Ëmbëlsira

Sultjash

  • Racione: 8 persona (8 kupa)
  • Vështirësi: e thjeshtë
  • Shtype
Sa here im shoq me kerkon ti pregatis sultjash (nje nga embelsirat e tij me luge te preferuara) menjehere ne mendjen time deshifrohet si pilaf me qumesht dhe sheqer (blaaaah!) Mbase kjo lidhet me faktin qe edhe ne kopesht e urreja si embelsire dhe me benin ta haja me zor. Kjo derisa nje dite lexova receten e mikeshes sime Ballakumes… Ta provojme njehere, thashe me vete! Ballakumja siper i ka shtuar reçel luleshtrydhe, nderkohe une e shoqerova me reçel manaferre te cilin ime me e pregatit me shumice ne muajin gusht. Dhe rezultati ishte uaaauuuu! Prandaj kjo recete eshte per te gjithe ju qe ashtu si une NUK e pelqeni sultjashin!

Perberesit

  • 200gr oriz
  • 8 luge gjelle sheqer kaf
  • 1.5l qumesht
  • 1 pako te vogel vanilje
  • lekuren e 1/2 limoni
  • reçel per shoqerim (luleshtrydhe, manaferre etj)

Ziejme orizin ne rreth 1.5liter uje pa kripe per 20 minuta derisa te zbutet plotesisht dhe ta kete thithur  komplet ujin. Shtojme qumeshtin, lekuren e limonit, sheqerin, ulim zjarrin ne minimum dhe e leme edhe per 20 minuta te tjera duke e perziere vazhdimisht ne menyre qe mos te na ngjitet ne fund te tenxheres. Ne fund shtojme edhe vaniljen pluhur.

E shperndajme sultjashin neper kupa (tasa) dhe e leme te ftohet plotesisht. Perpara se ta servirim, i hedhim siper nje apo dy luge nga reçeli yne i preferuar.

Foto dhe receta te Ballakumes (me disa modifikime te vogla): http://ballakumeelbasani.blogspot.al

Reklama

Kek të vegjël me rikota dhe mollë

Keket e vegjel (muffin) i pregatisim shpesh fundjavave ne shtepine tone duke qene se jane te thjeshte dhe praktikisht mund ti japim shijen qe duam: copeza çokollate, kakao, vanilje dhe çokollate sebashku, fruta te thata, te kripur me djath te bardhe etj. Kesaj rradhe provuam ato me rikota dhe copeza molle ne siperfaqe, receten e se ciles e gjeta mbrapa kutise se niseshtes se patateve te Conad (mund ta gjeni nen emrin Fecola di patate). Kete perberes kam filluar ta perdor shume ne embelsira, sepse i ben teper te buta, por edhe ne supe per ta trashur ne vend te miellit apo niseshtes se misrit.

Perberesit

  • 140gr miell 00
  • 100gr niseshte patatesh
  • 150gr sheqer kokerr
  • 250gr rikota e fresket
  • 100gr gjalp ne temperature ambjenti
  • 2 veze
  • 2 molle te kuqe
  • 1 pako te vogel pluhur pjekes per embelsira (me vanilje ose jo)
  • lekuren e 1 limoni
  • pak kripe
  • sheqer pluhur per sperkatje
  • forma letre per kek te vegjel

Rrahim me ndihmen e nje mikseri elektrik gjalpin me sheqerin derisa te perftojme nje krem te bute. Shtojme vezet nje nga nje, lekuren e limonit pak kripe dhe vazhdojme rrahjen edhe per pak sekonda. Shtojme pak nga pak niseshten e patateve, miellin, pluhurin pjekes dhe rikoten duke i perziere mire derisa brumi te rezultoje homogjen.

Vendosim ne taven per kek te vegjel format e letres dhe hedhim ne to 1-2 luge brume duke i mbushur deri 2/3. Siper çdo keku vendosim feta mollesh te prera holle duke lene jashte vetem pjesen e lekures.

I pjekim ne furre te parangrohur ne 180°C per 20-25 minuta. I sperkasim me sheqer pluhur dhe i sherbejme.

Foto nga: http://blog.giallozafferano.it/lacucinadimarta

Kek me boronica

  • Racione: 6 persona
  • Vështirësi: e thjeshtë
  • Shtype

Prej kohesh kisha disa boronica te vogla te egra te ruajtura ne akull te cilat ne stinen e veres i perdorja çdo dite bashke me tim bir ne pregatitjen e smoothies (qumesht+banane+fruta te ngrira). Me freskimin e kohes, edhe frutat e ngrira i zevendesuam me fruta te tjera te fresketa si molle, dardhe, hurma etj. Prandaj mendova qe ne fundjave te pregatitja nje kek te shendetshem dhe te shijshem, kombinimi ideal jo vetem per femijet por edhe per ne te rriturit! Dhe rezultati ishte me teper se fantastik!

Perberesit

  • 1 kupe miell (130gr)
  • 150gr sheqer (une e reduktova ne 100gr duke qene se nuk me pelqen keku shume i embel)
  • 120gr gjalp pa kripe, ne temperature ambjenti
  • 2 veze
  • 300gr boronica te fresketa (ose te ngrira)
  • lekuren e 1 limoni
  • 1 pako te vogel pluhur pjekes per embelsira (me vanilje ose jo)
  • 1 pako te vogel vanilje (nese perdorim pluhurin pjekes me vanilje, nuk e shtojme)
  • 1/2 luge çaji kripe
  • 1 maje luge kanelle
  • sheqer pluhur per sperkatje

Nese per kete recete do te perdorim boronica te ngrira ashtu si une, i leme fillimisht te shkrijne plotesisht ne temperature ambjenti. Per kete, i vendosim ne nje kulluese dhe poshte kullueses vendosim nje tas: ne kete menyre mund ta riperdorim lengun e tyre, duke e shtuar ne kek ose thjesht duke ja shtuar kosit me tershere ne mengjes!

Ne nje tas perziejme mire perberesit e thate: miellin e situr, kripen, kanellen, vaniljen dhe pluhurin pjekes.

Me ndihmen e nje mikseri elektrik, rrahim gjalpin me sheqerin derisa te formohet nje krem i bute, shtojme nje nga nje vezet, lekuren e limonit dhe vazhdojme rrahjen per rreth 2 minuta. Shtojme perberesit e thate dhe i perziejme mire me nje spatul kuzhine.

Lyejme me gjalp dhe pak miell nje forme per kek, dhe hedhim ne te brumin. Shtojme ne siperfaqe boronicat e fresketa ose te shkrirat te cilat i kemi thare mire me leter kuzhine.

E pjekim ne furre te parangrohur ne 180°C per rreth 40 minuta. Pas pjekjes, e leme kekun te ftohet plotesisht ne formen e tij, me pas e nxjerrim nga forma dhe e sperkasim me sheqer pluhur.

Kek me banane dhe musli

  • Racione: 6-8 persona
  • Vështirësi: e thjeshtë
  • Shtype
Autoresia e ketij keku i perket mikes time Enit, e cila gjithmone pregatit embelsira dhe gatime te tjera sa me te shendetshme dhe padyshim te shijshme. Sapo pashe foton e ketij keku ne Instagramin e saj, direkt i kerkova receten te cilen po e ndaj me ju si me poshte:

Perberesit

  • 100gr miell 00
  • 80gr musli me fruta te thata
  • 200gr kos
  • 2 veze
  • 2 banane te pjekura, te shtypura mire
  • 2 luge gjelle mjalt
  • 1 luge gjelle vaj misri
  • 10gr pluhur pjekes per embelsira

Ne nje tas shtypim shume mire bananet me dhembet e nje piruni, shtojme vezet e rrahura pak dhe i bashkojme mire. Shtojme mjaltin, miellin, kosin, vajin e misrit, pluhurin pjekes per embelsira dhe muslin me fruta te thata. I perziejme te gjitha shume mire.

Lyejme me pak vaj misri dhe miell nje tave per kek (formen qe deshirojme) dhe hedhim ne te brumin e kekut. E sperkasim ne siperfaqe me pak musli ose copeza çokollate dhe e pjekim ne furre te parangrohur ne 170°C per 20-25 minuta.

Semifreddo me çokollatë të zezë (ëmbelsirë e ftohtë)

  • Racione: 8 persona
  • Vështirësi: mesatare
  • Shtype

Semifreddo-n per here te pare e kam provuar kete vere ne restorantin Living ne Tirane. Ishte diçka midis kremit dhe akullores, por me nje shije fantastike qe te shkrinte ne goje. Ne teori receta eshte e thjeshte: te verdha vezesh, sheqer, uje, krem per embelsira (pana) dhe çokollate te zeze. E vetmja veshtiresi qendron ne pasterizimin e te verdhave te vezeve me shurupin i cili duhet te arrije temperaturen 121°C. Keshtuqe nese nuk keni termometer kuzhine, me mire mos e provoni.

Perberesit per 8 persona

  • 8 te verdha vezesh
  • 500ml krem per embelsira (pana) e parrahur + pak krem i rrahur per zbukurim
  • 200gr çokollate e zeze e ndare ne copa
  • 180gr sheqer
  • 50ml uje
  • pak kakao pluhur per sperkatje

Shkrijme ne banjomari çokollaten e zeze duke e perziere lehtesisht. E leme menjane te ftohet nderkohe qe pregatisim shurupin qe na nevojitet per pasterizimin e te verdhave te vezeve. Vendosim ne nje tenxhere te vogel ujin me sheqerin dhe e leme te vloje ne zjarr te ulet duke e perziere here pas here. Sapo shurupi te kete marre vale, vendosim brenda tij termometrin e kuzhines dhe e leme derisa temperatura te kete arritur 121°C. Per kete nevojiten rreth 5 minuta.

Rrahim te verdhat e vezeve me nje rrahes elektrik derisa masa e formuar te jete kremoze. Shtojme shume ngadale shurupin me uje e sheqer dhe vazhdojme rrahjen derisa kremi te arrije temperaturen e ambjentit. Shtojme çokollaten e shkrire e cila tashme eshte ftohur dhe i perziejme mire.

Ne nje ene tjeter rrahim fort kremin per embelsira. E bashkojme me kremin me veze dhe çokollate duke e perziere me delikatese me ndihmen e nje spatule kuzhine ne menyre qe vellimi te mos bjere. E ndajme ne 8 forma te veçanta ose e hedhim semifreddo-n ne nje forme te madhe te rrumbullaket apo te gjate te veshur me leter celofoni (ne kete menyre do jete me e lehte per ta nxjerre nga forma). E leme te ngrije ne akull per 8-12 ore. E nxjerrim nga forma dhe e sherbejme te sperkatur me pak kakao pluhur dhe krem te rrahur.

Kek me mollë i gjyshes

  • Racione: 6-8 persona
  • Vështirësi: e thjeshtë
  • Shtype

Kek me molle i gjyshesKeku me molle eshte nje nga embelsirat me te pelqyera ne familjen time. Kam provuar shume receta, duke shtuar nje perberes, hequr nje tjeter, por kjo qe do tju prezantoj me poshte eshte ajo qe gjithmone kam kerkuar. E keni parasysh kur nje recete eshte aq e mire sa thua: po, kjo eshte perfekte! Zakonisht e sherbej te shtunave apo te djelave ne mengjes, nje rutine qe mundohem ta respektoj cdo fundjave. Pervec kesaj, aroma e molleve, vaniljes dhe lekures se limonit qe mbush shtepine gjate pjekies eshte fantastike! Mua nuk me pelqejne embelsirat shume te embla, preferoj te shtoj pak sheqer pluhur siper per ta embelsuar me tej. Keshtuqe nese e provoni njehere dhe mendoni qe ka nevoje per pak me shume sheqer, shtoni edhe 50 gram te tjere qe jane pak a shume 3 luge e gjysme gjelle.

Perberesit per nje forme te rrumbullaket 26cm

  • 1 kg molle (5 kokrra) te prera ne feta te holla
  • 3 veze, te ndara te bardhat veç e te verdhat veç
  • 100gr gjalp ne temperature ambjenti + pak per sperkatje
  • 300gr miell i situr 00
  • 1 gote qumesht (rreth 150ml)
  • 200gr sheqer i bardhe
  • 1 limon, lengun dhe lekuren e grire
  • 1 pako te vogel pluhur pjekes me vanilje per embelsira
  • sheqer pluhur per sperkatje, sipas deshires

Lagim fetat e molleve me lengun e limonit ne menyre qe te mos nxihen dhe i leme menjane.
Rrahim te bardhat e vezeve  derisa te formohet nje shkume e bardhe qe nuk bie nga ena.
Ne nje tjeter ene, rrahim te verdhat e vezeve me sheqerin derisa te formohet nje krem me ngjyre te verdhe te hapur. Shtojme gjalpin dhe vazhdojme rrahjen. Shtojme qumeshtin dhe e perziejme me spatul kuzhine derisa perberja te rezultoje homogjene dhe pa kokerriza. Shtojme miellin, pluhurin pjekes, lekuren e limonit dhe vazhdojme perzierjen.
Shtojme pak nga pak kremin e te bardhave te vezeve tek brumi duke e perziere nga poshte lart me levizje te lehta. Ne kete moment duam qe brenda perberjes te futet sa me shume ajer.
Ne fund, shtojme edhe fetat e molleve duke lene disa menjane per zbukurim. E perziejme mire te gjithe masen dhe e hedhim ne nje forme te rrumbullaket te lyer me pak gjalp. Ne siperfaqe vendosim fetat e molleve dhe e sperkasim akoma edhe me pak gjalp.

E pjekim ne furre te parangrohur ne 180°C per rreth 1 ore, duke bere gjithmone proven e pirunit per te pare nese keku eshte pjekur edhe ne brendesi. Nese gjate pjekies, keku merr ngjyre te erret ne siperfaqe, e mbulojme me nje leter alumini dhe vazhdojme pjekien.
E leme te ftohet plotesisht ne temperature ambjenti, e heqim nga forma, e sperkasim me pak sheqer pluhur sipas deshires dhe e sherbejme te prere ne copa.

Ruajtja: per 3-4 dite ne nje ene te mbyllur hermetikisht.

Kek me çokollatë të zezë dhe vaj ulliri (pa miell)

  • Racione: 8 persona
  • Vështirësi: e thjeshtë
  • Shtype
Torte me cokollate dhe vaj ulliri

Kombinimi I çokollates se zeze me vajin e ullirit mund te tingelloj pak cuditshem ne fillim, por ju siguroj qe ne shije te dyja shkojne mrekullisht mire.
Edhe nese perdorim nje vaj ulliri ekstra te virgjer me shije te forte, kjo nuk do te ndihet aq shume tek keku sa t’ja prishe shijen, perkundrazi… do ta bej edhe me te shkrifet dhe me zemer te bute.

Perberesit per nje tave me diameter 20cm

  • 200gr çokollate te zeze (min 70% kakao)
  • 125ml vaj ulliri I nje cilesie shume te mire
  • 180gr sheqer te bardhe
  • 5 veze te medha
  • 3 luge arra ose bajame ose lajthi te grira
  • nje maje luge kripe
  • sheqer pluhur per sperkatje

Parangrohim furren ne 180 grade Celcius.

Ndajme çokollaten ne copa dhe e shkrijme ne banjomari ne kete menyre: vendosim çokollaten ne nje tas metalik ose qelqi qe I reziston nxehtesise, te cilin e kemi zhytur ne nje tenxhere me uje qe eshte duke vluar. E perziejme here pas here ne menyre qe çokollata te shkrihet shpejt dhe uniformisht.
Shtojme pak nga pak vajin e ullirit dhe vazhdojme perzierjen me kujdes. Shtojme 120gr sheqer (afersisht 1/3) dhe e perziejme mire derisa ky I fundit te kete shkrire plotesisht.

E heqim enen nga banjomaria, shtojme frutat e thata, nje maje luge kripe dhe te verdhat e vezeve duke vazhduar perzierjen. E leme menjane kremin e çokollates.

Ne nje tjeter ene te paster, rrahim te bardhat e vezeve me 60gr sheqer derisa vellimi I tyre te rritet dhe masa te mos bjere nga ena.

Bashkojme te bardhat e vezeve me kremin me çokollate duke i perziere me delikatese nga poshte lart me ane te spatule.

Lyejme me vaj ulliri taven e rrumbullaket dhe hedhim ne te brumin e kekut. E pjekim per 40 minuta, duke bere gjithmone ne fund proven e pirunit.

E leme te ftohet plotesisht ne temperature ambjenti perpara se ta nxjerrim nga forma. Duke qene se ky kek nuk permban miell, siperfaqa e tij do te forcohet dhe plasaritet, por kjo eshte normale. Nderkohe brendesia do te rezultoje shume e bute dhe e shkrifet.

Ne momentin qe e sherbejme, e sperkasim me pak sheqer pluhur dhe e shoqerojme me krem pana te rrahur. Ky lloj keku shkon mrekullisht me nje filxhan kafe ekspres!

Foto nga: http://unbiscottoalgiorno.com

Ëmbëlsirë me mollë “me thërrime brumi”

  • Racione: 6 persona
  • Vështirësi: e thjeshtë
  • Shtype
embelsire me molle dhe therrime brumi

Mollet e vjeshtes jane absolutisht me te shijshmet e sezonit, me te cilat mund te pregatiten receta te mrekullueshme! Kjo me poshte eshte nje nga keto, teper e thjeshte per tu pregatitur, 40 minuta ne furre dhe ja ku keni nje embelsire me pak kalori te cilen mund ta shijoni per mengjes shoqeruar me krem pana te rrahur. (ose me pak akullore me vanilje ne stinen e veres)
Nuk ju duhet as te hapni brumin, apo te shpenzoni kohe duke e punuar ate, sepse mjafton ti bashkoni perberesit me majat e gishtave.

Perberesit per nje tave me diameter 24cm

…per therrimet e brumit

  • 300gr miell 00 I situr te cilit I kemi shtuar nje maje luge kripe
  • 175gr sheqer kaf
  • 200gr gjalp pa kripe ne temperature ambjenti I ndare ne kubik

…per mbushjen

  • 4 molle te medha (te qeruara dhe te prera ne feta te holla)
  • lengun e 1 limoni
  • 50gr sheqer kaf
  • 1 luge miell
  • nje maje luge kanelle
  • nje maje luge arre moskate te grire

Parangrohim furren ne 180 grade Celsius.

Vendosim ne nje tas te madh miellin me sheqerin kaf duke I perziere mire. Shtojme pak nga pak kubiket e gjalpit dhe I bashkojme me majat e gishtave duke formuar ne kete menyre therrimet e brumit, pra brumi nuk duhet te ngjeshet e te rezultoje homogjen.

Ne nje tjeter ene, bashkojme mollet me lengun e limonit, sheqerin, miellin, arren moskate dhe pak kanelle. I perziejme me delikatese dhe I leme menjane.

Lyejme me gjalp taven, vendosim mollet ne fund te saj dhe e sperkasim te gjithe siperfaqen me therrimet e brumit.

E pjekim ne furren per 40-45 minuta derisa siperfaqa te kete marre ngjyre te arte dhe mollet te jene zbutur.

E sherbejme te shoqeruar me pak pana te rrahur ose me akullore me vanilje.

*Keshille: Embelsira me molle dhe therrime brumi nuk e ruan formen e saj, prandaj nuk duhet te shqetesohemi nese forma nuk del e rregullt ne pjate… nuk duhet te dali!

Per nje variant akoma me te shijshem, i hedhim brumit siper (perpara se ta fusim ne furre) edhe disa arra pecan (arra amerikane) ne copa.

Foto nga: http://realfood.tesco.com

Strudeli origjinal Vjenez (sipas recetës së Café Residenz)

  • Racione: 8-10 persona
  • Vështirësi: e thjeshtë
  • Shtype

SAMSUNG CSC

Ne Vjene, ne oborrin e pallatit mbreteror Schönbrunn, mund te ndiqet nje mini kurs kuzhine sesi pregatitet strudeli i famshem Vjenez me molle, recete e cila mendohet te jete ajo qe i servirej edhe princeshes se Austrise, Sisi. Sigurisht qe ne fund shijohet edhe nje cope strudel nga ai i pregatitur po ate dite… nje shije e pangaterrueshme me asgje tjeter! Kujdes! Sekreti ne kete recete qendron ne respektimin me perpikmeri te dozave!

Perberesit

… per brumin

  • 250gr miell i tipit W700 (i ngjashem me miellin tone te tipit 0)
  • 50gr veze
  • 100ml uje te vaket
  • 20ml vaj luledielli
  • nje maje luge kripe

…per mbushjen

  • 800gr molle te verdha (Golden) te prera ne feta shume te holla
  • 100gr galete (buke e thate e grire)
  • 50gr gjalp + tjeter per sperkatje
  • pak sheqer me vanilje
  • 140gr sheqer i bardhe
  • pak kanelle
  • pak leng limoni
  • 100gr rrush te thate
  • pak rum ose arome rumi
  • pak sheqer pluhur per sperkatje

Pregatisim brumin e strudelit duke i perziere te gjithe perberesit bashke derisa te perftojme nje brume te bute i cili nuk ngjit ne duar dhe ne tavolinen e punes. I japim formen e nje sfere, e lyejme me pak vaj luledielli dhe e leme te pushoje per rreth 30 minuta ne menyre qe brumi te zbutet dhe te jete i lehte per tu hapur.

I sperkasim mollet me pak leng limoni qe te mos nxihen dhe i leme menjane.

Vendosim ne nje ene te vogel rrushin e thate bashke me rumin, ose nese kete recete do t’ja servirim femijeve, perdorim arome rumi te holluar ne uje te ftohte.

Vendosim nje tigan ne zjarr te ulet dhe ne te shkrijme gjalpin, shtojme galeten, pak sheqer me vanilje dhe i perziejme mire derisa buka te marre ngjyre te arte.

Pregatisim mbushjen duke bashkuar shume mire mollet me rrushin e thate te shtrydhur nga uji (ose rumi), galeten e skuqur ne gjalp, sheqerin dhe kanellen.

Hapim brumin ne tavolinen e punes me duar te lyera me gjalp te shkrire (ose nese e kemi me te thjeshte, me okllai) derisa te rezultoje shume i holle. Vjenezet thone qe peta e strudelit duhet te jete aq e holle sa te lexojme nje gazete permes saj!
E mbushim peten me mbushjen me molle dhe e rrotullojme mire me ndihmen e nje pecete te paster.

E vendosim strudelin ne nje tave te lyer me gjalp dhe pak galete dhe e pjekim ne furre te parangrohur ne 190°C derisa te marri ngjyre te arte. Pasi e kemi nxjerre nga furra, e sperkasim me 3-4 luge gjalp te shkrire, e leme te ftohet, me pas e sperkasim me sheqer pluhur dhe e sherbejme.

Strudeli shkon mjaft mire me akullore ose krem pana te rrahur.

Foto nga: UneGatuaj.com