Salca

Salcë pikante me speca gogozhare

Kete recete te propozuar nga nje fanse e jona, mund ta pregatisni ne festat e fundvitit per te shoqeruar mishin e gjelit te detit, por edhe copeza buke te thekura te cilat asnjehere nuk mungojne ne tavoline.
Perberesit per 4-5 persona

  • 1 kuti filadelfia natyrale (djath kremoz)
  • 4 speca gogozhare te medhenj
  • 7 thelpinj hudhrash te medhenj
  • 4 luge nga lengu i specave gogozhare
  • 1 luge vere te kuqe
  • vaj ulliri
  • piper te zi
  • kripe

I fusim te gjithe perberesit e mesiperm ne mikser dhe i punojme derisa masa te homogjenizohet dhe te behet kremoze. E hedhim salcen e perftuar ne nje tas me kapak duke e sperkatur siper me pak vaj ulliri dhe e fusim ne frigorifer deri ne momentin e servirjes.

Reklama

Salca majonezë

Salce majoneze e bere ne shtepiMajoneza eshte sigurisht salca me e famshme dhe me e perhapur ne bote, por origjina e saj vihet ne diskutim. Egzistojne dy versione nga te cilat: i pari na çon ne vitet 1757 ku ne qytetin spanjoll Mahon, kuzhinieri ushtarak i Armand de la Porte, duka i Richelieu, shpiku kete salce me baze vaji dhe te verdha vezesh. Versioni i dyte thekson se emri majoneze vjen nga nje fjale shume e vjeter franceze Moyeau (shqiptohet Muaiò) e cila do te thote pikerisht e verdhe veze. Majoneza perdoret ne shume e shume menyre duke filluar qe nga shoqerimi i peshkut, pjatave me mish te ftohte, vezeve te ziera, per te pregatitur salca te tjera apo dhe per te dekoruar pjata te ndryshme sidomos ato festivet.

Perberesit

  • 2 te verdha vezesh
  • 250gr vaj luledielli
  • lengu i 1/2 limoni (i filtruar)
  • 1 luge te vogel uthull vere te bardhe
  • piper i bardhe i sapobluar
  • kripe

Per te pregatitur majonezen duhet te perdorim vaj dhe veze ne temperature ambjenti dhe te ndajme mjaft mire te verdhen nga e bardha. Marrim nje tas qelqi (ose porcelani) te thelle dhe e vendosim mbi nje pecete te lagur: ne kete menyre gjate pregatitjes se majonezes ai nuk do te levize. Vendosim ne te te verdhat e vezeve, pak kripe, pak piper dhe 1 luge te vogel uthull.

I punojme shume mire perberesit me ndihmen e nje rrahesi elektrik dhe me pas shtojme vajin duke e hedhur ne formen e nje fije te holle.

Majoneza duhet te perzihet gjithmone ne te njejtin drejtim, derisa te perftojme nje salce te trashe dhe kompakte. Pasi i kemi hedhur te gjithe vajin, shtojme dhe lengun e limonit te filtruar mire (gjithmone duke e perziere),e rregullojme me kripe dhe piper nese eshte e nevojshme. Nese majoneza nuk konsumohet menjehere, mund re ruhet ne frigorifer  per nje dite duke e mbuluar me leter transparente.

*Keshille: Nese papritur shohim se ne majoneze shfaqen disa “kokrriza”, pra perberja nuk eshte plotesisht homogjene, egziston nje zgjidhje! Me ndihmen e nje luge heqim menjane kete pjese te majonezes dhe e vendosim ne nje tas te paster. Nderkohe, ne nje tas tjeter vendosim nje tjeter te verdhe veze dhe e rrahim duke i shtuar vaj si ne proçeduren e mesiperme. Shtojme pak nga pak majonezen qe nuk ishte homogjene dhe vazhdojme rrahjen. Gjendja duhet te kthehet ne normalitet. E gjithe kjo ndodh sepse, e kemi hedhur me shpejt sesa duhet vajin, pra jo ne formen e nje fije te holle.

Gjithashtu zgjedhja e vajit qe perdorim varet gjithmone nga perdorimi i majonezes. Ne pergjithesi, majoneza prodhohet me vaj ulliri, i cili eshte me i miri per nga vlerat ushqimore, por shija e majonezes do te rezultoje shume e forte. Nese majonezen do ta perdorim per te shoqeruar nje pjate teper delikate, eshte mire qe ajo te mos e mbuloje shijen e kesaj pjate. Prandaj keshillohet te perdoret vaji i lulediellit, i misrit apo vaj ulliri me shije super delikate.

Se fundi, nese majoneza rezulton shume e trashe, i shtojme nje luge uje te ngrohte, ndersa nese rezulton shume e holle, i shtojme edhe pak vaj luledielli.

Foto nga: http://simplyfreshcooking.com/

Salcë me limon

Salca me limon eshte perfekte per te shoqeruar pjatat e dyta mishi te ftohte apo peshk. Provojeni te zhysni edhe krahet e pulave te skuqura ne te: shija eshte e siguruar!
Perberesit per 4 persona

  • 1 liter qumesht te skremuar
  • 10 luge miell
  • 5 limona (lengun e tyre)
  • kripe

Tresim miellin ne qumesht duke e hedhur perberjen ne nje tenxhere qe nuk ngjit dhe e vendosim ne zjarr mesatar duke e perziere vazhdimisht derisa salca te jete trashur aq sa duhet. E heqim nga zjarri, i hedhim lengun e limonave, pak kripe dhe e aromatizojme me piper.

Karamel dhe salcë karameli

Te pregatisesh ne kushtet e shtepise karamelin eshte vertete shume e thjeshte. Perfekte per tu hedhur siper embelsirave si pana kota, cheescake, torta te ftohta etj. Me poshte po iu japim dy receta: ate te karamelit dhe te salces me karamel. Perdorni ke te deshironi ne varese te kerkesave te recetes suaj.
Perberesit per karamelin

  • 150gr sheqer
  • 2 luge uje

Perberesit per salcen me karamel

  • 150gr sheqer
  • 2 luge uje
  • 100ml pana e fresket

Pregatisim karamelin duke vendosur ne zjarr nje tigan te thelle (ose nje tenxhere) me sheqerin dhe dy luge uje. E gatuajme ne zjarr te forte duke e perziere shume dhe shpesh me nje luge druri. Sapo sheqeri te filloje te kristalizohet, ulim flaken dhe vazhdojme perseri perzierjen derisa sheqeri eshte karamelizuar komplet. E leme karamelin te ftohet dhe e perdorim ne recetat perkatese.

Per te perftuar salcen me karamel, i shtojme karamelit te mesiperm panen te cilen e kemi ngrohur me pare ne nje tenxhere. E perziejme me luge druri, e leme te ftohet dhe perdorim ne recetat perkatese.

Qofte me mish të grirë në salcë domatesh

Keto qofte ne salce domatesh mund te sherbejne si nje pjate e dyte teper e shijshme, por edhe si salce per lloje te ndryshme makaronash, sidomos ato te furres.
Perberesit per rreth 25 qofte

  • 500gr mish te grire
  • 100gr tul buke
  • 3 veze
  • 100gr djathe kackavall te grire
  • 1 thelpi hudher
  • 2 luge majdanoz te grire
  • kripe
  • pak arre moskat
  • piper sipas deshires

Per salcen e domateve

  • 1l salce domatesh
  • 2 thelpinj hudher
  • 4-5 gjethe borzilok

Therrmojme tulin e bukes me dore apo me ndihmen e nje mikseri. Ne nje ene te thelle vendosim mishin e grire, tulin e bukes (te palagur), vezet, majdanozin, djathin kackavall te grire, kripen, piperin, arren moskat dhe hudhren e shtypur.

I perziejme mire te gjithe perberesit derisa te formojme nje mase homogjene te cilen do t’a leme te pushoje per rreth 1 ore ne nje vend te fresket (psh ne frigorifer).

Me duar te lagura me uje ose me vaj formojme disa sfera te vogla sa nje arre dhe i vendosim ne nje pjate te ceket njera pas tjetres.

Nderkohe ne nje tigan te thelle hedhim 3 luge vaj ne te cilin skuqim thelpinjt e hudhres te shtypur derisa te marrin ngjyre te arte, i heqim nga vaji dhe shtojme salcen e domateve; sa te filloje zierjen hedhim pak kripe dhe shtojme pak nga pak qoftet e vogla duke patur kujdes te mos ngjiten.

I leme te ziejne per 20 minuta ne zjarr te avashem dhe 5 minuta perpara se t’i heqim nga zjarri, shtojme gjethet e borzilokut. I servirim qoftet akoma te ngrohta apo i perdorim si salce per makaronat.

*Keshille: Nqs deshironi, mund t’i skuqni qoftet e vogla ne vaj dhe me pas t’i hidhni ne salcen e domateve. Gjithashtu mund ta pregatisni ju vete salcen e domateve te fresket, sipas recetes tone qe do ta gjeni

Salcë e freskët me domate dhe borzilok

Salce domatesh me borzilokSalcae fresket me domate dhe borzilok eshte nje nga salcat me te njohura te kuzhines mesdhetare e cila sherben per te shoqeruar lloje te ndryshme makaronash, por mund te perdoret edhe ne shume gatime te tjera. Akoma me e shijshme behet nese pregatitet ne periudhen korrik-gusht, atehere kur edhe domatet jane me te pjekura dhe me nje arome me te kendeshme. Por, duhet patur kujdes gjate zgjedhjes se tyre: shume te fresketa, shume te pjekura, jo te forta dhe pa njolla ne siperfaqe.
Perberesit

  • 1.2kg domate te rrumbullakta
  • 3 luge vaj ulliri
  • 8 gjethe borzilok
  • kripe

Ne momentin e blerjes se domateve qe do te perdorim per te pregatitur salcen, duhet te kemi kujdes te eleminojme ato qe jane te shtypura apo me njolla ne siperfaqe; domatet duhet te jene teper te pastra, te forta dhe mjaft te pjekura.

Lajme mire domatet, i thajme dhe i ndajme pergjysem. Heqim pjesen e kocanit dhe e shtrydhim te gjithe lengun ne nje ene duke eleminuar plotesisht edhe farat (kjo pjese nuk na nevojitet per pregatitjen e salces tone).

Tulin e domateve te mbetura e vendosim ne nje tenxhere inoksi ne zjarr te avashem mbuluar me kapak. I leme domatet te gatuhen duke i perziere here pas here derisa te zbuten plotesisht.

Ne kete moment, i kalojme ne nje site me vrima jo shume te vogla dhe lengun e perftuar e vendosim te trashet ne zjarr te forte. I shtojme salces kripe dhe vaj ulliri derisa te arrije trashesine e deshiruar, e heqim nga zjarri dhe shtojme gjethet e borzilokut te pandara apo te prera ne copa te medha.

*Keshille: Nese domatet nuk jane shume te shijshme, mund ti shtojme salces qepe dhe hudhra te grira e te kaverdisura per pak minuta ne vaj ulliri.

Salcë xaxiqe

TzatzikiEshte e pamundur te shkosh ne Greqi dhe te mos shijosh kete salce fantastike e cila pervecse eshte nje antipaste tipike e ketij vendi, sherben edhe si shoqeruese e Sufllaqes greke. Por ajo mund te shoqeroje cdo pjate; duke filluar nga mishi, peshku e duke perfunduar tek Sallata Greke apo orizi. Origjina e fjales xaxiqe, vjen nga turqishtja e vjeter “cacik”, nje ushqim te cilin turqit e perdornin per tu freskuar gjate dites duke perziere kos, uje, hudhra dhe buke: kjo eshte paraardhesja e xaxiqit te sotem, e cila ne Bullgari njihet me emrin tarator. Nje nga vetite e saj eshte se mund te ruhet ne frigorifer per rreth nje jave nga momenti i pregatitjes: ne kete menyre do te kurseni  kohe dhe do te shijoni nje fete buke te thekur me xaxiqe kur te ktheheni ne shtepi te uritur.

Perberesit

  • 400gr kos i trashe Grek
  • 4 thelpinje hudher
  • 4 luge vaj ulliri
  • 2 luge leng limoni
  • 1 kastravec
  • 1 luge koper te fresket te grire
  • kripe
  • piper i zi i te sapobluar
  • per zbukurim: gjethe mente, ullinj te zinj

Si fillim, grijme kastravecin ne fije te trasha nga ana me e trashe e grireses dhe shtrydhim me dore lengun qe ai leshon, ose nqs kemi kohe e leme te kulloje mbi nje pecete te paster. Grijme hudhrat shume holle apo mundesishte i kalojme ne mikser per te perftuar nje krem nga to.

Ne nje tas mesatar, bashkojme kosin grek me kastravecin, hudhrat, lengun e limonit, vajin e ullirit dhe kopren. E rregullojme salcen me kripe dhe piper, e mbulojme tasin me leter transparente dhe e fusim ne frigorifer per te pakten 1 ore ne menyre qe shijet te bashkohen me njera tjetren.

E servirim te zbukuruar me gjethe mente dhe disa kokrra ullinj te zinj.

*Keshille: Per pregatitjen e xaxiqes duhet perdorur kos grek i cili eshte mjaft i trashe dhe i yndyrshem, por ne pamundesi te tij kete recete mund ta pregatisim edhe me kos normal te cilin  do e leme te kulloje nje nate ne nje pecete te paster per t’i hequr te gjithe ujin e tepert.

Foto nga: http://galleryhip.com/

http://rapidshare.com/files/302942433/Julie.A.J.2009.iTA.MD.DVDRip.XviD-SiLENT.2CD.CoMiCo.UpZ.part1.rar

Salcë Beshamel

Salca Beshamel, ose nqs duam ta therrasim ne emrin autentik “la sauce à la Bèchameil” eshte pa diskutim salca me e perdorur ne France, vendi i saj i origjines. Krijuesi ka qene markezi i Nointel, Louis De Bechamel i cili e propozoj i pari kete recete ne shekullin XVIII. Ajo mund te perdoret per ti dhene shije Lazanjave, Kanelonit, por edhe Mishit, Peshkut e Perimeve. Edhe ne recetat shqiptare kjo salce ka gjetur nje perdorim relativisht te gjere psh tek Pastiço apo Musakaja.

Perberesit per 1l salce beshamele

  • 1l qumesht me yndyre te plote
  • 4 luge miell
  • 5 luge gjalp pa kripe
  • arre moskat te grire
  • kripe

Per te pregatitur beshamelen si fillim vendosim ne zjarr te avashem gjalpin, e leme te shkrije dhe hedhim pak nga pak miellin duke e perziere perberjen ne menyre energjike per disa minuta qe te mos formohen kokerriza. Keshtu kemi perftuar ate qe francezet e quajne roux [ru].

Heqim roux nga zjarri dhe i shtojme pjese pjese qumeshtin e ngrohte duke e perziere me nje luge druri.

E vendosim perseri tiganin ne zjarr derisa salca te filloj te zieje dhe ne kete moment i hedhim pak kripe dhe pak arre moskate. E mbulojme me kapak dhe e leme te zieje ne zjarr te avashem per 10-15 minuta duke e perziere here pas here derisa te arrije trashesine e deshiruar.

*Keshille: Kur pregatisim beshamelen (sidomos nese jemi fillestar) eshte mire qe gjalpin dhe miellin te mos i perziejme mbi zjarr: mielli ka vetine te skuqet shume shpejt duke formuar kokrriza te cilat jane shume te veshtira per tu tretur. Prandaj heqim nje moment tiganin nga zjarri, shtojme miellin, e perziejme derisa te shkrihet ne gjalp dhe me pas hedhim qumeshtin duke e vendosur serisht ne zjarr te avashem.

Sipas recetes qe po pregatisim, bashke me qumeshtin mund te shtojme edhe leng perimesh nqs duam te shoqerojme keto te fundit me salce, apo ereza te ndryshme nqs duam te shoqerojme mishin ose peshkun.

Serisht sipas kerkesave te recetes kryesore, salca beshamele mund te behet me e trashe duke shtuar me shume miell apo me e holle duke shtuar me shume qumesht.

Foto nga: http://fromeverydaytogourmet.blogspot.com/