Shën Valentin

Rizoto me shampanjë dhe skampi

Rizoto me shampanje dhe skampiRizoto me shampanje dhe skampi eshte nje pjate e pare teper e rafinuar e cila rekomandohet te pregatitet vetem ne okazione te veçanta si per shembull Festat e fundvitit apo Shen Valentini. Per te reduktuar koston e kesaj pjate, mund te perdorni ne vend te shampanjes vere te gazuar (spumante) dhe ne vend te skampit, karkaleca te medhenj.

Perberesit

  • 320gr oriz per rizoto (te tipit Carnaroli ose Arborio)
  • 12 skampi ose karkaleca te medhenj
  • 1 presh i vogel (pjesen e bardhe te tij)
  • 100gr gjalp
  • 500ml shampanje ose vere te gazuar (spumante) jo te embel (Brut) ne temperature ambjenti
  • 1 tufe majdanoz
  • 1 thelpi hudher
  • vaj ulliri
  • kripe
  • piper te zi te sapobluar
  • rreth 250ml leng peshku ose leng te pregatitur me gjysme koncentrate peshku dhe 250ml uje

Pastrojme fillimisht skampit duke i hequr koken dhe fijen e zeze te zorreve. I bejme dy çarje anesore trupit dhe nxjerrim me kujdes tulin e skampit duke e prere ne copa. I kaverdisim ne nje tigan me pak vaj ulliri dhe nje thelpi hudher te shtypur per rreth 2 minuta, apo derisa te ndryshojne ngjyre. I japim shije me pak piper te zi te sapobluar dhe i vendosim menjane ne nje ene te mbyllur me kapak ne menyre qe te jene te ngrohta.

Pregatisim rizoton me shampanje duke shkrire ne nje tigan gjysmen e gjalpit, shtojme preshin e prere shume holle dhe e leme derisa te zbutet. Shtojme orizin dhe e perziejme derisa ta kete thithur te gjithe yndyren. Shtojme pak nga pak edhe shampanjen derisa te perfundojne 500ml. Nese orizi nuk eshte ziere akoma plotesisht, vazhdojme gatimin me lengun e peshkut (per zierjen e orizit nevojiten 18-20 minuta)

Pasi rizoto te jete gati, fikim zjarrin, shtojme tulin e skampit, gjysmen e mbetur te gjalpit, majdanozin dhe i perziejme mire.

E sherbejme rizoton duke e sperkatur me pak piper te zi ose majdanoz te grire holle. Mund ta dekorojme ne siperfaqe me nje skampi te plote te kaverdisur ne pak gjalp.

Foto nga: https://lafemmemange.wordpress.com

Menù romantike për festën e të dashuruarve

Shen-valentin-menuKete Shen Valentin, harrojini dhuratat e shtrenjta qe i beni cdo vit te dashurit tuaj te zemres… provoni dicka me origjinale dhe me me pak shpenzime! Nje darke romantike te pregatitura me duart tuaja te cilen eshte e pamundur te mos e vleresoj! Me poshte po ju japim disa ide per nje vakt te plote, zgjedhja si gjithmone ju takon ju!

ANTIPASTA

Trendafila proshute

Zemer buke me djath dhe proshute

Kanapè me karkaleca

Zemer selinoje me krem djathi

Kroketa perimesh me fara susami

SALLATA

Sallate me avokado dhe peshk ton

Sallate çezar

Sallate kapreze

Koktej me karkaleca dhe bishtaja

Sallate me peshk ton dhe veze te ziera

PJATA TE PARA

Supe me karkaleca

Rizoto me luleshtrydhe

Njoki me shafran

Makarona me ragu peshku

Midhje me vere te bardhe

PJATA TE DYTA

Lepur me lime

Lepur alla franceze

Pule e marinuar me fara susami

Oktapode te vegjel ne salce

Peshk salmon ne zgare me salce mango dhe avokado

EMBELSIRA

Torte Sharlote me luleshtrydhe

Torte Tenerina

Torte me kos dhe luleshtrydhe

Kek me çokollate te zeze

Xhelatine me luleshtrydhe

Luleshtrydhe në krem çokollate

Kjo eshte nje menyre shume e embel dhe delikate per te perfunduar nje darke romantike, prandaj kete recete ju a keshillojme ta pregatisni darken e Shen Valentinit.

Perberesit

  • 10 luleshtrydhe te medha
  • 200gr çokollate te zeze
  • 100ml pana per embelsira
  • 2 luge rum, konjak, amareto etj (fakultative)

Per pregatitjen e kesaj recete, ndajme çokollaten ne copeza te vogla dhe e shkrijme ne banjomari bashke me panen e lengshme (jo te rrahur!) derisa te formohet nje krem homogjen dhe te mos mbeten copeza çokollate. E heqim enen nga banjomaria dhe shtojme pijet alkoolike sipas deshires duke i perziere mire.

Lajme mire luleshtrydhet, i thajme me letra kuzhine dhe nje nga nje i zhysim ne kremin me çokollate. I vendosim ne nje leter furre ne menyre qe çokollata te ngurtesohet dhe i sherbejme te ftohta.

*Keshille: Ne vend te luleshtrydheve, mund te perdorim edhe fruta te tjera si banane, molle, dardha, pjeshke, kivi, mango, apo edhe biskota. Por, duke qene se banania, dardha dhe molla kane tendence te nxihen sapo qerohen, atehere i sperkasim me pak leng limoni perpara se ti zhysim ne çokollate.

Karkaleca me susam

Kjo eshte nje antipaste teper e shpejt dhe me vlera te larta ushqimore, e cila preferohet te pregatitet ne diten e Shen Valentinit per shkak te vetive afrodiziake qe ka.

Perberesit

  • 10 karkaleca te medhenj
  • 1 e bardhe veze
  • susam
  • vaj luledielli
  • salce soje per ti shoqeruar (fakultative)

Pastrojme fillimisht karkalecat duke lene vetem pjesen e bishtit, i kalojme nen uje te rrjedhshem dhe i thajme me letra kuzhine.

Ne nje ene te vogel, rrahim me ndihmen e nje piruni te bardhen e vezes, i kalojme karkalecat nje nga nje ne kete mase, i kalojme me pas ne farat e susamit dhe i skuqim ne vaj te nxehte per maksimumi 2 minuta. I vendosim ne nje leter kuzhine ne menyre qe te thithet vaji i tepert dhe i sherbejme me salce soje.

Tortë Sharlotë me luleshtrydhe

Torta Sharlote eshte nje nga embelsirat me te vleresuar ne te gjithe boten, e njohur per thjeshtesine e perberesve te saj dhe shijen e pakrahasueshme. Mbi etimologjine e ketij emri egzistojne akoma edhe sot dyshime; me e famshmja supozon se emri derivon nga Mbreteresha Sharlote (1744-1818), gruaja e Xhorxhit III te Mbreterise se Bashkuar, per te cilen u gatua per here te pare kjo embelsire. Ndersa tjetra hedh hipotezen se ishte pikerisht kunata e Aleksandrit I te Prusise e cila e ka “pagezuar” me kete emer: Sharlota e Prusise.

Perberesit

  • 500gr krem maskarpone
  • 500gr luleshtrydhe
  • 250gr biskota savoiardi
  • 170gr sheqer + 2 luge
  • 6 te verdha vezesh
  • lengun e dy portokalleve

Si fillim, vendosim luleshtrydhet te marinohen per rreth 1 ore ne nje ene pasi i kemi prere ne copa te vogla, kemi shtuar lengun e portokallit dhe 2-3 luge sheqer. Lengun qe ato do te leshojne do ta perdorim per te lagur biskotat savoiardi, ndersa luleshtrydhet do t’ia shtojme kremit.

Nderkohe, me ndihmen e nje rrahesi elektrik rrahim te verdhat e vezeve me sheqerin derisa te formohet nje perberje kremoze dhe me ngjyre te hapur, shtojme dalengadale kremin maskarpone duke e perziere me ndihmen e nje spatule derisa te formohet nje mase homogjene. Shtojme se fundi edhe gjysmen e luleshtrydheve te kulluara shume mire nga lengu i tepert (ose mund ti kalojme ne mikser) dhe ne kete menyre kemi perftuar kremin per te mbushur torten Sharlote.

Ne nje forme torte te rrumbullaket me hapje anash, vendosim vertikalisht njeri pas tjetrit biskotat savoiardi te lagura me lengun e luleshtrydheve dhe portokallit, nderkohe qe shtrojme edhe bazen me to.  Hedhim gjysmen e kremit qe pregatitem me siper, therrmojme disa biskota savoiardi ne menyre qe te formohet nje shtrese e holle biskotash, dhe shtojme edhe gjysmen tjeter te kremit. Siperfaqen e dekorojme me luleshtrydhe te fresketa dhe e vendosim torten ne frigorifer per minimumi 12 ore perpara se ta sherbejme. Ne momentin e servirjes e heqim nga tortiera dhe i lidhim nje fjongo rreth e qark per ta bere me terheqese. E sherbejme te ndare ne feta.

*Keshille: Ne vend te shtreses se mesit qe jane biskotat e therrmuara, mund te vendosim edhe nje disk pandispanje. Torta ne kete menyre do te dale me kompakte, por realizimi i saj do te jete me impenjativ

Sallatë me avokado dhe peshk ton

Avokado eshte nje nga frutat me te pershtatshme per te shoqeruar pjata te sofistikuara peshku, apo edhe thjesht per te realizuar nje sallate me peshk ton, karkaleca, salmon te tymosur etj. Pervec kesaj, ne ju keshillojme ta perdorni si nje nga perberesit kryesore per darken e Shen Valentinit, per shkak te vetive te tij te forta afrodiziake.
Perberesit per 4 persona

  • 2 avokado te pjekur
  • 2 kuti peshk ton nen vaj (ose 300gr fileto peshku ton)
  • 10 domate qershize
  • lengun e 1 limoni
  • vaj ulliri
  • kripe
  • piper

Ndajme avokadot ne dy pjese ne menyre gjatesore duke i hequr berthamen e brendshme, ndersa tulin e presim ne copeza kubike dhe e vendosim ne nje tas qelqi.

Shtojme ne enen mesiper edhe domatet e prera ne kater pjese dhe peshkun ton te cilit i kemi hequr vajin e tepert dhe e kemi copetuar me dhembet e nje piruni.

E rregullojme sallaten me kripe, piper, vaj ulliri dhe lengun e limonit, e perziejme shume mire dhe e vendosim ne frigorifer per rreth gjysme ore perpara se ta servirim.

*Keshille: Ne vend te peshkut ton nen vaj mund te perdorim edhe peshk ton te fresket, karkaleca te te ziere 3-4 minuta apo fileto salmoni te tymosur.

Rizoto me luleshtrydhe

Nje tjeter recete afrodiziake per festen e Shen Valentinit; rizoto me luleshtrydhe, nje pjate ideale ne nje darke midis dy personave te dashuruar. Mos u shqetesoni per shijen, do te jete e mrekullueshme edhe pse mund te mos e keni provuar me pare…
Perberesit per 4 persona

  • 400gr oriz per rizoto (psh Carnaroli)
  • 300gr luleshtrydhe
  • 200ml vere te bardhe
  • 1/2 qepe te vogel
  • leng perimesh i pregatitur me koncentrate perimesh
  • vaj ulliri

Pregatisim si fillim lengun e perimeve duke shkrire plotesisht koncentratat e perimeve ne uje te cilin e mbajme gjithmone ne vlim; ne kete menyre nuk do te bllokohet zierja kur t’ia shtojme rizotos ne nje faze te mevonshme.

Kaverdisim me pak vaj ulliri qepen e grire shume holle dhe orizin ne zjarr te avashem duke i perziere me luge druri derisa masa te thahet, pra ta kete thithur komplet vajin. E shuajme me veren e bardhe te cilen e leme te avulloje per disa minuta ne zjarr te forte dhe ne kete moment shtojme 2-3 garuzhde leng perimesh. Duhet patur kujdes qe rizoton ta perziejme sa me shpesh te jete e mundur; ne kete menyre orizi do te gatuhet uniforme dhe nuk do te ngjitet ne anet e enes! Kur orizi ta kete thithur komplet lengun e perimeve, shtojme dy garuzhde te tjera leng duke vazhduar me kete procedure derisa rizoto te jete gati (zakonisht nevojiten 16-18 minuta).

Nderkohe lajme dhe thajme me letra kuzhine luleshtrydhet, heqim disa ne nje ane per zbukurim dhe pjesen tjeter e grijme ne mikser. Kur rizoto te jete pothuajse gati, shtojme purène e luleshtrydheve dhe e leme te gatuhen se bashku edhe per pak minuta.

E heqim tiganin nga zjarri dhe e leme te pushoje per 10 minuta me kapak mbyllur perpara se ta servirim. E dekorojme pjaten me luleshtrydhet e plota dhe e sherbejme te ngrohte.

Lepur me limë

Lepuri me lime eshte nje recete teper e rafinuar dhe origjinale e cila duke u pregatitur vetem me kofshet e lepurit, i pershtatet cdo dreke apo darke festive. Mund ta servirni gjithashtu edhe per festen e Shen Valentinit, per shkak te aromes se kendeshme te frutit te limes. Pregatitja nuk eshte impenjative, pervec faktit qe lepuri duhet vendosur te marinohet nje nate perpara ne frigorifer, ndersa vazhdimi i pregatitjes eshte lehtesisht i realizueshem.
Perberesit per 4 persona

  • 4 kofshe lepuri
  • lengun e 3 limave
  • 4 thelpi hudher
  • pjesen e bardhe te 2 presheve
  • leng pule te pregatitur me koncentrate pule
  • 1 gote vere te bardhe
  • rozmarine
  • trumez
  • 2 gjethe dafine
  • pak miell
  • kripe
  • piper
  • vaj ulliri

Per zbukurim

  • 1 lime e prere ne feta te rrumbullakta

Ne nje tas te thelle vendosim 4 luge vaj ulliri, thelpinjte e hudhres te shtypur, pak trumez, pak rozmarine, 2 gjethe dafine dhe lengun e dy limave duke i perziere te gjitha bashke. Kriposim dhe piperosim kofshet e lepurit dhe i leme te marinohen ne kete perberje per 12 ore ne frigorifer me kapak te mbyllur duke i rrotulluar te pakten dy here.

Diten tjeter, i heqim nga marinimi duke i thare me letra kuzhine, i lyejme me pak miell dhe i skuqim ne tigan me pak vaj ulliri derisa te marrin ngjyre te arte uniforme nga te gjitha anet. E shuajme lepurin me veren e bardhe, shtojme pak leng pule dhe lengun e limes se trete dhe e gatuajme ne zjarr te avashem per rreth 40 minuta, duke shtuar here pas here leng kur te jete e nevojshme.

Nderkohe, lajme dhe pastrojme me kujdes preshet, i persim pergjysme dhe me pas ne fije te holla te cilat ia shtojme lepurit 10 minuta perpara perfundimit te gatimit. E rregullojme pjaten me kripe e piper dhe leme kapakun hapur ne menyre qe salca te trashet dhe te avulloje uji i tepert. E servirim kete recete te ngrohte, te dekoruar me feta lime te prera holle.

Trëndafila proshute

Receta qe po iu paraqesim me poshte, eshte nje ide shume origjinale e pregatitjes se nje antipaste me rastin e festes se te dashuruarve, por jo vetem… Ndiqni hap pas hapi keshillat tona, dhe tavolina juaj do te marre nje pamje teper origjinale, pervec se te shijshme!
Perberesit

  • feta proshute dhe sallamesh sipas deshires (jo shume te holla)
  • ullinj te zinj dhe jeshil
  • bime aromatike te fresketa (majdanoz, borzilok, gjethe dafine etj)

Pregatitja eshte fare e thjeshte: marrim cdo fete te proshutave apo sallameve dhe i rrotullojme rreth vetes ne menyre qe te formojme disa “trendafila te vegjel”. Nese fetat jane shume te gjera, atehere i ndajme ne dy pjese. I vendosim trendafilat ne pjaten kryesore ku do te serviren, duke harmonizuar ngjyrat ndermjet tyre.

Lajme me kujdes bimet aromatike dhe i thajme me letra kuzhine. Keto do ti perdorim si “gjethet” e trendafilave, vecanerisht keshillohen gjethet e dafines. Nje ide tjeter eshte ti vendosim te gjitha bimet ne pjaten e servirjes, sikur te ishin bar, dhe siper te vendosim trendafilat.

Perdorim ullinjte e zinj dhe jeshil per te formuar “zemren” e trendafilave, por me pare duhet ti kemi hequr ujin/vajin e tepert.

Nese kjo antipaste perdoret per nje bufè apo rast tjeter te vecante, trendafilat i mbeshtesim mbi feta te vogla buke te lyera me pak gjalp.

*Keshille: Trendafilat me proshute duhet ti pregatisim vetem pak caste perpara servirjes, ne kete menyre ato nuk do te thahen ne temperature ambjenti dhe forma e tyre do te qendroje e paprekur.

1 2
Krijoni një sajt ose blog te WordPress.com