Peshk

Peshk salmon krokant në furrë me erëza

  • Racione: 4 person
  • Vështirësi: e thjeshtë
  • Shtype
Salmon krokant ne furre me ereza

Salmoni ne furre eshte nje pjate e dyte peshku shume e thjeshte ne pregatitje dhe teper e lehte, e pjekur me minimumin e vajit. Shoqerojeni me patate te vogla te pjekura apo me nje sallate te fresket te stines.

Perberesit

  • 4 fileto salmoni (rreth 200gr secila)
  • 1 tufe majdanoz te fresket
  • 1 tufe koper te fresket
  • 1 dege rozmarine te fresket
  • pak trumez te fresket (ose te thare)
  • lekuren e grire te 1 limoni
  • galete
  • kripe
  • piper te bardhe
  • 4 luge vaj ulliri

I lajme filetot e salmonit nen uje te ftohte te rrjedhshem, i thajme me letra kuzhine dhe i vendosim ne nje pjate. Lyejme secilen fileto nga te dyja anet me nga nje luge vaj ulliri.

Ne nje pjate tjeter perziejme galeten me kripen, piperin, lekuren e limonit dhe te gjitha erezat e grira holle (majdanoz, koper, rozmarine, trumez). Kalojme ne te fetat e salmonit dhe i vendosim ne nje tave te shtruar me leter furre. I pjekim ne furre te parangrohur ne 180°C per rreth 20 minuta duke i kthyer nje here nga ana tjeter. E sherbejme menjehere zbukuruar me feta te holla limoni.

Foto nga: http://chefbritta.

Reklama

Makarona me salmon dhe karkaleca të vegjël

  • Racione: 4 persona
  • Vështirësi: e thjeshtë
  • Shtype
Makarona me salmon dhe karkaleca të vegjël në salcë rozëNje pjate fantastike dhe shume e thjesht per tu pregatitur per te gjithe adhuruesit e salmonit!

Perberesit

  • 400gr makarona te shkurtra
  • 150gr salmon te tymosur
  • 200gr karkaleca te vegjel te qeruar
  • 1/2 qepe e vogel
  • 1 pako pana kuzhine (me salmon ose jo)
  • 3 luge salce domatesh
  • 1/2 gote vere te bardhe ne temperature ambjenti
  • 1 luge plot majdanoz te fresket te grire
  • kripe
  • vaj ulliri

Kaverdisim qepen e grire shume holle (ose te kaluar ne mikser) ne vaj ulliri ne zjarr mesatar per 2-3 minuta duke e perziere shpesh. Shtojme karkalecat e qeruar, salmonin e prere ne copa dhe i perziejme mire edhe per disa caste. I shuajme me veren e bardhe, ngreme zjarrin ne maksimum dhe e leme derisa alkooli i veres te kete avulluar plotesisht. Shtojme panen, salcen e domateve dhe e gatuajme te gjithe masen ne zjarr mesatar derisa te lidhet. Ne fund, shtojme edhe majdanozin e grire holle.

Nderkohe kemi zjere makaronat ne uje me kripe per egzaktesisht kohen e treguar ne pako.

I hedhim makaronat e kulluara tek salca e pregatitur (ose sipas deshires, salcen mbi makarona), i perziejme mire dhe i sherbejme te ndare ne pjata.

Foto nga: http://www.fromcalculustocupcakes.com/

Sardele të vogla me limon në furrë

Sardele-te-vogla-me-limon-ne-furre

Sardelet me limon te pjekura ne furre, jane nje pjate e dyte teper e shijshme dhe e ushqyeshme te cilat mund ti pregatisni ne vetem 30 minuta.

Perberesit

  • 1kg sardele te vogla (ose açuge)
  • lengun e 1 limoni
  • 1 tufe majdanoz
  • kripe
  • piper
  • vaj ulliri

I hapim sardelet e vogla ne forme libri, i heqim te brendshmet, halen kryesore te kurrizit dhe i lajme mire. Lyejme me 4-5 luge vaj ulliri nje tave te rrumbullaket dhe i vendosim sardelet ne forme rreze shtresa shtresa, duke e sperkatur cdo shtrese me kripe, piper dhe pak majdanoz te grire holle. Shtreses se fundit i hedhim lengun e limonit te shtrydhur dhe pak vaj ulliri. I pjekim ne furre te parangrohur ne 180°C per rreth 15 minuta duke e mbuluar taven me leter alumini.

I sherbejme te ngrohta shoqeruar nga nje sallate e stines apo garniture patatesh te ziera.

Peshk barbun me salcë në furrë

Barbun me salce ne furreBarbuni, eshte nje nga peshqit me te shijshem dhe me te shendetshem te ujit te kripur, i cili shpesh gatuhet ne menyren me te thjeshte te mundshme: i skuqur. Por sot po ju propozojme nje variant akoma me te shendetshem dhe akoma me te shijshem: ate te gatimit ne furre duke i shtuar açuge, majdanoz, salce domatesh dhe vere te bardhe!
Perberesit

  • 1kg peshk barbun
  • 6 açuge nen shellire
  • 1 luge salce domatesh
  • 1 gote vere te bardhe
  • 4 luge vaj ulliri
  • 20gr gjalp
  • 1 luge te vogel majdanoz te grire holle
  • galete
  • kripe
  • piper

Pastrojme shume mire peshkun barbun nga luspat, te brendshmet, e shplajme nen uje te ftohte te rrjedhshem dhe i thajme me leter kuzhine ose me nje pecete te paster. Shplajme nen uje te rrjedhshem edhe açuget dhe i shtypim me pirun.

Ne taven ku do te gatuajme peshqit, hedhim dy luge vaj ulliri, shperndajme ne fundin e saj açuget, majdanozin e grire holle dhe salcen e domateve te cilen e kemi perziere me veren e bardhe. Rendisim se fundi edhe barbunet njeri pas tjetrit, i rregullojme me kripe, piper, i sperkasim me dy luge vaj ulliri dhe me galete. Shtojme siper tyre edhe gjalpin e ndare ne copeza te vogla.

I pjekim barbunet ne furre te parangrohur ne 200°C per rreth 35 minuta. I sherbejme te nxehte shoqeruar me salcen e tyre dhe nje sallate te stines.

Makarona me ragu' peshku

Makarona-me-ragu-peshku.jpg

Receta qe po ju paraqesim me poshte, perben nje pjate te dyte me shije fantastike te cilen mund tja servirni edhe femijeve tuaj, duke qene te sigurt se do te marrin te gjitha vlerat ushqimore qe i nevojten ne nje vakt te shendetshem.

Perberesit

  • 400gr makarona te shkurtra (kesaj pjate i pershtaten me se miri makaronat e tipit orecchiette ose malloreddus)
  • 4 fileto peshku koce, trofte etj, pa hala
  • 400gr domate ne kubik (ose salce domatesh)
  • 1 gote vere e bardhe
  • pak rukola e prere holle
  • 2 thelpinje hudher
  • 1 gjethe dafine
  • 1 spec i kuq djeges
  • kripe
  • vaj ulliri

Ziejme makaronat ne uje me kripe per egzaktesisht kohen qe tregohet ne konfeksion nderkohe qe pregatisim salcen me peshk.

Kaverdisim ne vaj ulliri ne zjarr te avashem thelpinjte e hudhrave te prere holle, gjethen e dafines dhe specin djeges te cilit i kemi hequr farat per 4-5 minuta duke i perziere here pas here. Shtojme copezat e peshkut, i perziejme per 2-3 minuta dhe i shuajme me veren e bardhe duke e ngritur zjarrin ne maksimum.

Shtojme domatet, e rregullojme salcen me kripe dhe e gatuajme ne zjarr mesatar edhe per 5 minuta te tjera, apo derisa te kete avulluar uji i tepert. Ne momentin e fundit shtojme rukolen e prere holle.

Shtojme makaronat e kulluara dhe i perziejme disa minuta mbi zjarr derisa te marrin shije. I sherbejme te ngrohta.

Makarona-me-ragu-peshku.jpg

Makarona me peshk ton

Makarona-me-peshk-ton

Makaronat me peshk ton, jane nje recete klasike e kuzhines italiane, teper te thjeshta ne pregatitje dhe me nje rezultat final spektakolar. Mund ti shijoni edhe te ftohte, do te jene akoma dhe me te mira!

Perberesit

  • 320gr makarona te shkurtra
  • 160-200gr peshk ton (2-3 kuti)
  • 400gr salce domatesh
  • 2 thelpinj hudhra
  • 2 fileto açuge (nese nuk ju pelqen, mund edhe ta eleminoni)
  • 1 luge te vogel kaperi
  • disa ullinj te zinj
  • pak spec te kuq djeges pluhur
  • majdanoz te grire
  • kripe
  • vaj ulliri

Ziejme makaronat ne uje me kripe per egzaktesisht kohen e treguar ne konfeksion nderkohe qe pregatisim salcen.

Kaverdisim ne vaj ulliri thelpinjte e hudhrave te grira shume holle bashke me filetot e açugeve, derisa keto te fundit te kene shkrire plotesisht. Shtojme pak spec te kuq djeges, peshkun ton te copetuar me dhembet e nje piruni dhe se fundi salcen e domateve duke i perziere mire.

E leme salcen te trashet per disa minuta dhe ne fund shtojme ullinjte e prere ne copa te vogla, kaperit dhe majdanozin e grire holle.

I kullojme makaronat tashme te ziera dhe i hedhim tek salca me peshk ton duke i perziere mire dhe duke i lene disa minuta ne menyre qe te marrin shije.

E sherbejme kete pjate te ngrohte sperkatur me pak majdanoz.

Peshk salmon në zgarë me salcë mango dhe avokado

Receta qe po iu paraqesim sot, perben nje pjate shume te veçante, e cila kombinon shijen e peshkut salmon te pasur me omega 3, dhe vitaminat C, fibrat dhe antioksidantet te gjendura ne salcen e frutave. Kjo pjate e dyte i pershtatet sidomos personave qe duan te humbasin kilet e teperta, por ne te njejten kohe te ushqehen shendetshem. Perberesit

…per salmonin

  • 4 fileto peshku salmon
  • 50ml vaj misri
  • 2 luge salce soje
  • 1 luge te vogel salce pikante (Sriracha)
  • 1/2 luge xhenxhefil pluhur
  • 1 thelpi hudher te grire holle

…per salcen me mango dhe avokado

  • 1 mango e prere ne kubik te vegjel
  • 1 avokado e prere ne kubik te vegjel
  • 1 domate e prere ne kubik te vegjel
  • 1 qepe e njome e prere holle
  • 1 qepe e vogel e kuqe e prere holle
  • 2 luge vaj misri
  • lengun e 1 limoni
  • pak menderz
  • kripe
  • piper

Marinojme fillimisht salmonin per 2-4 ore duke hedhur te gjithe perberesit, pra filetot e peshkut, vajin e misrit, salcen e sojes, salcen pikante, xhenxhefilin dhe hudhren e grire holle ne nje tas te madh dhe e perziejme shpesh. Pasi te kete kaluar kjo kohe, heqim lengun e tepert nga filetot  dhe i pjekim ne zgare te lyer me pak vaj misri per rreth 5 minuta, apo derisa peshku te shkeputet lehte nga zgara. Pregatisim salcen me fruta duke vendosur te gjithe perberesit ne nje ene dhe duke i lene ne nje vend te fresket per rreth 1 ore. I shoqerojme filetot e salmonit me salcen e frutave dhe ne vend te bukes mund te perdorim sipas deshires pilaf ose kus kus.

Tavë Krapi Shkodrane

tave krapiTava e Krapit eshte nje pjate tradicionale peshku e qytetit te Shkodres, e cila ruhet me fanatizem nga qytetaret e tij. Origjina e kesaj recete daton qe me lindjen e pazarit te Shkodres ku guzhinieret e asaj kohe (akshijte sic quheshin atehere) e perpunuan peshkun derisa  perftuan kete gatim te shijshem. Pikerisht ne kete periudhe, nese krapi servirej ne tavoline per te ftuarit, koka e tij i ofrohej mikut kryesor te shtepise ne shenje respekti, dhe shpesh here beheshin pazare per nderrimin e saj me ditar toke.
Koha me e mire per te gatuar krapin eshte maj-qershor, atehere kur krapi (preferohet te jete mashkull) arrin 4-5kg madhesi dhe serviret per rreth 8 persona.

Perberesit

  • nje krap te fresket 4-5kg
  • 1kg domate shume te pjekura ose salce
  • 1.5kg qepe
  • 400gr hudhra
  • 1/2l uthull rrushi te kuqe
  • nje cope pistil
  • 6-7 gjethe dafine
  • vaj luledielli
  • kripe
  • piper te zi
  • majdanoz
  • pak sheqer

Pregatisim fillimisht krapin te cilin e pastrojme mire brenda dhe jashte dhe i heqim nje kocke ne forme trekendeshi qe gjendet ne afersi te kokes (pethi). Peshkun e presim ne thela rreth 3cm te trasha duke eleminuar pjesen e bishtit. I kalojme copat nen uje te rrjedheshem, i thajme me letra kuzhine dhe i kaverdisim ne tigan me pak vaj luledielli derisa te marrin ngjyre te arte nga te dyja anet. Kjo sherben qe mishi i peshkut te mos shperhapet gjate gatimit. Vajin e peshkut e ruajme per te pregatitur harxhen si me poshte:

Pastrojme qepet, i qerojme dhe i presim ne feta te holla te cilat i kaverdisim ne tiganin ku skuqem peshkun derisa te marrin ngjyre te arte. Shtojme hudhrat e pastruara dhe te ndara ne dy ose kater pjese dhe vazhdojme gatimin edhe per pak minuta. Shtojme se fundi edhe domatet te cilave i kemi hequr lekuren (ose salcen e domateve) dhe e leme salcen te zieje derisa qepet te zbuten plotesisht (rreth 20 minuta).

Shtojme uthullen, pistilin e prere holle, kripe, piper, gjethet e dafines, pak sheqer dhe i leme te ziejne ne zjarr te avashem derisa te gjithe perberesit te shkrihen tek njeri tjetri dhe salca te rezultoje paksa e trashe.

Ne taven ku do te pregatisim krapin, vendosim thelat e tij dhe mbi te hedhim harxhen duke shtuar dhe pak uje. E pjekim tave ne furre te parangrohur ne 150°C derisa salca te avulloje dhe peshku te kete marre ngjyre te arte (mund te nevojiten 30-40 minuta). E sperkasim me pak majdanoz ne siperfaqe dhe e servirim te zbukuruar sipas deshires me pak pistil kumbulle.

Lëng peshku

Lengu i peshkut, teper i perdorshem ne kuzhine per pregatitjen e supave, rizotove, salcave etj, ka nje shije me te vertete te vecante dhe shume vlera ushqimore. Sekreti kryesor qendron ne freskine e peshkut, prandaj mundohuni te siguroheni per kete te fundit nese deshironi nje supe te shendetshme per te gjithe familjen tuaj.

Perberesit per rreth 2l leng peshku

  • 2l uje
  • 500gr peshk te cilesise se dyte te pastruar
  • 300gr mbetje te peshkut si koka, hala etj
  • 2 qepe
  • 1 presh
  • 1 dege selino
  • 1 gote vere te bardhe
  • 1 gjethe dafine
  • pak trumez
  • kripe

Vendosim ne nje tenxhere me uje te ftohte peshkun e cilesise se dyte te plote, mbetjet e peshkut te grira, qepet e lara, te pastruara dhe te ndara ne kater pjese, preshin e ndare ne 2-3 pjese, degen e selinose te prere holle, trumezen, gjethen e dafines, veren e bardhe dhe se fundi e rregullojme me pak kripe. E ziejme lengun e peshkut ne zjarr te avashem per jo me shume se gjysme ore duke hequr here pas here me ndihmen e nje luge shkumen qe formon ne siperfaqe. Ne momentin qe lengu eshte gati, e kullojme me ane te nje pecete te paster apo nape dhe e perdorim per gatimet tona.

1 2
Krijoni një sajt ose blog te WordPress.com