Receta për festa

Sallatë e ftohtë me oriz

Rice salad on bowlSallata e orizit eshte nje recete tipike verore e cila preferohet te konsumohet me shume neper piknike apo edhe thjesht kur nuk kemi deshire te rrime prane sobes duke gatuar me ore te tera. Eshte shume e thjeshte ne pregatitje, e shpejt, dhe me ngjyra te cilat do te terheqin vemendjen edhe te femijeve tuaj.

Perberesit

  • 300gr oriz kokerrgjate
  • 150gr djath kaçkavall te bute (ose djath picash)
  • 100gr bizele te ziera (ne kuti)
  • 100gr ullinj te zinj pa berthame
  • 10-15 domate qershize 
  • 1 spec te madh te kuq ose te verdhe
  •  2 kuti peshk ton nen vaj (160-200gr)
  • 4 salçiçe Wudy te vogla
  • 4-5 kastraveca te vegjel turshi
  • 1 tufe majdanoz
  • pak majoneze ose vaj ulliri
  • kripe

Per te pregatitur sallaten e orizit, si fillim, vendosim te zieje ne nje tenxhere uje me kripe dhe ne momentin qe ka arritur piken e vlimit, hedhim orizin. Nderkohe qe orizi zien, presim te gjithe perberesit e tjere si me poshte:

Ndajme domatet qershize ne kater pjese, specin dhe djathin ne kubik te vegjel, salçiçet, ullinjte dhe kastravecat turshi ne rrathe dhe i hedhim te gjitha ne nje ene te madhe duke i perziere mire.

Ne momentin qe orizi eshte gati, e kullojme nga uji i tepert dhe e shplajme nen uje te ftohte ne menyre qe te bllokohet zierja. E kullojme shume mire (ose nese keni kohe ne dispozicion, thajeni me ndihmen e nje pecete kuzhine) dhe e hedhim ne tasin e mesiperm bashke me perberesit e tjere. Shtojme se fundi edhe bizelet te cilave i kemi kulluar ujin e konservimit, peshkun ton te cilit i kemi eleminuar vajin dhe se fundi majdanozin e grire holle duke i perziere te gjitha shume mire. E mbulojme tasin me leter transparente dhe e vendosim ne frigorifer per minimumi 1 ore derisa shijet te bashkohen me njera tjetren.

Ne momentin e servirjes, sipas deshires, mund te shtojme edhe 1-2 luge majoneze, ose pak vaj ulliri duke e perziere mire.

*Keshille: Sallaten e orizit mund ta pregatisni me perberesit qe i pelqejne me shume familjes suaj. Ne kete menyre mund te shtoni edhe veze te ziera te prere ne feta, kaperi, miser, karrota te ziera, proshute te pjekur prere ne kubik te vegjel, karkaleca te vegjel te ziere etj.

Foto nga: http://italianaddiction.com/

Reklama

Patate fizarmonikë

Si thoni per nje garniture me protagonist kryesor patatet, te cilat pervecse teper te shijshme jane edhe shume skenografike? Mund ti perdorni per te shoqeruar per shembull mishin e qengjit ne dreken e Pashkeve, apo ne cdo feste tjeter ne te cilen doni te lini goje hapur miqte tuaj.

Perberesit

  • 4 patate te medhaja me forme te rregullt
  • 2 thelpinje hudher
  • galete
  • bishta qepesh te thata te prera holle (ne ita. e gjeni nen emrin erba cipollina)
  • 1 tufe majdanoz te prere holle
  • kripe
  • piper
  • vaj ulliri
  • 4 shkopa per shishqebap

Lajme mire patatet, i qerojme dhe i vendosim menjane. Nese baza e tyre nuk eshte e njetrajtshme, i japim forme te sheshte me ndihmen e qeruesit te patateve. Futim horizontalisht ne cdo patate nje shkop per shishqebap rreth 1cm nga baza e tyre, gje qe do te na ndihmoje ne prerjen e patateve ne menyre te rregullt.

Me ndihmen e nje thike te mprehte, presim pataten ne feta paralele te holla, heqim shkopin per shishqebap, dhe veprojme ne te njejten menyre edhe me patatet e tjera. I vendosim ne nje ene me uje te ftohte ne menyre qe ti dale niseshteja, i thajme shume mire me leter kuzhine dhe i leme menjane nderkohe qe pregatism perberjen me te cilen do ti sperkatim:

Perziejme hudhrat e grira holle, bishtat e qepeve te thata, majdanozin, galeten, kripen, piperin dhe me kete mase lyejme cdo flete te patateve me gishta duke patur kujdes te mos i prishim.

I vendosim patatet njera pas tjetres ne nje tave te shtruar me leter furre, i sperkasim me vaj ulliri, me pak kripe dhe i pjekim ne furre te parangrohur ne 200°C per rreth 1 ore. 5 minutat e fundit, i vendosim ne pjesen e siperme te furres ne menyre qe te marrin ngjyre te arte.

*Keshille: Patatet ne kete menyre mund ti pregatisni edhe pa i qeruar, duke patur kujdes ti lani shume mire. Gjithashtu ne mes te fetave te tyre mund te vendosim copeza djathi qe shkrin, apo ti sperkasim ne siperfaqe me pak djath te grire.

Supë patatesh me kore brumi sfoljatë

Kjo supe eshte e thjeshte per tu pregatitur dhe ka nje efekt viziv te menjehershem tek te ftuarit tuaj. Per kete arsye, ne ju rekomandojme ta pregatisni ne raste festash si psh per Pashke.

Perberesit

  • 2 patate mesatare
  • 1l leng pule (ose leng te pregatitur me koncentrate)
  • 3 te verdha vezesh
  • 60gr djath parmixhano te grire (ose djath tjeter kaçkavall)
  • 25gr gjalp
  • 1 tufe majdanoz
  • 1 luge te vogel leng limoni
  • 1 pete sfoljate ne temperature ambjenti
  • kripe
  • piper

Lajme dhe qerojme patatet, i presim ne feta te holla dhe i kaverdisim ne zjarr mesatar bashke me gjalpin per rreth 10 minuta. I rregullojme me kripe, piper, dhe i ndajme neper 4 tasa per supe te cilat mund te futen ne furre.

Ne nje tenxhere, perziejme 2 te verdha vezesh me djathin parmixhano, majdanozin e grire, lengun e limonit dhe pak piper. Shtojme dalengadale lengun e nxehte te pules dhe e çojme te gjithe perberjen ne vlim per disa minuta duke e perziere shpesh. E shperndajme kete mase mbi patatet.

Nga peta sfoljate, perftojme 4 rrathe me diameter pak me te madh se ai i tasave dhe ia vendosim ketyre te fundit si kapak duke i lyer ne siperfaqe me te verdhen e vezes te holluar me pak uje.

I pjekim ne furre te parangrohur ne 180°C per rreth 15 minuta derisa siperfaqa te marre ngjyre te arte. I sherbejme menjehere.

Bukë Pashke me vezë të ngjyrosura

Buka e Pashkes pregatitet mengjesin e Pashkes ne pothuajse çdo familje te krishtere dhe duke qene se ka nje shije as te embel as te kripur, konsumohet per mengjes lyer me pak reçel ose edhe me djath te bardhe. Mund ti jepet forma nga me te ndryshmet, qe nga gersheti e deri tek forma klasike e gjevrekut. E vetmja gje me te cilen duhet te beni kujdes, eshte ngjyruesi qe do te ngjyrosni vezet e Pashkes; duhet te jete patjeter ushqimor!

Perberesit

  • 1/2kg miell 00
  • 5 veze
  • 100gr gjalp te shkrire ne mikrovale
  • 100ml qumesht
  • 150gr sheqer
  • 30gr maja birre
  • 3 veze te ngjyrosura Pashke

Fillimisht, shkrijme majane e birres ne pak uje te ngrohte duke shtuar me pas edhe qumeshtin e vaket. Shtojme nje luge te vogel sheqer, gjysmen e miellit dhe i perziejme mire derisa te formohet nje perberje homogjene. Ne kete moment, brumi rezulton pak ngjites ne duar, por nuk eshte problem! E leme te vije te gjithe masen ne nje ambjent te ngrohte larg korrenteve te ajrit (psh ne furren e fikur) per rreth 2 ore, apo derisa te dyfishoje vellimin e saj.

Ne nje ene te madhe, rrahim me ndihmen e nje mikseri elektrik vezet me pjesen e mbetur te sheqerit, shtojme gjalpin e shkrire ne mikrovale dhe gjysmen tjeter te miellit.

Pasi te kene kaluar dy ore dhe brumi te jete fryre, e bashkojme me brumin e mesiperm me veze duke i perziere sa me mire me njeri tjetrin ne menyre qe te formohet nje mase e vetme e cila duhet te rezultoje elastike dhe jo shume e holle (ne kete rast, shtojme edhe pak miell). E vendosim serisht per tu fryre edhe per 2 ore te tjera.

Pasi ka kaluar kjo kohe, e ndajme brumin ne dy pjese duke formuar dy rripa te gjate te cilet i gershetojme midis tyre. Vendosim ne mes vezet e kuqe te ziera, e transferojme ne taven ku do ta gatuajme  te lyer paraprakisht me pak gjalp dhe miell dhe e leme te vije edhe per 1 ore tjeter. E pjekim ne furre te parangrohur ne 180°C per rreth 30 minuta.

Supë magjerica

Supa magjerica eshte nje pjate e pare teper e shijshme e cila pregatitet me te brendshmet e qengjit (pervec plendesit) dhe me lengun e perftuar nga koka e tij. Rekomandohet te gatuhet ne pranvere, dhe me egzaktesisht me rastin e Pashkeve, per arsye se ne kete periudhe qengjat jane te njome dhe shija do te jete sublime!
Perberesit

  • 1 koke qengji + 2 liter uje te ftohte
  • 300gr te brendshme qengji (melci, gjendra etj)
  • 4 qepe te njoma
  • 3 luge oriz
  • 2 veze
  • 60gr gjalp
  • 1 tufe koper
  • lengun e 1 limoni
  • kripe
  • piper

Si fillim, pastrojme koken e qengjit, e shplajme, e coptojme dhe e vendosim ne 2 litra uje te ftohte per tu ziere ne zjarr te avashem per 1 ore nga momenti i marrjes vale, apo derisa mishi te shkeputet lehtesisht nga kocka. Me ndihmen e nje luge, heqim here pas here shkumen qe formohet ne siperfaqe. E kullojme lengun e kokes dhe e perdorim ne nje moment te dyte. Shkepusim gjithashtu edhe mishin e kokes, e presim ne copa te vogla dhe e leme menjane.

Grijme holle pjesen e bardhe te qepeve te njoma dhe i kaverdisim ne gjalp ne zjarr te ulet derisa te zbuten, shtojme te brendshmet e qengjit ne copa te vogla dhe i skuqim mire per 2?3 minuta duke i rregulluar me kripe dhe piper.

Shtojme lengun e kokes te nxehte, mishin e kokes, dhe e leme supe te gatuhet per rreth 30 minuta ne zjarr mesatar. Shtojme orizin dhe e leme edhe per 20 minuta te tjera derisa te gjithe perberesit te jene zbutur.

Ne nje ene te vogel rrahim vezet, i shtojme lengun e limonit dhe kete mase ia shtojme supes magjerica duke e perziere gjate te gjithe kohes ne menyre qe veza te mos pritet. E rregullojme se fundi edhe me koper te grire holle dhe e servirim.

*Keshille: Ne vend te lengut te kokes, mund te perdorni edhe lengun e kembeve te qengjit, leng mishi apo edhe thjesht uje.

Luleshtrydhe në krem çokollate

Kjo eshte nje menyre shume e embel dhe delikate per te perfunduar nje darke romantike, prandaj kete recete ju a keshillojme ta pregatisni darken e Shen Valentinit.

Perberesit

  • 10 luleshtrydhe te medha
  • 200gr çokollate te zeze
  • 100ml pana per embelsira
  • 2 luge rum, konjak, amareto etj (fakultative)

Per pregatitjen e kesaj recete, ndajme çokollaten ne copeza te vogla dhe e shkrijme ne banjomari bashke me panen e lengshme (jo te rrahur!) derisa te formohet nje krem homogjen dhe te mos mbeten copeza çokollate. E heqim enen nga banjomaria dhe shtojme pijet alkoolike sipas deshires duke i perziere mire.

Lajme mire luleshtrydhet, i thajme me letra kuzhine dhe nje nga nje i zhysim ne kremin me çokollate. I vendosim ne nje leter furre ne menyre qe çokollata te ngurtesohet dhe i sherbejme te ftohta.

*Keshille: Ne vend te luleshtrydheve, mund te perdorim edhe fruta te tjera si banane, molle, dardha, pjeshke, kivi, mango, apo edhe biskota. Por, duke qene se banania, dardha dhe molla kane tendence te nxihen sapo qerohen, atehere i sperkasim me pak leng limoni perpara se ti zhysim ne çokollate.

Karkaleca me susam

Kjo eshte nje antipaste teper e shpejt dhe me vlera te larta ushqimore, e cila preferohet te pregatitet ne diten e Shen Valentinit per shkak te vetive afrodiziake qe ka.

Perberesit

  • 10 karkaleca te medhenj
  • 1 e bardhe veze
  • susam
  • vaj luledielli
  • salce soje per ti shoqeruar (fakultative)

Pastrojme fillimisht karkalecat duke lene vetem pjesen e bishtit, i kalojme nen uje te rrjedhshem dhe i thajme me letra kuzhine.

Ne nje ene te vogel, rrahim me ndihmen e nje piruni te bardhen e vezes, i kalojme karkalecat nje nga nje ne kete mase, i kalojme me pas ne farat e susamit dhe i skuqim ne vaj te nxehte per maksimumi 2 minuta. I vendosim ne nje leter kuzhine ne menyre qe te thithet vaji i tepert dhe i sherbejme me salce soje.

Tortë Sharlotë me luleshtrydhe

Torta Sharlote eshte nje nga embelsirat me te vleresuar ne te gjithe boten, e njohur per thjeshtesine e perberesve te saj dhe shijen e pakrahasueshme. Mbi etimologjine e ketij emri egzistojne akoma edhe sot dyshime; me e famshmja supozon se emri derivon nga Mbreteresha Sharlote (1744-1818), gruaja e Xhorxhit III te Mbreterise se Bashkuar, per te cilen u gatua per here te pare kjo embelsire. Ndersa tjetra hedh hipotezen se ishte pikerisht kunata e Aleksandrit I te Prusise e cila e ka “pagezuar” me kete emer: Sharlota e Prusise.

Perberesit

  • 500gr krem maskarpone
  • 500gr luleshtrydhe
  • 250gr biskota savoiardi
  • 170gr sheqer + 2 luge
  • 6 te verdha vezesh
  • lengun e dy portokalleve

Si fillim, vendosim luleshtrydhet te marinohen per rreth 1 ore ne nje ene pasi i kemi prere ne copa te vogla, kemi shtuar lengun e portokallit dhe 2-3 luge sheqer. Lengun qe ato do te leshojne do ta perdorim per te lagur biskotat savoiardi, ndersa luleshtrydhet do t’ia shtojme kremit.

Nderkohe, me ndihmen e nje rrahesi elektrik rrahim te verdhat e vezeve me sheqerin derisa te formohet nje perberje kremoze dhe me ngjyre te hapur, shtojme dalengadale kremin maskarpone duke e perziere me ndihmen e nje spatule derisa te formohet nje mase homogjene. Shtojme se fundi edhe gjysmen e luleshtrydheve te kulluara shume mire nga lengu i tepert (ose mund ti kalojme ne mikser) dhe ne kete menyre kemi perftuar kremin per te mbushur torten Sharlote.

Ne nje forme torte te rrumbullaket me hapje anash, vendosim vertikalisht njeri pas tjetrit biskotat savoiardi te lagura me lengun e luleshtrydheve dhe portokallit, nderkohe qe shtrojme edhe bazen me to.  Hedhim gjysmen e kremit qe pregatitem me siper, therrmojme disa biskota savoiardi ne menyre qe te formohet nje shtrese e holle biskotash, dhe shtojme edhe gjysmen tjeter te kremit. Siperfaqen e dekorojme me luleshtrydhe te fresketa dhe e vendosim torten ne frigorifer per minimumi 12 ore perpara se ta sherbejme. Ne momentin e servirjes e heqim nga tortiera dhe i lidhim nje fjongo rreth e qark per ta bere me terheqese. E sherbejme te ndare ne feta.

*Keshille: Ne vend te shtreses se mesit qe jane biskotat e therrmuara, mund te vendosim edhe nje disk pandispanje. Torta ne kete menyre do te dale me kompakte, por realizimi i saj do te jete me impenjativ

Vezë të ngjyrosura në mënyrë natyrale

Te ngjyrosesh vezet e Pashkeve me perberes te thjeshte dhe plotesisht natyral pa shtuar perberes kimik, nuk eshte e veshtire. Pervec ngjyres se kuqe, mund te zgjedhim cfare ngjyre te duam duke ndjekur keshillat ne vijim.
Perberesit qe nevojiten

  • veze
  • perime/fruta/ereza
  • uthull e bardhe vere

Ndiqni me kujdes hapat e meposhtem:
Hapi i pare: Pregatisim vezet per ngjyrosje
Per tu ngrene: Vezet zien plotesisht bashke me ngjyruesin.

Per zbukurim: Hapim me majen e nje gjilpere dy vrima ne dy skajet e vezes (nje me te madhe dhe tjetren me te vogel) dhe fryjme fort tek njera vrime ne menyre qe veza te boshatiset. Brendesine e saj mund ta perdorim per te pregatitur omlete apo ne receta te tjera te ndryshme. E “shplajme” brendesine e vezes ne menyre qe te mos vije ere me nje shiringe te mbushur me uje dhe uthull. E leme te thahet ne temperature ambjenti.
Hapi i dyte: Pregatisim ngjyrat per ngjyrosje
Disa alternativa te ngjyrave qe mund te perdorim jane:

E kuqe: panxhar sheqeri, leng shege, boronica te kuqe, qershi, manaferra te kuqe

Portokalli: karrota, lekura portokalli te ziera

E verdhe: lekura limoni te ziera, shafran i ziere, lekura molle te verdhe te ziera

E gjelber: spinaq te ziere te fresket apo te ngrire

Blu: gjethe te lakres se kuqe te ziera, boronica

Vjollce: vere e kuqe, lekura qepe te kuqe te ziera, lengun e rrushit te kuq

Kafe: kafe e forte