Brumi bazë

Brumi me vezë (për makarona, lazanja, ravioli, tortelini etj)

  • Racione: 4 persona
  • Vështirësi: mesatare
  • Shtype
Brumi me veze

Te besh makaronat e fresketa ne shtepi eshte nje luks te cilin jo shume amvisa e kane, me shume per shkak te kohes, sepse receta per ta realizuar eshte elementare. Sekretet kryesore per te arritur nje rezultat te perkryer jane disa si: raporti i sasise se miellit me vezet duhet te jete 100gr miell per cdo veze, brumi duhet te punohet per te pakten 10 minuta me dore ne nje siperfaqe pak te ashper, vezet duhet te rrihen lehtesisht me pirun perpara se ti hidhen miellit e te tjera truke te vogla te cilat mesohen gradualisht dhe me eksperience.

Perberesit

  • 400gr miell 00 te bute
  • 4 veze mesatare (70gr secila) ne temperature ambjenti
  • 1 luge vaj ulliri
  • 1/2 luge te vogel kripe

Ne tavolinen e punes ose ne nje tas te madh hedhim miellin e situr, i hapim nje grope ne mes dhe shtojme vezet lehtesisht te rrahura me pirun, vajin e ullirit dhe pak kripe. E punojme brumin fillimisht me gishta duke bashkuar avash avash vezet me miellin qe gjendet rreth e qark derisa te formohet nje top brumi te cilin e punojme ne tavolinen e lyer me miell per te pakten 10 minuta derisa te rezultoje elastik. Ne rast se brumi rezulton pak i forte, shtojme 2 apo 3 luge uje te ngrohte, apo ne rast se rezulton pak i bute, shtojme edhe pak miell.

E mbeshtjellim brumin me leter transparente dhe e leme te pushoje per 1 ore ne frigorifer.

E ndajme brumin ne dy pjese perpara se ta hapim me okllai dhe pjesen qe nuk e perdorim e mbeshtjellim serisht me leter transparente. Kjo per shkak se ne kontakt me ajrin, brumi thahet dhe formon nje kore te holle e cila e prish lemueshmerine qe duhet te kene makaronat.
E vendosim gjysmen e brumit ne tavolinen e punes te lyer me pak miell dhe e hapim ne fillim me pellemben e dores, me pas me okllai te lyer me pak miell ne menyre qe te mos ngjise. E presim peten ne trashesine e deshiruar. Per te formuar Taljatele ose Taljolini, e rrotullojme peten rreth vetes dhe e presim me nje thike me maje te mprehte. Sapo i kemi prere, i crrotullojme, i hapim ne nje cep te tavolines se punes te lyer me miell dhe i perdorim brenda nje ore.
Veprojme ne te njejten menyre edhe me pjesen e mbetur te brumit.

I gatuajme makaronat ne uje te vluar me kripe per 4 minuta, kohe e cila varet gjithmone nga trashesia e tyre.

Taljolini: 2mm

Taljatele: 7mm

Papardele: 2cm

Lazanja: 20x15cm

Foto nga: http://mangiarebuono

Advertisements

Njoki me patate

  • Racione: 4 persona
  • Vështirësi: e thjeshtë
  • Shtype

Njoki me patate

Njokit, jane nje nga recetat baze me antike ne bote dhe te kombinueshme me cdo lloj salce. Me te perhapurat jane ato me patate, te cilat i pelqejne shume edhe femijet.

Perberesit

  • 1kg patate me shume niseshte (patate me brume te bardhe)
  • 200gr miell 00
  • 1 veze
  • pak kripe

Lajme mire patatet, i ndajme ne dy pjese nese jane te medha dhe i ziejme ne uje te kripur per 20-30 minuta, apo derisa te zbuten plotesisht. Ashtu te nxehta, i heqim lekuren dhe i kalojme ne shtypesen e patateve (kete procedure mund ta kryeni edhe me dhembet e nje piruni) derisa te perftojme nje purè homogjene dhe pa kokerriza te cilen e leme te ftohet per 1-2 minuta.

Purèse i shtojme miellin, vezen, pak kripe, dhe e punojme masen me dore derisa te perftojme nje brume te bute. Gramatura e sakte e miellit varet nga thithja e brumit te patateve, pra mund te nevojitet me pak ose me shume se 200gr.

Formojme me brumin shirita te gjate sa gjatesia e nje gishti, i presim ne copa te vogla dhe i shtypim mbi dhembet e nje piruni nga te gjitha anet ne menyre qe ti japim formen e tyre karakteristike. I leme te pushojne per 15-20 minuta ne nje ambjent larg korrenteve te ajrit.

Pas kesaj, i ziejme ne uje te vluar me kripe, dhe ne momentin qe njokit dalin mbi siperfaqe, do te thote se jane gati.

I shoqerojme me cdo lloj salce qe preferojme dhe i sherbejme te ngrohta.

*Keshille: Per te pregatitur njoki me ngjyra te ndryshme, mjafton ti shtojme brumit disa perberes te thjesht si per shembull: te kuqe me salce domatesh, te gjelbra me pak spinaq te zjere te shtrydhur fort apo te zeza me bojen e zeze te sepieve.

*Ruajtja: Ne frigorifer te fresketa (te pagatuara), mund ti mbani per maksimumi 2 dite te sperkatura me pak miell.
Ne akull
mund ti ruani te ngrira per 1-2 muaj duke i vendosur fillimisht ne nje tave te distancuara nga njera tjetra, dhe ne momentin qe jane ngrire i vendosim te ndara ne racione neper qese kuzhine. Ne kete menyre evitojme qe njokit te ngjiten me njera tjetren.

Pandispanjë me kakao

Pandispanja me kakao eshte nje tjeter recete baze per te pregatitur torta  me krem te te gjitha llojeve. Varianti qe po ju paraqesim me poshte, ndryshon pak nga ai tradicionali duke perfshire edhe gjalpin e pluhurin pjekes. Por rezultati do te jete shume here me i shijshem: do te perftoni ne kete menyre nje pandispanje te larte, jo te thate dhe qe nuk therrmohet sapo te pritet me thike.

Perberesit per nje tave te rrumbullaket me diameter rreth 24cm

  • 200gr miell 00
  • 100gr sheqer pluhur
  • 100gr sheqer normal
  • 9 veze (nga te cilat: 6 te bardha dhe 9 te verdha)
  • 230gr gjalp ne temperature ambjenti
  • 50gr kakao pa sheqer
  • 12gr pluhur pjekes
  • 1 bustine vanilje

Rrahim si fillim te bardhat e vezeve me 100gr sheqer normal derisa te formohet nje krem kompakt qe te mos bjere nga ena.

Ne nje tjeter ene, rrahim gjalpin me sheqerin pluhur derisa te formohet nje perberje kremoze. Shtojme nje nga nje te verdhat e vezeve duke patur kujdes te mos shtojme te verdhen e dyte, nese e para nuk eshte thithur plotesisht nga masa. Perberja perfundimtare duhet te rezultoje ne formen e nje shkume.

Ne nje ene tjeter, sitim miellin, kakaon dhe pluhurin pjekes duke i bashkuar te gjitha shume mire. Shtojme gjysmen e kesaj perberje ne kremin e gjalpit, vezeve dhe sheqerit dhe e perziejme mire nga lart poshte ne menyre qe masa te mos humbe volumin e saj. Shtojme edhe gjysmen tjeter te miellit gjithmone duke e perziere dhe ne fund shtojme edhe kremin e te bardhave te vezeve duke e perziere me te njejten delikates.

E hedhim brumin ne nje tave te rrumbullaket (ose katrore, ne varesi te recetes) te lyer me pak gjalp dhe miell, e nivelojme mire dhe e pjekim ne furre te parangrohur ne 160°C per 45-50 minuta. Duhet te kemi kujdes qe gjate kohes se pjekjes te mos e hapim asnjehere furren, pasi ne kete menyre pandispanja do te humbiste volumin e saj. Kur pjekja te kete perfunduar, e leme akoma edhe 10 minuta ne furren e fikur, e leme te ftohet me pas ne temperature ambjenti dhe e ndajme ne shtresa sipas deshire

Pandispanjë klasike

Receta e pandispanjes e ka origjinen e saj qe ne vitet 1700 kur kuzhinieri gjenovez Giobatta Cabona, i ftuar ne Spanje nga markeza dhe ambasadori Domenico Pallavicino, gatoi per nder te Spanjes kete buke te embel te pregatitur me perberes te thjeshte, por qe u vleresua shume ne oborrin spanjoll. Ne fillim pandispanja quhej Pâte Génoise, apo buka gjenoveze, por me kalimin e kohes mbajti emrin e shtetit per nder te se cilit ishte pregatitur.
Perberesit per nje tave te rrumbullaket me diameter rreth 24cm

  • 80gr miell
  • 80gr niseshte misri apo niseshte patatesh
  • 200gr sheqer
  • 6 veze ne temperature ambjenti
  • 1 bustine vanilje
  • pak kripe
  • pak gjalp dhe miell per lyerjen e taves

Per te pregatitur pandispanjen ndajme fillimisht te bardhat nga te verdhat e vezeve duke i vendosur ne dy ene te medhaja. Rrahim ne fillim me ndihmen e nje rrahesi elektrik te verdhat me gjysmen e sheqerit derisa perberja te zbardhet dhe te dendesohet (mund te nevojiten deri ne 20 minuta).

Pastrojme shume mire rraheset, dhe rrahim per rreth 5 minuta edhe te bardhat e vezeve me gjysmen tjeter te sheqerit dhe pak kripe derisa perberja te jete fryre dhe te mos bjere nga ena.

I bashkojme te dyja masat ne nje ene te vetme duke i perziere me kujdes me nje luge druri dhe levizje rrethore. Shtojme dalengadale me ane te nje site miellin, niseshten dhe vaniljen ne menyre qe te mos formohen kokerriza dhe i perziejme te gjitha me luge druri derisa te perftojme nje perberje homogjene.

Lyejme me gjalp dhe pak miell nje tave te rrumbullaket dhe hedhim brumin e formuar duke patur kujdes te nivelojme siperfaqen. E pjekim pandispanjen ne furre te parangrohur ne 180°C per 35-40 minuta pa e hapur asnjehere furren deri ne perfundim te pjekjes. Kur pjekja te kete perfunduar, e leme akoma edhe 10 minuta ne furre te fikur, dhe me pas e nxjerrim nga furra duke e lene te ftohet ne temperature ambjenti.

Brumi bazë i bukës

Per greket, buka ishte “ushqimi i Perendive” dhe faktikisht ne traditen tone shqiptare nuk mungon ne asnje tavoline. Nese ndonjehere keni menduar ta realizoni vet ne shtepi, eshte me e thjeshte seç e keni imagjinuar; ne kete menyre do te dini se cfare hani dhe do t’iu shijoi akoma me shume!
Perberesit per 4 persona

  • 500gr miell te bardhe
  • 250ml uje te ngrohte
  • 25gr maja birre
  • 5 luge vaj
  • 15gr kripe
  • 2 luge te vogla sheqer

Gjeja e pare qe duhet te bejme, eshte te copetojme imet me duar majane e birres te cilen e vendosim ne nje tas te vogel, shtojme sheqerin dhe gjysme gote uje te ngrohte duke i perziere me nje luge te vogel derisa majaja te kete shkrire plotesisht. E mbulojme enen me nje pjate te vogel dhe presim derisa ne siperfaqe te formohet nje lloj shkume.

Ne nje tas te madh, ose ne tavolinen e punes, hedhim miellin e situr duke i hapur nje grope ne mes ne te cilen shtojme perberjen me maja birre, vajin, kripen e shkrire ne ujin e ngrohte te mbetur dhe fillojme ta punojme brumin me dore per te pakten 10 minuta derisa te rezultoje homogjen dhe elastik. Mbajme gjithmone prane vetes pak miell, nese brumi eshte shume i bute, apo pak uje te ngrohte nese eshte shume i forte.

I japim brumit formen e nje sfere te madhe te cilen e vendosim ne nje ene te gjere ose ne nje tave te sperkatur me pak miell larg korrenteve te ajrit (psh brenda ne furren e fikur), e mbulojme me nje pecete te paster dhe e leme te fryhet per te pakten 2 ore derisa te dyfishoje vellimin e tij.

Brumi sfoljat

Brumi sfoljat eshte nje nga recetat baze me te njohura dhe me te perdorura ne pasticeri per realizimin e shume embelsirave, por edhe te tortave te kripura. Pregatitja e tij eshte shume e gjate dhe kerkon teper durim dhe vemendje ne menyre qe fryrja te jete sa me uniforme. Zakonisht eshte me e lehte ta blejme te gatshem ne supermarket (te fresket apo te ngrire), por edhe pregatitja ne shtepi do t’iu jape nje kenaqesi te vecante.

Perberesit

  • 125gr miell 00
  • 125gr miell Manitoba
  • 140ml uje te ftohte akull
  • 50gr gjalp te shkrire
  • 175gr gjalp nga frigoriferi (te ftohte)
  • pak kripe

Vendosim ne nje tas te madh miellin e situr bashke me kripen, i hapim nje grope ne mes dhe shtojme ujin duke e perziere shume mire. Shtojme ne kete moment edhe gjalpin e shkrire i cili duhet te jete ne temperature ambjenti dhe e punojme me dore shume shpejt duke formuar nje brume te bute.

Me majen e nje thike formojme nje kryq (+) ne siperfaqen e brumit te cilin e leme te pushoje ne frigorifer mbuluar me leter transparente per 30 minuta. Ne kete menyre kemi perftuar ate qe quhet “detrempe”.

Vendosim midis dy letrave celofoni gjalpin dhe e “rrahim” me nje rrahes mishi duke u munduar ti japim forme drejtkendeshe dhe te perftojme nje shtrese te bute dhe te holle te cilin gjithashtu e vendosim ne frigorifer per 30 minuta. Kjo perberje ne zhargonin e perditshem quhet “beurrage”.

Pasi te kete kaluar koha me siper, vendosim brumin ne tavolinen e punes te lyer me miell dhe hapim nje pete drejtekendeshe me permasa rreth 50 x 30cm.

Nxjerrim gjalpin nga frigoriferi dhe duke e rrahur hapim nje “pete” sa 2/3 e brumit sfoljat. E vendosim gjalpin mbi pete duke mbuluar rreth 2/3 e saj, palosim anen pa gjalp mbi gjalpin dhe me pas anen qe ka gjalpin drejt qendres. E mbyllim mire brumin anash per te izoluar gjalpin ne brendesi.

E  mbeshtjellim kete brum me leter transparente dhe e vendosim ne frigorifer per 1 ore. Ne kete moment fillojne “xhirot” e brumit sfoljat.

Nxjerrim brumin nga frigoriferi, e vendosim mbi tavolinen e punes me mbylljen qe realizuam me siper nga e djathta dhe e hapim serisht derisa te formojme drejtkendeshin 50 x 30cm gjithmone nga ana e mbylljes. Mbyllim 1/3 drejt qendres dhe 1/3 tjeter mbi te. E vendosim peten ne frigorifer per 1 ore tjeter dhe e perserisim kete procedure per 5 here gjithesej.

Ne xhiron e fundit, e hapim brumin ne trashesine e deshiruar sipas recetes qe po realizojme, apo e ruajme ne akull te mbeshtjelle me leter furre lyer me pak miell. Ne kete menyre brumi sfoljat ruhet deri ne 3 muaj.

Bumi shù (për ekler, profiterole, pufka me krem)

Brumi shuBrumi shu (choux, nga frengjishtja chou=laker, sepse ne momentin qe piqet brumi i ngjason lakrave te vogla te Brukselit) eshte nje brum delikat dhe i lehte i cili perdoret per te pregatitur Binje (pufka), Ekler apo Profiterole. Ndryshe nga pregatitjet e tjera baze, gatuhet dy here: nje here ne zjarr te avashem, dhe heren e dyte ne furre (ose ne raste te veçanta edhe skuqet).

Perberesit per 30 pufka

  • 60gr miell 0 ose 00
  • 150ml uje te ftohte
  • 50gr gjalp pa kripe, i prere ne copa
  • 4 veze ne temperature ambjenti
  • nje maje luge kripe

Sitim miellin me pak kripe ne nje tas te madh dhe e leme menjane.

Vendosim ne zjarr mesatar nje tenxhere me madhesi mesatare dhe hedhim ne te ujin e ftohte dhe gjalpin e prere ne copa. E gatuajme perberjen duke e perziere shpesh derisa gjalpi te kete shkrire plotesisht dhe te arrije piken e vlimit. E heqim menjehere nga zjarri.

Shtojme te gjithe miellin dhe kripen dhe me ndihmen e nje luge druri e perziejme shume mire ne zjarr te ulet per 1 minute derisa te na formohet nje top i madh brumi i cili fillon te shkeputet pak nga pak nga anet e tenxheres. E heqim nga zjarri dhe e leme brumin te ftohet per rreth 5 minuta, apo aq sa te na e durojne duart.

Rrahim nje veze ne nje tas te vogel dhe e leme menjane. Rrahim 3 vezet e tjera dhe ja shtojme brumit pak nga pak duke e perziere mire pas çdo shtese. Brumi duhet te rezultoje i bute, pa kokerriza dhe i shnderritshem. Nese brumi eshte shume i forte, shtojme edhe pak nga veza tjeter, apo nese rezulton shume i bute, shtojme edhe pak miell. Brumi duhet te bjere nga luga, por gjithesesi te ruaj formen e tij.

E perdorim menjehere per gatimet tona, ose e vendosim ne nje tas te paster, e mbulojme me leter transparente dhe e ruajme ne frigorifer per maksimumi 12 ore.

Nese brumin e perdorim menjehere:

Parangrohim furren ne 220C.

Me ndihmen e nje xhepi pastiçerie, formojme shirita te gjate 7-10cm per Ekleret, ose vendosim 30 luge plot nga brumi ne nje tave te lyer me pak gjalp (ose te veshur me leter furre), per Pufkat me krem ose Profiterolet, rreth 3cm larg njera tjetres. I lyejme ne siperfaqe me vezen e mbetur dhe i pjekim per 10 minuta. Ulim gradacionin e furres ne 180C dhe i pjekim edhe per 20-30 minuta te tjera, ne varesi te madhesise se pufkave, derisa te marrin ngjyre te arte.

Fikim furren dhe i nxjerrim pufkat. Duke perdorur majen e nje kruajtse dhembesh, e çpojme siperfaqen e tyre disa here ne menyre qe te ndihmojme avullin te dale jashte. I rivendosim pufkat ne furren e fikur dhe i leme te thahen per rreth 15 minuta. I heqim nga furra dhe i leme te ftohen plotesisht ne temperature ambjenti.

Pasi jane ftohur plotesisht, mund ti vendosim ne ngrirje neper qeset e posaçme dhe ti ruajme per maksimumi 2 muaj. Ne momentin qe duam ti konsumojme, i nxjerrim nga akulli nje nate perpara dhe i leme te shkrihen ne frigorifer.

EklerPer Ekleret, i lyejme siper me çokollate te shkrire dhe i mbushim me Krem.

profiterolePer Profiterolet, i lyejme siper me çokollate te shkrire dhe i mbushim me Krem pastiçerie ose me krem me vanilje.

Pufka me kremPer Pufkat me krem, i sperkasim me sheqer pluhur dhe i mbushim me Krem.

Foto nga: http://www.bakingmad.com/

http://www.thelittleloaf.com/

http://www.anediblemosaic.com/

http://cognidissidence.blo%5B/recipe%5D

Receta bazë për krepa

  • Racione: 4 persona
  • Vështirësi: e thjeshtë
  • Shtype
Receta baze per krepat

Krepat jane nje gatim shume antik me origjine franceze, te cilat sipas legjendes jane shfaqur ne shekullin e V kur Papa Gelasio donte te shuante urine e pelegrineve francez te lodhur dhe te uritur te cilet kishin ardhur ne Rome per festen e Candelora (2 shkurt, pastrimi i trupit te Zonjes Mari). Per kete arsye ai urdheroj kuzhinen e Vatikanit te sillnin shume veze dhe miell me te cilat jane krijuar edhe krepat e pare qe u bene shume te njohura ne France. Ne ditet e sotme, pregatiten gjithashtu me pak perberes nga te cilet veze, miell, qumesht dhe gjalp dhe sipas preferencave mund te shijohen ne mijera menyre si te kripur ashtu dhe te embel. Vete fjala krepe, vjen nga latinishtja crispus qe do te thote “kacurrel”, term ky i lidhur me crespele, nje lloj i krepave te vegjel dhe shume te holle te cilat gjate gatimi rrudhen plotesisht.

Perberesit per krepa te kripur

  • 250gr miell
  • 1/2 liter qumesht
  • 40gr gjalp
  • 3 veze
  • pak kripe

Perberesit per krepa te embel

  • 250gr miell
  • 1/2 liter qumesht
  • 40gr gjalp
  • 3 veze
  • 60gr sheqer
  • 1 bustine vanilje
  • pak kripe
  • pak kanelle (fakultative)
  • pak rum ose konjak (fakultative)

Vendosim ne nje tas te madh dhe te thelle miellin e situr, (shtojme sheqerin dhe vaniljen nese po pregatisim krepa te embel), pak kripe dhe gjysme liter qumesht. E rrahim perberjen me pirun (apo me nje rrahes elektrik) derisa te formohet nje mase e njetrajtshme dhe pa kokerriza.

Ne nje ene tjeter rrahim fort vezet te cilat ia shtojme mases mesiper duke vazhduar perzierjen derisa te dy perberesit te bashkohen me njeri tjetrin. E mbulojme brumin me nje leter transparente dhe e leme te pushoje per te pakten gjysme ore.

Perpara se ti gatuajme, shtojme gjalpin e shkrire dhe i perziejme mire.

Ne nje tigan te ceket per krepa, shkrijme pak gjalp dhe hedhim nje garuzhde brume duke e perhapur mire ne te gjithe tiganin me levizje rrotulluese. I gatuajme krepat per rreth 3 minuta nga njera ane dhe 3 minuta nga ana tjeter. Me dozat e perberesve te mesiperme duhet tju dalin 6-7 krepa ne nje tigan me diameter 26cm.

Brumi bazë i picës

  • Racione: 4 persona
  • Vështirësi: e thjeshtë
  • Shtype

pica anash

Te pregatitesh vete nje pice ne shtepi, nuk eshte shume e veshtire, perkundrazi!  Duhet pak kohe dhe mbi te gjitha pak perberes nga te cilet miell, uje, maja birre, vaj dhe kripe. Gjeja me e rendesishme eshte te fillohet pregatitja e brumit te pakten disa ore perpara se pica te futet ne furre. Ne kete menyre do te realizojme nje pice te holle si ne piceri, apo pak me te trashe si picat “al taglio”. Le te shohim se bashku se cilat jane hapat qe ndiqen.

Perberesit

  • 1kg miell
  • 600ml uje
  • 6 luge vaj ulliri
  • 50gr maja birre
  • 20gr kripe
  • 2 luge te vogla sheqer

Fillimisht, pregatisim brumin e pices duke situr miellin ne tavolinen ku do te punojme brumin dhe i hapim nje vrime ne mes ku do te hedhim te gjithe perberesit e tjere. Marrim dy ene te vogla qelqi; ne njeren hedhim nje gote uje te ngrohte, shtojme sheqerin, 2 kuba maja birre (ose maja te thate) dhe i perziejme me gishta derisa te shkrihen plotesisht, tek tjetra hedhim nje gote tjeter uje te vaket dhe shtojme kripen derisa edhe ajo te shkrije komplet. Ne fillim hedhim permbajtjen e enes se pare tek gropa qe hapem ne miell, shtojme vajin e ullirit, shtojme permbajtjen e enes se dyte dhe ne kete moment fillojme te punojme brumin ne menyre energjike me te dyja duart.

Mbajme gjithmone prane vetes pak miell dhe ujin e ngrohte te mbetur te cilet do ti shtojme here pas here derisa brumi te kete arritur trashesine e duhur; duhet te jete i bute dhe elastik. Vazhdojme ta punojme brumin me dore derisa te perftojme nje perberje te bute, por te qendrueshme (qe te mos ngjisi ne duar) me te cilen formojme nje sfere te madhe qe e vendosim ne nje tas te sperkatur me miell (duhet te kemi parasysh qe brumi do te dyfishoje vellimin e tij).

E mbulojme enen me nje pecete te paster dhe e vendosim ne nje vend te ngrohte larg rrymave te ajrit, psh brenda ne furren e fikur. Duhen te pakten 1 ore e gjysme, apo edhe 2 ore qe brumi te dyfishoje vellimin e tij. Kur te kaloj kjo kohe, mund te vazhdojme me hapjen e brumit dhe pregatitjen e pices. Eshte me mire qe brumi te hapet me dore ne nje tavoline te lyer me miell, por nese kjo eshte e veshtire, atehere mund te perdorni fare mire okllaine.

Ne kete moment, mund ti veme cfare emri te deshirojme pices tone: Margerita (me domate, mocarela dhe borzilok), Romana (me domate, mocarela, acuge dhe rigon), Napoletana (me domate, mocarela, acuge, kaperi dhe rigon) etj. Ka nje shumellojshmeri te pafundme variantesh, mund te “hedhim” mbi pice cfare te duam dhe ne sasine qe duam! Zgjedhja eshte e jona!

pica lart

*Keshille: Preferohet qe brumi per pica te punohet ne nje tavoline te paster dhe te pudrosur me miell, dhe jo ne nje tas te madh, pasi perberesit nuk lidhen edhe aq mire me njeri tjetrin. Por nese kjo eshte vertete e pamundur, mundohuni ta punoni sa me mire dhe sa me shume brumin me dore. Gjithashtu ne vend te formoni nje sfere te madhe, mund ta ndani brumin ne 4 sfera te vogla (varet se sa pica doni te pregatisni) te cilat i vendosni ne tasa te ndryshem, ku edhe do ti lini te fryhen.