recetes qe do ta gjeni ketu)
  • 4 feta djath qe shkrin (psh guda)
  • 4 feta proshute
  • 10 domate qershize
  • disa kokrra ullinj pa berthame
  • pak qumesht per lyerje

Vendosim te dyja petet sfoljate ne tavolinen e punes dhe me ndihmen e majes se nje thike te mprehte i japim formen e pemes se Vitit te Ri duke formuar pjesen e siperme dhe trungun (me pjeset e mbetura te brumit sfoljat mund te formoni byreçka te vogla). E leme menjane njeren pete dhe mbi peten tjeter vendosim fetat e proshutes dhe djathit. E mbulojme me peten tjeter duke ushtruar pak presion me mollezat e gishtave ne anet e pemes ne menyre qe gjate pjekies petet te mos hapen.

Formojme deget e pemes duke e prere pjesen e siperme ne shirita horizontal te cilet me pas i rrotullojme rreth vetes. E dekorojme pemen ne siperfaqe me gjysma domatesh qershize dhe ullinjsh, e lyejme me pak qumesht dhe e fusim ne furre te parangrohur ne 200°C per 20-25 minuta. E leme te ftohet pak ne temperature ambjenti perpara se ta sherbejme.

*Keshille: Mbushja e pemes se Vitit te Ri mund te jete sipas deshires, psh me gjize e spinaq, qepe e domate etj.
Mund te pregatisni edhe versionin e embel duke e shtuar si mbushje krem Nutella ose reçelera te ndryshem.

Smorgastarta

SmargSmorgastarta eshte nje torte sanduiç ose nje torte e kripur shume e njohur ne kuzhinen Skandinave, sidomos ne ate Suedeze dhe Finlandeze. Receta konsiston ne nje sanduiç te madh me shume shtresa (zakonisht 4 ose 5) dhe mbushje te ndryshme midis tyre. Mbushja varion sipas deshires, por zakonisht baza jane vezet e ziera dhe majoneza te cilat kombinohen me pas me proshute, karkaleca, domate ne feta, kokrra rrushi, limon ne feta, salmon te tymosur etj.

Per nje rezultat sa me te mire, pregatiteni smorgastarta nje nate perpara dhe vendoseni ne frigorifer: diten qe do ta servirni vetem dekorojeni ne siperfaqe dhe sherbeheni te ftohte te prere ne feta.

Me poshte po ju tregojme menyren e pregatitjes se kesaj torte te kripur, perberesit i zgjidhni ju sipas deshires!

Perberesit

baza: 1 buke e bardhe e pa prere, prere ne feta horizontalisht ose buke per tramezzini

per lyerjen midis fetave te bukes: djath filadelfia me ereza ose origjinal ose majoneze e perziere me veze te ziera te prera ne copeza ose mus me filadelfia dhe proshute te pjekur ose salce kosi

per mbushje: feta proshute te pjekur ose perime te pjekura ne feta te holla (patellxhan, kunguj etj) ose karkaleca te ziere per max 5 minuta ose feta vezesh te ziera

per zbukurim: feta limoni, feta vezesh te ziera, proshute e pjekur e prere shume holle, karkaleca, salmon i tymosur, havjar etj

Lyejme çdo fete buke per tramezzini me perberesin qe kemi zgjedhur, vendosim midis fetave mbushjen dhe e fusim ne frigorifer sanduiçin duke e lene keshtu gjithe naten.

Diten qe do ta servirim, e lyejme Smorgastarta me kremin qe kemi zgjedhur dhe e zbukurojme sipas deshires. E servirim te ftohte te prere ne feta.

Tortë e kripur me brokoli dhe salçiçe

Torte e kripur me brokoli dhe salciceJemi ne fundin e stines se brokolit, prandaj pse te mos e perdorim kete perim te pasur me vitamin C dhe antioksidant? Receta e meposhtme, eshte nje nderthurje midis tortes se kripur dhe pices, te ciles nuk i eshte shtuar djath mocarela per te mos e renduar me shume. Perberesit per nje tave 25cmx30cm

  • 500gr brume pice (receten e gjeni ketu)
  • 300gr lule brokoli
  • 100gr salçiçe te fresketa
  • 1 thelpi hudher
  • 1 luge te vogel paprika (spec te kuq te embel)
  • pak djath kaçkavall te grire
  • vaj ulliri
  • kripe

Ziejme ne uje me pak kripe per rreth 5 minuta lulet e brokolit, i kullojme dhe i leme menjane. Ne nje tigan, kaverdisim me nje luge vaj ulliri hudhren e prere ne feta te holla, shtojme salçiçet te cilave u kemi hequr lekuren dhe i kemi ndare ne copa te vogla dhe i kaverdisim derisa te marrin ngjyre nga te gjitha anet. Shtojme lulet e brokolit, i sperkasim me pak paprika dhe e ngreme zjarrin ne maksimum ne menyre qe te marrin shije dhe te avulloje uji i tepert, per rreth 2 minuta. Lyejme me vaj ulliri taven ne te cilen do te pregatisim torten e kripur dhe hapim mbi te brumin e pices. Hedhim siper perberjen me brokoli dhe salçiçe, e sperkasim me pak vaj ulliri dhe e pjekim ne furre te parangrohur ne 200°C per rreth 20 minuta, 5 minutat e fundit e sperkasim edhe me djathin kaçkavall te grire. E presim ne copa dhe e sherbejme menjehere.

Tartë tatin me kungulleshka dhe domate

Tarta tatin, tradicionalisht i referohet nje lloj torte me molle ku keto te fundit bashkohen me sheqerin e gjalpin dhe korja e tortes ndodhet ne siperfaqe te saj, e jo poshte si zakonisht. Per kete arsye, tarta tatin duhet kthyer permbyse direkt pas pjekjes. Por versionet tashme jane nga me te ndryshmet, dhe ne pikerisht po ju paraqesim nje te tille te kripur, mjaft te vecante si nga pamja ashtu dhe nga shija!
Perberesit

  • 1 pete sfoljate e rrumbullaket me diameter 26-28cm
  • 2 kungulleshka
  • 3-4 lule kungulleshke (fakultative)
  • 2 domate te rrumbullakta
  • 2 luge sheqer
  • 4 luge uthull vere te bardhe
  • 4 luge vaj ulliri
  • kripe
  • piper

Pastrojme kungulleshkat dhe domatet dhe i presim ne feta te pjerreta me trashesi rreth 5mm.

Ne nje tigan, shkrijme 1 luge sheqer me 2 luge uthull vere te bardhe, shtojme ne fillim kungulleshkat dhe i leme te karamelizohen per pak minuta. I heqim dhe i leme menjane. Te njejten gje bejme edhe me fetat e domateve duke perdorur sheqerin dhe uthullen e mbetur.

Lyejme me 2 luge vaj ulliri nje forme te rrumbullaket tortash me diameter rreth 24cm. Vendosim njera pas tjetres fetat e kungulleshkave dhe domateve te karamelizuara, i rregullojme me kripe, piper dhe i mbulojme me peten sfoljate te rrumbullaket duke futur anet e petes brenda formes .

E pjekim tarten ne furre te prangrohur ne 200°C per rreth 25 minuta derisa peta sfoljate te kete marre ngjyre te arte. E nxjerrim nga furra, e leme per rreth 5 minuta ne temperature ambjenti dhe me pas e kthejme ne nje pjate te ceket. E zbukurojme me lulet e kungulleshkave te pastruara dhe te skuqura ne vajin e ullirit te mbetur

Pite turke të mbushura

Pitja turke eshte nje lloj pice gjysme e mbyllur e cila mbushet zakonisht me djath te bardhe, kackavall, mish te grire etj. Tradicionalisht piqet ne furre druri, e cila i jep edhe aromen karakteristike, por edhe ne furrat normale qe kemi ne shtepi rezulton shume e shijshme!
Perberesit per 6 pite turke
…per pitet

  • 350gr miell 0 (ose 00)
  • 2 veze
  • 50gr gjalp ne temperature ambjenti
  • 100ml qumesht te ngrohte
  • 3 luge uje te ngrohte
  • 15gr maja birre te fresket
  • 1 luge te vogel kripe

…per mbushjen

  • 150gr djath te bardhe te therrmuar me dore
  • 1 veze te rrahur
  • 20gr gjalp
  • pak majdanoz
  • piper

Ne nje ene te vogel, hedhim ujin e ngrohte, pak qumesht (rreth 1/4) dhe ne to shkrijme majane e birres te ndare ne copa te vogla.
Ne tavolinen e punes, vendosim 250gr miell te cilit i hapim nje grope ne mes ku shtojme perberjen me maja birre, e punojme brumin me dore derisa te rezultoje kompakt, dhe shtojme edhe pak miell tjeter nese eshte e nevojshme. E transferojme brumin ne nje tas te madh, e mbulojme me nje pecete te paster dhe e leme te fryhet ne ambjent te ngrohte (psh brenda ne furren e fikur) larg korrenteve te ajrit per 20-30 minuta.

Pasi ka kaluar kjo kohe, i shtojme brumit vezet e rrahura paraprakisht, qumeshtin e mbetur, kripen dhe pjesen tjeter te miellit. E punojme mire per rreth 5 minuta me dore, shtojme gjalpin ne temperature ambjenti dhe e punojme serisht derisa ky i fundit te jete thithur nga perberja. Brumin e rivendosim ne tas, e mbulojme me peceten e paster dhe e leme te fryhet per rreth 1 ore e gjysme derisa te kete dyfishuar vellimin e tij.

Pas kesaj kohe, e punojme serisht me dore dhe e ndajme ne 6 pjese te barabarta te cilat i hapim ne formen e nje varke (si ne foto). I vendosim njera pas tjetres ne nje tave te madhe te shtruar me leter furre dhe i mbushim duke perziere te gjithe perberesit e mesiperm. Ne qendren e cdo pite vendosim nje cope te vogel gjalp, i leme te fryhen per 30 minuta te tjera dhe i pjekim ne furre te parangrohur ne 200°C per rreth 20 minuta. I servirim te ngrohta

Tortë krepesh me perime

Kjo antipaste e cila kerkon pak kohe ne pregatitje, rekomandohet te gatuhet ne raste festash si per shembull nje ditelindje, apo festat e fundvitit. Me pak miremenaxhim te kohes, nuk do te jete shume e veshtire te sillni ne tavoline shijen e vecante te kesaj torte te kripur e cila me ngjyrat e saj, do te mahnise edhe femijet.

Perberesit

  • 10 krepa te kripur sipas recetes qe do ta gjeni ketu
  • 1kg kungulleshka
  • 1kg domate (mundesisht te tipit San Marzano, qe jane edhe ato me te emblat)
  • 1 qepe
  • 400gr djath mocarela (ose djath tjeter qe shkrin)
  • 2 luge vaj ulliri
  • pak borzilok
  • kripe
  • piper

Nderkohe qe kemi pregatitur brumin per krepa dhe ai pushon (minimumi 30 minuta) ne frigorifer, vazhdojme me pregatitjen e mbushjes se tortes me perime:

Ne nje tigan te madh, kaverdisim me dy luge vaj ulliri per rreth 15 minuta qepen te grire shume holle, kungulleshkat e prera ne copa te vogla, domatet te cilave i kemi hequr lekuren, farat e brendshme dhe i kemi prere ne shirita te holle, i rregullojme me kripe dhe piper dhe i gatuajme me kapak te mbyllur ne menyre qe avulli ti zbusi perimet. Ne fund, masa duhet te rezultoje e thate.

E heqim tiganin nga zjarri dhe shtojme djathin mocarela te prere ne kubik te vegjel, borzilokun e prere holle dhe i perziejme derisa djathi te shkrihet.

Marrim nje tas jo shume te madh me forme te rrumbullaket (madhesia varet nga diametri i krepave, duhet te kemi parasysh qe nje krepe duhet “ta veshe” nga brenda tasin) dhe e veshim me leter celofoni. E lyejme letren me pak vaj ulliri dhe vendosim ne te 2 krepa njeri pas tjetrit. Vendosim 1/4 e perimeve, 2 krepa te tjere, dhe vazhdojme ne kete menyre derisa perimet dhe krepat te perfundojne (normalisht jane formuar 4 shtresa me perime dhe 5 shtresa me nga 2 krepa). E mbulojme siperfaqen me leter transparente dhe i vendosim siper nje peshe paksa te rende (psh nje tenxhere me pak uje) ne menyre qe torta te rezultoje kompakte. E fusim ne frigorifer per rreth 2 ore, dhe ne momentin e servirjes e permbysim torten e krepave me perime dhe e presim ne feta.

(recete marre nga: 365 giorni a tavola-Paola Loaldi, dhe modifikuar nga autorja)

Pica të vogla me djath filadelfia

Pica te vogla me filadelfiaPicat me filadelfia, pregatiten ne vetem 30 minuta dhe jane zgjidhja ideale nese keni te ftuar per darke dhe doni te pregatisni antipasta te vogla, por te shijshme.

Perberesit per rreth 25 pica te vogla

…per brumin

  • 250gr miell
  • 250gr djath filadelfia natyral
  • 50gr gjalp
  • kripe

…per mbushjen

  • salce domatesh
  • djath mocarela
  • rigon/borzilok

Vendosim ne mikser djathin filadelfia, miellin, gjalpin dhe pak kripe dhe i perziejme derisa te formohet nje top brumi. E nxjerrim nga mikseri, dhe nese brumi ngjit ne duar, shtojme pak miell. E punojme pak me dore, e mbeshtjellim me nje leter celofoni dhe e vendosim ne frigorifer per rreth 20 minuta ne menyre qe hapja e tij te jete me e lehte.

Pasi te kete kaluar kjo kohe, e hapim brumin ne tavolinen e punes te lyer me pak miell dhe formojme disqe me ndihmen e nje forme te rrumbullaket ose te nje gote (madhesia sipas deshires). I vendosim picat e vogla ne nje tave ne te cilen kemi shtruar leter furre, i lyejm me nje luge te vogel salce domatesh, i sperkasim me pak rigon/borzilok dhe i pjekim ne furre te parangrohur ne 200°C per 5 minuta. Pas kesaj, i nxjerrim nga furra, shtojme pak djath mocarela te grire, dhe i pjekim serisht per 10 minuta te tjera. I sherbejme te ngrohta.

*Keshille: Sipas deshires picave mund ti shtoni cfare te deshironi: copeza proshute, ullinj, kaperi, salçiçe etj.

1 2
Krijoni një sajt ose blog te WordPress.com