Oriz

Oriz basmati me perime

  • Racione: 4 persona
  • Vështirësi: e thjeshtë
  • Shtype
Oriz basmati me perime2Per kete recete, jam frymezuar nga kuzhina orientale e cila e perdor shume orizin basmati. Ky lloj orizi ka nje kokerr te gjate dhe me arome shume te kendshme te cilen e ndjen sapo e gatuan. Kete here e kam pregatitur me perime te stines (qe dmth ato qe me ndodheshin ne frigorifer), por ndjehuni te lire te çlironi imagjinaten tuaj duke shtuar apo hequr perberesit qe deshironi. Per nje vakt te kompletuar, provoni te shtoni edhe disa copeza fileto pule apo viçi.

Oriz basmati me perime3

Perberesit

  • 300gr oriz basmati, te cilin e kemi lene gjithe naten ne uje te ftohte
  • 1 qepe mesatare, te grire holle
  • 3 karrota, te prera ne feta
  • 200gr bizele te ngrira (afersisht dy duar)
  • 200gr miser te ngrire (afersisht dy duar)
  • 6 kerpudha te fresketa, te prera ne feta
  • vaj ulliri ekstra te virgjer
  • 1 maje luge kerri pluhur
  • 1 maje luge kumin pluhur
  • pak majdanoz te fresket, te prere holle
  • kripe

Oriz basmati me perime 1

Kaverdisim ne vaj ulliri ekstra te virgjer te gjitha perimet: qepen, karrotat, bizelet, misrin dhe kerpudhat per rreth 5 minuta derisa te marrin shije (1). Shtojme orizin basmati te kulluar nga uji dhe vazhdojme perzierjen edhe per disa çaste (2). Shtojme erezat pluhur, kerrin dhe kuminin, pak kripe dhe i perziejme mire (3).

Oriz basmati me perime 2

E mbulojme masen me uje (4) dhe e leme te zieje me kapak hapur per rreth 10 minuta (5). Fikim zjarrin, i vendosim kapakun (6) dhe e leme te pushoje edhe per 10 apo 15 minuta te tjera: ne kete menyre orizi do zbutet akoma me shume nga avulli i tij dhe do shkriftohet. E sherbejme te sperkatur me pak majdanoz te fresket te grire ne siperfaqe.

 

Advertisements

Sultjash

  • Racione: 8 persona (8 kupa)
  • Vështirësi: e thjeshtë
  • Shtype
Sa here im shoq me kerkon ti pregatis sultjash (nje nga embelsirat e tij me luge te preferuara) menjehere ne mendjen time deshifrohet si pilaf me qumesht dhe sheqer (blaaaah!) Mbase kjo lidhet me faktin qe edhe ne kopesht e urreja si embelsire dhe me benin ta haja me zor. Kjo derisa nje dite lexova receten e mikeshes sime Ballakumes… Ta provojme njehere, thashe me vete! Ballakumja siper i ka shtuar reçel luleshtrydhe, nderkohe une e shoqerova me reçel manaferre te cilin ime me e pregatit me shumice ne muajin gusht. Dhe rezultati ishte uaaauuuu! Prandaj kjo recete eshte per te gjithe ju qe ashtu si une NUK e pelqeni sultjashin!

Perberesit

  • 200gr oriz
  • 8 luge gjelle sheqer kaf
  • 1.5l qumesht
  • 1 pako te vogel vanilje
  • lekuren e 1/2 limoni
  • reçel per shoqerim (luleshtrydhe, manaferre etj)

Ziejme orizin ne rreth 1.5liter uje pa kripe per 20 minuta derisa te zbutet plotesisht dhe ta kete thithur  komplet ujin. Shtojme qumeshtin, lekuren e limonit, sheqerin, ulim zjarrin ne minimum dhe e leme edhe per 20 minuta te tjera duke e perziere vazhdimisht ne menyre qe mos te na ngjitet ne fund te tenxheres. Ne fund shtojme edhe vaniljen pluhur.

E shperndajme sultjashin neper kupa (tasa) dhe e leme te ftohet plotesisht. Perpara se ta servirim, i hedhim siper nje apo dy luge nga reçeli yne i preferuar.

Foto dhe receta te Ballakumes (me disa modifikime te vogla): http://ballakumeelbasani.blogspot.al

Pulë me oriz në furrë me domate dhe borzilok

  • Racione: 4 persona
  • Vështirësi: e thjeshtë
  • Shtype

pule-me-oriz

Per dreken e se dieles apo per raste te veçanta, une preferoj recetat “one pot”, pra qe i vendos te gjithe perberesit ne nje tave (ose tenxhere), vendos alarmin e furres per 45 minuta, dhe vetem kur alarmi bie kujtohesh qe ke diçka ne furre.

Perberesit

  • 4 trashekofsha pule
  • 1 spec i kuq, i prere ne kubik te vegjel
  • 1 qepe, e prere holle
  • 2 thelpinje hudhra, te grira holle
  • 8 domate te thara, te prera ne shirita
  • 1 filxhan çaji oriz kokerrgjate
  • 1 kanaçe salce domatesh ne copa (400gr)
  • 1 e 1/2 filxhan çaji leng pule (ose leng i pregatitur me koncentrate pule)
  • kripe
  • piper te zi te sapobluar
  • 1 luge çaji borzilok te thate
  • 1 dore borzilok te fresket, te prere holle 

Ne nje tigan te madh, skuqim me vaj ulliri ne zjarr te larte trashkofshat e pules nga te gjitha anet derisa te marrin ngjyre te arte. I vendosim ne nje pjate dhe i leme menjane.

Ne te njejtin tigan, ulim zjarrin kaverdisim hudhren, qepen, specin e kuq derisa te zbuten. Shtojme domatet e thara, orizin, salcen e domateve dhe lengun e pules. E rregullojme me kripe, piper dhe borzilokun e thate dhe e ziejme per rreth 5 minuta.
Hedhim ne nje tave harxhen me oriz dhe domate, vendosim siper trashekofshat e pules, e mbulojme taven me leter alumini dhe e pjekim ne furre te parangrohur ne 200°C per rreth 40 minuta, apo derisa orizi ta kete thithur te gjithe lengun dhe te jete zbutur. Nese orizi e ka thithur lengun, por nuk eshte zbutur, shtojme edhe pak uje.
Heqim letren e aluminit dhe e vendosim ne pjesen e siperme te furres per 10 minuta te tjera.
E sperkasim me borzilok te fresket dhe e sherbejme.
Foto dhe receta marre nga: https://cafedelites.com (pershtatur nga autorja)

Si të gatuajmë orizin Basmati në mënyrë perfekte

  • Racione: 4 persona
  • Vështirësi: e thjeshtë
  • Shtype
oriz-basmati

Basmati eshte nje lloj orizi I bardhe qe rritet ne Indi dhe Pakistan, me kokrra te stergjatura, delikat ne shije dhe me arome te kendshme . Emri I tij ne gjuhen Hinduishte perkthehet pikerisht “mbreteresha e shijes”. Versioni me I shtrenjte I ketij orizi eshte “Dehra Dun”, I cili kultivohet ne rreze te malit te Himalajes.

Orizi qe gjejme me se shumti ne tregun tone, e ka kokrren me te plote dhe per kete arsye kerkon nje kohe gatimi me te zgjatur.
Orizi basmati perdoret per te shoqeruar pjatat e dyta si per shembull pulen me salce kerri, filetot e pules ne zgare, mishin e vicit me pak leng, apo edhe thjesht i bardhe me pak gjalp e djath te grire.

Por, si ta gatuajme kete oriz ne menyren me te mire, qe te mos behet si qull dhe kokrrat te mos ngjiten me njera tjetrin?

  1. Kontrollojme orizin nga papastertite (mund te kete ndonje guricke te vogel, insekt, gjethe etj) dhe e masim duke e hedhur ne nje gote. Zakonisht nje gote uji oriz eshte I mjaftueshem per 4 persona, nese e perdorim si garniture, apo per 2 persona, nese e perdorim si pjate kryesore.
  2. E hedhim ne nje ene te madhe dhe e lajme nen uje te ftohte te rrjedhshem disa here derisa uji te rezultoje pothuajse transparent. Kjo ndihmon qe te eleminohet sa me shume niseshteja qe ndodhet ne siperfaqen e kokrrave.
  3. E leme te zbutet te mbuluar me uje te ftohte per te pakten 20 minuta (por edhe me shume). Ky hap eshte mjaft I rendesishem, pasi ben qe kokrrat e orizit te thithin uje dhe te mos copetohet e ngjiten gjate zierjes. Gjithashtu zvogelojne ndjeshem edhe kohen e gatimit.
  4. E vendosim orizin ne nje kulluese deri ne momentin qe do ta gatuajme (per te pakten 10 minuta).

GATIMI

Ne nje tenxhere hedhim 1 gote e gjysme uje, per 1 gote oriz, shtojme kripen dhe sapo uji te filloje te zieje shtojme orizin duke e perziere vetem nje here. Sapo orizi te marre vale, ulim zjarrin dhe vazhdojme gatimin derisa uji te shterroj plotesisht dhe te jene formuar ato vrimat tipike.

E heqim nga zjarri, shtojme copezat e gjalpit (ose vajin e ullirit), dhe pa e perziere I vendosim kapakun duke e lene keshtu te “gatuhet” me avullin e tij edhe per te pakten 10 minuta (apo derisa ta sherbejme).

Ne momentin e servirjes, I ndajme kokrrat nga njera tjetra me ndihmen e nje piruni dhe e vendosim ne pjate.

Sasia e ujit varet nga lloji I orizit : raporti mund te jete 1:1, 1:1.5 apo 1:2. Kete mund ta kuptoni vetem me kalimin e kohes!

Foto nga: https://dreamvacationsindia.wordpress.com

Pilaf me krem djathi dhe speca të pjekur

  • Racione: 4 persona
  • Vështirësi: e thjeshtë
  • Shtype

Pilaf me krem djathi dhe speca te kuq
Recete e Ballakumes. Perfekte per te filluar me shije darken e Krishtlindjes!

Perberesit

  • 1 gote oriz per pilaf
  • 100gr djath i bute kaçkavall
  • 100ml pana kuzhine
  • gjalp
  • trumez
  • kripe
  • piper
  • speca te kuq te pjekur

Pregatisim pilafin sipas recetes tradicionale 2 me 1, pra per 2 gota leng pule/gjeli/perimesh, hedhim 1 gote oriz. Pasi orizi eshte ziere, e aromatizojme me gjalp dhe e leme menjane.

Specat e kuq i presim ne shirita te holle, i kriposim, i japim shije me pak trumez dhe i pjekim ne furre te parangrohur ne 180C derisa te zbuten (rreth 30 minuta).
Vendosim nje tenxhere ne zjarr te ulet dhe hedhim ne te panen dhe djathin e prere ne kubik te vegjel. I perziejme derisa djathi te shkrihet plotesisht, e rregullojme me kripe e piper dhe e leme menjane.
Pregatisim pjaten: vendosim ne fundin e pjates pak krem djathi dhe siper tij pilafin te cilit i kemi dhene forme sipas deshires. (nese nuk ju ndodhet forma e yllit, mund te mbushni thjesht nje filxhan çaji me pilaf, ta ngjeshni fort dhe ta permbysni). E zbukurojme me specat e pjekur dhe pak majdanoz sipas deshires.

Rizoto me shampanjë dhe skampi

Rizoto me shampanje dhe skampiRizoto me shampanje dhe skampi eshte nje pjate e pare teper e rafinuar e cila rekomandohet te pregatitet vetem ne okazione te veçanta si per shembull Festat e fundvitit apo Shen Valentini. Per te reduktuar koston e kesaj pjate, mund te perdorni ne vend te shampanjes vere te gazuar (spumante) dhe ne vend te skampit, karkaleca te medhenj.

Perberesit

  • 320gr oriz per rizoto (te tipit Carnaroli ose Arborio)
  • 12 skampi ose karkaleca te medhenj
  • 1 presh i vogel (pjesen e bardhe te tij)
  • 100gr gjalp
  • 500ml shampanje ose vere te gazuar (spumante) jo te embel (Brut) ne temperature ambjenti
  • 1 tufe majdanoz
  • 1 thelpi hudher
  • vaj ulliri
  • kripe
  • piper te zi te sapobluar
  • rreth 250ml leng peshku ose leng te pregatitur me gjysme koncentrate peshku dhe 250ml uje

Pastrojme fillimisht skampit duke i hequr koken dhe fijen e zeze te zorreve. I bejme dy çarje anesore trupit dhe nxjerrim me kujdes tulin e skampit duke e prere ne copa. I kaverdisim ne nje tigan me pak vaj ulliri dhe nje thelpi hudher te shtypur per rreth 2 minuta, apo derisa te ndryshojne ngjyre. I japim shije me pak piper te zi te sapobluar dhe i vendosim menjane ne nje ene te mbyllur me kapak ne menyre qe te jene te ngrohta.

Pregatisim rizoton me shampanje duke shkrire ne nje tigan gjysmen e gjalpit, shtojme preshin e prere shume holle dhe e leme derisa te zbutet. Shtojme orizin dhe e perziejme derisa ta kete thithur te gjithe yndyren. Shtojme pak nga pak edhe shampanjen derisa te perfundojne 500ml. Nese orizi nuk eshte ziere akoma plotesisht, vazhdojme gatimin me lengun e peshkut (per zierjen e orizit nevojiten 18-20 minuta)

Pasi rizoto te jete gati, fikim zjarrin, shtojme tulin e skampit, gjysmen e mbetur te gjalpit, majdanozin dhe i perziejme mire.

E sherbejme rizoton duke e sperkatur me pak piper te zi ose majdanoz te grire holle. Mund ta dekorojme ne siperfaqe me nje skampi te plote te kaverdisur ne pak gjalp.

Foto nga: https://lafemmemange.wordpress.com

Rizoto me presh

Rizoto me preshReceta e meposhtme eshte teper e thjeshte ne pregatitje dhe pa shume shpenzime, sidomos ne kete periudhe kur cmimi i preshit eshte vertete i ulet. Per me teper ka nje shije teper delikate dhe mund te shijohet si e ngrohte, ashtu dhe ne temperature ambjenti. Faleminderit Florida Martini per idene!
Perberesit

  • 350gr oriz per rizoto (i tipit Carnaroli ose Arborio)
  • 4 presh (vetem pjesen e bardhe te tyre)
  • 2 luge djath kaçkavall te grire (mundesisht dele)
  • 2 luge gjalp
  • 1/2 gote vere te bardhe ne temperature ambjenti
  • leng perimesh ose 1 koncentrate perimesh
  • piper te zi

Vendosim fillimisht ne zjarr te ulet lengun e perimeve ose 1/2 liter uje me nje koncentrate perimesh te cilen e mbajme gjithmone duke vluar.

Kaverdisim ne nje tigan te thelle me 1 luge gjalp preshin e prere ne rrathe te holle derisa te zbutet. Shtojme orizin dhe e perziejme derisa ky i fundit ta kete thithur komplet yndyren. E shuajme perberjen me vere te bardhe te cilen e leme te avulloje ne zjarr te larte dhe shtojme 1 garuzhde leng perimesh te nxehte duke patur kujdes te mos shtojme garuzhden e dyte nese e para nuk eshte thithur plotesisht nga perberja.

Kur orizi te jete gatuar plotesisht (nevojiten rreth 18 minuta), fikim zjarrin, shtojme nje luge tjeter gjalp ne menyre qe rizoto te behet sa me kremoz, gjysmen e djathit kaçkavall te grire, e perziejme mire dhe e leme te pushoje per rreth 10 minuta me kapak mbyllur.

E servirim te sperkatur me pak djath kackavall te grire dhe piper te zi.

*Keshille: Nese doni ti jepni me shume shije rizotos suaj, hidhini siper disa kubik pançete te skuqur me shume pak vaj.-:

Copëza mish viçi me erëza

Receta qe po ju paraqesim me poshte, eshte nje pjate e dyte me baze mishin e viçit shume e pershtatshme per stinen e vjeshte-dimer, atehere kur edhe deshira per te gatuar shtohet me shume. E veçanta e kesaj pjate jane padyshim erezat e ndryshme qe perdoren, te cilat i japin nje shije sublime.
Perberesit

  • 800gr mish viçi tul
  • 1 lulelaker e madhe (400-500gr)
  • 2 karrota
  • 3 qepe te thata
  • 5 qepe te njoma
  • 1 thelpi hudher
  • 1 dege selino
  • 1 luge fara finoku
  • 1 luge te vogel shafran i Indise pluhur (curcuma ne IT)
  • 2 luge kerri (miks erezash)
  • 50gr miell
  • 3 luge vaj ulliri
  • 100ml vere te bardhe
  • 200gr oriz (akoma me mire nese eshte i tipit Basmati)
  • kripe
  • piper

Lajme mire dhe qerojme te gjitha perimet duke i prere ne kete menyre: lulelakren e ndajme ne dege te vogla, karroten ne feta pak te trasha, qepen e njome e presim holle duke eleminuar bishtat dhe hudhren, qepet, selinone dhe farat e finokut i kalojme ne mikser se bashku, ose i presim shume holle.

Presim mishin ne kubik me madhesine e nje arre dhe e kalojme ne miellin e aromatizuar me nje luge kerri.

Vendosim hudhren, qepen, selinone dhe farat e finokut ne nje tigan me vaj ulliri dhe i leme derisa te marrin ngjyre te arte. Shtojme mishin dhe e leme te marre nje faqe nga te gjitha anet. Shtojme lulelakren, karroten dhe qepet e njoma duke i kaverdisur te gjitha bashke per disa minuta, dhe shtojme se fundi edhe shafranin e Indise, kerrin e mbetur, kripe, piper duke i perziere mire.

E shuajme te gjithe perberjen me veren e bardhe te cilen e leme te avulloje ne zjarr te larte. Shtojme nje garuzhde uje te nxehte, e mbulojme tiganin dhe vazhdojme gatimin ne zjarr te ulet duke shtuar uje here pas here nese eshte e nevojshme derisa mishi te jete zbutur (rreth 30 minuta).

Nderkohe ziejme orizin ne uje me kripe dhe e kullojme. I sherbejme copezat e mishit me perime me orizin e ziere.

Paella Valenciane

Origjina e Paellas, daton qe nga popujt e lashte te fshatrave te Valencias ne Spanje. Kur vinte ora e drekes, fshataret sillnin cdo gje qe kishin ne shtepi: oriz, mish, perime te ndryshme, dhe kur gjenin edhe fruta deti dhe pregatisnin kete pjate te shijshme. Emri i saj vjen pikerist nga ena ne te cilen gatuhet “Patella” e cila duhet te jete patjeter e perbere nga material hekuri!
Perberesit

  • 700gr oriz per rizoto
  • 1 pule rreth 1.2kg
  • 1l leng pule
  • 250gr mish derri pa dhjam
  • 500gr midhje te pastruara
  • 6-8 karkaleca te medhenj
  • 300gr bizele
  • 4-5 domate te pjekura
  • 2 speca
  • 1 qepe
  • 4-5 thelpinje hudhra
  • 1 gjethe dafine
  • 1 pako te vogel shafran
  • 1 limon
  • pak spec djeges pluhur
  • kripe
  • piper
  • vaj ulliri

Pjekim fillimisht specat ne furre ne temperature shume te larte rreth 250°C derisa lekura te marre ngjyre te erret, i vendosim ashtu te nxehta siç jane ne nje qese te cilen e mbyllim mire. Ne kete menyre, avulli qe ato do te leshojne do te bej qe lekura e specave te hiqet fare lehtesisht. I qerojme, eleminojme fijet e brendshme dhe farat dhe i presim ne shirita te holle. (per te evituar kete proçedure, mund ti blejme specat e pjekur te gatshem).

Qerojme domatet, i heqim farat e brendshme dhe i presim ne copa te vogla. Qerojme edhe qepen e hudhrat dhe i grijme shume holle.

Pulen e pastruar e ndajme ne copa (rreth 12) dhe e kaverdisim ne nje tigan te madh (akoma me mire ne tiganin enkas per Paella) me 7 luge vaj ulliri dhe pak kripe e piper derisa te kete marre ngjyre te arte. E heqim nga tigani dhe e vendosim ne nje ene te mbuluar per ta mbajtur te ngrohte.

Ne vajin e mbetur ne tigan, kaverdisim mishin e derrit te prere ne kubik te vegjel se bashku me midhjet dhe karkalecat e plote te lare, por jo te thare. Kur keta te fundit te kene marre nje ngjyre roze, i heqim te gjithe perberesit, eleminojme midhjet qe nuk jane hapur dhe i leme edhe keta perberes ne nje vend te ngrohte.

Kaverdisim hudhren dhe qepen ne yndyren e mbetur, shtojme domatet dhe bizelet dhe i leme te marrin shije ne zjarr te ulet per rreth 5 minuta. Shtojme nje gjethe dafine, shafranin e shkrire ne pak uje, pak spec te kuq djegs, kripe, piper dhe i perziejme mire duke i lene edhe per disa minuta te tjera ne zjarr. Shtojme orizin, e kaverdisim per pak sekonda derisa te kete thithur te gjithe lengun dhe shtojme lengun e pules te ngrohte. Kur te kete arritur piken e vlimit, ulim zjarrin dhe e gatuajme ne kete menyre per rreth 20 minuta apo derisa orizi te jete zbutur plotesisht. Shtojme specat, copat e pules, mishin e derrit, karkalecat, midhjet dhe i perziejme mire. E mbulojme tiganin me leter alumini dhe e fusim ne furre te parangrohur ne 180°C per rreth 15 minuta. E sherbejme me feta limoni.

1 2 4