Kërpudha

Hikërr e tiganisur me kërpudha dhe spinaq bebe

  • Racione: 2 persona
  • Vështirësi: e thjeshtë
  • Shtype

Hikerr me spinaq

Hikerra ose gruri hikerror, ka nje shije neutrale e cila kombinohet ne menyre perfekte me perimet, mishin, peshkun apo kerpudhat. Receta qe po ju paraqes me poshte, eshte ideale per ata qe duan te hane lehte, shendetshem dhe me shije. Sot do ta kombinojme me kerpudha, spinaq bebe dhe domate qershize. Ja sesi:

Perberesit

  • 150gr hikerr (1 gote)
  • 1 qepe e kuqe e vogel, e prere holle
  • 150gr kerpudha, te prera ne feta
  • 100gr spinaq bebe, i pastruar dhe i lare
  • nje dore domate qershize (6-7 kokerra)
  • kripe
  • piper te zi te sapobluar
  • pak hudher hungareze te thate
  • vaj ulliri ekstra te virgjer
  • 1 luge gjelle uthull molle

Hikerr me spinaq1

Si fillim, shplajme shume mire grurin hikerror nen uje te ftohte te rrjedhshem derisa uji te rezultoje plotesisht i paster. Pas kesaj, e vendosim ne nje ene me uje te ftohte dhe e leme te zbutet gjithe naten. Per te lehtesuar kete proçes, shtojme edhe nje luge gjelle uthull molle.

Ne kete moment, hikerra eshte zbutur dhe eshte gati per tu gatuar. E shplajme shume mire dhe e ziejme ne nje tenxhere me uje te vluar per 3-5 minuta. E kullojme dhe e kalojme menjehere nen uje te ftohte.

Hikërr e tiganisur me kërpudha dhe spinaq bebe2

Ne nje tigan, kaverdisim ne zjarr te ulet ne vaj ulliri qepen e kuqe derisa te zbutet (1). Shtojme kerpudhat e prera ne feta (2), kripe, piper te zi te sapobluar, hudher hungareze dhe vazhdojme gatimin per disa minuta derisa kerpudhat te zbuten (shtojme pak uje nese eshte e nevojshme) (3).

Hikërr e tiganisur me kërpudha dhe spinaq bebe3

Shtojme spinaqin bebe (4), domatet qershize te plota (5) dhe i leme derisa spinaqi te ule volumin. Shtojme ne fund edhe hikerren e shtrydhur mire me dore, e perziejme mire derisa te marre shije dhe e sherbejme neper pjata zbukuruar me ndonje gjethe spinaq bebe (6).

Advertisements

Oriz basmati me perime

  • Racione: 4 persona
  • Vështirësi: e thjeshtë
  • Shtype
Oriz basmati me perime2Per kete recete, jam frymezuar nga kuzhina orientale e cila e perdor shume orizin basmati. Ky lloj orizi ka nje kokerr te gjate dhe me arome shume te kendshme te cilen e ndjen sapo e gatuan. Kete here e kam pregatitur me perime te stines (qe dmth ato qe me ndodheshin ne frigorifer), por ndjehuni te lire te çlironi imagjinaten tuaj duke shtuar apo hequr perberesit qe deshironi. Per nje vakt te kompletuar, provoni te shtoni edhe disa copeza fileto pule apo viçi.

Oriz basmati me perime3

Perberesit

  • 300gr oriz basmati, te cilin e kemi lene gjithe naten ne uje te ftohte
  • 1 qepe mesatare, te grire holle
  • 3 karrota, te prera ne feta
  • 200gr bizele te ngrira (afersisht dy duar)
  • 200gr miser te ngrire (afersisht dy duar)
  • 6 kerpudha te fresketa, te prera ne feta
  • vaj ulliri ekstra te virgjer
  • 1 maje luge kerri pluhur
  • 1 maje luge kumin pluhur
  • pak majdanoz te fresket, te prere holle
  • kripe

Oriz basmati me perime 1

Kaverdisim ne vaj ulliri ekstra te virgjer te gjitha perimet: qepen, karrotat, bizelet, misrin dhe kerpudhat per rreth 5 minuta derisa te marrin shije (1). Shtojme orizin basmati te kulluar nga uji dhe vazhdojme perzierjen edhe per disa çaste (2). Shtojme erezat pluhur, kerrin dhe kuminin, pak kripe dhe i perziejme mire (3).

Oriz basmati me perime 2

E mbulojme masen me uje (4) dhe e leme te zieje me kapak hapur per rreth 10 minuta (5). Fikim zjarrin, i vendosim kapakun (6) dhe e leme te pushoje edhe per 10 apo 15 minuta te tjera: ne kete menyre orizi do zbutet akoma me shume nga avulli i tij dhe do shkriftohet. E sherbejme te sperkatur me pak majdanoz te fresket te grire ne siperfaqe.

 

Pulehinë me kërpudha

  • Racione: 4 persona
  • Vështirësi: e thjeshtë
  • Shtype

Pulehine me kerpudha
Pulehina eshte nje lloj shpendi ne te njejten familje me pulen, vetem se ne ndryshim nga kjo e fundit eshte me permasa pak me te medhaja, e zeze dhe me pika te bardha. Ka nje mish shume te shijshem dhe te ushqyeshem, te perdorur gjeresisht ne kuzhine.

Me te njejten recete, duke ndryshuar pak kohen, mund te gatuajme edhe pulen, fazanin dhe lepurin.

Recete e Ballakumes:

Perberesit

  • 1 pulehine e pastruar e plote ose e ndare ne copa
  • 200gr kerpudha Champignon
  • 200gr kerpudha Finferli
  • 1 dore ullinj jeshil pa berthame
  • 1 qepe
  • 1 karrote
  • 1 dege selino
  • leng pule
  • 1 luge gjalp
  • vaj ulliri
  • kripe
  • piper
  • hudher
  • gjethe dafine
  • rozmarine

Pregatisim lengun e pules duke ziere copa pule ose duke perdorur koncentrate pule ne raportin 1 koncentrate me 500ml uje.

Ne nje tigan te thelle ngrohim pak vaj ulliri dhe gjalp dhe skuqim pulehinen nga te gjitha anet.
Nderkohe pastrojme dhe presim ne copa qepen, hudhren, karroten dhe degen e selinose. Heqim pulehinen nga tigani dhe ne te njejtin tigan kaverdisim perimet. I rregullojme me kripe, i shuajme me pak leng pule dhe i gatuajme per afer 15 minuta me kapak mbyllur.
Shtojme pulehinen, rozmarinen, gjethen e dafines dhe e gatuajme edhe per 40 minuta te tjera ne zjarr te ulet. Nese e shohim qe lengu ka shterruar, i hedhim ndonje garuzhde leng pule.
Ne nje tjeter tigan kaverdisim ne vaj ulliri kerpudhat e prera ne feta derisa te zbuten, per afer 10 minuta. I hedhim kerpudhat dhe ullinjte ne tiganin ku kemi pulehinen dhe i gatuajme te gjitha bashke edhe per disa minuta te tjera, derisa kerpudhat te rezultojne plotesisht te ziera.
E servirim pulehinen te ngrohte te shoqeruar me vere te bardhe.

Fole patatesh me kërpudha

  • Racione: 6-8 persona
  • Vështirësi: mesatare
  • Shtype
Fole patatesh me kerpudhaReceta me poshte:

Perberesit

  • 4 patate mesatare
  • 500gr kerpudha te tipit Porcini te ngrira
  • 2 te verdha vezesh
  • 2 luge majdanoz i grire holle
  • 2 thelpinje hudhra te grira holle
  • pak qumesht
  • 1 luge gjalp 
  • 2 luge djath kackavall te grire
  • vaj ulliri

Ne nje tigan te thelle kaverdisim ne vaj ulliri hudhrat, shtojme kerpudhat, i vendosim kapakun dhe ulim zjarrin duke i lene kerpudhat te gatuhen per rreth 40 minuta. Shtojme uje here pas here nese e shohim te nevojshme. Kur kerpudhat te jene zbutur plotesisht, i shtojme majdanoz te grire dhe i leme menjane.

Ziejme patatet ne uje te bollshem me kripe per 30-40 minuta duke bere proven e pirunit per te pare nese jane gatuar edhe brenda apo jo.

Kur patatet te jene ziere, i qerojme, i shtypim me shtypesen e patateve derisa ti reduktojme ne pure’ dhe shtojme pak qumesht, kripe, djath kackavall te grire, te verdhat e vezeve dhe gjalp duke i perziere shume mire.

E fusim kete pure’ te perftuar patatesh ne nje xhep pasticerie dhe formojme nje fole’ duke lene nje grope ne mes te cilen me pas do ta mbushim me kerpudhat. I pjekim ne furre te parangrohur ne 180C per rreth 30 minuta, apo derisa te kene marre ngjyre te arte ne siperfaqe.

I nxjerrim nga furra, shtojme 1 luge te vogel kerpudha ne hapesiren bosh dhe i sherbejme te ngrohta.

Foto nga: http://kitchencompass.files.wordpress.com

Krepa me kërpudha, proshutë dhe djathë


Krepa te mbushur

Te holle, te shijshem, te ngrohte, mbushur me proshute, kerpudha dhe djathe… kjo eshte receta qe ju sugjerojme si per dreke, darke apo zemer!
Perberesit

  • 6 krepa te medhenj (te cilet i pergatisim sipas recetes dhe dozes qe gjejme ketu)
  • 100gr proshute e pjekur, e prere holle
  • 150gr djath i grire Gruyère (ne pamundesi te tij mund te perdorim cdo lloj djathi qe shkrin, psh Gouda)
  • 150gr kerpudha te fresketa ose te ngrira, ne feta
  • 1 luge gjalp
  • 2 luge pana kuzhine
  • kripe
  • piper te zi te sapobluar

Pergatisim brumin baze te krepave sipas recetes qe e gjejme ketu, duke respektuar dozat e dhena per krepat e kripur. I gatuajme nje nga nje me gjalp duke vendosur pak leter furre siper cdo krepi qe pergatisim ne menyre qe ne fund te mos ngjiten me njeri tjetrin.

Pergatisim mbushjen: kaverdisim me pak gjalp ne zjarr te ulet kerpudhat e prera ne feta derisa te zbuten dhe te avulloje lengu qe ato leshojne. I kriposim, piperosim dhe shtojme panen, djathin dhe proshuten e prere holle.

I mbushim krepat nje nga nje duke vendosur ne mes te tyre 1 ose 2 luge gjelle mbushje dhe i palosim ne 4 pjese. I vendosim ne nje tave te lyer me pak gjalp dhe i pjekim per rreth 5 minuta, apo derisa djathi te shkrije.

I sherbejme menjehere te ngrohta shoqeruar me sallate sipas deshires.

Makarona tortelini me pana dhe kërpudha

makarona-me-pana-proshute-speca-dhe-kerpudhaTortelinit jane makarona me veze te mbushura me mish te grire, kerpudha, spinaq etj, te cilat e kane origjinen e larget nga qyteti i Modenas dhe Bolonjes. Me poshte po ju paraqesim variantin me pana dhe kerpudha, teper i shijshem dhe qe i pershtatet ketyre diteve te ftohta qe po kalojme.

Perberesit

  • 400gr makarona tortelini te mbushura me mish
  • 30gr kerpudha te thata Porcini (ose 300gr kerpudha te fresketa Champignon)
  • 200ml pana kuzhine
  • 100ml qumesht
  • 1 tufe majdanoz
  • 1 thelpi hudher
  • 1/2 koncentrate mish viçi
  • kripe
  • piper
  • djath kaçkavall te grire per sperkatje

Pregatisim salcen me kerpudha duke vendosur si fillim kerpudhat e thata ne nje tas te vogel me uje te ngrohte per tu zbutur per rreth 10 minuta. Nese perdorim kerpudhat e fresketa, i pastrojme mire me nje pecete te paster te lagur me pak uje dhe i presim ne feta.

Ne nje tigan te thelle hedhim panen e kuzhines, qumeshtin, hudhren e majdanozin te grira holle, koncentraten e viçit te copetuar dhe kerpudhat e shtrydhura fort nga uji i tepert (ose kerpudhat e fresketa). I perziejme mire, i vendosim kapakun dhe i gatuajme ne zjarr te ulet per rreth 15 minuta, derisa salca te trashet dhe shija e perberesve te bashkohet me njera tjetren. Nese salca rezulton teper e trashe, shtojme edhe pak qumesht per ta holluar. E rregullojme salcen me kerpudha me kripe e piper dhe e leme menjane.

Ziejme makaronat tortelini ne uje te valur me kripe per egzaktesisht kohen e treguar ne konfeksion, i kullojme dhe i hedhim ne tiganin ku pregatitem salcen me kerpudha duke i bashkuar me kujdes.

I sherbejme te ngrohta sperkatur me pak djath kaçkavall te grire ne siperfaqe.

Qofte të mbushura me kërpudha

Qofte te mbushura me kerpudhaQoftet e mbushura me kerpudha Champignon, jane nje pjate e dyte teper e shijshme dhe e veçante, te cilat mund ti pregatisni fare mire ne fundjave kur keni pak me shume kohe ne dispozicion.
Perberesit

  • 400gr mish i grire viçi
  • 15 kerpudha champignon
  • 16 feta proshute speck
  • 2 veze
  • 100gr djath te grire parmixhano (ose djath tjeter kaçkavall)
  • 100ml vere te bardhe
  • 4 luge vaj ulliri
  • 2 thelpi hudher
  • 2 luge ereza (trumez, sherebele, rozmarine)
  • kripe
  • piper i zi

Pastrojme shume mire kerpudhat me nje pecete te paster te lagur me pak uje, per te eleminuar ne kete menyre dhèun nga kapelja dhe kemba. Ruajme 4 kerpudha te plota, ndersa te tjerat i presim ne copa jo shume te vogla dhe i leme menjane.

Ne nje tigan, kaverdisim me dy luge vaj ulliri thelpinjte e hudhrave te shtypura derisa te kene marre ngjyre te arte, dhe i heqim nga vaji. Shtojme ketu kerpudhat (ato te prerat ne copa dhe te plotat) duke i lene te kaverdisen nga te gjitha anet ne zjarr te larte per rreth 5 minuta. I rregullojme me kripe, piper, erezat aromatike dhe i heqim nga tigani duke i lene te ftohen ne temperature ambjenti.

Ne nje tas, bashkojme mishin e grire te viçit me kerpudhat e prera ne copa, vezet dhe djathin e grire duke i perziere shume mire. E ndajme perberjen ne 4 pjese, formojme me duar 4 qofte te rrumbullakta (ose ovale) dhe vendosim ne mes te tyre nje kerpudhe te plote.

Ne tavolinen e punes, rreshtojme 4 feta proshute speck njera pas tjetres duke i mbivendosur pak, vendosim ne qender te tyre nje qofte dhe e mbulojme komplet me fetat e proshutes. Veprojme ne te njejten menyre edhe me qoftet e mbetura.

I vendosim qoftet e mbuluara me proshute njera pas tjetres ne nje tigan te madh me 2 luge vaj ulliri dhe i kaverdisim ne zjarr te ulet nga te gjitha anet, duke i shuar me pas me veren e bardhe. I leme ne kete menyre te gatuhen per rreth 20 minuta me kapak te mbyllur duke shtuar pak uje nese eshte e nevojshme.

I servirim te nxehta ose te ngrohta shoqeruar me patate ne furre.

(recete marre nga: 365 giorni a tavola-Paola Loaldi, dhe modifikuar nga autorja)

Makarona me pana, proshutë, speca dhe kërpudha

Kjo recete u mundesua nga Emirjola Baja: faleminderit ne emer te stafit te UneGatuaj!
Perberesit

  • 350gr makarona te gjata
  • 300gr kerpudha te pastruara (rreth 5 cope)
  • 2 speca te kuq
  • 2-3 feta proshute te prere pak trashe
  • 200ml pana per kuzhine
  • 1 e verdhe veze
  • vaj ulliri
  • kripe
  • piper

Ziejme makaronat per egzaktesisht kohen e treguar ne konfeksion.

Ne nje tigan, kaverdisim ne vaj ulliri kerpudhat e prera ne feta te holla, shtojme specat e kuq te prere ne fije dhe nje thelpi hudher te shtypur (ose te grire shume holle), i rregullojme me kripe, pak piper dhe i vendosim kapakun duke i lene te gatuhen ne zjarr te ulet me avullin e tyre.

Ne nje tjeter tigan kaverdisim proshuten e prere ne kubik, dhe kur kjo te kete marre ngjyre te arte e perziejme se bashku me specat dhe kerpudhat.

Ne nje ene te vogel vendosim panen per kuzhine, i shtojme nje te verdhe veze dhe e perziejme mire. Kete ja hedhim perberjes se mesiperme dhe se fundi shtojme edhe makaronat tashme te ziera dhe te kulluara.

Eskallop viçi me kërpudha

Eskallopet jane feta te holla mishi, te kaluara ne miell dhe me pas te skuqura ne pak gjalp dhe vaj ulliri derisa te marrin ngjyren tipike te arte ne siperfaqe. Ne kete recete, ato shoqerohen me kerpudha te cilat i japin nje shije teper te vecante dhe sherbejne si garniture duke e kompletuar pjaten. Perberesit

  • 8 fileto te holla vici
  • 1/2kg kerpudha te tipit champignon
  • 1 gote vere te bardhe
  • 1/4l leng mish vici ose leng te pregatitur me koncentrate vici
  • 1 thelpi hudher
  • 50gr gjalp
  • 2 luge vaj ulliri
  • pak miell
  • majdanoz te grire
  • kripe
  • piper

Pregatisim fillimisht salcen per eskallopet duke i pastruar kerpudhat me ndihmen e nje pecete te lagur dhe te shtrydhur mire, dhe duke i prere ne feta te holla. Ne nje tigan, kaveridisim ne pak vaj ulliri hudhren e prere holle, shtojme fetat e kerpudhave dhe  i gatuajme ne zjarr te forte per rreth 10 minuta derisa te leshojne lengun e tyre. Pas kesaj, i shuajme me veren e bardhe dhe ne momentin qe kjo ka avulluar, shtojme pak leng mishi (apo koncentrate) dhe i gatuajme kerpudhat edhe per 10 minuta te tjera derisa ne fund te rezultojne te buta dhe te formohet nje leng pak i trashe. I rregullojme me kripe, pak piper, majdanozin e gire dhe i leme ne nje ane.

Pregatisim filetot e vicit duke i rrahur me ndihmen e nje rrahese mishi derisa te arrijne trashesine prej 1cm (duhet te jene shume te holla), i lyejme me pak miell dhe i skuqim nga te dyja anet ne tiganin ne te cilin kemi shkrire gjalpin dhe pak vaj ulliri. I heqim nga tigani dhe ia shtojme salces me kerpudha duke i perziere mire.

I sherbejme menjehere sperkatur me pak majdanoz te grire ne siperfaqe

1 2
Krijoni një sajt ose blog te WordPress.com