Mish i kuq

Bërxolla viçi në furrë

Bërxolla viçi në furrëBerxollat e viçit ne furre perbejne nje pjate te dyte teper te shijshme te cilen mund ta gatuani fare mire ne fundjave, apo kur keni miq per darke, duke qene se kerkojne pak kohe ne pregatitjen dhe gatimin e tyre. Perberesit

  • 4 berxolla viçi 250-300gr secila
  • 30gr pançete te prere ne kubik
  • 600ml leng mishi (ose leng i pregatitur me koncentrate viçi)
  • 200ml vere te bardhe
  • 2 luge gjalp
  • 4 luge vaj ulliri
  • 2 dege rozmarine
  • pak miell
  • kripe
  • piper te zi
  • patate per garniture

Ne nje tigan te madh shkrijme gjalpin me vajin e ullirit, kaverdisim ne te pançeten bashke me 1 dege rozmarine per disa çaste, shtojme berxollat e viçit te kaluara ne miell dhe i skuqim nga te dyja anet ne zjarr mesatar derisa te marrin ngjyre te arte te lehte. E shuajme te gjithe perberjen me vere te bardhe te cilen e leme te avulloje plotesisht ne zjarr te larte, i rregullojme berxollat me kripe, piper dhe i transferojme ne nje tave te cilen do ta fusim ne furre. Shtojme ne tave edhe lengun e mishit, e mbulojme siperfaqen me leter alumini dhe e pjekim ne furre te parangrohur ne 160°C per rreth 2 ore, ose derisa mishi te jete zbutur plotesisht. Shtojme edhe pak uje te nxehte ose leng mishi nese eshte e nevojshme. Nderkohe qe mishi i viçit gatuhet, pregatisim garnituren e cila mund te jete pure’ patatesh, patate furre, te skuqura apo per nje pamje akoma me dekorative, patate fizarmonike. Kur mishi te jete gati, e servirim te ngrohte bashke me garnituren e tij duke hedhur pak leng siper patateve dhe te zbukuruar me nje dege rozmarine.

Advertisements

Copëza mish viçi me erëza

Receta qe po ju paraqesim me poshte, eshte nje pjate e dyte me baze mishin e viçit shume e pershtatshme per stinen e vjeshte-dimer, atehere kur edhe deshira per te gatuar shtohet me shume. E veçanta e kesaj pjate jane padyshim erezat e ndryshme qe perdoren, te cilat i japin nje shije sublime.
Perberesit

  • 800gr mish viçi tul
  • 1 lulelaker e madhe (400-500gr)
  • 2 karrota
  • 3 qepe te thata
  • 5 qepe te njoma
  • 1 thelpi hudher
  • 1 dege selino
  • 1 luge fara finoku
  • 1 luge te vogel shafran i Indise pluhur (curcuma ne IT)
  • 2 luge kerri (miks erezash)
  • 50gr miell
  • 3 luge vaj ulliri
  • 100ml vere te bardhe
  • 200gr oriz (akoma me mire nese eshte i tipit Basmati)
  • kripe
  • piper

Lajme mire dhe qerojme te gjitha perimet duke i prere ne kete menyre: lulelakren e ndajme ne dege te vogla, karroten ne feta pak te trasha, qepen e njome e presim holle duke eleminuar bishtat dhe hudhren, qepet, selinone dhe farat e finokut i kalojme ne mikser se bashku, ose i presim shume holle.

Presim mishin ne kubik me madhesine e nje arre dhe e kalojme ne miellin e aromatizuar me nje luge kerri.

Vendosim hudhren, qepen, selinone dhe farat e finokut ne nje tigan me vaj ulliri dhe i leme derisa te marrin ngjyre te arte. Shtojme mishin dhe e leme te marre nje faqe nga te gjitha anet. Shtojme lulelakren, karroten dhe qepet e njoma duke i kaverdisur te gjitha bashke per disa minuta, dhe shtojme se fundi edhe shafranin e Indise, kerrin e mbetur, kripe, piper duke i perziere mire.

E shuajme te gjithe perberjen me veren e bardhe te cilen e leme te avulloje ne zjarr te larte. Shtojme nje garuzhde uje te nxehte, e mbulojme tiganin dhe vazhdojme gatimin ne zjarr te ulet duke shtuar uje here pas here nese eshte e nevojshme derisa mishi te jete zbutur (rreth 30 minuta).

Nderkohe ziejme orizin ne uje me kripe dhe e kullojme. I sherbejme copezat e mishit me perime me orizin e ziere.

Fileto derri me patëllxhan

Fileto e derrit me patellxhan, eshte nje pjate e dyte me nje shije mjaft te veçante, duke qene se ky lloj mishi dhe patellxhanet kombinohen ne menyre perfekte midis tyre.
Perberesit

  • 700-800gr fileto derri ne nje cope te vetme
  • 1 patellxhan i madh
  • 2 domate
  • 2 thelpinj hudher
  • pak sherebele (1-2 gjethe) + per zbukurim
  • 4 luge vaj ulliri
  • kripe
  • piper

Qerojme thelpinjt e hudhrave dhe i ndajme ne dy pjese nga ana gjatesore. Lajme nen uje te rrjedhshem dhe thajme mire gjethet e sherebeles dhe i ndajme edhe keto per se gjati. E çpojme fileton e derrit ne 4 pjese te ndryshme duke vendosur brenda seciles gjysmen e hudhres ose sherebeles.

Ne nje tigan, hedhim gjysmen e vajit te ullirit dhe kur ky te jete i nxehte, kaverdisim fileton e mishit  per rreth 5 minuta duke e rrotulluar shpesh. E rregullojme me kripe, piper dhe e gatuajme ne zjarr te ulet per rreth 50 minuta duke e kthyer here pas here nga ana tjeter dhe duke e laguar me pak uje te ngrohte.

U heqim lekuren domateve dhe i presim ne copa te medha, pastrojme patellxhanin dhe e presim ne kubik. Ngrohim vajin e mbetur ne nje tigan tjeter, shtojme kubiket e patellxhaneve, i kriposim e piperosim dhe i gatuajme per rreth 5 minuta ne zjarr te ulet duke i perziere here pas here. Shtojme edhe domatet dhe vazhdojme gatimin edhe per rreth 10 minuta te tjera. E hedhim salcen e perftuar ne tiganin ku po gatuajme mishin dhe e leme te gjithe perberjen ne zjarr te ulet per 20 minuta ne menyre qe te marri shije.

Perpara se ta presim mishin ne fileto te holla, e leme te pushoje per rreth 10 minuta me temperature ambjenti.

E servirim me salcen me patellxhan duke e zbukuruar me ndonje gjethe sherebele.

Fileto derri alla Strogonoff

Kjo pjate kaq e veçante dhe e shijshme, eshte nje recete tipike e kuzhines ruse e krijuar nga nje mjek, emri i te cilit ishte pikerisht Strogonoff, qe ka jetuar ne epoken e Marias se Rusise. Ai ishte mjeku i gjuetareve te balenave dhe thuhet se gjate nje gjuetie, te gjithe gjuetaret e Shen Peterburgut u helmuan per shkak te nje haringe polare (lloj peshku). Per kete arsye, Strogonoff e vendosi te gjithe ekuipazhin e tij nen nje diete shume strikte te perbere vetem nga orizi i ziere dhe mishi i lopes i marinuar ne pana dhe leng qepesh.

Perberesit

  • 600-700gr fileto derri pa kocke
  • 1 qepe mesatare
  • 1 thelpi hudher
  • 200gr salce domatesh
  • 200gr pana kuzhine
  • 2 luge te vogla mustarde Digione (ose mustarde tjeter te zakonshme)
  • 4 luge konjak
  • lengun e 1 koncentrate perimesh ose viçi
  • 40gr gjalp
  • pak vaj ulliri
  • 1 gjethe dafine
  • kripe
  • piper
  • pak miell

Presim filetot e derrit ne shirita rreth 2cm, i lyejme me pak miell dhe i skuqim nga te dyja anet ne gjalp dhe pak vaj ulliri derisa te kene marre ngjyre te arte. I heqim nga tigani duke lene aty yndyren e mbetur, i vendosim ne nje pjate, i kriposim dhe i mbulojme me kapak (ose me nje pjate tjeter) nderkohe qe pregatisim salcen.

Ne te njejtin tigan, kaverdisim qepen dhe hudhren te grira holla (ose te kaluara ne mikser) duke shtuar edhe pak leng koncentrate dhe gjethen e dafines. Pasi jane zbutur, i shuajme me konjak te cilin e leme te avulloje ne zjarr te larte. Shtojme salcen e domateve dhe e leme salcen te trashet per pak minuta.

Shtojme mustarden, panen e kuzhines, e rregullojme me kripe dhe piper dhe shtojme se fundi edhe mishin e lene menjane duke i perziere mire ne zjarr te ulet derisa salca te jete trashur. E leme te pushoje per disa minuta perpara se ta servirim.

Kjo pjate rekomandohet te shoqerohet me pilaf te bardhe.

Gjel deti i mbushur dhe i pjekur (me garniturë dhe salcë)

Gjel deti me garnitureReceta qe po ju paraqesim me poshte (ose me mire recetat), perben nje alternative shume te shijshme te Persheshit me gjel deti te pregatitur per Vitin e Ri. Kjo recete tradicionalisht gatuhet per festen e Falenderimeve ne SHBA, por ne mund ta pershtasim mjaft mire me festat e fundvitit, duke qene e vetmja periudhe ne te cilen gatuhet ky shpend kaq i shijshem!

Perberesit
…per gjelin e detit

  • 1 gjel deti rreth 7kg
  • 2 dege selino
  • 2 karrota
  • 1 qepe te ndare ne kater pjese
  • 50gr gjalp te shkrire ne mikrovale
  • gjysme limoni
  • kripe
  • piper
  • majdanoz
  • trumez
  • rozmarine

…per garnituren

  • te brendshmet e gjelit te detit
  • 350gr qepe te prera holle
  • 200gr selino te prere holle
  • 130gr arra te qeruara
  • 120gr rrush te thate
  • 10 ullinj jeshil pa berthame
  • 1 molle jeshile
  • 2 feta buke te ndenjura 1 dite (ose 2 feta buke te fresketa te thara ne furre per rreth 10 minuta)
  • 100gr gjalp
  • 1 tufe majdanoz te fresket
  • pak sherebele
  • kripe
  • piper te zi te fresket

PJEKJA E GJELIT TE DETIT

Gjeja e pare qe duhet bere perpara se te gatuhet nje gjel deti, eshte ta leme te shkrihet plotesisht dhe te arrije temperaturen e ambjentit. Per kohen e shkrirjes sipas madhesise dhe sekrete te tjera, klikoni ketu.

Gjelit i heqim qafen (te cilen mund ta perdorim per supe) dhe te brendshmet: zemren, stomakun dhe melcine, nga te cilat zemren dhe stomakun do ti perdorim ne pregatitjen e garnitures.

E lajme mire gjelin e detit brenda dhe jashte me uje te ftohte dhe te rrjedhshem dhe eleminojme cdo pupel sado e vogel qofte. E fshijme me letra kuzhine dhe ferkojme brendesine e tij me gjysmen e limonit dhe me pas me kripe.

Per ti dhene shije gjate pjekjes, fusim brenda gjelit te detit qepen e ndare ne kater pjese, nje tufe majdanoz dhe karrotat dhe selinon te prera ne copa jo shume te vogla. Ne zgavren me te madhe te gjelit, vendosim nje leter alumini si kapak, per te mos lejuar mbushjen te dale jashte dhe me pas e mbyllim me kunja dhembesh (apo e qepim me “gjilperen” e kuzhines). Ne te njejten menyre veprojme edhe me kavitetin tjeter te hapur, ate te qafes.

E lidhim gjelin me spango kuzhine, e ferkojme siperfaqen e tij me kripe te bollshme, e sperkasim me gjalpin e shkrire, e aromatizojme edhe me pak piper te zi te grire ne moment dhe e vendosim ne nje tave te madhe me gjoksin poshte. Anash taves vendosim edhe disa gjethe te fresketa trumeze dhe rozmarine.

E pjekim ne furre te parangrohur ne 200°C per rreth gjysme ore, me pas e ulim temperaturen ne 180°C per rreth dy ore dhe me pas ne 100°C per 1 ore e gjysme.

Ne momentin e fundit, nese deshirojme qe gjoksi i gjelit te marre ngjyre te arte, e kthejme nga ana tjeter dhe e pjekim per maksimumi 5 minuta ne 250°C.

E kuptojme qe mishi i gjelit eshte pjekur edhe ne brendesi ne momentin kur e presim pak lekuren e holle te kembes, dhe lengu qe del eshte i qarte (jo ngjyre roze!).

E nxjerrim nga furra dhe e leme te pushoje per 15-20 minuta ne temperature ambjenti perpara se ta presim ne copa.

PREGATITJA E GARNITURES

Pregatisim si fillim lengun e gjelit te detit duke ziere ne uje me pak kripe zemren, qafen dhe stomakun e tij per rreth 1 ore. E filtrojme dhe e leme menjane, ndersa te brendshmet i kaverdisim per rreth 5 minuta me nje luge gjalp ne zjarr te ulet.

Pjekim per pak minuta arrat ne furre ose ne tigan (pa yndyre!) derisa te kene marre ngjyre te arte (kujdes te mos digjen) dhe i presim ne copa. I leme ne temperature ambjenti nderkohe qe skuqim buken e prere ne kubik me gjysmen e gjalpit per pak minuta.

Ne nje tigan tjeter, kaverdisim me gjalpin e mbetur qepet e prera holle bashke me selinon per rreth 10 minuta ne zjarr te ulet, shtojme copezat e arrave, te bukes se skuqur, mollen e prere ne kubik te vegjel, rrushin e thate, ullinjte ne copa te vogla, majdanozin e grire holle, te brendshmet e gjelit te detit, pak rozmarin, pak sherebele dhe kripe e piper. Shtojme gjithashtu pak nga pak lengun e perftuar nga brendshmet e gjelit dhe e gatuajme te gjithe perberjen per rreth 1 ore ne zjarr te ulet, apo derisa mollet te jene zbutur.

PREGATITJA E SALCES ME LENGUN E GJELIT

Lengun qe ka leshuar gjeli i detit i pjekur ne tave, e hedhim ne nje tigan qe nuk ngjit dhe e vendosim ne zjarr te ulet.
Ne nje ene te vogel, shkrijme 1 luge niseshte ne pak uje te ftohte dhe ia shtojme lengut te gjelit pak nga pak derisa te trashet. E rregullojme salcen me kripe, piper, trumez, pak sherebel dhe e sherbejme bashke me gjelin e detit te pje

Eskallop viçi me kërpudha

Eskallopet jane feta te holla mishi, te kaluara ne miell dhe me pas te skuqura ne pak gjalp dhe vaj ulliri derisa te marrin ngjyren tipike te arte ne siperfaqe. Ne kete recete, ato shoqerohen me kerpudha te cilat i japin nje shije teper te vecante dhe sherbejne si garniture duke e kompletuar pjaten. Perberesit

  • 8 fileto te holla vici
  • 1/2kg kerpudha te tipit champignon
  • 1 gote vere te bardhe
  • 1/4l leng mish vici ose leng te pregatitur me koncentrate vici
  • 1 thelpi hudher
  • 50gr gjalp
  • 2 luge vaj ulliri
  • pak miell
  • majdanoz te grire
  • kripe
  • piper

Pregatisim fillimisht salcen per eskallopet duke i pastruar kerpudhat me ndihmen e nje pecete te lagur dhe te shtrydhur mire, dhe duke i prere ne feta te holla. Ne nje tigan, kaveridisim ne pak vaj ulliri hudhren e prere holle, shtojme fetat e kerpudhave dhe  i gatuajme ne zjarr te forte per rreth 10 minuta derisa te leshojne lengun e tyre. Pas kesaj, i shuajme me veren e bardhe dhe ne momentin qe kjo ka avulluar, shtojme pak leng mishi (apo koncentrate) dhe i gatuajme kerpudhat edhe per 10 minuta te tjera derisa ne fund te rezultojne te buta dhe te formohet nje leng pak i trashe. I rregullojme me kripe, pak piper, majdanozin e gire dhe i leme ne nje ane.

Pregatisim filetot e vicit duke i rrahur me ndihmen e nje rrahese mishi derisa te arrijne trashesine prej 1cm (duhet te jene shume te holla), i lyejme me pak miell dhe i skuqim nga te dyja anet ne tiganin ne te cilin kemi shkrire gjalpin dhe pak vaj ulliri. I heqim nga tigani dhe ia shtojme salces me kerpudha duke i perziere mire.

I sherbejme menjehere sperkatur me pak majdanoz te grire ne siperfaqe

Eskallop viçi me limon

Eskallopi me limon, eshte nje pjate e dyte e thjeshte ne pregatitje dhe e perkryer per stinen e veres, per shkak te freskise qe i jep limoni. Megjithese kerkon pak kohe per tu realizuar, duhet patur kujdes qe mishi te jete i nje cilesie shume te mire dhe me pak yndyre; ne kete menyre gjate gatimit ajo do te shkrije dhe do ti jape pjates nje shije sublime.
Perberesit

  • 8 feta mish vici (ose 4 nese jane te medha)
  • 300ml leng mishi (ose perimesh)
  • 1 luge niseshte, miell patatesh
  • 1 limon
  • miell per lyerje
  • vaj ulliri
  • pak majdanoz te grire
  • kripe
  • piper te bardhe

Per pregatitjen e kesaj recete, fillimisht rrahim lehtesisht fetat e mishit te vicit, i lyejme me miell dhe i skuqim ne vaj ulliri per pak minuta nga te dyja anet derisa te kene marre ngjyre te arte. I heqim nga tigani dhe i vendosim ne nje ene me kapak ne te cilen mund ti mbajme te ngrohta.

Nderkohe, shkrijme ne lengun ne temperature ambjenti te mishit ose te perimeve niseshten dhe e hedhim ne tiganin ku skuqem mishin. E cojme ne zierje ne zjarr mesatar dhe shtojme lengun e limonit dhe lekuren e tij te grire holle duke pritur qe salca te trashet. E rregullojme me kripe, piper dhe majdanoz te grire dhe shtojme se fundi edhe fetat e mishit duke i lene keshtu te gatuhet per rreth 5 minuta ne menyre qe te marrin shijen e limonit. I servirim ne pjate shoqeruar me feta limoni te holla.

*Keshille: Ne vend te fetave te mishit te vicit, mund te perdorim edhe filetot e pules te cilat kane nje shije me delikate.

Supë Borsh ruse

Supa Borsh, eshte nje pjate tradicionale e kuzhines ruse (faktikisht e te gjitha vendeve ish-Sovjetike) e cila dallohet per ngjyren e kuqe qe merr fale panxharit te kuq, domates dhe salces se domateve. Pregatitja e saj eshte pak e zgjatur ne kohe, por ja vlen te gatuhet nese deshironi nje pjate te vecante apo po organizoni nje darke tradicionale te ketyre vendeve.

Perberesit

  • 500gr mish vici, pule apo derri
  • 2 patate mesatare
  • 1 panxhar i kuq mesatar
  • 2 karrota te vogla
  • 250gr laker savoi (laker jeshile me gjethe pak te rrudhosura)
  • 2 qepe mesatare
  • 3 domate mesatare
  • 2 luge salce domatesh
  • 2 gjethe dafine
  • 2 thelpinj hudher
  • kripe
  • majdanoz
  • koper
  • vaj ulliri
  • pak pana per kuzhine

Si fillim, i lajme te gjitha perimet dhe i presim ne copeza te vogla.

Ne nje tigan te thelle, kaverdisim ne vaj ulliri per rreth 10 minuta qepet e grira derisa te behen transparente, shtojme karrotat dhe panxharin e kuq te cilet i kaverdisim edhe per 10 minuta te tjera duke i perziere vazhdimisht ne zjarr mesatar. Shtojme domatet, salcen e domateve dhe i leme akoma dhe per 5 minuta te kaverdisen.

Ne nje tenxhere, ziejme mishin e prere ne thela ne afersisht 3 liter uje me kripe dhe me 2 gjethet e dafines per rreth 40 minuta, ose e ziejme ne presion per 20 minuta ne menyre qe te kursejme kohe.

Ziejme ne nje ene tjeter patatet per rreth 5 minuta dhe lakren savoi per rreth 10 minuta.

Kur mishi te jete gati, shtojme te gjitha perimet e mesiperme dhe i ziejme akoma dhe per 10 minuta derisa te marrin shijen e njera tjetres. Ne fund, shtojme edhe thelpinjt e hudhres te prera ne copeza te vogla, kopren, majdanozin dhe e leme supen te pushoje ne zjarr te fikur per rreth 10 minuta.

Ne momentin e servirjes ne tavoline, e sperkasim me pak pana kuzhine ne siperfaqe.

Fasule pllaqi me mish qengji

Fasulet pllaqi me mish qengji, jane nje recete tipike Korcare te cilat dallohen per shijen e tyre mjaft te vecante.
Perberesit

  • 500gr mish qengji (apo brinje)
  • 200gr fasule pllaqi (te medhaja)
  • 1 qepe te madhe
  • 3 luge salce domatesh
  • majdanoz
  • kripe
  • piper
  • vaj ulliri

Ziejme fasulet ne uje te kripur ne tenxhere me presion per gjysmen e kohes qe duhen ziere zakonisht (rreth 20 minuta). Nese perdorni tenxhere normale, atehere duhet te dyfishojme kohen e gatimit (40 minuta).

Nderkohe ne nje tigan kaverdisim ne vaj ulliri qepen e prere ne feta, mishin e qengjit dhe ne fund shtojme salcen e domateve duke e perziere mire te gjithe perberjen. Shtojme majdanozin e grire holle, pak uje, e rregullojme me kripe dhe piper dhe e leme te zieje ne kete menyre per rreth 20-25 minuta ne zjarr mesatar.

Kur fasulet dhe mishi te jene gati, i transferojme ne tave ne te cilen shtojme edhe pak uje, duke i pjekur ne furre te parangrohur ne 180°C per rreth 30-35 minuta derisa masa te rezultoje me pak leng