Përbërësit
-
100 gr miell 00
-
100 gr sheqer
-
100 gr amareta
-
200 gr gjalp
-
200 gr çokollatë e zezë
-
4 vezë
-
2 dardhë
-
1/2 pako pluhur pjekës
-
25 gr copëza çokollate
Udhëzimet
Kisha kaq shumë kohë që nuk pregatisja një kek me çokollatë, sa kur pashë një recetë të këtyre 3 përbëresve më lartë që veç e veç unë i adhuroj, e mora të mirëqënë që edhe sëbashku do bashkoheshin mrekullisht. Dhe ashtu ishte! U kënaqëm gjithë paraditen duke bërë kuzhinën rrëmujë: njëri duke bërë brumin, tjetri duke ngrënë fshehurazi ndonjë copë çokollatë!
Hapat
|
1
Kryer
|
Ndajmë të verdhat e vezëve nga të bardhat duke i vendosur në dy enë të veçanta. Rrahim të verdhat me sheqerin derisa masa të fryhet dhe të rezultojë me ngjyrë të hapur. Shkrijmë në një enë çokollatën me gjalpin dhe kremin e formuar e shtojmë tek vezët bashkë me amaretat e thërrmuara, miellin dhe pluhurin pjekës. |
|
2
Kryer
|
Rrahim më vete të bardhat e vezëve dhe ja shtojmë brumit duke i përzierë me delikatesë nga poshtë lartë në mënyrë që të mos bjerë vëllimi. |
|
3
Kryer
|
E hedhim brumin e kekut në një formë të lyer me pak gjalp dhe miell dhe i vendosim sipër fetat e dardhave të prera hollë dhe copëzat e çokollatës. E pjekim në furrë të parangrohur në 180°C për rreth 40 minuta. |
