Reçel dhe Marmalatë

Gliko ftoi

[recipe time=”30 min” difficulty=”e thjeshtë”]gliko ftoji

A e dini qe glikot e para jane bere me ftonj? Kjo per shkak te permbajtjes se larte te pektines ne kete frut, e cila lejon lengun te trashet.

Perberesit

  • 3 ftonj
  • nje maje luge limontoz ose leng limoni

…per sherbetin

  • 2 filxhan uje (500ml)
  • 2 filxhan sheqer (500gr)

Vendosim ne nje tenxhere ujin me sheqerin, dhe e ziejme egzaktesisht per 7 minuta nga fillimi i marrjes vale te shurupit duke e perziere ne menyre qe sheqeri te shkrihet plotesisht.

Lajme mire ftonjte, i qerojme, i presim ne copa te vogla dhe ja hedhim shurupit mesiper duke i ziere ne zjarr te avashem derisa te zbuten (mund te nevojiten 20-30 minuta) dhe te marrin ngjyre portokalli ne te kuqe. Ne fund shtojme pak leng limoni ose limontoz te tretur ne pak uje. E leme glikone te ftohet plotesisht ne temperature ambjenti dhe e ruajme ne nje tas te mbyllur hermetikisht ne frigorifer per maksimumi 2 muaj.

Per receten e Reçelit te ftoit, klikoni ketu.

Kjo recete eshte autentike elbasanase, e gjyshes se Ballakumes.
Foto nga: http://ballakumeelbasani.blogspot.[/recipe]

Advertisements

Gliko arre

  • Vështirësi: e vështirë
  • Shtype
Gliko arre

Glikoja e arres eshte nje recete tradicionale Shqiptare, e pregatitur kryesisht ne zonen e Permetit. Arrat e njoma jeshile mblidhen ne Qershor, sa me shpejt aq me mire. Madhesia e tyre duhet te jete pak me e madhe se nje kokerr e madhe ulliri dhe pak me e vogel se nje veze e vogel.

Perberesit

  • 50 kokrra arra jeshile te pabera
  • 1.5l uje
  • 2kg sheqer
  • 4 karafila
  • 1 shkope kanelle
  • lengun e 1 limoni
  • 3 luge gjelle gelqere
  • 1l uje

Me ndihmen e nje qeruese patatesh, qerojme arrat jeshile nga lekura e jashtme duke vendosur fillimisht doreza. Kjo sepse arrat e pabera kane vetine te leshojne nje leng transparent I cili ne kontakt me lekuren e duarve do te shnderrohet ne nje lende ngjitese ngjyre kafe e cila kerkon disa jave te hiqet natyralisht.

I fusim arrat e qeruara ne nje ene me uje te ftohte per 9 dite, duke ja nderruar ujin cdo dite. Per ti mbajtur arrat te zhytura brenda ne uje, vendosim nje pjate te rende siper tyre.

Pas nente ditesh, hollojme gelqeren ne uje te ftohte dhe e perziejme shume mire derisa te shkrij plotesisht. E kullojme ne menyre qe uji me gelqere te dale i paster, fusim ketu arrat dhe i leme per rreth 2 ore.

Pas dy oresh, i shplajme shume mire dhe çpojme siperfaqen e tyre me pirun ne menyre qe gjate zierjes ta thithin sa me mire sherbeti. I vendosim ne nje tenxhere, i mbulojme me uje te ftohte dhe i ziejme per rreth 10 minuta, kete procedure e perserisim 3-4 here. Ky proces na ndihmon qe arrave ti dale hidherimi dhe te zbuten ne menyre sa me uniforme. I kullojme dhe i leme menjane.

Pregatisim shurupin duke ziere ujin me sheqer derisa ky i fundit te kete shkrire plotesisht, hedhim arrat dhe i ziejme per rreth 30 minuta derisa ta thithin shurupin. Shtojme lengun e limonit te cilin e kemi tretur ne 1 gote uje, karafilin dhe kanellen te mbeshtjella me nape te cilet do ti eleminojme ne fund. I ziejme edhe per 30 minuta te tjera derisa te zbuten.

Kur lengu i glikose te jete trashur dhe arrat te jene zbutur, glikoja eshte gati. E fusim neper kavanoza te sterilizuar te cilet i permbysim dhe i leme te ftohen plotesisht. Glikone e konsumojme te pakten 1 jave nga pregatitja. Idealja eshte qe glikoja te ruhet ne vend te thate dhe te erret per te pakten 6 muaj.

Foto nga: http://handmadeoz.blogspot.com

Gliko shalqiri

Gliko shalqiriGlikoja e shalqirit eshte nje embelsire qe serviret ne vendin tone per qerasje, apo edhe thjesht per tu konsumuar kur ke nevoje per dicka te embel. Tradicionalisht lekurat e shalqirit futen ne uje me gelqere ne menyre qe gjate zierjes te ruajne formen e tyre dhe te rezultojne krokante. Perberesit per 1kg lekura shalqiri

  • 1kg sheqer
  • 1 grusht gelqere
  • disa gjethe barbaroza

Per te pregatitur kete gliko, duhet te kemi parasysh qe lekurat e shalqirit duhet te jene sa me te trasha. I qerojme lekurat nga pjesa jeshile duke lene vetem pjesen e bardhe te cilen e presim ne katrore pak e shume te te njejtes madhesie. Ne nje ene tresim nje grusht gelqere ne uje te ftohte dhe vendosim brenda lekurat e prera te cilat i leme per rreth 1 ore. Pas te kaloj kjo kohe, i nxjerrim lekurat nga uji me gelqere, i shplajme shume mire disa here dhe i hedhim ne nje tenxhere me 1kg sheqer. I vendosim ne zjarr shume te ulet me kapak mbyllur per maksimumi 20 minuta pa i shtuar uje, por duke u ziere vetem me lengun e tyre. Ne momentin e fundit i shtojme disa gjethe barbaroza dhe e leme glikone te ftohet plotesisht ne lengun e saj.

Reçel kumbulle me kanellë

Recel kumbulle me kanelle

Muaji Shtator, eshte periudha me e mire per te pregatitur recelin e kumbullave te cilin mund ta konsumojme me pas ne ditet e ftohta te dimrit qe na presin. Pervecse kumbullat jane me te lira, ato jane edhe te pjekura aq sa duhet; prandaj mos shpenzoni para duke blere recel te gatshem, plot me konservante dhe ngjyrues: sakrifikoni nje ore dhe do te keni nje mengjes te shendetshem per te gjithe vitin!

Perberesit per rreth 3 kavanoza

  • 1kg kumbulla te zeza pa berthame
  • 1/2kg sheqer
  • 1/2 molle
  • 1/2 luge te vogel kanelle pluhur

Fillimisht, lajme kumbullat, i heqim berthamen dhe i ndajme ne kater pjese duke i vendosur ne nje tenxhere te thelle. Shtojme gjithashtu edhe mollen e prere ne copa te vogla dhe sheqerin duke i perziere shume mire. I vendosim kapakun dhe i veme te ziejne ne zjarr shume te ulet duke i perziere here pas here me luge druri derisa kumbullat te zbuten plotesisht. Per kete, mund te nevojitet nga 1 deri ne 1 ore e gjysme; gjithcka varet nga fortesia e tyre dhe nga perzierja e vazhdueshme. Ne momentet e fundit, shtojme edhe kanellen pluhur, i perziejme mire dhe e hedhim recelin akoma shume te nxehte neper kavanoza te sterilizuar paraprakisht, i mbyllim mire dhe i kthejme permbys mbi nje platforme druri ne te cilen i leme te ftohen plotesisht pa i levizuar.

Per sterilizimin, mund te lexon keshillat tona te kuzhines duke klikuar ketu.

Reçel qershie

Reçel qershie

Reçeli i qershive eshte nje recete klasike dhe e domosdoshme per t’u pregatitur ne kete periudhe, duke qene se qershite jane ne kulmin e tyre. Ashtu si shumica e reçelrave, nuk eshte i veshtire per t’u realizuar, vetem kerkon pak durim ne heqjen e farave te qershive. Por, duke marre parasysh qe rezultati final do te jete nje mengjes i shendetshem per te gjithe familjen tuaj, ja vlen “te sakrifikoni” disa ore.

Perberesit per rreth 1kg reçel

  • 1kg qershi te qeruara nga berthamat (ose 1.3kg qershi te paqeruara)
  • 600gr sheqer
  • lekuren e 1 limoni

Reçel qershie 1

Per pergatitjen e reçelit me qershi, fillimisht lajme nen uje te rrjedhshem qershite, i thajme me letra kuzhine dhe i heqim berthamen me ane te paisjes se posacme apo duke i ndare ne dy gjysma (1). I vendosim ne nje ene te thelle, shtojme sheqerin, lekuren e limonit te prere sa me holle (pa pjesen e bardhe e cila eshte e hidhur) dhe 2-3 luge nga lengu i limonit (2 dhe 3).

Reçel qershie 2

E leme te gjithe perberjen te pushoje per rreth 6-8 ore ne frigorifer, apo akoma me mire gjithe naten (4). Kur te kete kaluar kjo kohe, eleminojme lekuren e limonit dhe vazhdojme me pergatitjen. E vendosim te gjithe masen ne nje tenxhere te thelle dhe e gatuajm ne zjarr mesatar per rreth 1 ore duke e perziere here pas here dhe duke i hequr shkumen qe formohet me ndihmen e nje luge (5). Reçeli do te jete gati ne momentin qe do te hedhim nje pike mbi nje pjate te vogel dhe ajo do te qendroje kompakte, pra nuk do te perhapet.
E hedhim reçelin akoma shume te nxehte neper kavanoza te sterilizuar paraprakisht sipas menyres qe do ta gjeni ketu. I mbyllim menjehere hermetikisht dhe i permbysim mbi nje platforme druri, psh mbi preresen e mishit derisa te jete ftohur plotesisht (6).
Se fundi, e ruajme reçelin tone ne nje vend te erret dhe pa lageshtire deri ne momentin qe do ta perdorim.

*Keshille: Sasia e sheqerit mund te varioje nga embelsia e qershive apo nga kohezgjatja e ruajtjes se reçelit; pra sa me shume kohe deshirojme ta ruajme reçelin per nje konsumim te mevonshem, aq me e larte duhet te jete embelsia e tij (deri ne raportin 1:1), dhe anasjelltas.

Marmalatë me portokaj

Po iu prezantojme nje recete te thjeshte per te pregatitur nje marmalate te shkelqyer portokajsh. Akoma me mire nese keto te fundit jane te keputur nga kopshti juaj, pra super te fresketa. Mund ta perdorni per te lyer buken apo per te pregatitur embelsira nga me te ndryshmet. Duhen patur kujdes vetem disa pika kyçe te cilat jane thelbesore ne realizimin e nje marmalate te mire. Gjithashtu pijet alkoolike (rum apo uiski) perdorini vetem nese nuk e konsumojne femijet apo juve ju pelqen shija a tyre.
Perberesit:

  • 12 portokaj
  • 800gr sheqer per cdo kg frute
  • lengun e 1 limoni
  • rum ose uiski (sipas deshires)

Qerojme me shume kujdes lekuren e portokajve me nje thike te mprehte duke mos prekur ne asnje menyre pjesen e bardhe (e cila eshte e hidhur). I presim lekurat ne rripa te holle, i vendosim ne nje ene me kapak dhe i leme ne frigorifer per t’i perdorur ne nje faze tjeter.

Portokajt i çpojme me dhembet e pirunit ne 6-7 vende dhe i vendosim ne nje ene te thelle me uje te ftohte te cilin do ta nderrojme cdo 24 ore per tre dite me rradhe. Diten e trete i heqim frutave pjesen e bardhe qe i ka mbetur, i presim ne copa jo shume te medha dhe i vendosim per t’u zier ne zjarr te forte ne nje tenxhere te larte (nuk duhet te jete material alumini) duke i perziere here pas here per rreth 5 minuta. Pas kesaj kohe shtojme lekurat qe kishim ne frigorifer gjithmone duke i perziere dhe ne momentin qe rifillon zierja shtojme sheqerin duke e perzier shpesh ne menyre qe te shkrihet plotesisht. Kjo eshte faza me delikate e pregatitjes se marmalates: nese sheqeri ngjitet ne anet e enes, atehere marmalata do te marre ngjyre te erret. Ne momentin qe rifillon zierja duhen nga 45-60 minuta per te perftuar nje marmalate kompakte. Nese gjate gatimit formohet shkume e bardhe ne siperfaqe, e heqim me ndihmen e nje luge.

Marmalatë mandarine

Mandarina eshte nje nga agrumet me te dashura nga te gjithe ne stinen e dimrit; te shuan etje, te jep energji dhe ngjyra e saj te kujton ditet e largeta te veres. Ato me te pershtatshmet per te bere kete marmalate, jane mandarinat me lekure te holle dhe me shume leng. Ndersa persa i perket sheqerit qe duhet te shtojme, kjo varet nga preferenca e gjithesecilit, por ne pergjithesi per 1kg frut sherbejne 400-450gr sheqer. Nese e doni me pak te embel, mund ta ulni dozen ne 350gr.
Perberesit

  • 1kg mandarina
  • 400-450gr sheqer

Lajme mire mandarinat, i qerojme lekuren dhe i ndajme ne thela. Heqim berthamat te cilat i vendosim ne nje garze te paster dhe e mbyllim me nje spango kuzhine; kjo do ti jape marmalates nje shije shume te vecante. Pastrojme lekuren dhe frutin nga pjesa e bardhe sa me shume te mundemi dhe lekuren e ziejme uje te bollshem per afer 5 minuta (ne menyre qe t’i dali hidhermi), e leme te ftohet dhe e presim ne fije shume te holla.

Nderkohe pregatisim shurupin: Shtojme ne nje tenxhere 1 gote uje per cdo kg mandarina dhe sheqerin. Sapo shurupi te filloj te zieje, shtojme lekuren e mandarines, thelat e saj dhe se fundi berthamat ne garze (te cilat ne perfundim te zierjes do ti eleminojme). I leme ne kete menyre te ziejne ne zjarr te aveshem per 40minuta derisa thelat e mandarines te jene bere transparente dhe lengu te jete trashur. E heqim nga zjarri duke e perziere edhe per disa minuta te tjera. Eleminojme  farat dhe e vendosim marmalaten ne kavanoza te sterilizuar duke i kthyer permbys derisa te ftohen plotesisht.

Per menyren e sterilizimit te kavanozave, keshillat i gjeni ketu.

*Keshille: Per te hequr plotesisht shijen e hidhur nga lekura, i ziejme keto te fundit 2 here nga 10 minuta ne uje te bollshem.

Marmalatë qitro

Marmalata e qitros karakterizohet nga shija e saj paksa e hidhur, por teper e shijshme dhe aromatike. Ky frut i cili ben pjese ne familjen e agrumeve, perdoret kryesisht ne pregatitjen e embelsirave duke qene se nuk mund te konsumohet ashtu si portokalli, limoni apo mandarinat per shkak te lekures se trashe qe ka dhe frutit te pakten ne brendesi.
Perberesit per marmalaten

  • 1kg qitro
  • 1kg sheqer
  • 1/2l uje

Shpojme me nje kunje dhembesh qitrot vetem ne siperfaqe pa shkuar shume ne thellesi. I vendosim ne nje ene me uje te ftohte derisa te mbulohen plotesisht dhe i leme ne kete menyre per 3 dite me rradhe duke ia nderruar ujin mengjes dhe darke (1 here ne 12 ore). Pas 3 ditesh i heqim nga uji, i shplajme dhe i presim ne thela ose ne feta te holla duke eleminuar berthamat, i peshojme dhe ne baze te peshes se tyre llogarisim sasine e ujit dhe te sheqerit qe do ti shtojme. Vendosim thelat e qitros ne nje tenxhere dhe hedhim uje sa gjysma e peshes se qitrove duke i lene te ziejne ne zjarr te avashem per 10 minuta pasi te kene marre vale. Pas kesaj kohe shtojme aq sheqer sa eshte edhe pesha e qitrove dhe e perziejme marmalaten here pas here per te evituar qe te ngjitet ne fund te enes. Kur lengu te jete trashur dhe thelat te jene zbutur, e leme te ftohet dhe e vendosim ne kavanozat perkates ku do ta ruajme ne nje vend te fresket dhe te erret.

Reçel ftoi

Recel ftoi

Reçeli i ftoit eshte nje konserve me shije paksa te tharte, por me nje arome shume te kendeshme e cila te kujton trendafilin. Ftoi eshte nje frut i cili rritet veçanerisht ne vendet mesdhetare dhe mund ta gjeni ne treg duke filluar nga tetori deri ne nentor.

Perberesit per dy kavanoza

  • 1kg ftonj
  • 700gr sheqer
  • lengun e 1 limoni
  • 3 feta limoni
  • 1 luge te vogel vanilje

Lajme shume mire ftonjt dhe i presim ne copeza te vogla pa i hequr lekuren, por duke eleminuar vetem pjesen e tyre te brendeshme. Nderkohe qe i presim, i vendosim ne nje tas te madh me uje dhe disa feta limoni qe te mos nxihen. Kur te kemi mbaruar me prerjen e tyre, i heqim nga uji me limon dhe i vendosim ne nje tenxhere duke shtuar 2 gota uje te ftohte. I gatuajme ne zjarr mesatar derisa fruti te jete zbutur plotesisht, per 20-30 minuta.

Ne kete moment i kalojme ftonjt ne mikser per ti bere purè dhe e rivendosim masen e perftuar ne nje tenxhere tjeter te paster, i shtojme sheqerin, vaniljen dhe e leme te gatuhet serisht ne zjarr te avashem per 40 minuta duke e perziere here pas here me nje luge druri.

Kur perberja te jete homogjene, shtojme lengun e limonit dhe e gatuajme edhe per 5 minuta te tjera. Ulim zjarrin me minimum dhe e hedhim reçelin e ftonjeve akoma duke vluar ne kavanoza te sterilizuar me pare, i mbyllim menjehere dhe i kthejme permbyse ne nje platforme druri. Duke u krijuar boshlleku brenda kavanozeve, do te mundesoje qe reçeli te ruhet me gjate, ne rastin konkret deri ne 1 vit. Ngjyra e tij do te ndryshoj me kalimin e kohes, duke marre nuanca te se kuqes.

Per te sterilizuar kavanozat: I vendosim ne nje tas te madh dhe i hedhim uje te nxehte siper. I shplajme, i thajme shume mire dhe i vendosim ne furre te parangrohur ne 100C per 10 minuta.

Foto nga: http://lucidfood.com/