Receta për festa

Byrek i hapur me kungull të njomë

  • Racione: 6 persona
  • Vështirësi: e thjeshtë
  • Shtype

Byrek i hapur me kunguj te njome2

Kemi hyre zyrtarisht ne sezonin veror, atehere kur buka me vete ne plazh te shijon me shume se çdo gje tjeter. Eshte koha te shlodhemi nen hijen e pishave te gjithe bashke duke organizuar nje piknik ne ajer te paster me ato qe pergatisim me duart tona. Receta qe do tju prezantoj me poshte, i pershtatet mrekullisht kesaj kohe: kungulli i njome eshte ne kulmin e shijes se tij ndersa borziloku i jep freski. Jeni gati te perveshni menget?

Perberesit per nje tave me diameter 26cm

  • 1 pete sfoljate e gatshme (ose pergatiteni sipas recetes tone ketu)
  • 1kg kunguj te njome, ne feta te rrumbullakta
  • 1 qepe e vogel, e grire holle
  • 3 feta proshute, ne copeza te vogla
  • 4 veze
  • 200ml pana kuzhine
  • 100gr djathe guda, ne kubik
  • disa gjethe borzilok
  • vaj ulliri ekstra i virgjer
  • kripe
  • piper te zi te sapobluar

Pergatisim fillimisht mbushjen duke kaverdisur ne vaj ulliri ekstra te virgjer qepen derisa te rezultoje transparente. Shtojme kungujt e njome, proshuten dhe vazhdojme gatimin edhe per pak minuta ne zjarr mesatar. Shtojme pak uje (rreth 1 filxhan kafe) dhe i gatuajme kungujt me kapak te mbyllur derisa te zbuten duke i rregulluar ne fund me kripe, piper te zi te sapobluar dhe borzilok te fresket. E leme masen te ftohet.

Ne nje tas, rrahim vezet, shtojme panen e kuzhines dhe vazhdojme rrahjen.

Shtrojme ne tave peten sfoljate dhe e çpojme lehtesisht me dhembet e nje piruni ne fundin e saj. Shtojme perberjen me kunguj, qepe dhe proshute dhe siper hedhim kremin me veze dhe pana. Shperndajme ne siperfaqe kubiket e djathit dhe e pjekim ne furre te parangrohur ne 200°C per rreth gjysme ore. Presim te ftohet plotesisht perpara se ta presim dhe ta sherbejme.

Byrek i hapur me kunguj te njome1

Ruajtja: Byreku i hapur me kunguj te njome mund te ruhet ne frigorifer per maksimumi 2 dite mbuluar me qese transparente ose mund te ruhet ne ngrirje i ndare ne feta.

Byrek i hapur me kunguj te njome3

Advertisements

Rizoto me shampanjë dhe skampi

Rizoto me shampanje dhe skampiRizoto me shampanje dhe skampi eshte nje pjate e pare teper e rafinuar e cila rekomandohet te pregatitet vetem ne okazione te veçanta si per shembull Festat e fundvitit apo Shen Valentini. Per te reduktuar koston e kesaj pjate, mund te perdorni ne vend te shampanjes vere te gazuar (spumante) dhe ne vend te skampit, karkaleca te medhenj.

Perberesit

  • 320gr oriz per rizoto (te tipit Carnaroli ose Arborio)
  • 12 skampi ose karkaleca te medhenj
  • 1 presh i vogel (pjesen e bardhe te tij)
  • 100gr gjalp
  • 500ml shampanje ose vere te gazuar (spumante) jo te embel (Brut) ne temperature ambjenti
  • 1 tufe majdanoz
  • 1 thelpi hudher
  • vaj ulliri
  • kripe
  • piper te zi te sapobluar
  • rreth 250ml leng peshku ose leng te pregatitur me gjysme koncentrate peshku dhe 250ml uje

Pastrojme fillimisht skampit duke i hequr koken dhe fijen e zeze te zorreve. I bejme dy çarje anesore trupit dhe nxjerrim me kujdes tulin e skampit duke e prere ne copa. I kaverdisim ne nje tigan me pak vaj ulliri dhe nje thelpi hudher te shtypur per rreth 2 minuta, apo derisa te ndryshojne ngjyre. I japim shije me pak piper te zi te sapobluar dhe i vendosim menjane ne nje ene te mbyllur me kapak ne menyre qe te jene te ngrohta.

Pregatisim rizoton me shampanje duke shkrire ne nje tigan gjysmen e gjalpit, shtojme preshin e prere shume holle dhe e leme derisa te zbutet. Shtojme orizin dhe e perziejme derisa ta kete thithur te gjithe yndyren. Shtojme pak nga pak edhe shampanjen derisa te perfundojne 500ml. Nese orizi nuk eshte ziere akoma plotesisht, vazhdojme gatimin me lengun e peshkut (per zierjen e orizit nevojiten 18-20 minuta)

Pasi rizoto te jete gati, fikim zjarrin, shtojme tulin e skampit, gjysmen e mbetur te gjalpit, majdanozin dhe i perziejme mire.

E sherbejme rizoton duke e sperkatur me pak piper te zi ose majdanoz te grire holle. Mund ta dekorojme ne siperfaqe me nje skampi te plote te kaverdisur ne pak gjalp.

Foto nga: https://lafemmemange.wordpress.com

Menu për pashkë

Tavoline pashkeshPashka eshte festa kryesore e besimtareve te krishtere, e cila feston ringjalljen e Krishtit qe sipas shkrimeve Biblike ka ndodhur diten e trete te vdekjes se tij ne kryq. Data e Pashkeve nuk eshte fikse, por ndryshon ne varesi te cikleve henore.

Gjeja e pare qe duhet pregatitur patjeter jane vezet (e kuqe) te pashkeve, te cilat jane simbol i kesaj dite te veçante. Nese keni mundesi, mund te perdorni ngjyra natyrale te cilat nuk permbajne agjente kimik, sipas menyres qe ne ju sugjerojme ne kete postim.

Se dyti, buka e pashkeve nuk duhet ne asnje menyre te mungoje ne tavolinen tuaj. Provoni te ndiqni hap pas hapi receten qe ne ju propozojme ketu.

ANTIPASTA

Veze te ziera te mbushura me peshk salmon

PJATA TE PARA

Supe magjerica – e cila pregatitet me te brendshmet e qengjit

Supe patatesh me kore brumi sfoljate – per nje pjate te pare vertete skenografike

PJATA TE DYTA

Kofshe qengji me patate ne furre – mishi kryesor qe pregatitet per pashke eshte pikerisht qengji

Mish qengji me argjinare dhe bizele

Brinje qengji alla Roberto – te cilat mund te shoqerohen me nje nga garniturat me poshte

Mish qengji ne furre

GARNITURA

Patate fizarmonike – te cilat perveçse te shijshme, kane edhe nje pamje teper te bukur

EMBELSIRA

Qumeshtor me pete – nese doni te pregatisni nje embelsire tradicionale

Petulla karnavalesh (Castagnole)

Petulla karnavaleshKeto petulla, sebashku me Galanit, jane nje embelsire tipike qe gatuhen per Karnavale dhe pregatiten ne sasi te medha ne menyre qe te zgjasin gjate te gjithe periudhes. Nese preferoni, mund ti lyeni edhe me pak salce çokollate ne vend te sheqerit, apo mund ti mbushni brenda me krem pastiçerie, nutela etj.
Perberesit

  • 450gr miell 00
  • 3 veze
  • 150gr sheqer + 50gr per sperkatje
  • 75gr gjalp
  • 1 pako pluhur pjekes
  • 2 luge rum (ose nje flakon arome rumi)
  • pak kripe
  • vaj luledielli per skuqje

Ne nje tas, rrahim me ndihmen e nje mikseri elektrik vezet e plota me 150gr sheqer dhe nje maje luge kripe derisa te perftojme nje perberje te fryre dhe me ngjyre te hapur.

Shkrijme ne mikrovale gjalpin dhe ja shtojme mases se mesiperme bashke me rumin, shtojme ne fund edhe miellin e situr dhe e bashkojme te gjithe brumin derisa te homogjenizohet.

Formojme nga brumi shume sfera te vogla me madhesine e nje geshtenje dhe i skuqim ne vaj te nxehte derisa te marrin ngjyre te arte. I vendosim mbi nje leter thithese ne menyre qe te eleminojme vajin e tepert dhe i sperkasim me pak sheqer ne siperfaqe. I servirim te ngrohta ose te ftohta.

Petulla të ëmbla veneciane (Galani)

galani venecian

Galanit jane petulla te skuqura te embla tipike te zones se Verones e Venezias, te cilat gatuhen kryesisht me rastin e festes se Karnavaleve. Ato sherbehen ne te gjitha rajonet e Italise, por duke marre emra te ndryshem, gjithesesi shija eshte e njejte! Mund te pregatiten ne sasi te medha dhe te ruhen ne nje kuti alumini te mbyllur… keshtu do te zgjasin per te gjithe periudhen e Karnavaleve.

Perberesit

  • 500gr miell 00
  • 3 veze
  • 50gr sheqer
  • 1 pako te vogel pluhur pjekes
  • 3-4 luge raki
  • vaj luledielli per skuqje
  • 5-6 luge sheqer pluhur per sperkatje
  • pak kripe

Ne nje tas te madh perziejme miellin me sheqerin, pluhurin pjekes, pak kripe, vezet dhe rakine, e punojme brumin shume mire me dore derisa te perftojme nje mase homogjene dhe pak a shume te forte (shtojme akoma raki nese eshte e nevojshme).

E hapim brumin pak nga pak me ndihmen e nje okllaie duke perftuar shume pete te holla te cilat i presim ne drejtkendesha 12x6cm me nje rulon te dhembezuar, si ne figure.

Ne nje tigan te thelle nxehim vaj luledielli dhe i skuqim galanit nje nga nje per disa sekonda derisa te marrin ngjyre te arte nga te gjitha anet. Per te skuqur te gjithe Galanit do te mjaftonin rreth 20 minuta.

Pas skuqjes, i vendosim mbi nje leter thithese ne menyre qe te eleminojme vajin e tepert dhe vetem pasi te ftohen plotesisht i sperkasim me sheqer pluhur. 

Menù romantike për festën e të dashuruarve

Shen-valentin-menuKete Shen Valentin, harrojini dhuratat e shtrenjta qe i beni cdo vit te dashurit tuaj te zemres… provoni dicka me origjinale dhe me me pak shpenzime! Nje darke romantike te pregatitura me duart tuaja te cilen eshte e pamundur te mos e vleresoj! Me poshte po ju japim disa ide per nje vakt te plote, zgjedhja si gjithmone ju takon ju!

ANTIPASTA

Trendafila proshute

Zemer buke me djath dhe proshute

Kanapè me karkaleca

Zemer selinoje me krem djathi

Kroketa perimesh me fara susami

SALLATA

Sallate me avokado dhe peshk ton

Sallate çezar

Sallate kapreze

Koktej me karkaleca dhe bishtaja

Sallate me peshk ton dhe veze te ziera

PJATA TE PARA

Supe me karkaleca

Rizoto me luleshtrydhe

Njoki me shafran

Makarona me ragu peshku

Midhje me vere te bardhe

PJATA TE DYTA

Lepur me lime

Lepur alla franceze

Pule e marinuar me fara susami

Oktapode te vegjel ne salce

Peshk salmon ne zgare me salce mango dhe avokado

EMBELSIRA

Torte Sharlote me luleshtrydhe

Torte Tenerina

Torte me kos dhe luleshtrydhe

Kek me çokollate te zeze

Xhelatine me luleshtrydhe

Sallatë e ftohtë me oriz

Rice salad on bowlSallata e orizit eshte nje recete tipike verore e cila preferohet te konsumohet me shume neper piknike apo edhe thjesht kur nuk kemi deshire te rrime prane sobes duke gatuar me ore te tera. Eshte shume e thjeshte ne pregatitje, e shpejt, dhe me ngjyra te cilat do te terheqin vemendjen edhe te femijeve tuaj.

Perberesit

  • 300gr oriz kokerrgjate
  • 150gr djath kaçkavall te bute (ose djath picash)
  • 100gr bizele te ziera (ne kuti)
  • 100gr ullinj te zinj pa berthame
  • 10-15 domate qershize 
  • 1 spec te madh te kuq ose te verdhe
  •  2 kuti peshk ton nen vaj (160-200gr)
  • 4 salçiçe Wudy te vogla
  • 4-5 kastraveca te vegjel turshi
  • 1 tufe majdanoz
  • pak majoneze ose vaj ulliri
  • kripe

Per te pregatitur sallaten e orizit, si fillim, vendosim te zieje ne nje tenxhere uje me kripe dhe ne momentin qe ka arritur piken e vlimit, hedhim orizin. Nderkohe qe orizi zien, presim te gjithe perberesit e tjere si me poshte:

Ndajme domatet qershize ne kater pjese, specin dhe djathin ne kubik te vegjel, salçiçet, ullinjte dhe kastravecat turshi ne rrathe dhe i hedhim te gjitha ne nje ene te madhe duke i perziere mire.

Ne momentin qe orizi eshte gati, e kullojme nga uji i tepert dhe e shplajme nen uje te ftohte ne menyre qe te bllokohet zierja. E kullojme shume mire (ose nese keni kohe ne dispozicion, thajeni me ndihmen e nje pecete kuzhine) dhe e hedhim ne tasin e mesiperm bashke me perberesit e tjere. Shtojme se fundi edhe bizelet te cilave i kemi kulluar ujin e konservimit, peshkun ton te cilit i kemi eleminuar vajin dhe se fundi majdanozin e grire holle duke i perziere te gjitha shume mire. E mbulojme tasin me leter transparente dhe e vendosim ne frigorifer per minimumi 1 ore derisa shijet te bashkohen me njera tjetren.

Ne momentin e servirjes, sipas deshires, mund te shtojme edhe 1-2 luge majoneze, ose pak vaj ulliri duke e perziere mire.

*Keshille: Sallaten e orizit mund ta pregatisni me perberesit qe i pelqejne me shume familjes suaj. Ne kete menyre mund te shtoni edhe veze te ziera te prere ne feta, kaperi, miser, karrota te ziera, proshute te pjekur prere ne kubik te vegjel, karkaleca te vegjel te ziere etj.

Foto nga: http://italianaddiction.com/

Patate fizarmonikë

Si thoni per nje garniture me protagonist kryesor patatet, te cilat pervecse teper te shijshme jane edhe shume skenografike? Mund ti perdorni per te shoqeruar per shembull mishin e qengjit ne dreken e Pashkeve, apo ne cdo feste tjeter ne te cilen doni te lini goje hapur miqte tuaj.

Perberesit

  • 4 patate te medhaja me forme te rregullt
  • 2 thelpinje hudher
  • galete
  • bishta qepesh te thata te prera holle (ne ita. e gjeni nen emrin erba cipollina)
  • 1 tufe majdanoz te prere holle
  • kripe
  • piper
  • vaj ulliri
  • 4 shkopa per shishqebap

Lajme mire patatet, i qerojme dhe i vendosim menjane. Nese baza e tyre nuk eshte e njetrajtshme, i japim forme te sheshte me ndihmen e qeruesit te patateve. Futim horizontalisht ne cdo patate nje shkop per shishqebap rreth 1cm nga baza e tyre, gje qe do te na ndihmoje ne prerjen e patateve ne menyre te rregullt.

Me ndihmen e nje thike te mprehte, presim pataten ne feta paralele te holla, heqim shkopin per shishqebap, dhe veprojme ne te njejten menyre edhe me patatet e tjera. I vendosim ne nje ene me uje te ftohte ne menyre qe ti dale niseshteja, i thajme shume mire me leter kuzhine dhe i leme menjane nderkohe qe pregatism perberjen me te cilen do ti sperkatim:

Perziejme hudhrat e grira holle, bishtat e qepeve te thata, majdanozin, galeten, kripen, piperin dhe me kete mase lyejme cdo flete te patateve me gishta duke patur kujdes te mos i prishim.

I vendosim patatet njera pas tjetres ne nje tave te shtruar me leter furre, i sperkasim me vaj ulliri, me pak kripe dhe i pjekim ne furre te parangrohur ne 200°C per rreth 1 ore. 5 minutat e fundit, i vendosim ne pjesen e siperme te furres ne menyre qe te marrin ngjyre te arte.

*Keshille: Patatet ne kete menyre mund ti pregatisni edhe pa i qeruar, duke patur kujdes ti lani shume mire. Gjithashtu ne mes te fetave te tyre mund te vendosim copeza djathi qe shkrin, apo ti sperkasim ne siperfaqe me pak djath te grire.

Supë patatesh me kore brumi sfoljatë

Kjo supe eshte e thjeshte per tu pregatitur dhe ka nje efekt viziv te menjehershem tek te ftuarit tuaj. Per kete arsye, ne ju rekomandojme ta pregatisni ne raste festash si psh per Pashke.

Perberesit

  • 2 patate mesatare
  • 1l leng pule (ose leng te pregatitur me koncentrate)
  • 3 te verdha vezesh
  • 60gr djath parmixhano te grire (ose djath tjeter kaçkavall)
  • 25gr gjalp
  • 1 tufe majdanoz
  • 1 luge te vogel leng limoni
  • 1 pete sfoljate ne temperature ambjenti
  • kripe
  • piper

Lajme dhe qerojme patatet, i presim ne feta te holla dhe i kaverdisim ne zjarr mesatar bashke me gjalpin per rreth 10 minuta. I rregullojme me kripe, piper, dhe i ndajme neper 4 tasa per supe te cilat mund te futen ne furre.

Ne nje tenxhere, perziejme 2 te verdha vezesh me djathin parmixhano, majdanozin e grire, lengun e limonit dhe pak piper. Shtojme dalengadale lengun e nxehte te pules dhe e çojme te gjithe perberjen ne vlim per disa minuta duke e perziere shpesh. E shperndajme kete mase mbi patatet.

Nga peta sfoljate, perftojme 4 rrathe me diameter pak me te madh se ai i tasave dhe ia vendosim ketyre te fundit si kapak duke i lyer ne siperfaqe me te verdhen e vezes te holluar me pak uje.

I pjekim ne furre te parangrohur ne 180°C per rreth 15 minuta derisa siperfaqa te marre ngjyre te arte. I sherbejme menjehere.

1 2 4