Perime

Tavë me bamje

  • Racione: 4 persona
  • Vështirësi: e thjeshtë
  • Shtype

Tave me bamje

Bamjet jane nje nga ato perimet qe ose i pelqen ose nuk i pelqen, nuk ka vije te mesme me to! Por kjo nuk ja heq as shijen dhe as vlerat ushqyese: hekur, kalcium, magnez, fosfor dhe zink, duke u bere keshtu nje superushqim per te gjithe familjen. Gatuhen ne pothuajse te gjithe boten, qe nga ishujt Karaibe deri ne Kine dhe format e gatimit jane nga me te ndryshmet: supe, gjelle, tave, te skuqura, madje edhe turshi.
Sot po ju sjell receten me te dashur per mua gjate veres: taven me bamje. Mund te konsiderohet fare mire nje pjate tradicionale shqiptare me nje shije fantastike!

Perberesit

  • 1kg bamje, te pastruara
  • 1/2 kg mish tul, te prere ne thela
  • 1 qepe te madhe, te prere trashe
  • 2 karrota, te prera ne kubik te vegjel
  • 3 domate, ne copa te vogla ose te grira ne mikser + 1 domate ne feta
  • 1 tufe majdanoz, te grire holle
  • vaj ulliri ekstra te virgjer
  • kripe
  • 2 luge uthull

Tave me bamje2

Pastrojme bamjet duke i prere bishtin ne forme konike, ne kete menyre gjate gatimit ato nuk do te shperbehen. I vendosim ne nje ene dhe i mbulojme me uje te ftohte, i sperkasim me dy luge uthull, pak kripe dhe i leme keshtu per gjysme ore. Uthulla dhe kripa do ti zbuse pushin qe kane ne siperfaqe.

Kaverdisim ne vaj ulliri qepen derisa te rezultoje transparente. Shtojme domatet, karrotat, majdanozin dhe vazhdojme kaverdisjen ne zjarr te ngadalte derisa perimet te zbuten me lengun e tyre. Shtojme thelat e mishit te cilave i japim nje faqe shume te lehte nga te dyja anet, shtojme nje gote uje dhe i ziejme te gjitha bashke per rreth 30 minuta ne tenxhere me presion.

Nderkohe bamjet i shplajme dhe i thajme me letra kuzhine, i sperkasim me pak vaj ulliri dhe i pjekim ne furre te parangrohur ne 180°C per 10-15 minuta. Hedhim siper tyre harxhen me mishin tashme te ziere dhe ne fund vendosim edhe disa feta domatesh per shije. E mbulojme taven me leter alumini  dhe e pjekim ne 180°C per rreth 30 minuta. Heqim letren e aluminit dhe i leme derisa te marrin ngjyre ne siperfaqe. I sherbejme te ngrohta.

Advertisements

Kinoa me lule kungulli

  • Racione: 6 persona
  • Vështirësi: e thjeshtë
  • Shtype

Kinoa me lule kungulli

Kinoa me lule kungulli eshte nje recete 100% e shendetshme, vegane dhe pa permbajtje gluteni. Lulet e kungullit jane nje perberes i shkelqyer te cilat perveç vlerave te tyre ushqimore, e bejne çdo pjate me te sofistikuar duke i dhene nje shije te veçante.

Perberesit

  • 150gr kinoa
  • 300ml uje
  • 2 kunguj mesatar, te prere ne kubik
  • 2 karrota mesatare, te prera ne kubik
  • 10-15 lule kungulli, te pastruara nga pistili dhe te prera ne menyre gjatesore
  • 1 dege trumez te fresket
  • lekuren e grire te 1 limoni
  • vaj ulliri ekstra te virgjer
  • kripe
  • piper te zi te sapobluar

Kinoa me lule kungulli1

Lajme shume mire kinoan nen uje te ftohte te rrjedhshem derisa uji te rezultoje plotesisht transparent. Kjo proçedure eshte e domosdoshme per te eleminuar shijen e hidhur qe kane farat e kinoas ne siperfaqe. E vendosim te zieje ne zjarr mesatar me kapak mbyllur duke i shtuar nje maje luge kripe dhe 1 luge gjelle vaj ulliri derisa kinoa ta kete thithur plotesisht ujin. E heqim nga zjarri dhe e leme me kapak mbyllur per te pakten 15 minuta. Pas kesaj, e transferojme ne nje tas dhe e leme te ftohet.

Kaverdisim ne vaj ulliri karrotat duke shtuar nje filxhan kafe uje. Shtojme kungullin dhe vazhdojme kaverdisjen edhe per pak minuta. Perimet duhet te rezultojne krokante, jo plotesisht te buta. Shtojme ne fund edhe lulet e kungullit te prera ne menyre gjatesore, i kriposim, piperosim dhe i leme edhe per maksimumi 1 minute tjeter me kapak mbyllur. I shtojme perimet tek tasi me kinoa, e rregullojme me pak vaj ulliri, lekuren e limonit te grire, trumezen e fresket dhe i perziejme mire. E sherbejme ne temperature ambjenti ose te ftohte.

Tavë me patëllxhanë dhe bamje

  • Racione: 4 persona
  • Vështirësi: mesatare
  • Shtype

Tave me bamje dhe patellxhan

Bamjet dhe patellxhanet, jane nje nga kombinimet me te shijshme dhe me te dashura te stines se veres. Plot me vlera ushqyese, sot po ja u sjellim te gatuara ne tave. Idealja do te ishte te gatuheshin ne tave balte, e cila i jep nje shije te jashtezakonshme.

Perberesit

  • 500gr bamje, te pastruara
  • 500gr patellxhan, te prere ne feta gjatesore
  • 1 qepe te madhe, te grire trashe
  • 4 domate mesatare, te grira ne mikser
  • mish viçi i ziere paraprakisht (mund edhe ta pergatisni taven pa mish)
  • 100gr djathe te bardhe, te therrmuar
  • disa feta domate
  • kripe
  • piper te zi te sapobluar
  • rigon te thate
  • majdanoz te fresket, te grire holle
  • vaj ulliri ekstra te virgjer
  • 4 luge gjelle uthull

Tave me bamje dhe patellxhan

Bamjet e pastruara i vendosim ne nje ene me uje te ftohte ku shtojme 2 luge gjelle uthull dhe i leme per 10-15 minuta. Te njejten gje bejme edhe me patellxhanet e prere ne feta per se gjati.

Pasi ka kaluar kjo kohe, i shplajme bamjet nen uje te ftohte te rrjedhshem, i thajme mire dhe i kaverdisim lehtesisht me dy luge gjelle vaj ulliri ne zjarr mesatar duke i perziere shpesh. I heqim dhe i leme menjane.

Shplajme patellxhanet nen uje te ftohte te rrjedhshem, i thajme mire dhe i pjekim ne zgare te lyer me pak vaj ulliri derisa te marrin ngjyre nga te dyja anet. Si alternative mund edhe ti pjekim ne furre ose ti skuqim. I heqim dhe i leme menjane.

Kaverdisim qepen ne vaj ulliri derisa te zbutet duke shtuar pak uje nese eshte e nevojshme. Shtojme domatet e reduktuara ne purè, e rregullojme salcen me kripe, piper te zi te sapobluar, majdanoz te fresket dhe e leme derisa te trashet pak. Ne fund, shtojme edhe mishin e ziere.

Shtrojme ne tave gjysmen e harxhes, hedhim bamje, shtojme gjysmen e mbetur te salces dhe siper vendosim fetat e patellxhaneve te pjekur. I sperkasim me kripe, pak rigon, copeza djathi te bardhe dhe pak vaj ulliri. Sipas deshires mund te vendosim edhe disa feta te holla domate per ti dhene me shume shije. E pjekim ne furre te parangrohur ne 200°C per rreth 30 minuta.

Oriz basmati me perime

  • Racione: 4 persona
  • Vështirësi: e thjeshtë
  • Shtype
Oriz basmati me perime2Per kete recete, jam frymezuar nga kuzhina orientale e cila e perdor shume orizin basmati. Ky lloj orizi ka nje kokerr te gjate dhe me arome shume te kendshme te cilen e ndjen sapo e gatuan. Kete here e kam pregatitur me perime te stines (qe dmth ato qe me ndodheshin ne frigorifer), por ndjehuni te lire te çlironi imagjinaten tuaj duke shtuar apo hequr perberesit qe deshironi. Per nje vakt te kompletuar, provoni te shtoni edhe disa copeza fileto pule apo viçi.

Oriz basmati me perime3

Perberesit

  • 300gr oriz basmati, te cilin e kemi lene gjithe naten ne uje te ftohte
  • 1 qepe mesatare, te grire holle
  • 3 karrota, te prera ne feta
  • 200gr bizele te ngrira (afersisht dy duar)
  • 200gr miser te ngrire (afersisht dy duar)
  • 6 kerpudha te fresketa, te prera ne feta
  • vaj ulliri ekstra te virgjer
  • 1 maje luge kerri pluhur
  • 1 maje luge kumin pluhur
  • pak majdanoz te fresket, te prere holle
  • kripe

Oriz basmati me perime 1

Kaverdisim ne vaj ulliri ekstra te virgjer te gjitha perimet: qepen, karrotat, bizelet, misrin dhe kerpudhat per rreth 5 minuta derisa te marrin shije (1). Shtojme orizin basmati te kulluar nga uji dhe vazhdojme perzierjen edhe per disa çaste (2). Shtojme erezat pluhur, kerrin dhe kuminin, pak kripe dhe i perziejme mire (3).

Oriz basmati me perime 2

E mbulojme masen me uje (4) dhe e leme te zieje me kapak hapur per rreth 10 minuta (5). Fikim zjarrin, i vendosim kapakun (6) dhe e leme te pushoje edhe per 10 apo 15 minuta te tjera: ne kete menyre orizi do zbutet akoma me shume nga avulli i tij dhe do shkriftohet. E sherbejme te sperkatur me pak majdanoz te fresket te grire ne siperfaqe.

 

Shakshuka (shakshouka)

  • Racione: 4 persona
  • Vështirësi: e thjeshtë
  • Shtype
shakshouka

Shakshuka, eshte nje gatim tipik i Lindjes se Mesme dhe Afrikes se Veriut, e perbere nga nje salce pikante me baze qepe, speca, domate dhe veze, e aromatizuar e gjitha me ereza tipike te ketyre vendeve siç eshte kumini. Zakonisht sherbehet ne mengjes e shoqeruar me buke dhe kos (per te neutralizuar paksa shijen e specit djeges), por ne vende si Izraeli sherbehet edhe ne darke.
Per te realizuar kete recete na nevojitet nje tigan i madh me kapak. Ne pamundesi te tij, mjafton ta gatuajme salcen me vete, ta hedhim ne nje tave te pershtatshme per 8 persona (ose tava individuale) dhe ti mpiksim vezet brenda ne furre ne modalitetin gril per rreth 10 minuta ne 200°C.

Perberesit

  • 2 qepe mesatare, te prera holle
  • 2 speca jeshil, te prera ne shirita
  • 2 speca te kuq, te prera ne shirita
  • 800gr domate te pjekura, te kaluara ne rende ose mikser (sa me te pjekura domatet aq me mire)  ose dy kanaçe me domate ne copa nga 400gr secila
  • 4 thelpinj hudhre, te shtypura
  • 1 tufe majdanoz te fresket, te grire holle
  • 1 tufe koriander te fresket, te grire holle
  • 1 luge çaji kumin pluhur
  • pak spec te kuq djeges
  • kripe
  • nje maje luge sheqer
  • vaj ulliri
  • 8 veze
  • pak djathe te bardhe, te therrmuar 
  • kos per shoqerim

Kaverdisim ne vaj ulliri ne zjarr mesatar qepet dhe hudhrat derisa te behen transparente. Shtojme specat e kuq dhe jeshil, kripen, specin djeges dhe vazhdojme kaverdisjen derisa specat te zbuten (nevojiten rreth 15 minuta) duke shtuar pak uje nese eshte e nevojshme. Shtojme kuminin pluhur, domatet dhe e leme te gjithe salcen te trashet derisa te ngelet pak e lengshme, per rreth 10 minuta.

Neutralizojme aciditetin e domateve me pak sheqer, shtojme majdanozin, korianderin dhe e perziejme mire.

Me ndihmen e nje luge te vogel, hapim 8 gropeza te vogla ne salce dhe hedhim ne to vezet. I vendosim kapakun dhe i leme ne kete menyre derisa vezet te mpiksen. E sperkasim ne siperfaqe me djathe te bardhe te therrmuar, me disa gjethe koriander dhe e shoqerojme me kos.

Tavë me pulë dhe patate aromatizuar me erëza mesdhetare

  • Racione: 4-6 persona
  • Vështirësi: e thjeshtë
  • Shtype

Diten e diele, atehere kur teorikisht duhet te kemi me shume kohe per te gatuar dhe shijuar diçka ndryshe, atehere kur familja mblidhet e gjitha rreth tavolines, ne shtepine time ne fakt ndodh krejt e kunderta! Duam te rrime ne divan bashke me femijet, te mos bejme asgje, ose te luajme gjithe diten ne park, dhe kur te vijme ne shtepi te gjejme diçka po aq te shijshme sikur te kishim shpenzuar gjithe diten ne kuzhine.
Per kete na vjen ne ndihme kjo recete: i vendosim te gjitha ne nje tave dhe leme qe furra te bej punen e saj! Kaq e thjeshte!

Perberesit

  • 1 pule rreth 1 kg e ndare ne pjese
  • 4 thelpinj hudhra, te shtypura
  • lengun e 1 limoni
  • 4 luge gjelle vaj ulliri
  • 1 luge gjelle uthull vere te kuqe
  • ereza: 3 luge çaji borzilok te thate, 2 luge çaji rigon te thate, 2 luge çaji majdanoz te thate
  • 2 luge çaji kripe
  • 8 patate te vogla, te ndara ne dy pjese
  • 1 qepe e kuqe, e prere trashe
  • 1 spec i kuq, i prere trashe
  • 1 kungull, i prere trashe
  • 1 grusht ullinj
  • feta limoni per dekor

 Copat e pules i thajme shume mire me leter kuzhine dhe i leme menjane.
Ne nje tas te vogel bashkojme lengun e limonit me 3 luge vaj ulliri, uthullen, hudhrat, erezat dhe kripen duke i perziere mire. Kjo eshte marinata me te cilen do te marinojme pulen, por do te perdorim vetem gjysmen e saj, keshtuqe gjysmen tjeter e heqim menajne.
E lyejme pulen me marinaten dhe e leme per minimumi 15 minuta deri ne 1 ore (mund ta lini edhe gjithe naten ne frigorifer nese e pregatisni nje nate perpara).

Ne nje tigan te madh, ngrohim 1 luge vaj ulliri, shtojme copat e pules dhe i skuqim nga te gjitha anet derisa te kene marre ngjyre te arte.

Marrim nje tave dhe rreshtojme ne te copat e pules, shtojme perimet: patatet, qepen, specin, kungullin,  dhe e sperkasim me gjysmen tjeter te marinates qe hoqem menjane duke i perziere mire.

E mbulojme taven me leter alumini dhe e pjekim ne furre te parangrohur ne 220°C per 35 minuta. Heqim letren e aluminit dhe e gatuajme taven vetem ne pjesen e siperme te furres per rreth 10 minuta, apo derisa te kete marre ngjyre te arte.

E sherbejme te ngrohte ne pjate shoqeruar me ullinj dhe feta limoni.

Kosto per 4 persona: 700 lek te reja

Foto dhe receta marre nga: https://cafedelites.com (pershtatur nga autorja)

Lakra brukseli me krem pana dhe djath të grirë

  • Racione: 4 persona
  • Vështirësi: e thjeshtë
  • Shtype
lakra brukseli me krem pana

Lakrat e brukselit bejne pjese ne familjen e lakrave, dhe faktikisht ngjajne per nga pamja me nje laker te vogel ne miniature. Ato jane nje burim natyror I vitaminave K dhe B6 si dhe te mineraleve magnez dhe hekur.
Duke qene se kane nje shije pak te veçante, e cila nuk I pelqen kujtdo, eshte mire te gatuhen me perberes qe I shtojne shijen, si mishi I thate I tymosur (pancetta), krem pana, fara pishe, uthull balsamike etj.
Me poshte po ju tregojme nje menyre vertete te vecante e cila do ti pelqeje edhe atyre me te rafinuar ne shije.

Perberesit

  • 500gr lakra brukseli (te fresketa ose te ngrira) te plota nese jane te vogla, apo te ndara pergjysme nese jane me te medha
  • 2 thelpinje hudher te grira holle
  • 200ml krem pana
  • 2 luge gjalp
  • 5 luge djath kaçkavall te grire
  • kripe
  • piper I zi I sapobluar

I pastrojme lakrat e brukselit duke I prere pak fundin dhe duke eleminuar gjethet e siperme te cilat mund te mos jene te fresketa. Kete e dallojme nga ngjyra e tyre qe nuk eshte e gjelber dhe nga ndonje njolle e mundshme.

I ziejme ne uje te vluar per 5 minuta nese jane te ngrira, ose per 3 minuta nese jane te fresketa. I kullojme mire dhe I leme menjane.

Ne nje tigan shkrijme gjalpin ne zjarr mesatar, shtojme hudhren, lakrat e brukselit dhe I gatuajme duke I perziere here pas here, per rreth 5 minuta. Shtojme kremin pana dhe vazhdojme gatimin edhe per pak minuta.

E heqim nga zjarri, shtojme djathin kackavall te grire, kripe, piper te zi te sapobluar dhe e sherbejme.

*Keshille: Per ti shtuar akoma me shume shijen, shtojme edhe rreth 50gr mish te thate te tymosur (pançete ose proshute spek) ne momentin e kaverdisjes se lakrave te brukselit ne gjalp.

Foto nga: http://www.queerinthekitchen.com

Si të gatuajm kungullin

Si te gatuajm kungullin

Sa receta ju vijne ndermend me perberesin kryesor kungullin? Per dike qe nuk eshte mesuar ta gatuaj shpesh, vetem ideja e pastrimit dhe e gatimit te tij mund te duket e veshtire! Por ja u sigurojme: nuk eshte fare! Te shohim sesi mund ta realizojme:

Se pari, duhet te zgjedhim nje kungull te mire, te rende, me lekure te forte dhe pa njolla apo pjese te buta. Se dyti, e lajme kungullin nen uje te ftohte te rrjedhshem per te eleminuar cdo papasterti. E ndajme pergjysme duke perdorur nje thike shume te mprehte dhe me ndihmen e nje luge gerryejme fibrat dhe farat. I vendosim farat ne nje tas nese duam ti pjekim me vone (jane shume te shendetshme!). Ne rast te kundert, i hedhim.
Eleminojme lekuren duke perdorur nje thike te mprehte me shume kujdes.

Ja disa menyra te thjeshta dhe te shijshme per te pregatitur receta te ndryshme me kungullin. Mos u shqetesoni nese nuk jeni ekspert kuzhine, recetat jane elementare:

Pure me kungullPurè me kungull

E presim kungullin ne copa te vogla: ne kete menyre do te reduktohet ndjeshem koha e tij e gatimit. E kaverdisim ne zjarr te larte ne nje tigan me pak vaj ulliri, ulim zjarrin dhe shtojme 1 gote uje. I vendosim kapakun dhe e gatuajme derisa kungulli te jete zbutur plotesisht. Me pas e kalojme ne mikser derisa te perftojme nje purè homogjene. E hedhim ne nje tenxhere dhe shtojme pak qumesht, djath kaçkavall te grire dhe nje luge gjalp. E rregullojme me kripe e piper te zi te sapobluar (apo edhe pak arre moskate te grire) dhe e gatuajme edhe per 10 minuta te tjera ne zjarr mesatar.

Kungull i pjekur ne furreKungull i pjekur ne furre

E presim kungullin ne feta ose ne kubik dhe e vendosim ne nje tave te shtruar me leter furre. E sperkasim me kripe dhe pak vaj ulliri dhe e pjekim ne furre te nxehte ne 180C per rreth 40 minuta derisa te zbutet.

Kungull i skuqurKungull i skuqur

E presim kungullin ne feta te holla dhe e skuqim ne vaj te nxehte. E vendosim ne nje pjate per ti thithur yndyren e tepert, e sperkasim me pak kripe dhe e sherbejme.

Receta te tjera me kungull

Hidhini nje sy recetave tona me baze kungullin dhe zgjidhni ate qe i pershtatet me teper shijes suaj!

Ravioli me kungullRavioli te mbushur me kungull

Byrek me kungullByrek me kungull

Supe krem me karrota dhe kungullSupe krem me kungull dhe karrota

Supe me qiqra dhe kungullSupe me kungull dhe qiqra

Foto nga: http://www.sallypasleyvargas.com/
http://www.babybulletblog.com/
http://steamykitchen.com/
http://nonsolodelizie.blogspot.co%5B/recipe%5D

Lule kungulli të skuqura

  • Racione: 4-5 persona
  • Vështirësi: e thjeshtë
  • Shtype
Lule kungulli te skuqura

Kerkoni nje antipaste te veçante per te filluar dreken apo darken me shije? Lulet e kungullit jane perfekte dhe shume te thjeshta per tu realizuar. Ta shohim bashke sesi pregatiten:

Perberesit

  • 300gr lule kungulli
  • 100gr miell
  • 1 te verdhe veze
  • 200ml uje i gazuar
  • kuba akulli
  • kripe
  • piper te zi te sapobluar
  • vaj luledielli per skuqje

I lajme mire lulet e kungullit duke i zhytur ne menyre delikate ne uje te ftohte, i shkundim me dore per ti hequr pjesen me te madhe te ujit dhe i vendosim siper nje pecete te paster me ane te se ciles mundohemi ti thithim sa me shume uje te mundemi. Heqim bishtin, hapim me kujdes petalet e lues dhe me gishta heqim pistilin. I leme menjane nderkohe qe pregatisim brumin ne te cilin do ti zhysim per ti skuqur:

Mbushim nje tas te madh me uje te ftohte dhe kuba akulli dhe vendosim siper saj nje tenxhere alumini (apo nje tas tjeter metalik). Rrahim brenda tasit metalik te verdhen e vezes, shtojme ujin e gazuar shume te ftohte dhe pak nga pak miellin e situr duke e perziere, por jo shume; nuk eshte problem nese formohen kokerriza te vogla.

Vendosim nje tigan te thelle me vaj luledielli ne zjarr. Zhysim me kujdes nje nga nje lulet e kungullit ne brume dhe i hedhim ne vajin e nxehte duke i skuqur nga 2 ose 3 ne menyre qe te mos ngjiten me njera tjetren dhe te mos i prishet forma. Sapo te kene marre ngjyre te arte te bukur, i heqim nga vaji me ndihmen e nje luge me vrima dhe i vendosim mbi letra kuzhine per ti thithur vajin e tepert. I sperkasim me kripe dhe piper te zi te sapobluar dhe i sherbejme te nxehte.

Foto nga: http://killingtimebetweenmeals.com

1 2 5