Uncategorized

Nje tjeter mini recete e thjeshte, keshilluar per ato nena qe duan te fillojne me ushqimin e pregatitur per bebet e tyre. Kjo pjate ka shije shume te ngjashme me ate te qumeshtit, per shkak te kremit te orizit, dhe per kete arsye do te jete mjaft e pelqyeshme nga femija juaj.
Perberesit

• 2 luge krem orizi
• 1 kungulleshke
• 1 karrote
• 1 luge te vogel vaj ulliri
• 1 luge te vogel djath grana te grire
  

Lajme me kujdes kungulleshken dhe karroten, i qerojme, i presim ne copa te medha dhe i ziejme ne uje te valuar per 20 minuta. Filtrojme lengun e perimeve, ndersa keto te fundit i shtypim kur jane akoma te nxehta per te formuar nje krem te bute (purè). Purèse i shtojme 200ml leng perimesh, kremin e orizit dhe e rregullojme me vaj ulliri e djath grana te grire.

Nje mini recete e thjeshte per te gjitha ato nena qe duan te fillojne me ushqimin e pregatitur per bebet e tyre. Ne kete etape kaq te rendesishme, molla eshte fruti i pare qe i jepet nje femije. Kremi me molle permban gjithashtu edhe miell orizi i cili rezulton shume i pelqyeshem nga femijet dhe teper i tretshem per organizmin e tyre. Nje alternative shume e shendetshme e frutave te homogjenizuara qe gjenden ne supermarket.
Perberesit

• 200gr krem orizi
• 1 molle
• 1 patate
• 1 karrote
• 1 luge te vogel vaj ulliri
• 1 luge te vogel djath grana te grire
  

Lajme mire perimet, qerojme pataten dhe karroten duke i prere ne copa te medha. Nderkohe ziejme pak uje ne nje ene te vogel, shtojme perimet dhe i gatuajm per rreth gysme ore. E filtrojme lengun e perimeve ndersa keto te fundit i shtypim duke formuar nje krem te bute (purè).

Ne nje pjate hedhim pak leng perimesh, shtojme kremin e orizit dhe e perziejme mire. Lajme mollen, e qerojme dhe e grijme ne mikser. Kremit te orizit i shtojme mollen e grire dhe disa luge nga purèja e perimeve duke e rregulluar pjaten se fundi me djath grana te grire dhe vaj ulliri.

Nje mini recete e thjeshte per tu pregatitur me baze mishi gjeli deti i cili i siguron femijeve tuaj proteinat dhe aminoacidet te cilat organizmi i tyre nuk arrin ti prodhoje vet. Pikerisht per kete arsye eshte e rendesishme futja e ketij mishi ne dieten e bebes.
Perberesit

• 1 vazo mish gjel deti i homogjenizuar
• 1 patate te vogel
• 50gr gjize pa kripe (rikota)
• 1 gote te vogel qumesht pluhur per bebe te tretur ne uje
• 1 luge te vogel vaj ulliri
  

Lajme mire pataten, e qerojme dhe e presim ne copa te medha te cilat i veme per tu zier per 40 minuta derisa te zbuten plotesisht. I heqim ujin e tepert dhe i kalojme te nxehta ne shtypesen e patateve per te formuar purène te cilen e vendosim ne nje ene. E hollojme purène me qumeshtin duke e perziere mire, shtojme mishin e homogjenizuar dhe gjizen pa kripe duke vazhduar perzierjen derisa te formojme nje mase kremoze te cilen e rregullojme me pak vaj ulliri. E ftohim mire kremin perpara se t’ia ushqejme femijes.

Perberesit per 1 femije

• 30gr makarona te vogla
• 35gr gjize pa kripe (rikota)
  
• 1 luge te vogel salce domatesh
• 1 luge te vogel djath parmixhano te grire
  
• 1 luge te vogel vaj ulliri
• 1 gjethe borziloku
• pak kripe
  

Si fillim, ziejme makaronat ne uje pak te kripur dhe nderkohe pregatisim salcen roze.

Ne nje tigan ngrohim salcen e domateve me nje luge te vogel vaj ulliri, kripe dhe borzilok. Shtojme gjizen pa kripe dhe djathin Parmixhano te grire, i perziejme mire te gjithe perberesit derisa te formohet nje perberje homogjene dhe kete e hedhim tek makaronat e ziera. Nese salca rezulton shume e dendur, mund ta rregullojme me 2-3 luge nga uji i makaronave.

Perberesit per 1 femije

• 50gr oriz
• 70gr perime (bishtaja jeshile te holla dhe karrota)
• 1 te verdhe veze te ziere
• 5gr djath parmixhano te grire (1 luge te vogel)
• pak gjalp (ose 10gr vaj ulliri=1 luge te vogel)

Pastrojme karrotat dhe bishtajat jeshile te fresketa duke i hequr anet dhe fijet (nese kane), i presim ne copa te vogla dhe i hedhim ne nje tenxhere me dy filxhan uje (ose leng mishi). I ziejme keto perime per disa minuta, shtojme orizin dhe e leme ne kete menyre derisa ky i fundit te zbutet plotesisht. Ne perfundim, pjates i hedhim pak gjalp (ose vaj ulliri), nje luge te vogel djath parmixhano te grire dhe e sperkasim me te verdhen e vezes se ziere te therrmuar.

Te besh te mundur qe femijet tane te hane fruta dhe perime nuk eshte e thjeshte. Por te gjithe e dime qe kjo eshte e detyrueshme per te mundesuar rritjen e shendetshme te tyre. Per kete arsye po iu propozojme receten e meposhteme e cila te gjitha perimet i ka te grira ne mikser, ne forme pureje, ne menyre te tille qe femija te “mos e kuptoje” se cfare realisht permban pjata.
Perberesit per 1 femije

• 30gr oriz
  
• 60gr perime (patate, kungull, karrota, bizele, pak qepe)
• 10gr vaj ulliri
• 5gr djath parmixhano
• pak kripe
  

Lajme dhe presim te gjitha perimet ne copa shume te vogla, vendosim qepen e grire holle ne nje tenxhere me pak uje dhe e leme derisa te zbutet. Shtojme perimet e tjera, i rregullojme me pak kripe dhe i ziejme te gjitha duke i shtuar here pas here uje ose leng mishi derisa te jene zbutur plotesisht. Kur te jene gati, i kalojme ne mikser bashke me lengun e tyre derisa te formohet nje mase homogjene.

Ne nje ene tjeter ziejme pak oriz ne uje dhe kur te jete zbutur e perziejme me “salcen” e pregatitur me siper. I shtojme nje luge te vogel vaj ulliri dhe pak djath parmixhano.