Makarona

Makarona me domate të freskët dhe borzilok

  • Racione: 4 persona
  • Vështirësi: shumë e thjeshtë
  • Shtype

Makarona me domate te fresket dhe borzilok

Kjo eshte nje nga pjatat simbol te kuzhines italiane! Mund te gozhdoheni gjithe diten ne kuzhine per te pergatitur recetat me te rafinuara, sofistikuara, me perberesit me te shtrenjte, por asgje… ASGJE nuk krahasohet me shijen e makaronave me domate te fresket te bahçes me borzilokun e sapokeputur. Aciditeti i domateve bashkohet mrekullisht me freskine e borzilokut!

Perberesit

  • 350gr makarona te gjata (une kam perdorur makarona me veze te tipit Papardelle)
  • 5 domate mesatare te pjekura mire, te kaluara ne mikser
  • 10 gjethe borzilok te fresket
  • 1 thelpi hudher, te grire holle
  • vaj ulliri ekstra te virgjer
  • kripe
  • nje maje luge sheqer
  • djathe kaçkavall te grire

Makarona me domate te fresket dhe borzilok1

Pergatisim fillimisht salcen me domate te fresketa: ne nje tigan kaverdisim ne vaj ulliri ekstra te virgjer hudhren e grire holle, shtojme purène e domateve, e rregullojme me pak kripe, nje maje luge sheqer, i vendosim kapakun dhe e leme ne zjarr shume te ulet te gatuhet derisa salca te trashet, per rreth 30 minuta.
Shtojme gjethet e borzilokut te copetuara me dore dhe e leme salcen menjane.

Ziejme makaronat ne uje me kripe per egzaktesisht kohen e treguar ne konfeksion, i kullojme dhe i hedhim ne tiganin ku kemi pergatitur salcen. I perziejme mire dhe i sherbejme neper pjata duke i dhene shije me pak djathe kaçkavalle te grire dhe zbukuruar me ndonje gjethe borzilok te fresket.

Advertisements

Ravioli të mbushur me gjizë dhe spinaq

  • Racione: 6 persona
  • Vështirësi: e vështirë
  • Shtype
Ravioli me rikota dhe spinaq1
Makaronat e fresketa te pergatitura ne shtepi, jane nje nga ato gatime qe veshtire mos ti pelqejne te gjitheve. Dhe nese jane te mbushura, akoma me mire! Heren e kaluar i pergatita me kungull dimerak (receten e se cilave e gjeni ketu). Kesaj here vendosa te provoje nje kombinim me klasik dhe me shije me delikate, siç eshte ai i gjizes pa kripe (rikota) dhe spinaqit. Me pas i kalove ne tigan me gjalp te aromatizuar me sherebele te fresket, i sperkata me pak djathe parmixhano te grire, dhe nuk di tju them sesa komplimente mora!

Perberesit

…per makaronat

  • 200gr miell 00
  • 100gr miell me krunde (miell i trashe)
  • 3 veze, ne temperature ambjenti

…per mbushjen

  • 300gr gjize pa kripe
  • 400gr spinaq te fresket, te grire shume holle
  • 6 luge djathe kaçkavall te grire (receta origjinale kerkon perdorimin e djathit parmixhano)
  • 1 veze
  • kripe
  • piper te zi te sapobluar

…per ti dhene shije

  • 2 luge gjelle gjalp
  • 5-6 gjethe sherebele te fresket
  • djathe parmixhano, te grire

Ravioli me rikota dhe spinaq

Per te pergatitur raviolit me gjize dhe spinaq, fillimisht pergatisim brumin me veze: ne tavolinen e punes ose ne nje tas te madh hedhim 2 llojet e miellit te situr, i hapim nje grope ne mes dhe shtojme vezet lehtesisht te rrahura me pirun. E punojme brumin fillimisht me gishta duke bashkuar avash avash vezet me miellin qe gjendet rreth e qark derisa te formohet nje top brumi te cilin e punojme ne tavolinen e lyer me miell per te pakten 10 minuta derisa te rezultoje elastik. Ne rast se brumi rezulton pak i forte, shtojme 2 apo 3 luge uje te ngrohte, apo ne rast se rezulton pak i bute, shtojme edhe pak miell. E mbeshtjellim brumin me leter transparente dhe e leme te pushoje per 1 ore ne frigorifer.

Nderkohe pergatisim mbushjen: kaverdisim ne pak vaj ulliri spinaqin e pastruar dhe te grire holle, i vendosim kapakun dhe e leme derisa te avulloje i gjithe uji. E transferojme ne nje tas ne te cilin shtojme edhe rikoten, djathin kaçkavall te grire, vezen, pak kripe e piper te zi duke i perziere mire. E hedhim mbushjen ne nje qese pastiçerie dhe e leme menjane.

Kur brumi te jete gati, e ndajme ne dy pjese te barabarta dhe pjesen qe nuk e perdorim e mbeshtjellim serisht me leter transparente. Kjo per shkak se ne kontakt me ajrin, brumi thahet dhe formon nje kore te holle e cila e prish lemueshmerine qe duhet te kene makaronat.
E vendosim gjysmen e brumit ne tavolinen e punes te lyer me miell krundesh dhe e hapim ne fillim me pellemben e dores, me pas me okllai te lyer me pak miell ne menyre qe te mos ngjise.

Me ndihmen e nje thike me maje te mprehte, e presim brumin ne drejtekendesha pak a shume me permasa 6cmx3cm. Vendosim nje luge te vogel mbushje me gjize dhe spinaq ne mes, i lyejme anet me uje dhe e palosim raviolin duke i shtypur mire anet ne menyre qe te eleminojme ajrin ne brendesi dhe mbushja te mos dal gjate gatimit. I japim forme raviolit duke perdorur nje rrote te dhembezuar per makarona (ose nje thike te mprehte). Me nje pjese brume duhet te dalin 8-10 ravioli. Procedojme ne te njejten menyre edhe me pjesen tjeter te brumit

Nderkohe, ne nje tigan shkrijme gjalpin ne zjarr te ulet dhe skuqim per 3-4 minuta gjethet e sherebeles.

Pasi te kemi pergatitur te gjithe raviolit, i ziejme ne uje te bollshem me kripe per 4 minuta, i kullojme mire dhe i vendosim neper pjata. Siper i sperkasim me gjalpin e aromatizuar me sherebele dhe pak djathe kackavall te grire. I sherbejme menjehere zbukuruar me ndonje gjethe sherebele.

Ruajtja: ne akull per 1 muaj.

Makarona me fileto pule, patëllxhan dhe domate qershizë

  • Racione: 4 persona
  • Vështirësi: e thjeshtë
  • Shtype
Makarona me fileto pule, patellxhan dhe domate qershize

Makaronat me fileto pule, patellxhan dhe domate qershize, jane nje pjate e pare e shkelqyer, me nje shije fantastike dhe mbi te gjitha shume te thjeshta per tu pergatitur. Mund ti gatuani ne vetem 20 minuta… jeni gati?

Makarona me fileto pule, patellxhan dhe domate qershize1

Perberesit

  • 320gr makarona te gjata
  • 1 patellxhan te madh, te prere ne kubik
  • 1 fileto pule (rreth 200gr), te prere ne kubik
  • 20 domate qershize, te ndara pergjysme
  • 1 dore gjethe borziloku te fresketa, te prera holle
  • pak hudher te thare pluhur
  • kripe
  • piper te zi te sapobluar
  • vaj ulliri ekstra te virgjer
  • disa feta djathe mocarela (sipas deshires)

Ziejme makaronat ne uje me kripe per egzaktesisht kohen e treguar ne konfeksion nderkohe qe pergatisim salcen.

Ne nje tigan te vogel, kaverdisim kubiket e patellxhaneve ne vaj ulliri ekstra te virgjer derisa te marrin ngjyre nga te gjitha anet. I rregullojme me kripe dhe pak hudher te thare pluhur dhe i leme menjane.

Ne nje tjeter tigan, kaverdisim fileton e pules ne vaj ulliri derisa te kete marre ngjyre te arte. Shtojme domatet qershize, borzilokun, kripe, piper te zi te sapobluar, pak hudher te thate dhe ne fund patellxhanet e skuqur. Hedhim ne te makaronat e ziera dhe te kulluara dhe i perziejme per disa minuta derisa te marrin shije.

I sherbejme ne pjate te zbukuruar me ndonje gjethe borziloku dhe feta djathe mocarela.

 

 

Makarona me qofte të vogla

  • Racione: 4 persona
  • Vështirësi: e thjeshtë
  • Shtype
makarona-me-qofte-te-vogla1.jpg

Nuk besoj se ka ndonje qe nuk e ka pare filmin vizatimor Lili dhe Vagabondi, skenen kur te dy hane makarona me qofte te vogla nga e njejta pjate dhe aty dashurohen! Pikerisht nga kjo u nisa kur vendosa te gatuaj kete recete, dhe eshte nje nga menyrat me te mira per ti bere femijet te hane mishin. Receta eshte amerikane, edhe pse ka ardhur ne Amerike nga emigrantet italiane ne 1920 (dhe nuk kishte si te ndodhte ndryshe nese behet fjale per makaronat!)

Perberesit

  • 350gr makarona te gjata
  • djathe kaçkavall i grire

…per qoftet e vogla

  • 500gr mish i grire viçi
  • 1/2 qepe, e grire shume holle
  • 2 feta buke te lagura ne qumesht, vetem tulin
  • 1 veze
  • nje luge kafe hudher pluhur
  • kripe
  • piper te zi te sapobluar

…per salcen e makaronave

  • 1/2 qepe, e grire shume holle
  • 400ml salce domatesh
  • 1 dore borzilok i fresket, i prere holle
  • vaj ulliri

Pregatisim brumin e qofteve duke bashkuar ne nje tas mishin e grire me qepen, vezen, tulin e bukes te shtrydhur fort nga qumeshti, hudhren, kripen dhe piperin. E leme masen te pushoje per minimumi gjysme ore ne frigorifer mbuluar me leter celofoni.
Pasi ka kaluar kjo kohe, me duar te lagura marrim pak nga brumi i qofteve dhe i japim forme te rrumbullaket me madhesi sa nje kokerr arre. I skuqim ne zjarr mesatar ne pak vaj ulliri derisa te marrin ngjyre te arte nga te gjitha anet dhe i leme menjane.

Pregatisim salcen e makaronave duke kaverdisur ne vaj ulliri qepen e grire derisa te zbutet, shtojme salcen e domateve, borzilokun dhe se fundi hedhim brenda qoftet me kujdes. I veme kapakun dhe i leme te gatuhen per 10-15 minuta ne zjarr te ulet.

Ziejme makaronat ne uje me kripe derisa te rezultojne “al dente”. Me pas i kullojme dhe i sperkasim me pak vaj ulliri ne menyre qe te mos ngjiten.

Ne pjate, hedhim makaronat e bardhe dhe siper salcen me domate dhe qofte te vogla. I sperkasim me pak djathe kaçkavall te grire dhe i zbukurojme me gjethe borziloku.

Si ta ripërdorim mishin e mbetur të qengjit

  • Racione: 4 persona
  • Vështirësi: e thjeshtë
  • Shtype
makarona me mish qengji

Mjafton vetem pak fantazi, dhe çdo ushqim qe ka tepruar nga nje dite me pare, feste apo ditelindje mund te shnderrohet ne nje recete krejtesisht te re.
Sot me mishin e mbetur te qengjit pregatita dy receta te reja:
-Makarona me ragu qengji
-Supe me perime me leng qengji

  1. Makarona me ragu qengji

Perberesit

  • mish qengji nga ai qe ka tepruar nje dite me pare, i pastruar nga kockat
  • 1 qepe e prere holle
  • 1 karrote e prere holle
  • 1 dege selino e prere holle
  • 2-3 domate  te kaluara ne mikser ose salce domatesh
  • 1/2 gote vere te bardhe
  • 1 gjethe dafine
  • pak trumez
  • kripe
  • vaj ulliri

Kaverdisim ne zjarr te ulet ne vaj ulliri qepen, karroten dhe selinon. Shtojme mishin e qengjit te cilin e kemi prere ne copa te vogla dhe e shuajme te gjithen me vere te bardhe. Shtojme domatet, dafinen, pak trumez, kripe, nje gote uje dhe e ziejme salcen per rreth 1 ore duke shtuar uje kur eshte e nevojshme.
E perdorim ragune me mish qengji si salce per makaronat (ato qe i pershtaten me shume jane tipi pappardelle).

2. Supe me perime me leng qengji

Perberesit

  • kockat qe kane mbetur nga mishi i qengjit
  • 1 qepe e ndare ne kater pjese
  • 1 karrote e ndare ne dy pjese
  • 1 dege selino e ndare ne dy pjese
  • perime sipas deshires: brokoli, lulelaker, karrota, patate te prera ne copa te vogla
  • 2 luge miell
  • 3 luge gjalp
  • koper
  • majdanoz
  • kripe

Ziejme kockat e mishit te qengjit bashke me qepen, karroten dhe selinon ne uje te ftohte per rreth 1 ore. Pas kesaj i kullojme dhe ruajme vetem lengun.
Ne tenxhere shkrijme gjalpin dhe kaverdisim ne te miellin derisa te marre ngjyre te arte. Shtojme lengun e qengjit dhe i perziejme shpejt ne menyre qe te mos formohen kokerriza. Shtojme perimet qe deshirojme, kripe dhe i leme te ziejne per 20-30 minuta. I japim shije supes me koper dhe majdanoz dhe e sherbejme te ngrohte.

Foto nga:http://chefbolek.blogspot.al

Pesto me domate të thara dhe bajame

  • Racione: 4 persona
  • Vështirësi: e thjeshtë
  • Shtype
Pesto me domate te thata dhe bajame

Nje variant teper i veçante i Pestos Gjenovez, asaj me borzilok, djath te grire Parmixhano, stika pishe dhe vaj ulliri ekstra te virgjer. Provojeni te shoqeruar me Makarona  ose per te lyer buken e thekur.

Perberesit

  • 100gr domate te thara nen vaj
  • 50gr bajame te pjekura ose natyrale
  • 50gr djath Parmixhano (ose Grana) te grire
  • 50gr borzilok
  • 100ml vaj ulliri ekstra te virgjer
  • 2 thelpinje hudhra
  • 1 luge uthull balsamike
  • kripe

Vendosim ne nje mikser elektrik bajamet, borzilokun, uthullen balsamike, hudhrat dhe pak kripe dhe i grijme per disa sekonda. Shtojme edhe domatet e thata dhe djathin e grire dhe i grijme per afersisht 15 sekonda. Shtojme pak nga pak vajin e ullirit duke vazhduar perzierjen derisa salca te rezultoje homogjene.

Peston mund ta ruajme ne frigorifer per 1 muaj te vendosur ne nje kavanoz hermetik mbulur siper me vaj ulliri.

Foto nga: http://dishingupthedirt.

Makarona me patate

  • Racione: 4 persona
  • Vështirësi: e thjeshtë
  • Shtype
Makarona me patate

Makaronat me patate jane nje pjate shume e thjeshte, e quajtur ndryshe edhe “e varfer” per shkak te pak perberesve dhe çmimit te lire te tyre. Eshte diçka e ndermjetme midis nje supe dhe nje pjate me makarona, pasi sipas deshires mund te lihet me pak leng ne fund. Me poshte po ju paraqesim variantin me mish te tymosur per ta bere akoma me te shijshme!

Perberesit

  • 350gr makarona te shkurtra (te tipit ditalini rigati apo makarona spageti te thyera)
  • 4 patate mesatare
  • 1 qepe te vogel
  • 8 feta te holla mish te thate te tymosur (pançete)
  • 1l leng perimesh (ose leng te pregatitur me koncentrate perimesh) te nxehte
  • 2 dege trumez
  • djath kaçkavall te grire
  • kripe
  • piper te zi te sapobluar
  • vaj ulliri 

Grijme shume holle qepen (ose e kalojme ne mikser) dhe e kaverdisim ne vaj ulliri sebashku me deget e trumezes per disa minuta. Shtojme mishin e thate te tymosur te prere holle dhe e leme te marre ngjyre edhe per disa minuta te tjera.

Qerojme patatet, i presim ne kubik te vegjel dhe i lajme nen uje te ftohte te rrjedhshem. Ja shtojme perberjes se mesiperme dhe i gatuajme per rreth 5 minuta duke i perziere here pas here. Shtojme dy garuzhde leng te nxehte perimesh, dhe sapo lengu te arrij piken e vlimit, shtojme makaronat duke i gatuar per egzaktesisht kohen e treguar ne paketim. Shtojme akoma leng perimesh nese eshte e nevojshme. E rregullojme masen me pak kripe (kujdes, pasi lengu i perimeve eshte vet i kripur), piper te zi te sapobluar dhe e shperndajme neper pjata. E sperkasim me djath kaçkavall te grire dhe e sherbejme ne moment.

Foto nga: http://blog.giallozafferano.it/vivincucina

Fettuccine (fetuçine) Alfredo

  • Racione: 4 persona
  • Vështirësi: e thjeshtë
  • Shtype
Fettuccine Alfredo

Fettuccine-t Alfredo jane kaq te thjeshta per tu realizuar, por kaq te shijshme ne te njejten kohe. Ishte Alfredo di Lelio krijuesi i kesaj recete, i cili punonte si kuzhinier ne nje restorant ne Rome. Legjenda thote se ai e shpiku kete recete per te joshur gruan e tij e cila vuante nga te perzierat e mengjesit (per shkak te shtatezanise). Por kur e serviri edhe ne restorant, receta pati nje sukses shume te madh!
Kete pjate mund ta konsiderojme tipike Amerikane dhe per kete Amerikanet duhet te falenderojne yjet e Hollivudit  Douglas Fairbanks Sr. dhe Mary Pickford. Ata e sollen receten ne Amerike pasi e shijuan ne restorantin e Lelios ne Rome per muajin e tyre te mjaltit.
Receta eshte modifikuar paksa, disa e gatuajne me krem pana e disa te tjere vetem me gjalp e djath te grire. Ne po ja u sjellim te dyja versionet, ju zgjidhni ke te deshironi!

Perberesit

  • 320gr makarona fettuccine te thata
  • 4 luge gjalp pa kripe
  • 70gr djath parmixhano te grire
  • piper i zi i sapobluar

…per variantin kremoz

  • 100ml krem pana kuzhine
  • arre moskate te grire

Ziejme makaronat ne uje te vluar me kripe per egzaktesisht kohen e treguar ne konfeksion nderkohe qe pergatisim salcen:

Shkrijme gjalpin ne zjarr te ulet ne nje tigan te madh, dhe kur te kete shkrire plotesisht e leme menjane. Per variantin kremoz, gjalpit i shtojme edhe kremin pana duke i perzere shume mire. I leme ne zjarr shume te ulet nderkohe qe gatuhen makaronat.

Kullojme makaronat te cilat duhet te rezultojne al-dente dhe ja shtojme tiganit me gjalp mesiper bashke me 1 garuzhde uje makaronash. I rivendosim serisht ne zjarr dhe shtojme gjysmen e djathit te grire duke i perziere shume mire. Shtojme edhe gjysmen tjeter dhe vazhdojme perzierjen me delikatese derisa makaronat te mbulohen me salcen me djath e gjalp.

I servirim menjehere  sperkatur me piper te zi te sapobluar per variantin klasik ose me arre moskate per variantin kremoz.

Foto nga: http://badgerkitchen.blo

Ravioli të mbushur me kungull

  • Racione: 4 persona
  • Vështirësi: e vështirë
  • Shtype
Ravioli me kungull

Nese doni te befasoni miqte tuaj, pregatisni keto makarona te mbushur me kungull, sherbyer ne nje “salce” me gjalp, sherebel dhe leng limoni. Nje pjate qe i pershtatet shume mire sezonit te vjeshtes, atehere kur kungulli eshte me i shijshem se kurre.

Perberesit

…per brumin e makaronave

  • 200gr miell 00
  • 2 veze  mesatare (70gr secila) ne temperature ambjenti
  • 1/2 luge vaj ulliri
  • 1 maje luge kripe

…per mbushjen me kungull

  • 450gr tul kungulli portokall
  • 1 te verdhe veze
  • 1 luge plot djath kackavall dele te grire
  • 2 luge plot galete (mund te nevojitet pak me shume ose me pak)
  • 10 fare kopre
  • pak arre moskate
  • piper i zi i sapobluar
  • kripe
  • vaj ulliri

…per salcen me gjalp

  • 2 luge plot gjalp pa kripe
  • 1 dore gjethe te fresketa sherebeli
  • 1 luge leng limoni
  • djath kackavall dele i grire
  • gjethe sherebele per zbukurim

Per te pregatitur raviolit me kungull, fillimisht pregatisim Brumin me veze sipas recetes qe do ta gjeni ketu. E leme te pushoje per 1 ore nderkohe qe pregatisim mbushjen:

E presim kungullin portokalli ne copa mesatare pak a shume te te njejtes madhesi, e cpojme me dhembet e nje piruni ne menyre qe gjate pjekies te eleminohet lageshtia, e sperkasim me kripe, farat e kopres lehtesisht te shtypura, dhe vaj ulliri dhe e pjekim ne furre te parangrohur ne 200C per 30 minuta duke e kthyer nje here nga ana tjeter.

Kur kungulli te jete i vaket, eleminojme me dore lekuren dhe shtypim tulin me dhembet e nje piruni derisa te reduktohet ne pure’.  shtojme te verdhen e vezes, pak kripe e piper, djathin e grire, arren moskate dhe galete derisa masa te rezultoje e njetrajtshme, as shume e lengshme as shume e thate. E leme mbushjen menjane.

Kur brumi te jete gati, e ndajme ne kater pjese te barabarta, e punojme secilen pjese per pak minuta me dore dhe e hapim me okllai ne tavolinen e punes te lyer me miell. Me ndihmen e nje thike me maje te mprehte, e presim brumin ne drejtekendesha pak a shume me permasa 6cmx3cm. Vendosim nje luge te vogel mbushje me kungull ne mes, i lyejme anet me uje dhe e palosim raviolin duke i shtypur mire anet ne menyre qe te eleminojme ajrin ne brendesi dhe mbushja te mos dal gjate gatimit. I rregullojme anet secilit ravioli duke perdorur nje rrote te dhembezuar per makarona (ose nje thike te mprehte). Me nje pjese brume duhet te dalin 8-10 ravioli. Procedojme ne te njejten menyre edhe me pjeset e tjera te brumit.

Nderkohe, ne nje tigan shkrijme gjalpin ne zjarr te ulet dhe skuqim per 3-4 minuta gjethet e sherebeles. E heqim tiganin nga zjarri, shtojme lengun e limonit dhe pak kripe e piper per shije.

Pasi te kemi pregatitur te gjithe raviolit, i ziejme ne uje te bollshem me kripe per 4 minuta, i kullojme mire dhe i vendosim neper pjata. Siper i sperkasim me gjalpin e aromatizuar me sherebele dhe pak djath kackavall dele te grire. I sherbejme menjehere.

1 2 6