Ëmbëlsira

Tortë djathi (cheesecake) me luleshtrydhe

  • Racione: 10-12 persona
  • Vështirësi: e thjeshtë
  • Shtype

111

Kete torte e pregatita per te festuar 3 mujorin e djalit tim, te cilit çdo muaj po i pregatis nga nje torte te ndryshme! Eshte fantastike, teper e thjeshte dhe mbi te gjitha mund te pregatitet nje dite perpara. Eshte e kot te theksoje qe mbaroj brenda 24 oreve 😀

Perberesit
…per bazen

  • 180gr biskota Digestive
  • 100gr gjalp te shkrire ne mikrovale

…per kremin

  • 500gr krem djathi (te tipit Filadelfia Klasike)
  • 200ml krem pana per embelsira te sheqerosur
  • 100gr sheqer pluhur
  • 10gr xhelatine pjeshke (=5 fleta)
  • 1 pako te vogel vanilje

…per salcen me luleshtrydhe

  • 200gr luleshtrydhe
  • 1 luge sheqer pluhur

Pregatisim bazen e tortes me krem djathi duke kaluar ne mikser biskotat Digestive derisa te reduktohen ne pluhur, shtojme gjalpin e shkrire ne mikrovale dhe i perziejme mire.
Lyejme me gjalp nje tave te rrumbullaket, anet e se ciles mund te hapen, e veshim me leter furre dhe hedhim ne te perberjen mesiper duke e ngjeshur me pellemben e dores. Ne kete menyre kemi formuar bazen e tortes. E vendosim ne akull qe masa te forcohet dhe vazhdojme me pregatitjen e kremit.

Rrahim me ndihmen e nje mikseri elektrik kremin e djathit bashke me 50gr sheqer pluhur dhe vaniljen derisa kremi te zbutet dhe e leme menjane.
Vendosim xhelatinen e pjeshkes te zbutet ne nje ene te vogel me uje te ftohte per te pakten 10 minuta.
Ne nje tenxhere te vogel, ngrohim 4 luge pana (te parrahur) dhe shkrijme ne te xhelatinen e pjeshkes te cilen e kemi shtrydhur mire nga uji i tepert. Ja shtojme kete perberje kremit te djathit.
Se fundi, rrahim shume mire edhe panen per embelsira me 50gr sheqer pluhur derisa kremi te rezultoje i qendrueshem, dhe ja shtojme kremit te djathit mesiper duke i perziere me kujdes.

E hedhim kremin e perftuar mbi bazen e tortes te cilen e kemi nxjerre nga akulli dhe e nivelojme mire me ndihmen e nje spatule. E vendosim torten ne frigorifer per gjithe naten.

Pregatisim salcen me luleshtrydhe duke vendosur ne nje tenxhere ne zjarr te ulet luleshtrydhet e prera ne copa bashke me sheqerin derisa te shperbehen plotesisht. E kalojme kete perberje ne nje site (qe te eleminojme farat), e leme te ftohet plotesisht dhe ja hedhim tortes me krem djathi ne siperfaqe.

E zbukurojme sipas deshires me disa luleshtrydhe dhe e sherbejme te prere ne copa.

Reklama

Kek me portokall dhe kanellë

kek me portokall dhe kanelleSot po ju paraqesim nje recete teper te pershtatshme si per mengjes ashtu dhe per zemer, kekun me portokall dhe kanelle, nje kombinim fantastik midis agrumeve dhe erezave!

Perberesit

  • 300gr miell 00
  • 150ml vaj luledielli
  • 200gr sheqer
  • 3 veze
  • 1 gote leng portokalli
  • lekuren e nje portokalli
  • 1 pako pluhur pjekes
  • 1 luge te vogel plot me kanelle
  • pak kripe
  • sheqer pluhur per sperkatje

Rrahim me ndihmen e nje mikseri elektrik per rreth 5 minuta vezet me sheqerin derisa te formohet nje perberje e fryre dhe me ngjyre te hapur. Shtojme pak kripe, kanellen dhe vazhdojme rrahjen edhe per disa sekonda. Shtojme edhe lengun e portokallit dhe lekuren e tij duke vazhduar rrahjen.

Ne nje tas te madh, sitim miellin bashke me pluhurin pjekes dhe ja shtrojme pak nga pak perberjes se mesiperme duke e alternuar edhe me vajin e lulediellit.

Lyejme me gjalp dhe miell nje forme per kek, hedhim ne te brumin e perftuar dhe e pjekim ne furre te parangrohur ne 180°C per rreth 40 minuta (bejme gjithmone proven e pirunit). E leme te ftohet plotesisht dhe e sperkasim me pak sheqer pluhur ne siperfaqe.

*Keshille: Per ti dhene kekut nje shije akoma me te veçante, pasi kemi shtuar lengun e portokallit, shtojme edhe 2 apo 3 amareta te copetuara apo 1 luge pije Grand Marnier.

Tortë mimoza

Torta mimozaTorta mimoza eshte nje nga embelsirat me te pregatitura per 8 marsin, festen e nenes. E merr kete emer pikerisht sepse eshte e zbukuruar me copeza pandispanje te cilat te kujtojne lulen simbol te kesaj feste, mimozen. Doni ti beni nje surprize te veçante nenes suaj? Receten e gjeni me poshte:Perberesit

…per 2 pandispanja me diameter 22-24cm

  • 200gr miell 00
  • 220gr sheqer
  • 4 veze te plota + 8 te verdha vezesh
  • 40gr niseshte

…per kremin e pastiçerise

  • 300ml qumesht me yndyre 3,5%
  • 300ml pana te lengshme
  • 200gr sheqer
  • 8 te verdha vezesh
  • 50gr miell
  • 1 pako te vogel vanilje

…per shurupin per lagien e pandispanjes

  • 100ml uje
  • 50gr sheqer
  • pije alkoolike (psh Alchermes, Cointreau, Maraschino) apo leng frutash (psh leng ananasi)

…tjeter

  • 200ml pana per embelsira e sheqerosur

Pregatisim pandispanjat: rrahim me ndihmen e nje mikseri elektrik me shpejtesine e tij maksimale vezet e plota me sheqerin per rreth 15 minuta derisa te formohet nje perberje e fryre dhe me ngjyre te hapur. Shtojme te verdhat e vezeve dhe vazhdojme rrahjen edhe per 5 minuta te tjera. I shtojme kesaj perberje miellin dhe niseshten e situr dhe i bashkojme me ndihmen e nje spatule kuzhine ne menyre shume delikate nga poshte lart. E hedhim masen e perftuar ne dy tava te rrumbullakta te lyera me gjalp dhe miell me diameter 22-24cm dhe i pjekim ne furre te parangrohur ne 180°C per rreth 30 minuta. I heqim nga furra, i permbysim ne tavolinen e punes te shtruar me leter furre dhe i leme te ftohen plotesisht.

Pregatisim kremin e pastiçerise sipas recetes qe e gjeni ketu: i vetmi ndryshim qe duhet te bejme eshte ti shtojme qumeshtit panen e lengshme. E leme kremin e pastiçerise te ftohet plotesisht ne temperature ambjenti dhe me pas e fusim ne frigorifer.

Pregatisim shurupin per lagien e pandispanjes: vendosim ne zjarr te avashem ujin me sheqerin dhe pijen alkoolike apo lengun e frutave derisa sheqeri te jete shkrire plotesisht dhe e leme te ftohet ne temperature ambjenti.

Rrahim me ndihmen e mikserit elektrik panen per embelsira derisa kremi te mos bjere nga ena dhe e vendosim edhe kete ne frigorifer.

Ne momentin qe kremi i pastiçerise eshte ftohur, i shtojme panen e rrahur (heqim 2-3 luge) duke e perziere me kujdes nga poshte lart.
Duke perdorur nje thike te gjate dhe te mprehte, ndajme njeren nga pandispanjat ne tre pjese te barabarta horizontalisht. Pandispanjen tjeter e presim ne kubik pak a shume te te njejtes madhesie te cilat do te na nevojiten per zbukurim.

Pregatisim torten: Lagim njeren shtrese te pandispanjes me gjysmen e shurupit, dhe e lyejme me nje luge pana per embelsira. Siper saj shtrojme nje pjese te kremit te pastiçerise qe bashkuam me panen dhe vendosim siper shtresen e dyte te pandispanjes. E perserisim proçeduren si me pare dhe ne fund e lyejme te gjithe torten me kremin e mbetur dhe e zbukurojme me kubiket e pandispanjes. E vendosim torten ne frigorifer deri ne momentin e servirjes dhe e sherbejme te prere ne feta.

*Keshille: Ne menyre qe torta te mos thahet dhe te mos marre eren e ushqimeve te tjera ne frigorifer, e vendosim ne nje mbajtese embelsirash ne forme zile. Mund ta ruani ne frigorifer per maksimumi 3 dite.

Tortë me nutela dhe çokollatë të bardhë

Torte me nutela dhe çokollate ta bardhePer te gjithe adhuruesit e nuteles, po ju paraqesim receten e nje torte me te vertete te shijshme e cila sapo te pregatitet, nuk do rezistoje gjate ne kuzhinen tuaj!Perberesit

…per kekun me nutela

  • 200gr miell
  • 120gr sheqer
  • 3 veze mesatare
  • 3 luge plot nutela
  • 150ml qumesht
  • 20gr gjalp i shkrire ne mikrovale
  • 1 pako te vogel pluhur pjekes
  • pak kripe

…per kremin e pastiçerise me çokollate te bardhe

  • 250ml qumesht
  • 2 te verdha vezesh
  • 1 luge plot miell
  • 2 luge plot sheqer
  • 250gr çokollate te bardhe

…per shtresen e jashtme (sipas deshires)

  • sheqer pluhur ose
  • çokollate te bardhe te shkrire ose
  • krem nutela

Pregatisim kremin e pastiçerise sipas recetes qe e gjeni ketu, dhe ne momentin e fundit, kur eshte akoma i nxehte, shtojme çokollaten e bardhe te prere shume holle. E perziejme mire ne menyre qe te çokollata te shkrihet plotesisht, e hedhim ne nje tas, e mbulojme me leter transparente dhe e leme te ftohet ne temperature ambjenti.

Pregatisim bazen e tortes duke rrahur me ndihmen e nje mikseri elektrik te verdhat e vezes me sheqerin derisa perberja te rezultoje e fryre dhe me ngjyre te hapur. Shtojme nutelen dhe vazhdojme rrahjen edhe per disa sekonda. Shtojme qumeshtin, gjalpin dhe pak nga pak miellin e situr bashke me pluhurin pjekes.
Ne nje tjeter ene rrahim te bardhat e vezeve me pak kripe derisa te formohet nje mase qe nuk bie nga ena dhe ja shtojme kremit te mesiperm me te verdha vezesh. Ne menyre qe perberja te jete e njetrajtshme, e perziejme me kujdes nga poshte lart me spatul kuzhine.
E hedhim brumin ne nje tave me diameter 22-24cm te cilen e kemi lyer me pak gjalp dhe miell, dhe e pjekim ne furre te parangrohur ne 180°C per rreth 40 minuta.
Bejme proven e pirunit per te pare nese baza e tortes eshte pjekur edhe nga brenda dhe e leme te ftohet plotesisht ne temperature ambjenti.

Kur baza te jete ftohur, e ndajme ne dy pjese te barabarta horizontalisht dhe e mbushim me kremin me çokollate te bardhe dhe pak nutela duke e shperndare kete te fundit ne menyre te çrregullt mbi kremin. E vendosim torten ne frigorifer dhe ne momentin e servirjes e sperkasim me pak sheqer pluhur ne siperfaqe, me çokollate te bardhe te shkrire apo me krem nutela.

Kek me mollë

Kek me molleNje kek me molle i thjeshte dhe i shijshme te cilin na e sugjeron nje fansa jone. Faleminderit per receten Aida Juli!
Perberesit

  • 350gr miell 00
  • 200gr gjalp ne temperature ambjenti
  • 200gr sheqer
  • 3 veze
  • 3 molle (lloji sipas deshires)
  • 1 pako te vogel maja per embelsira me arome vanilje (ose 1 pako te vogel pluhur pjekes + 1 pako te vogel vanilje)
  • lekuren dhe lengun e 1 limoni
  • pak kripe
  • sheqer pluhur per sperkatje

Qerojme mollet, i presim ne feta te holla dhe i sperkasim me lengun e limonit ne menyre qe te mos nxihen nderkohe qe pregatisim brumin e kekut:

Ne nje ene te thelle, rrahim me ndihmen e nje mikseri elektrik gjalpin me sheqerin dhe pak kripe derisa te jete formuar nje mase e fryre dhe me ngjyre te hapur. Shtojme vezet nje nga nje, lekuren e limonit dhe majane per embelsira duke vazhduar rrahjen. Shtojme pak nga pak edhe miellin dhe e perziejme te gjithe perberjen me nje spatul kuzhine derisa brumi te rezultoje homogjen dhe pa kokrriza. Se fundi, i shtojme brumit edhe mollet e prera ne kubik duke lene menjane disa feta per dekorim.

E hedhim brumin ne nje tave te lyer me pak gjalp dhe miell, e nivelojme mire dhe e zbukurojme siper me fetat e molleve si ne figure.

E pjekim kekun ne furre te parangrohur ne 190°C per 30-40 minuta, duke bere gjithmone ne fund proven e pirunit. E sperkasim me pak sheqer pluhur dhe e sherbejme te prere ne feta.

*Keshille: Nese shohim qe keku eshte duke u pjekur shume nga jashte nderkohe qe brenda rezulton akoma i papjekur, mbulojme siperfaqen e tij me nje leter alumini derisa te perfundoje pjekia

Kek me arra kokosi dhe krem nutela

Kek me arra kokosi dhe nutelaKeku me arra kokosi dhe nutela, eshte nje menyre e shijshme per te filluar diten bashke me nje filxhan qumesht e kafe.

Perberesit per nje torte me diameter 24cm

  • 300gr miell 00
  • 100gr arra kokosi pluhur
  • 200gr sheqer
  • 200ml qumesht arra kokosi (mund te perdorni edhe qumesht te zakonshem nese nuk e gjeni)
  • 100ml vaj luledielli
  • 4 veze
  • 1 pako te vogel pluhur pjekes (12gr)
  • 200gr krem nutela

Rrahim fillimisht vezet me sheqerin derisa e gjithe masa ta dyfishoj vellimin e saj. Shtojme pak nga pak vajin e lulediellit duke vazhduar rrahjen, shtojme miellin 00, arren e kokosit pluhur, qumeshtit e kokosit, pluhurin pjekes dhe vazhdojme perzierjen me spatul derisa te kemi perftuar nje brum homogjen.
E hedhim brumin ne taven e rrumbullaket te lyer paraprakisht me pak gjalp e miell.

Shkrijme ne mikrovale kremin nutela dhe ja hedhim siper ne menyre te çrregullt brumit.

E pjekim kekun ne furre te parangrohur ne 180°C per 35-40 minuta, gjithmone duke bere proven e pirunit per te pare nese eshte pjekur edhe ne brendesi. E leme te pushoje per disa çaste perpara se ta heqim nga forma.

Rolè me arra dhe krem kafe

Role me arra dhe krem kafeReceta e kesaj embelsire eshte relativisht e thjesht per tu realizuar dhe rezultati do te jete teper i shijshem e skenografik. Mund te sherbeje per te mbyllur per shembull menúne e nje darke mes miqsh apo festive.
Perberesit per nje rolè

…per pandispanjen

  • 100gr miell
  • 100gr arra te qeruara dhe te reduktuara ne miell me ndihmen e mikserit
  • 100gr sheqer te bardhe
  • 4 veze
  • 1 luge te vogel plot pluhur pjekes
  • pak vanilje
  • 30gr vaj ulliri ose gjalp te shkrire ne mikrovale
  • pak rum per sperkatje (eleminojeni nese ja servirni femijeve)

…per kremin me kafe

  • 250ml krem pana per embelsira te sheqerosur
  • 1 luge te vogel kafe e tretshme ne uje
  • disa arra te qeruara ne copat e vogla

…per ta mbuluar

  • sheqer pluhur

Pregatisim pandispanjen duke ndare si fillim te bardhat nga te verdhat e vezeve ne dy ene te veçanta. Me ndihmen e nje mikseri elektrik, rrahim te verdhat e vezeve me sheqerin derisa te perftojme nje perberje kremoze dhe me ngjyre te hapur. Shtojme arrat e reduktuara ne pluhur, miellin e situr, pluhurin pjekes, vaniljen dhe vajin e ullirit duke i perziere shume mire.

Ne enen tjeter rrahim te bardhat e vezeve me pak kripe derisa te perftojme nje mase qe nuk bie nga ena. Ja shtojme kete perberjes me te verdhe veze duke e perziere me kujdes nga poshte lart. Ne kete menyre kemi perftuar brumin e pandispanjes se rolèse. E hedhim brumin ne nje tave me permasa rreth 20×30 te shtruar me leter furre, e nivelojme mire dhe e pjekim ne furre te parangrohur ne 200°C per 5-7 minuta, apo derisa pandispanja te marre ngjyre te arte ne siperfaqe.

Lyejme me sheqer pluhur nje pecete te paster te lagur me uje e te shtrydhur shume fort dhe vendosim mbi te pandispanjen duke i dhene formen e rolèse (e rrotullojme gjithmone nga ana me e shkurter). E leme te ftohet nderkohe qe pregatisim kremin.

Shkrijme ne pak uje te vaket kafen e tretshme. Rrahim me ndihmen e nje mikseri elektrik panen per embelsira dhe shtojme dalengadale kafen duke vazhduar rrahjen.

Bejme pregatitjen perfundimtare te rolèse: marrim pandispanjen, e çrrotullojme dhe e lagim me pak rum, ose pak arome rumi te tretur ne uje. Per ata qe nuk e preferojne kete arome, mund ta lagin pandispanjen me pak kafe te tretur ne uje/qumesht duke i shtuar ose jo sheqer (sipas deshires). E lyejme me kremin e pregatitur duke e niveluar mire ne te gjithe siperfaqen, shtojme disa arra ne copeza te vogla dhe e rrotullojme serisht me shume kujdes duke e vendosur ne pjatancen ku do ta sherbejme.E sperkasim me pak sheqer pluhur, dhe ne momentin qe do ta sherbejme e presim bukur ne feta.

Makarons (ëmbëlsira franceze)

MakaronsMakarons jane embelsira te vogla tipike franceze te perftuara nga bashkimi i te bardhes se vezes, sheqerit pluhur dhe miellit te bajameve. Thuhej qe ishin embelsirat e preferuara te mbretereshes Maria Antonieta, edhe pse per here te pare u dhuruan nga shefat e kuzhines italiane Katerina de Medicit ne Paris ne vitin 1533 me rastin e marteses se saj.
Bashkimi i gjysmave te dy makarons mund te realizohet me krem gjalpi, marmalate ose krem ganash.
Perberesit per rreth 40 makarons

  • 150gr te bardha vezesh (afersisht 5 te bardha vezesh te vogla)
  • 200gr miell bajamesh (ose bajame te reduktuara ne pluhur ne mikser)
  • 220gr sheqer normal
  • 200gr sheqer pluhur
  • 50ml uje
  • 1 luge te vogel ngjyrues ushqimor pluhur

…per mbushjen (nje nga te meposhtmet)

  • krem gjalpi, sipas recetes qe e gjeni ketu
  • marmalate nga fruta te ndryshme
  • krem ganash, sipas recetes qe e gjeni ketu

Ndajme ne dy ene te bardhat e vezeve, pra rreth 75gr ne njeren dhe 75gr ne tjetren. Ne njeren ene shtojme gjysmen e sheqerit pluhur dhe e rrahim perberjen shume mire me ndihmen e nje mikseri elektrik derisa masa te rezultoje plotesisht kompakte dhe te mos bjere nga ena.

Ne nje tenxhere hedhim sheqerin normal dhe ujin, i vendosim ne zjarr te ulet pa i perziere derisa shurupi te kete arritur temperaturen 110-118°C. Ne momentin e arritjes se kesaj temperature, ja shtojme dalengadale pa ndaluar rrahjen vezeve me sheqerin pluhur dhe vazhdojme rrahjen derisa kremi te jete ftohur dhe te kete marre nje ngjyre te shndritshme. Shtojme edhe ngjyruesin ushqimor qe kemi zgjedhur dhe i perziejme mire.

Ne nje tas bashkojme miellin e bajameve te situr me gjysmen e mbetur te sheqerit pluhur. I shtojme gjysmen e mbetur te te bardhave te vezeve  dhe i perziejme mire. Shtojme edhe kremin e te bardhave te vezeve dhe i perziejme me shume delikatese me spatul nga poshte lart qe masa te mos bjere.

E hedhim kete perberje ne nje xhep pasticerie dhe formojme sfera te vogla te cilat i leme te pushojne per 20-30 minuta ne nje tave te shtruar me leter furre. Gjate kesaj kohe, sferave mund ti bjere pak volumi, por kjo eshte plotesisht normale.

I pjekim ne furre te parangrohur me ventilim ne 136-140°C per rreth 10 minuta. Pasi ka kaluar kjo kohe, i leme ne furren gjysme te hapur per 2 minuta te tjera. I leme te ftohen makarons nderkohe qe pregatisim mbushjen.

Me ndihmen e nje xhepi pasticerie ose nje luge te vogel, vendosim pak mbushje mbi nje makarons dhe e bashkojme ne forme sanduici me nje tjeter makarons me shume kujdes.

Perpara se ti sherbejme makarons, keshillohen te pushojne per nje nate ne frigorifer.
Mund ti ruajme ne nje ene te mbyllur alumini ose ne frigorifer per 2-3 dite.</stro

Pasta flora

Pasta floraPasta flora eshte nje embelsire greke shume e shijshme dhe shume e njohur ne Greqi te cilen mund ta pregatisni me çfaredo lloj reçeli qe ju ka tepruar apo qe ju pelqen. Reçelerat qe i pershtaten me shume jane ai i kumbulles, luleshtrydhes, fikut dhe kajsise.
Per embelsiren ne foto eshte perdorur reçel fiku dhe arra.
Perberesit per nje tave me diameter 28cm

  • 350gr miell 00
  • 250gr gjalp te ftohte
  • 1 veze te plote + 1 te verdhe veze
  • 2 luge sheqer
  • 1 luge te vogel pluhur pjekes
  • 3 luge brandy
  • pak kripe
  • reçel dhe fruta te thata sipas deshires per mbushje

Bashkojme ne nje tas te madh miellin, pluhurin pjekes, sheqerin dhe pak kripe duke i perziere mire. Presim gjalpin e ftohte ne kubik te vegjel dhe i shtojme gjysmen e tij mases se mesiperme bashke me brandin duke e perziere mire me dore; brumi ne kete moment duhet te rezultoje si therrime. Shtojme edhe gjysmen tjeter te gjalpit dhe vezen e plote duke vazhduar perzierjen. Nese shohim qe brumi nuk lidhet mire, shtojme 2-3 luge uje te ftohte.

E ndajme brumin 1/3 me 2/3, i mbeshtjellim te dyja pjeset me leter celofoni dhe i vendosim ne frigorifer per te pakten 1 ore.

Pasi ka kaluar kjo kohe, ne tavolinen e punes hapim me okllai 2/3 e brumit dhe e shtrojme ne taven e rrumbullaket duke eleminuar brumin e tepert nga anet. Shtojme reçelin (nevojiten 5-6 luge plot) dhe frutat e thata. Hapim ne forme drejtkendore edhe pjesen e mbetur te brumit (pra 1/3 e tij), e presim ne shirita dhe i alternojme keto shirita mbi reçelin.
I lyejme shiritat e brumit me nje te verdhe veze holluar me pak uje. E pjekim pasta floren ne furre te parangrohur ne 180°C per rreth 30 minuta.

*Keshille: Nese pasten e mbushim me reçel portokalli apo limoni, i shtojme brumit edhe lekuren e 1 portokalli te grire.