Ëmbëlsira

Kek me kafe dhe arra

  • Racione: 6-8 persona
  • Vështirësi: e thjeshtë
  • Shtype

Kek me kafe dhe arra1

Nje kombinim fantastik i shijes se kafes me arrat, ben qe kjo embelsire te shijohet deri ne feten e fundit. Kontrasti midis kremozitetit te mbushjes me krem kafe dhe krokantes se arrave, e ben perfekt per mengjeset e vona te fundjaves, atehere kur shpesh duam te perkedhelemi me diçka te embel. Receta eshte shume e thjeshte per tu pergatitur, dhe ne me pak se 1 ore do te keni ne tavolinen tuaj nje nga embelsirat me te mira qe keni provuar ndonjehere!

Perberesit per nje torte me diameter 20cm

…per kekun

  • 200gr miell 00
  • 200gr gjalpe, ne temperature ambjenti
  • 200gr sheqer
  • 3 veze, ne temperature ambjenti
  • 1 luge çaji pluhur pjekes
  • 2 luge çaji kafe te tretshme ne uje (psh Nescafè)
  • 100gr arra te qeruara dhe te copetuara trashe

…per kremin me kafe

  • 600ml krem pana per embelsira te sheqerosur, te cilin e kemi mbajtur ne frigorifer per min 1 ore
  • 2 luge çaji kafe te tretshme ne uje

Kek me kafe dhe arra2

Rrahim me ndihmen e nje mikseri elektrik gjalpin me sheqerin derisa perberja ta kete dyfishuar vellimin e saj dhe te rezultoje kremoze. Rrahim lehtesisht vezet ne nje ene te vogel dhe i shtojme dalengadale duke vazhduar rrahjen.

Ne nje tas bashkojme miellin me pluhurin pjekes dhe ja shtojme pak nga pak gjalpit me sheqerin duke e rrahur me shpejtesi te ulet ose duke e bashkuar manualisht me ndihmen e nje spatule kuzhine.

Shkrijme kafen ne 1 luge uje te ngrohte dhe ja shtojme perberjes. Shtojme se fundi edhe copezat e arrave duke mbajtur disa menjane per zbukurim.

Lyejme me pak gjalp dhe miell (ose veshim me leter furre) dy tava te rrumbullakta me diameter 20cm. E ndajme brumin e kekut ne menyre te barabarte ne secilen prej tyre dhe i pjekim ne furre te parangrohur ne 180°C per 20-25 minuta. 

I leme te ftohen plotesisht ne temperature ambjenti nderkohe qe pergatisim mbushjen: rrahim me ndihmen e mikserit elektrik panen e ftohte per embelsira derisa te formohet nje krem qe nuk bie nga ena. Nese kremi eshte i pasheqerosur, shtojme sheqer pluhur sipas deshires. Shtojme kafen dhe vazhdojme rrahjen.

Perhapim gjysmen e kremit me kafe mbi njeren nga gjysmat e kekut dhe vendosim me kujdes gjysmen tjeter siper duke e lyer me kremin e mbetur. E zbukurojme me copeza arrash dhe pak kafe pluhur.

Advertisements

Kek me avokado, kungull të njomë dhe çokollatë të zezë

  • Racione: 6-8 persona
  • Vështirësi: e thjeshtë
  • Shtype

Kek me avokado

Ju ka shkuar ndonjehere ndermend te perdorni kungullin e njome dhe avokadon ne nje embelsire? Nese jo, duhet patjeter te provoni kete kek me çokollate! Me besoni qe butesia dhe aroma e tij ndersa piqet, do ti bej te gjithe te harrojne qe ne brendesi ndodhen edhe fruta edhe perime… Per me teper ne kete recete nuk eshte perdorur as vaj dhe as gjalpe, vetem yndyra qe permban natyralisht avokado, qe eshte super e shendetshme!

Perberesit per nje forme drejtkendore 28cm

  • 150gr miell 00
  • 50gr kakao te hidhur
  • 1 luge çaji pluhur pjekes me vanilje
  • 1 luge çaji kanelle pluhur
  • 1/2 luge çaji kripe
  • 2 veze
  • 1 avokado te bute, te shtypur me pirun
  • 230gr sheqer te bardhe
  • 3 kunguj te njome, te grire ne rende
  • 150gr çokollate te zeze me 65% kakao, te grire imet (ose copeza çokollate)

Kek me avokado1Bashkojme ne nje ene duke i situr nje nga nje te gjithe perberesit e thate: miellin, kakaon, pluhurin pjekes, kanellen dhe kripen.

Ne nje tjeter ene rrahim me pirun vezet, shtojme avokadon, sheqerin, kungujt e grire dhe çokollaten e zeze. Shtojme edhe perzierjen me miell e kakao duke i trazuar mire derisa te formohet nje brume i njetrajtshem.

Lyejme me pak vaj dhe miell nje forme drejtekendore me gjatesi 28cm, hedhim ne te brumin e kekut dhe e nivelojme me kujdes.

E pjekim ne furre te parangrohur ne 180°C per 45-50 minuta, duke bere gjithmone proven e pirunit. E leme te ftohet plotesisht perpara se ta presim ne feta. Ky kek eshte ideal nese konsumohet ne vere me pak akullore me vanilje ose ne dimer me pak krem pana te rrahur.

Kek me dardha dhe vaj ulliri

  • Racione: 8 persona
  • Vështirësi: e thjeshtë
  • Shtype
Kush do ta mendonte qe ky kek do te pelqehej kaq shume nga e gjithe familja dhe do te bente pjese ne recetat tona te preferuara? Realizohet kaq thjeshte dhe shpejt, sa nuk ka nevoje te gozhdoheni me ore te tera ne kuzhine. Per me teper eshte edhe i shendetshme sepse permban vaj ulliri ne vend te gjalpit dhe copa frutash. Provoni ta shoqeroni ne mengjes me nje filxhan kafe ose çaj apo pasdite per disa momente te embla.

Kek me dardha dhe vaj ulliri

Ne kete recete kam perdorur dardha te tipit Abate qe arrijne maksimumin e shijes se tyre nga Gushti deri ne Nentor, por ndihuni te lire te perdorni llojin qe ju pelqen me shume dhe qe gjeni me lehtesisht ne treg.
Ndersa tava ne te cilen e kam gatuar kekun eshte nga linja Delimano Stone Legend CopperLUX e cila eshte perfekte edhe per embelsira perveçse per receta te kripura.

Perberesit per nje tave katrore 27cmX27cm

  • 300gr miell 00
  • 1 pako te vogel pluhur pjekes (me vanilje ose jo)
  • 4 veze, ne temperature ambjenti, te ndara te verdhat nga te bardhat
  • 200gr sheqer te bardhe
  • 2 luge gjelle sheqer kaf
  • 200ml kos me yndyre
  • 6 luge gjelle vaj ulliri
  • 1 limon, lekuren e grire dhe lengun
  • 2 dardha, te qeruara dhe te prera ne kubik 
  • 2 luge gjelle buke te grire (galete)
  • nje maje luge kripe

…per zbukurim

  • disa feta dardha
  • gjethe mente te fresketa
  • pak sheqer te bardhe

Kek me vaj ulliri dhe dardha1

Lagim copezat e dardhave me lengun e limonit ne menyre qe te mos nxihen dhe i leme menjane.

Perziejme ne nje tas miellin e situr me pluhurin pjekes dhe e leme menjane.

Me ndihmen e nje mikseri elektrik, rrahim te bardhat e vezeve me nje maje luge kripe derisa te formohet nje shkume e bardhe qe nuk bie nga ena.

Ne nje tjeter ene, rrahim te verdhat e vezeve me sheqerin e bardhe derisa te perftojme nje krem me ngjyre te verdhe te hapur. Shtojme kosin, vajin e ullirit dhe vazhdojme perzierjen edhe per disa sekonda. Shtojme miellin me pluhurin pjekes, lekuren e limonit dhe me shpejtesi minimale vazhdojme perzierjen. Shtojme se fundi edhe te bardhat e vezeve te rrahura duke i bashkuar me delikatese nga poshte lart me ndihmen e nje spatule ne menyre qe brumi te mos ule vellimin.

Ne fund, shtojme edhe copezat e dardhave, e perziejme mire te gjithe masen dhe e hedhim ne nje forme katrore te lyer me pak vaj ulliri dhe buke te grire. E sperkasim me sheqerin kaf dhe e pjekim ne furre te parangrohur ne 180°C per rreth 40 minuta.

E leme te ftohet plotesisht perpara se ta heqim nga forma. E zbukurojme me feta te holla dardhash, me gjethe mente te fresketa dhe me pak sheqer te bardhe.

Ruajtja: per 3-4 dite ne nje ene te mbyllur hermetikisht.

Akullore me lajthi

  • Racione: 6 persona
  • Vështirësi: e thjeshtë
  • Shtype
Akullore me lajthiAsnjehere nuk arrin ta provosh shijen e vertete te akullores artizanale, derisa e pergatit vete ne shtepi. Makina e akullores, ka qene nje nga dhuratat me te bukura qe me kane bere, te cilen e kam shfrytezuar ne maksimum 4 muaj te vitit, ose edhe me shume. Dhe akullorja me lajthi eshte nje nga te preferuarat tona. Nje shije klasike, e cila shkon mrekullisht me nje krem çokollate dhe kafe.

Perberesit

  • 300ml pana per embelsira
  • 300ml qumesht me yndyre te plote
  • 3 te verdha vezesh
  • 100gr sheqer kane (sheqer kaf)
  • 100gr lajthi te pjekura + te tjera per zbukurim

Akullore me lajthi1
Grijme lajthite e pjekura ne mikser elektrik derisa te behen si miell dhe i leme menjane.

Ne nje tenxhere ngrohim qumeshtin, panen dhe sheqerin duke i perziejme mire derisa ky i fundit te shkrije plotesisht. Masa duhet vetem te nxehet, jo te vloje!

Rrahim me ndihmen e nje mikseri dore te verdhat e vezeve derisa te behen si krem. Shtojme pak nga masa me qumesht dhe pana gjithmone duke i perziere me mikser; ne kete menyre do evitojme qe veza te pritet. Kremin me veze e hedhim ne tenxhere ku kemi pjesen tjeter te qumeshtit me pana, e vendosim ne zjarr mesatar dhe e gatuajme per rreth 10 minuta duke e perziere gjate gjithe kohes. Kjo sherben qe kremi te trashet dhe te eleminohet aroma e vezes. Ne fund, shtojme edhe miellin e lajthive, e perziejme mire dhe e leme menjane te ftohet ne temperature ambjenti mbuluar me qese kuzhine.

E hedhim kremin ne makinen e akullores te cilen e kemi lene 12 ore ne akull (-18°C) apo edhe me shume. Per kete shikoni instruksionet e makines suaj te akullores duke qene se ndryshon nga modeli ne model. E perziejme per rreth 30 minuta, apo derisa akullorja te filloje te rrise vellimin dhe paleta qe rrotullohet brenda saj te kete veshtiresi ne rrotullim; ky eshte momenti kur akullorja eshte gati. E konsumojme menjehere ose e ruajme ne akull dhe e konsumojme brenda 1 muaji.

Kek me çokollatë të zezë dhe arrë kokosi

  • Racione: 8-10 persona
  • Vështirësi: e thjeshtë
  • Shtype
kek me cokollate te zeze dhe arre kokosi1

Veshtire te gjeni nje kombinim me perfekt se ai i çokollates se zeze me arren e kokosit. Dhe veshtire te gjeni nje embelsire qe pregatitet ne vetem 10 minuta! Keku qe do tju propozojme sot eshte ideal per çdo moment te dites, por sidomos per mengjet e fundjaves atehere kur kemi deshire per diçka ndryshe nga ditet e tjera. Eshte i bute ne brendesi dhe krokant ne siperfaqe, gje qe vjen si pasoje e çokollates me te cilen eshte lyer.

Perberesit

  • 200gr miell 00
  • 100gr kakao pluhur pa sheqer
  • 150gr sheqer
  • 50gr arre kokosi te grire
  • 3 veze ne temperature ambjenti
  • 250ml qumesht
  • 50ml vaj farash (luledielli, misri etj)
  • 1 pako te vogel pluhur pjekes per embelsira

..per lyerje

  • 150gr çokollate te zeze
  • arre kokosi te grire

Me ndihmen e nje mikseri elektrik, rrahim shume mire vezet me sheqerin derisa te formohet nje perberje kremoze. Shtojme vajin dhe qumeshtin dhe vazhdojme perzierjen.

Ne nje tas, perziejme perberesit e thate duke i situr nje nga nje: miellin, kakaon, pluhurin pjekes dhe se fundi shtojme arren e kokosit te grire. Ja shtojme kete perzierje mases se mesiperme dhe vazhdojme rrahjen derisa te kemi perftuar nje brume homogjen.

Lyejme me vaj dhe pak miell nje forme per kek dhe hedhim ne te brumin duke e niveluar mire me ndihmen e nje spatule. E pjekim ne furre te parangrohur ne 160°C per rreth 40 minuta. E nxjerrim nga furra dhe e leme te ftohet brenda formes.

Nderkohe shkrijme çokollaten ne banjomari, ose ne nje tenxhere te vogel ne zjarr shume te ulet duke e perziere shpesh derisa te behet kremoze. Nxjerrim kekun nga forma dhe e lyejme me çokollaten e zeze. E sperkasim siper me arre kokosi te grire dhe e sherbejme te prere ne feta.

Kek me portokall dhe feta portokalli të karamelizuara

  • Racione: 6-8 persona
  • Vështirësi: e thjeshtë
  • Shtype

kek me portokall

Ky kek me portokall eshte shume i bute, me nje arome fantastike agrumesh e cila vjen si rezultat i perdorimit te lengut dhe lekures se portokallit. Mund te zbukurohet sipas deshires me sheqer pluhur, me ganash çokollate te zeze, apo me feta portokalli te karamelizuara si me poshte.

Perberesit per nje forme keku

  • 200gr miell 00
  • 50gr niseshte patatesh ose misri
  • 150gr sheqer
  • 80ml vaj misri
  • 150ml leng portokalli
  • 2 veze
  • 1 pako te vogel pluhur pjekes per embelsira (me vanilje ose jo)
  • lekuren e grire te dy portokalleve

…per fetat e portokallit te karamelizuara

  • 6 feta portokalli
  • 1 filxhan kafe sheqer
  • 2 filxhan kafe uje

Rrahim vezet me sheqerin derisa perberja te rezultoje kremoze dhe ta rrise vellimin. Shtojme vajin e misrit, lekuren dhe lengun e portokallit, miellin, niseshten dhe pluhurin pjekes per embelsira duke i perziere shume mire.

Lyejme me vaj dhe pak miell nje forme per kek (une kam zgjedhur te perdor formen per plumcake me gjatesi 26cm), hedhim ne te brumin dhe e nivelojme mire me ndihmen e nje spatule silikoni. E pjekim ne furre te parangrohur ne 180°C  per 35 minuta, duke bere gjithesesi proven e pirunit per te pare nese eshte pjekur edhe brenda. E leme te ftohet paksa ne temperature ambjenti dhe e nxjerrim nga forma duke e vendosur bukur ne nje pjate.

Nderkohe qe keku ftohet, pregatisim fetat e portokallit te karamelizuara. Vendosim ne nje tigan fetat e portokallit, i sperkasim me sheqer, shtojme ujin dhe i leme te ziejne ne sherbet per rreth 5 minuta duke i kthyer nga ana tjeter. I vendosim bukur siper kekut dhe e sherbejme te prere ne feta.

Kek me kos

  • Racione: 35 minuta
  • Vështirësi: e thjeshtë
  • Shtype

Keku me kos eshte nje embelsire shume e bute dhe me shije mjaft delikate i cili pregatitet ne pak kohe. Ne vend te gjalpit kemi perdorur vaj farash (konkretisht vaj misri) i cili e ben akoma me te bute brumin. Mund ta sperkasim siper me sheqer pluhur, ose ta ndajme ne dy pjese horizontalisht dhe ta mbushim me reçel, krem, çokollate etj. Gjithashtu ne vend te kosit natyral, mund te perdorim ate me shije frutash, kafe apo limoni.

Perberesit per nje tave te rrumbullaket me diameter 26cm

  • 200gr miell 00, i situr
  • 100gr niseshte misri ose patatesh (nese nuk e keni, hidhni 300gr miell 00)
  • 250gr kos natyral
  • 150gr sheqer
  • 100ml vaj misri (ose luledielli, soje etj)
  • 3 veze ne temperature ambjenti
  • lekuren e grire te 1 limoni
  • 1 pako e vogel fryres brumi per embelsira, e situr
  • sheqer pluhur per sperkatje

Me ndihmen e nje rrahesi elektrik, rrahim per 5 minuta vezet me sheqerin derisa te formohet nje perberje kremoze. Shtojme dalengadale vajin e misrit, kosin duke vazhduar rrahjen. Shtojme miellin, niseshten, lekuren e limonit dhe pluhurin pjekes duke e perziere brumin me spatul kuzhine ose luge druri.

Lyejme me vaj dhe miell nje tave te rrumbullaket me diameter 26cm, hedhim ne te brumin dhe e pjekim ne furre te parangrohur ne 180°C per 35 minuta. E leme per rreth 10 minuta kekun brenda ne formen e tij, me pas e nxjerrim dhe e leme te ftohet plotesisht ne temperature ambjenti.

E sperkasim ne siperfaqe me sheqer pluhur.

Foto nga: http://www.joyofbaking.com

Kek me dardha pa yndyrë

Kek me dardha pa yndyrë

Kete recete e pashe ne nje nga programet televizive te Benedetta Parodi-t e cila me fare pak perberes dhe ne vetem 5 minuta, pregatiti brumin e nje keku te lehte, e per me teper pa shtuar fare yndyre (vaj apo gjalp). Ky eshte keku me i shendetshem qe une kam pregatitur ndonjehere, i vetmi qe nuk me ben te ndihem ne faj pasi kam konsumuar nje fete… ose mbase dy!

Perberesit per nje tave me diameter 24cm

  • 200gr miell 00
  • 80gr sheqer
  • 1 filxhan çaji kos natyral
  • 2 veze
  • 3 dardha te buta, te prera ne copa te vogla
  • 1/2 pako fryres brumi per embelsira
  • sheqer pluhur per sperkatje

Ne nje ene, rrahim vezet me sheqerin derisa perberja te rezultoje kremoze. Shtojme kosin, miellin, fryresin e brumit dhe i perziejme mire. Shtojme ne fund dardhat ne copa dhe vazhdojme akoma perzierjen derisa brumi te rezultoje homogjen.

Lyejme nje tave te rrubullaket me pak gjalp dhe miell, hedhim ne te brumin e kekut dhe e pjekim ne furre te parangrohur ne 180°C per 25-30 minuta.

E sperkasim ne siperfaqe me sheqer pluhur dhe e sherbejme te vaket ose ne temperature ambjenti.

Foto dhe receta nga: http://benedettaparodiblog.corriere.it

Tortë Kapreze

  • Racione: 8 persona
  • Vështirësi: e thjeshtë
  • Shtype
torte kapreze

Torta kaprese eshte nje embelsire me baze çokollaten e zeze dhe bajamet. Kombinimi i ketyre dy perberesve te shijshem e ben ideale per tu konsumuar per zemer apo mengjes. Mund ta ktheni edhe ne nje torte ditelindje thjesht duke i shtuar kremin tuaj te preferuar ne siperfaqe.
Nje tjeter e veçante e kesaj torte eshte qe nuk permban miell, gje qe e ben ideale per personat intolerant ndaj glutenit.
Receta me poshte eshte e shefit te famshem te pastiçerise Salvatore De Riso.

Perberesit per nje tave me diameter 24cm

  • 175gr sheqer
  • 175gr gjalp ne temperature ambjenti
  • 175gr çokollate te zeze me min.50% kakao, te grire
  • 75gr bajame, te reduktuar ne miell
  • 5 veze ne temperature ambjenti, te ndara te bardhat nga te verdhat
  • 30gr kakao e hidhur
  • 60gr niseshte patatesh
  • 1 pako e vogel pluhur pjekes
  • pak kripe
  • sheqer pluhur per sperkatje

Bashkojme ne nje ene therrimet e çokollates me niseshten, kakaon dhe pluhurin pjekes.

Rrahim gjalpin me sheqerin derisa masa te behet kremoze, shtojme nje nga nje te verdhat e vezeve duke i perziere shume mire. Shtojme çokollaten, niseshten, kakaon, pluhurin pjekes duke i perziere me ndihmen e nje spatule.

Ne nje tjeter ene rrahim te bardhat e vezeve me pak kripe derisa te perftojme nje krem kompakt. Shtojme me kujdes te bardhat e vezeve tek masa e mesiperme duke e perziere me delikatese nga poshte lart ne menyre qe brumi te mos e ule vellimin e tij. Ne fund shtojme edhe miellin e bajameve dhe e perziejme nje here te fundit.

Lyejme me gjalp dhe niseshte patatesh nje tave te rrumbullaket dhe hedhim ne te brumin duke e niveluar mire. E pjekim ne furre te parangrohur ne 170°C per 45 minuta. E nxjerrim menjehere torten nga forma dhe e leme te ftohtet plotesisht permbys ne temperature ambjenti. E zbukurojme me pak sheqer pluhur perpara se ta sherbejme te prere ne feta.

Foto nga: https://www.cucchiaio.it

1 2 15