Salca

Humus me qiqra

Humus me qiqraHumusi me qiqra eshte nje krem teper i shijshem i kuzhines Arabe e cila sherbehet si antipaste duke u shoqeruar me buken tipike Arabe, apo edhe me perime te gjalla. Perberesit

  • 300gr qiqra te thata
  • 2 luge tahini (gjalp susami)
  • 2 thelpinj hudher
  • 1 luge te vogel kumin pluhur
  • 4 luge vaj ulliri
  • 1-2 luge leng limoni
  • kripe

…per zbukurim

  • 1 luge majdanoz te grire
  • spec te kuq djeges ose te embel

Vendosim qiqrat ne uje te ftohte per te pakten 12 ore dhe i leme te zbuten ne nje ambjent te fresket (ose brenda ne frigorifer). I shplajme mire dhe i ziejme ne nje tenxhere me uje te valuar per rreth 45 minuta, apo derisa te zbuten plotesisht. I kullojme duke ruajtur pak nga uji i zierjes.

Ne nje tigan, ngrohim 2 luge vaj ulliri, shtojme hudhren e grire holle, qiqrat dhe i leme te marrin shije per rreth 5 minuta duke avulluar keshtu edhe uji i tepert. E transferojme te gjithe masen ne mikser, shtojme kuminin, kripen, tahinin, lengun e limonit dhe i perziejme derisa te kemi perftuar nje krem te bute dhe homogjen. Nese humusi i qiqrave rezulton shume i trashe, shtojme pak nga lengu i zierjes se tyre.

E hedhim humusin ne nje tas ose ne nje pjate te ceket dhe e zbukurojme me majdanoz te grire holle, pak spec te kuq dhe 2 luge vaj ulliri. Me kete salce shoqerojme buken e thekur, perimet, buken azimo apo buken (piten) tradicionale arabe.

E ruajme humusin ne frigorifer per 2-3 dite ne nje tas te mbyllur me kapak.

*Keshille: Nese duam te kursejme kohe, mund te blejme qiqrat e zjera te gatshme.

Foto nga: http://edible-moments.blogspot.

Reklama

Salcë Aioli me hudhra

Salce aioli

Salca Aioli’, eshte nje salce shume e ngjashme me majonezen, por ne ndryshim nga kjo e fundit ka nje shije me te forte te cilen ia japin thelpinjt e hudhres te grire ne te. Rekomandohet kryesisht ne shoqerimin e perimeve te gjalla apo ne zgare, peshkut apo mishit ne zgare dhe patateve te skuqura, te cilave i jep nje shije mjaft te veçante. Me poshte po ju paraqesim receten e shkurtuar, ate qe pregatitet me majoneze te gatshme.

Perberesit per rreth 25ogr salce aioli’

  • 250gr majoneze te gatshme, ose te pregatitur sipas recetes qe e gjeni ketu
  • 6 thelpi hudhrash
  • 2 te verdha vezesh te ziera

Shtypim ne hava’ ose grijme ne mikser hudhrat e qeruara derisa ti reduktojme ne purè.

Bashkojme ne nje tas majoneze, kremin e hudhrave dhe te verdhat e vezeve te therrmuara shume imet me dore. E perziejme salcen derisa te rezultoje homogjene, e mbulojme me nje leter celofoni dhe e fusim ne frigorifer per minimumi 30 minuta perpara se ta sherbejme.

Foto nga: http://margieroelands.com/

Fërgesë verore me speca dhe domate në tavë

  • Racione: 4 persona
  • Vështirësi: e thjeshtë
  • Shtype

Fergese verore me speca dhe domate ne taveFergesa me speca dhe domate eshte nje nga ato receta qe edhe po ta pergatisesh ne mes te dimrit, te kujton veren! Kjo salce e trashe me shije te fresket, eshte ideale e lyer mbi nje fete buke te thekur, apo e sherbyer si garniture per pjatat e dyta te mishit. Mund te konsumohet si e ngrohte ashtu edhe e ftohte, pa ndryshuar asgje ne shije.
Me poshte, po ju paraqes nje variant i cili mua me pelqen shume, pasi mund te sherbehet direkt ne tave dhe gjithesecili merr sa deshiron.

Fergese verore me speca e domate ne tave1

Perberesit

  • 1/2kg speca jeshile dhe te kuqe, te prera ne copa
  • 1kg domate te kuqe, te reduktuara ne purè
  • 200gr gjize e kripur ose copeza djathi te bardhe
  • 5 veze
  • 1 tufe majdanoz te fresket, te grire holle
  • vaj ulliri ekstra te virgjer
  • kripe
  • piper te zi te sapobluar
  • spec te kuq djeges
  • disa gjethe mente te fresket per zbukurim

Parangrohim furren ne 180°C.

Ne nje tigan kaverdisim specat ne vaj ulliri ekstra te virgjer per 10 minuta. Shtojme purène e domateve dhe vazhdojme gatimin derisa uji i tepert i domateve te avulloje dhe salca te trashet, mund te nevojiten rreth 15 minuta.

Shtojme gjizen ose djathin e bardhe, e rregullojme salcen me kripe, piper te zi te sapobluar, pak spec te kuq djeges sipas deshires dhe majdanoz te grire holle.

Thyejme nje veze brenda ne fergese dhe e perziejme shpejt per disa çaste derisa te mpikset. E hedhim fergesen ne nje tave (une kam perdorur tave me diameter 26cm), hapim kater gropeza ne siperfaqen e saj dhe vendosim ne to 4 veze te sperkatura me pak kripe.

E pjekim ne furre per rreth 15 minuta apo derisa siperfaqa te marre ngjyre te arte dhe vezet te mpiksen. I hedhim disa copeza te vogla djathi te bardhe ne siperfaqe dhe e zbukurojme me ndonje gjethe mente te fresket. E sherbejme te ngrohte shoqeruar me buke te thekur.

Salcë koktejl (salce rozë)

Koktejl salceSalca koktejl, ose e njohur ndryshe si salca roze, eshte nje shoqeruese mjaft e mire e peshkut apo frutave te detit per shkak te konjakut qe nxjerr ne pah shijen e tyre te vecante.

Perberesit

  • 200gr majoneze e gatshme ose e bere ne shtepi (receta ketu)
  • 100gr salce keçap
  • 30gr mustarde
  • 50ml pana kuzhine
  • 1 luge salce Worcestershire (lloj salce angleze; per me shume lexoni ketu) ose uthull balsamike ne pamundesi
  • 1 luge konjak 

Per pregatitjen e salces roze, vendosim ne nje tas qelqi majonezen, keçapin, salcen Worcestershire, konjakun, mustarden dhe se fundi panen te rrahur lehtesisht me ndihmen e nje mikseri elektrik. I perziejme te gjitha me shume kujdes dhe e vendosim salcen ne frigorifer per te pakten 1 ore derisa te jete gati per servirje.

*Keshille: Per nje rezultat sa me te mire, salca majoneze, keçap dhe mustarda duhet te jene relativisht te trasha, pasi duke u bashkuar me konjakun (qe eshte i lengshem), salca perfundimtare duhet te dale gjithashtu e lidhur.

Foto nga:

http://editer.com/

Prevedè (salcë) me mollë

Nuk ka asgje me te shijshme sesa nje prevedè me molle per te shoqeruar akulloren apo ndonje embelsire tjeter te fresket! Sasia e sheqerit ne kete recete eshte thjesht rekomanduese; mund te shtoni me shume ose me pak ne varesi te embelsise se molleve apo preferencave personale.
Perberesit

  • 1kg molle te nje cilesie shume te mire (Golden, Smith etj)
  • 60gr sheqer kallamsheqeri (ngjyre kaf)
  • 50gr sheqer te bardhe
  • 250ml uje
  • lengun e 1 limoni
  • lekuren e 1/2 limoni (2-3 shirita)
  • 1 shkop te vogel kanelle
  • 1/2 luge te vogel kripe

Vendosim ne nje tenxhere te madhe mollet te cilat i kemi qeruar, i kemi hequr zemren dhe i kemi ndare ne kater pjese bashke me te gjithe perberesit e tjere dhe i ziejme per rreth 20-30 minuta.

E heqim nga zjarri, eleminojme shkopin e kanelles dhe lekurat e limonit dhe e kalojme te gjithe perberjen tjeter ne mikser per ta reduktuar ne purè.

E sherbejme prevedene me molle shoqeruar me akullore me vanilje apo me kos dhe mund ta ruajme ne akull per me shume se 1 vit.

Pesto Gjenovez

Pesto gjenovezPesto gjenovez, eshte nje recete tipike e zones se Liguries mjaft e perdorur ne te gjithe Italine dhe me perhapje te gjere edhe ne vendin tone. Nuk eshte e veshtire ne pregatitje, vetem kerkon shume durim! Receta tradicionale parashikon perdorimin e havase prej mermeri dhe shtypeses prej druri, por edhe nese nuk i gjeni mos u shqetesoni! Me poshte po iu paraqesim dhe variantin e mikserit i cili do t’iu shkurtoje mjaft kohe.

Perberesit

  • 50gr gjethe borziloku
  • 15gr stika pishe
  • 70gr djath Parmigiano Reggiano te grire 
  • 30gr djath Pecorino Romano te grire 
  • 2 thelpinje hudher
  • 100-125ml vaj ulliri ekstra te virgjer
  • 1 maje luge kripe te trashe

Pregatitja me havà

Fillojme pregatitjen e recetes duke pastruar me nje pecete te lagur dhe te shtrydhur shume mire gjethet e borzilokut. Duhet evituar kategorikisht larja e tyre nen uje te rrjedhshem pasi ne kete menyre i humbet e gjithe aroma dhe ngjyra fillon te zbehet.
Ne havà, fusim si fillim thelpinjte e hudhres me pak kripe te trashe te cilat i shtypim derisa te jete formuar nje lloj kremi. Shtojme disa gjethe borziloku duke i alternuar gjithmone me pak kripe (ne menyre qe te ruhet ngjyra e gjelbert) dhe vazhdojme shtypjen e tyre derisa te gjitha gjethet te kene perfunduar. Ne momentin qe ne havà do te dale nje leng i gjelbert (qe eshte pikerisht lengu i borzilokut) shtojme stikat e pishes dhe vazhdojme shtypjen. Ne fund shtojme edhe djatherat e grire dhe vajin e ullirit duke formuar keshtu nje salce homogjene te cilen e konsumojme menjehere apo e ruajme ne frigorifere per maksimumi 2 dite, mbuluar me nje shtrese te holle vaj ulliri.

 Pregatitja me mikser

Pregatitja e pestos xhenovez me ane te mikserit te kuzhines eshte me e thjeshte, por shija sigurisht qe nuk do te jete e njejte me ate qe eshte pregatitur ne havà-ne prej mermeri! Perpunimi i salces duhet te realizohet ne kohen me te shkurter te mundshme per te shmangur problemet e oksidimit. Akoma me mire do te ishte sikur tehet e mikserit te ishin prej plastike dhe jo prej metali, pasi ky i fundit duke mos arritur ti “copetoje” shume imet gjethet e borzilokut, mund te bej qe salca te rezultoje paksa e hidhur. Metoda me e mire do te ishte vendosja e tasit te mikserit dhe teheve te tij per disa ore ne frigorifer perpara pregatitjes se pestos dhe ne momentin qe vendosen te gjithe perberesit sipas rradhes qe u tregua me siper, te perdoret shpejtesia minimale dhe “grirja” te kryehet me sekonda; dmth grijme per 2-3 sekonda, bejme 5-6 sekonda pushim (ne menyre qe tehet te ftohen) dhe vazhdojme ne kete menyre derisa te kemi perftuar salcen.

E sherbejme menjehere ose e ruajme ne frigorifer ne nje ene te mbyllur hermetikisht mbuluar me nje shtrese te holle vaj ulliri per maksimumi 2 dite. Pesto edhe mund te ruhet ne akull e ngrire per ta perdorur atehere kur kemi nevoje.

Foto nga: http://www.soscuisine.

Salcë ragu' bolonjeze

Raguja bolonjeze eshte nje lloj salce me baze mishi e tradites se Bolonjes e cila perdoret gjeresisht ne pregatitjen e lazanjave apo makaronave te ndryshme. Egzistojne shume menyra per ta gatuar, te gjitha teper te shijshme, por receten origjinale po iu a servirim me poshte, vertetuar nga Dhoma e Tregtise se Industrise Artizanale dhe Agrikultures ne Bolonja ne vitin 1982.
Perberesit per 4 persona

  • 250gr mish i grire lope
  • 250gr mish i grire derri
  • 100gr panceta e embel
  • 250ml leng mishi
  • 1 karrote
  • 1 qepe mesatare
  • 1 dege selino
  • 30gr koncentrate domatesh
  • 1 gote qumesht me yndyre
  • 1 gote vere te kuqe
  • 50gr gjalp
  • 3 luge vaj ulliri
  • piper i zi
  • kripe

Fillojme me pregatitjen e raguse bolonjeze duke lare dhe qeruar qepen dhe karroten, i heqim fijet selinose dhe i presim te treja perimet shume holle.

Ne nje tigan te thelle, vendosim vajin e ulliri me gjalpin, dhe kur ky i fundit te kete shkrire plotesisht, shtojme perimet e mesiperme duke i lene te kaverdisen per pak minuta ne zjarr te avashem derisa te marrin ngjyre te arte.

Nderkohe, presim shume holle panceten (ose e kalojme ne mikser) te cilen ia shtojme perimeve dhe te njejten gje bejme edhe me mishin e grire te lopes dhe derrit. E perziejme mire te gjithe masen  dhe e leme ne zjarr te avashem derisa mishi te jete skuqur nga te gjitha anet duke e perziere here pas here (nevojiten rreth 30 minuta).

Pas kesaj, e shuajme perberjen me veren e kuqe te cilen e leme te avulloje plotesisht. Shtojme ne kete moment koncentraten e domateve te shkrire ne pak leng mishi, e rregullojme ragune me pak kripe dhe piper dhe e leme te gatuhet ne zjarr te ulet per rreth 1 ore e gjysme duke shtuar here pas here lengun e mishit te mbetur.

Ne momentin e fundit, shtojme edhe goten me qumesht duke e perziere, dhe kur perberja ta kete thithur qumeshtin dhe salca te jete relativisht e thate, do te thote qe raguja jone eshte gati. E rregullojme sipas deshires me kripe dhe piper dhe e perdorim per receten kryesore.

*Keshille: Raguja bolonjeze mund te shoqeroje shume pjata nga te cilat me kryesoret jane taljatelit bolonjeze dhe lazanjat.

Salcë me peshk ton

Sot do te pregatisim salcen me ton, nje shoqeruese mjaft e mire e peshkut, por edhe e mishit i cili preferohet te kete sa me pak dhjame. Mund ta lyeni gjithashtu ne copa buke te thekura, apo t’ia hidhni siper perimeve te pjekura. Kjo recete pregatitet ne nje kohe shume te shkurter nese perdorim mikserin qe tashme gjendet ne cdo familje, apo mund te ndjekim metoden tradicionale, pra ti shtypim te gjitha ne havà.
Perberesit per 6 persona

  • 100gr peshk ton nen vaj
  • 3 te verdha vezesh te ziera
  • 2 luge te vogla kaperi
  • 2 fileto açuge
  • lengun e 1/2 limoni
  • vaj ulliri
  • kripe
  • piper te bardhe

Vendosim ne mikser peshkun ton nen vaj (pa vajin qe permban), te verdhat e vezeve, kaperit, açuget, pak kripe, pak piper te bardhe dhe i perziejme te gjitha bashke derisa te formohet nje mase kremoze. I shtojme se fundi lengun e limonit dhe vaj ulliri duke e perziere me nje luge druri derisa salca te marre trashesine e deshiruar (zakonisht preferohet sa trashesia e majonezes). Kete salce e vendosim ne frigorifer per te pakten 15 minuta dhe e sherbejme me pas sipas deshires.

Salcë me djath gorgonxola dhe arra

Po iu propozojme salcen me djath gorgonxola dhe arra, shume te shijshme dhe te rafinuar ne nje njejten kohe te cilen mund ta pregatisim brenda pak minutave. Eshte perfekte per te shoqeruar mishin e pjekur apo patatet e furres, por mund te sherbeje gjithashtu edhe si salce per makarona.
Perberesit per 4 persona

  • 100gr djath gorgonxola (ose djath tjeter blu)
  • 250ml pana te lengshme
  • 1 luge niseshte
  • 5 arra te qeruara dhe te prere ne copeza te vogla

I heqim koret anash djathit gorgonxola, e presim ne copa dhe e vendosim ne nje tigan te vogel bashke me panen e kuzhines per t’u tretur ne zjarr te avashem duke e perziere here pas here. Kur te kemi perftuar nje perberje kremoze dhe homogjene, shtojme niseshten te cilen e kemi shkrire ne pak uje te ftohte. E leme salcen edhe per pak minuta ne zjarr derisa te trashet duke e perziere shpejt ne menyre qe te mos formohen kokerriza. Ne fund, shtojme copezat e arrave dhe e sherbejme menjehere.