Rizoto

Rizoto me shampanjë dhe skampi

Rizoto me shampanje dhe skampiRizoto me shampanje dhe skampi eshte nje pjate e pare teper e rafinuar e cila rekomandohet te pregatitet vetem ne okazione te veçanta si per shembull Festat e fundvitit apo Shen Valentini. Per te reduktuar koston e kesaj pjate, mund te perdorni ne vend te shampanjes vere te gazuar (spumante) dhe ne vend te skampit, karkaleca te medhenj.

Perberesit

  • 320gr oriz per rizoto (te tipit Carnaroli ose Arborio)
  • 12 skampi ose karkaleca te medhenj
  • 1 presh i vogel (pjesen e bardhe te tij)
  • 100gr gjalp
  • 500ml shampanje ose vere te gazuar (spumante) jo te embel (Brut) ne temperature ambjenti
  • 1 tufe majdanoz
  • 1 thelpi hudher
  • vaj ulliri
  • kripe
  • piper te zi te sapobluar
  • rreth 250ml leng peshku ose leng te pregatitur me gjysme koncentrate peshku dhe 250ml uje

Pastrojme fillimisht skampit duke i hequr koken dhe fijen e zeze te zorreve. I bejme dy çarje anesore trupit dhe nxjerrim me kujdes tulin e skampit duke e prere ne copa. I kaverdisim ne nje tigan me pak vaj ulliri dhe nje thelpi hudher te shtypur per rreth 2 minuta, apo derisa te ndryshojne ngjyre. I japim shije me pak piper te zi te sapobluar dhe i vendosim menjane ne nje ene te mbyllur me kapak ne menyre qe te jene te ngrohta.

Pregatisim rizoton me shampanje duke shkrire ne nje tigan gjysmen e gjalpit, shtojme preshin e prere shume holle dhe e leme derisa te zbutet. Shtojme orizin dhe e perziejme derisa ta kete thithur te gjithe yndyren. Shtojme pak nga pak edhe shampanjen derisa te perfundojne 500ml. Nese orizi nuk eshte ziere akoma plotesisht, vazhdojme gatimin me lengun e peshkut (per zierjen e orizit nevojiten 18-20 minuta)

Pasi rizoto te jete gati, fikim zjarrin, shtojme tulin e skampit, gjysmen e mbetur te gjalpit, majdanozin dhe i perziejme mire.

E sherbejme rizoton duke e sperkatur me pak piper te zi ose majdanoz te grire holle. Mund ta dekorojme ne siperfaqe me nje skampi te plote te kaverdisur ne pak gjalp.

Foto nga: https://lafemmemange.wordpress.com

Advertisements

Rizoto me katër djathëra

Rizoto me kater djatheraPer adhuruesit e djathit, ky rizoto eshte fantastik dhe shume i thjesht ne pregatitje. Mund te zevendesoni djatherat qe ne ju kemi sugjeruar me poshte me ato qe ju pelqejne me shume ose arrini te gjeni me lehte.
Perberesit

  • 350gr oriz per rizoto (i tipit Carnaroli ose Arborio)
  • 50gr djath aziago
  • 50gr djath kaçkavall dele
  • 50gr djath gorgonxola
  • 50gr djath parmiggiano ose grana
  • 1-2 luge pana per kuzhine
  • 1/2 qepe e vogel
  • 70gr gjalp
  • rreth 1 liter leng perimesh
  • nje gote vere te bardhe ne temperature ambjenti
  • pak piper te zi te sapobluar

Grijme shume holle qepen dhe e kaverdisim ne zjarr shume te ulet me gjalpin. Shtojme orizin dhe e perziejme derisa kokrrat e orizit ta kene thithur komplet yndyren. E shuajme te gjitha perberjen me veren e bardhe, ngreme zjarrin dhe presim derisa te avulloje alkooli i veres.

Shtojme pak nga pak lengun e perimeve duke patur kujdes te mos shtojme garuzhden e dyte, nese e para nuk eshte thithur nga perberja. Ne momentin qe rizoto eshte drejt perfundimit, shtojme djatherat e grire dhe pak pana per ta bere rizoton me kremoz.

E fikim zjarrin, vendosim kapakun rizotos dhe e leme te pushoje per rreth 5 minuta. E sherbejme te ngrohte te sperkatur me pak piper te zi.

Rizoto me presh

Rizoto me preshReceta e meposhtme eshte teper e thjeshte ne pregatitje dhe pa shume shpenzime, sidomos ne kete periudhe kur cmimi i preshit eshte vertete i ulet. Per me teper ka nje shije teper delikate dhe mund te shijohet si e ngrohte, ashtu dhe ne temperature ambjenti. Faleminderit Florida Martini per idene!
Perberesit

  • 350gr oriz per rizoto (i tipit Carnaroli ose Arborio)
  • 4 presh (vetem pjesen e bardhe te tyre)
  • 2 luge djath kaçkavall te grire (mundesisht dele)
  • 2 luge gjalp
  • 1/2 gote vere te bardhe ne temperature ambjenti
  • leng perimesh ose 1 koncentrate perimesh
  • piper te zi

Vendosim fillimisht ne zjarr te ulet lengun e perimeve ose 1/2 liter uje me nje koncentrate perimesh te cilen e mbajme gjithmone duke vluar.

Kaverdisim ne nje tigan te thelle me 1 luge gjalp preshin e prere ne rrathe te holle derisa te zbutet. Shtojme orizin dhe e perziejme derisa ky i fundit ta kete thithur komplet yndyren. E shuajme perberjen me vere te bardhe te cilen e leme te avulloje ne zjarr te larte dhe shtojme 1 garuzhde leng perimesh te nxehte duke patur kujdes te mos shtojme garuzhden e dyte nese e para nuk eshte thithur plotesisht nga perberja.

Kur orizi te jete gatuar plotesisht (nevojiten rreth 18 minuta), fikim zjarrin, shtojme nje luge tjeter gjalp ne menyre qe rizoto te behet sa me kremoz, gjysmen e djathit kaçkavall te grire, e perziejme mire dhe e leme te pushoje per rreth 10 minuta me kapak mbyllur.

E servirim te sperkatur me pak djath kackavall te grire dhe piper te zi.

*Keshille: Nese doni ti jepni me shume shije rizotos suaj, hidhini siper disa kubik pançete te skuqur me shume pak vaj.-:

Paella Valenciane

Origjina e Paellas, daton qe nga popujt e lashte te fshatrave te Valencias ne Spanje. Kur vinte ora e drekes, fshataret sillnin cdo gje qe kishin ne shtepi: oriz, mish, perime te ndryshme, dhe kur gjenin edhe fruta deti dhe pregatisnin kete pjate te shijshme. Emri i saj vjen pikerist nga ena ne te cilen gatuhet “Patella” e cila duhet te jete patjeter e perbere nga material hekuri!
Perberesit

  • 700gr oriz per rizoto
  • 1 pule rreth 1.2kg
  • 1l leng pule
  • 250gr mish derri pa dhjam
  • 500gr midhje te pastruara
  • 6-8 karkaleca te medhenj
  • 300gr bizele
  • 4-5 domate te pjekura
  • 2 speca
  • 1 qepe
  • 4-5 thelpinje hudhra
  • 1 gjethe dafine
  • 1 pako te vogel shafran
  • 1 limon
  • pak spec djeges pluhur
  • kripe
  • piper
  • vaj ulliri

Pjekim fillimisht specat ne furre ne temperature shume te larte rreth 250°C derisa lekura te marre ngjyre te erret, i vendosim ashtu te nxehta siç jane ne nje qese te cilen e mbyllim mire. Ne kete menyre, avulli qe ato do te leshojne do te bej qe lekura e specave te hiqet fare lehtesisht. I qerojme, eleminojme fijet e brendshme dhe farat dhe i presim ne shirita te holle. (per te evituar kete proçedure, mund ti blejme specat e pjekur te gatshem).

Qerojme domatet, i heqim farat e brendshme dhe i presim ne copa te vogla. Qerojme edhe qepen e hudhrat dhe i grijme shume holle.

Pulen e pastruar e ndajme ne copa (rreth 12) dhe e kaverdisim ne nje tigan te madh (akoma me mire ne tiganin enkas per Paella) me 7 luge vaj ulliri dhe pak kripe e piper derisa te kete marre ngjyre te arte. E heqim nga tigani dhe e vendosim ne nje ene te mbuluar per ta mbajtur te ngrohte.

Ne vajin e mbetur ne tigan, kaverdisim mishin e derrit te prere ne kubik te vegjel se bashku me midhjet dhe karkalecat e plote te lare, por jo te thare. Kur keta te fundit te kene marre nje ngjyre roze, i heqim te gjithe perberesit, eleminojme midhjet qe nuk jane hapur dhe i leme edhe keta perberes ne nje vend te ngrohte.

Kaverdisim hudhren dhe qepen ne yndyren e mbetur, shtojme domatet dhe bizelet dhe i leme te marrin shije ne zjarr te ulet per rreth 5 minuta. Shtojme nje gjethe dafine, shafranin e shkrire ne pak uje, pak spec te kuq djegs, kripe, piper dhe i perziejme mire duke i lene edhe per disa minuta te tjera ne zjarr. Shtojme orizin, e kaverdisim per pak sekonda derisa te kete thithur te gjithe lengun dhe shtojme lengun e pules te ngrohte. Kur te kete arritur piken e vlimit, ulim zjarrin dhe e gatuajme ne kete menyre per rreth 20 minuta apo derisa orizi te jete zbutur plotesisht. Shtojme specat, copat e pules, mishin e derrit, karkalecat, midhjet dhe i perziejme mire. E mbulojme tiganin me leter alumini dhe e fusim ne furre te parangrohur ne 180°C per rreth 15 minuta. E sherbejme me feta limoni.

Rizoto me çikore të kuqe dhe pançetë

Çikorja e kuqe eshte nje varietet i bimes se çikores e cila ka nje shije paksa te hidhur nese e hani te pagatuar. Por ne kete rizoto, shija e saj e hidhur do te zhduket krejtesisht dhe ajo qe do te mbetet do te jete nje kombinim fantastik midis saj dhe pançetes se tymosur.

Perberesit

  • 320gr oriz per rizoto (te tipit Carnaroli)
  • 1 qepe mesatare
  • 400gr çikore te kuqe
  • 100gr pançete te tymosur
  • 50gr gjalp
  • 1 gote vere te kuqe ne temperature ambjenti
  • leng perimesh te nxehte
  • kripe
  • piper

Ne nje tigan te madh, shkrijme gjalpin dhe kaverdisim ne te qepen e prere shume imet ose te kaluar ne mikser. Shtojme edhe pançeten e prere ne kubik te vegjel dhe i leme ne kete menyre derisa qepa te behet transparente dhe pançeta krokante.

Nderkohe, presim ne shirita te holle çikoren e kuqe dhe ia shtojme perberjes se mesiperme duke e gatuar per rreth 10 minuta ne zjarr te ulet. Shtojme edhe orizin per rizoto duke e lene te kaverdiset per disa minuta. E shuajme te gjithe perberjen me veren e kuqe, ngreme zjarrin ne menyre qe alkooli i veres te avulloje dhe ne momentin qe masa do te rezultoje e thate, shtojme nje garuzhde leng perimesh te nxehte (ne kete menyre nuk bllokohet gatimi). Vazhdojme keshtu derisa orizi te jete ziere plotesisht (nevojiten rreth 20 minuta) dhe jo detyrimisht lengu i perimeve te kete perfunduar.

Fikim zjarrin, e rregullojme rizoton me pak kripe e piper, pak gjalp dhe e mbulojme me kapak per rreth 10 minuta ne menyre qe te behet me i shkrifet. Sipas deshires mund ti shtojme edhe pak djath kackavall te grire.

E servirim rizoton me çikore te kuqe dhe pancete ne nje pjate te zbukuruar me nje gjethe te fresket çikore.

*Keshille: Pançeten e tymosur mund ta zevendesoni edhe me salçiçe te fresket te copetuar, apo ne fund rizotos ti shtoni nje luge pana kuzhine.

Rizoto me lakër të kuqe

Sot po iu propozojme nje pjate tipike dimerore: rizoto me laker te kuqe, e cila pervecse ka nje shije teper te vecante, eshte edhe shume terheqese per tu pare.
Perberesit

  • 400gr oriz per rizoto (tipi Carnaroli)
  • 2liter leng perimesh (ose leng te pregatitur me koncentrate perimesh)
  • 1 laker e kuqe e vogel
  • 200gr pançete te tymosur ose te embel
  • 100gr djath parmixhano te grire (ose djath tjeter kaçkavall)
  • 1 gote vere te kuqe
  • 2-3 luge gjalp
  • pak vaj ulliri
  • kripe
  • piper

Pregatisim si fillim lengun e perimeve sipas recetes qe e gjeni ketu, ose me koncentrate te cilen e shkrijme ne uje te nxehte (1 koncentrate perimesh per 500ml uje) dhe e mbajme gjithmone ne vlim.

Ne nje tigan te madh, kaverdisim ne 1 luge gjalp qepen e grire ne mikser dhe lakren e kuqe te prere ne fije te holla derisa kjo e fundit te zbutet (qepa nuk duhet te marre ngjyre). Shtojme orizin dhe vazhdojme perzierjen edhe per 2-3 minuta te tjera duke e shuar te gjithe perberjen me vere te kuqe ne zjarr te fort. Kur vera te kete avulluar, shtojme 2-3 garuzhde leng perimesh, e perziejme dhe kur lengu te kete avulluar, shtojme 2-3 garuzhde te tjera duke vazhduar ne kete menyre derisa orizi te jete zbutur (rreth 20 minuta).

Ne nje tigan tjeter, kaverdisim ne pak vaj ulliri pançeten e prere ne kubik te vegjel derisa te marre ngjyre, e shuajme me pak vere te kuqe dhe e leme menjane per t’ia shtuar rizotos ne fund.

Kur rizoto te jete gati, e heqim nga zjarri, shtojme pjesen e mbetur te gjalpit, djathin parmixhano te grire, pançeten dhe i perziejme shume mire. E mbulojme me kapak dhe e leme te pushoje per rreth 10 minuta perpara se ta servirim.

Rizoto me argjinar dhe proshutë spek

Rizoto me argjinar dhe speck eshte nje pjate e pare shume e vecante e cila keshillohet te pregatitet sidomos ne raste festash. Por mund te jete zgjidhja ideale edhe per ndonje darke mes miqsh, apo ne nje dite pushimi kur e gjithe familja mblidhet rreth tryezes.

Perberesit

  • 350gr oriz per rizoto (tipi Carnaroli ose Arborio)
  • 4 argjinar
  • 100gr proshute spek
  • 200gr djath mocarela
  • 1 liter leng perimesh (ose i pregatitur me koncentrate)
  • 30gr gjalp
  • 1 luge vaj ulliri
  • 1 thelpi hudher
  • lengun e 1/2 limoni
  • majdanoz
  • kripe
  • piper

Qerojme argjinaret duke eleminuar kembet dhe gjethet e jashtme te forta, i ndajme ne dy pjese, i presim ne feta te holla dhe i vendosim ne nje ene te vogel me uje dhe lengun e limonit ne menyre qe te mos nxihen.

Ne nje tigan te gjere, kaverdisim lehtesisht ne gjalp dhe vaj ulliri thelbin e hudhres te shtypura dhe sapo te marre ngjyre te arte e eleminojme nga tigani. Shtojme fetat e argjinareve dhe proshuten spek te prere ne rripa ose ne kuadrate, i kaverdisim per disa minuta dhe shtojme pak leng perimesh duke i lene te ziejne per rreth 10 minuta. Pas kesaj kohe, shtojme orizin dhe veprojme si per cdo rizoto, pra shtojme nga nje garuzhde leng perimesh duke e perziere orizin dhe vetem ne momentin qe ka avulluar plotesisht shtojme nje garuzhde tjeter leng derisa i gjithe gatimi te perfundoje (nevojiten 15-20 minuta).

Rreth 2 minuta perpara se ta heqim nga zjarri, shtojme majdanozin e grire holle dhe mocarelen e prere ne kubik te vegjel duke i perziere me kujdese. E sherbejme menjehere te ngrohte ne tavoline.
Verat e keshilluara: Lagrein rosato dell’Alto Adige, e sherbyer ne 13°C

Casteldaccia bianco (Palermo), e sherbyer ne 18°C</blockquo

Rizoto me luleshtrydhe

Nje tjeter recete afrodiziake per festen e Shen Valentinit; rizoto me luleshtrydhe, nje pjate ideale ne nje darke midis dy personave te dashuruar. Mos u shqetesoni per shijen, do te jete e mrekullueshme edhe pse mund te mos e keni provuar me pare…
Perberesit per 4 persona

  • 400gr oriz per rizoto (psh Carnaroli)
  • 300gr luleshtrydhe
  • 200ml vere te bardhe
  • 1/2 qepe te vogel
  • leng perimesh i pregatitur me koncentrate perimesh
  • vaj ulliri

Pregatisim si fillim lengun e perimeve duke shkrire plotesisht koncentratat e perimeve ne uje te cilin e mbajme gjithmone ne vlim; ne kete menyre nuk do te bllokohet zierja kur t’ia shtojme rizotos ne nje faze te mevonshme.

Kaverdisim me pak vaj ulliri qepen e grire shume holle dhe orizin ne zjarr te avashem duke i perziere me luge druri derisa masa te thahet, pra ta kete thithur komplet vajin. E shuajme me veren e bardhe te cilen e leme te avulloje per disa minuta ne zjarr te forte dhe ne kete moment shtojme 2-3 garuzhde leng perimesh. Duhet patur kujdes qe rizoton ta perziejme sa me shpesh te jete e mundur; ne kete menyre orizi do te gatuhet uniforme dhe nuk do te ngjitet ne anet e enes! Kur orizi ta kete thithur komplet lengun e perimeve, shtojme dy garuzhde te tjera leng duke vazhduar me kete procedure derisa rizoto te jete gati (zakonisht nevojiten 16-18 minuta).

Nderkohe lajme dhe thajme me letra kuzhine luleshtrydhet, heqim disa ne nje ane per zbukurim dhe pjesen tjeter e grijme ne mikser. Kur rizoto te jete pothuajse gati, shtojme purène e luleshtrydheve dhe e leme te gatuhen se bashku edhe per pak minuta.

E heqim tiganin nga zjarri dhe e leme te pushoje per 10 minuta me kapak mbyllur perpara se ta servirim. E dekorojme pjaten me luleshtrydhet e plota dhe e sherbejme te ngrohte.

Rizoto me kërpudha

Rizoto me kerpudha eshte nje nga pjatat klasike te kuzhines italiane, mjaft e shijshme sidomos nese konsumohet ne vjeshte apo dimer, atehere kur edhe kerpudhat jane me te shijshme.
Perberesit

  • 320gr oriz per rizoto
  • 300gr kerpudha porcini (ose champignon)
  • 1 qepe e vogel
  • 2 liter leng koncentrate (te pregatitur me 4 koncentrata perimesh)
  • 2 luge vaj ulliri
  • 1 tufe majdanoz
  • 50gr djath parmixhano te grire (ose djath kackavall)
  • kripe
  • piper

 Si fillim, vendosim ne zjarr nje tenxhere me 2 liter uje dhe 4 kuba koncentrate perimesh te cilen e mbajme gjithmone duke vluar ne menyre qe kur t’ia hedhim rizotos te mos ngadalesohet gatimi.

Pastrojme kerpudhat duke i hequr dhèun nga pjesa e kembes, shkepusim kapelen dhe e pastrojme shume lehte me nje pecete te paster dhe te lagur. I presim ne feta te holla dhe i leme ne nje ane.
Ne nje tigan kaveridism ne zjarr te avashem me vaj ulliri qepen e grire holle derisa te behet transparente. Shtojme kerpudhat e prera te cilat i kaverdisim edhe per pak caste duke i perziere vazhdimisht. Shtojme orizin per rizoto gjithmone duke e perziere dhe kur e gjithe masa ta kete thithur lengun dhe te jete bere e thate, shtojme 4-5 garuzhde leng perimesh. E leme ne kete menyre orizin te zieje per 15-18 minuta duke shtuar leng sa here qe rizoto behet e thate duke mos harruar ta perziejme vazhdimisht qe orizi te mos ngjitet dhe te gatuhet uniforme.
Pak minuta perpara se ta heqim nga zjarri, shtojme djathin e grire, majdanozin dhe pak piper, e perziejme mire dhe e leme te pushoje per 5 minuta me kapak te mbyllur perpara se ta servirim neper pjata.
*Keshille: Nese perdorim kerpudhat e thata ne vend te te fresketave, i vendosim per rreth 30 minuta ne nje ene te vogel me uje te ngrohte, i shtrydhim me dore dhe vazhdojme me proceduren si me siper. Nderkohe qe lengun e tyre mund t’ia shtojme rizotos, gje qe do ta bej akoma me te shijshem.