Arkiva Etiketash: Receta me kungull të njomë

Byrek i hapur me kungull të njomë

  • Racione: 6 persona
  • Vështirësi: e thjeshtë
  • Shtype

Byrek i hapur me kunguj te njome2

Kemi hyre zyrtarisht ne sezonin veror, atehere kur buka me vete ne plazh te shijon me shume se çdo gje tjeter. Eshte koha te shlodhemi nen hijen e pishave te gjithe bashke duke organizuar nje piknik ne ajer te paster me ato qe pergatisim me duart tona. Receta qe do tju prezantoj me poshte, i pershtatet mrekullisht kesaj kohe: kungulli i njome eshte ne kulmin e shijes se tij ndersa borziloku i jep freski. Jeni gati te perveshni menget?

Perberesit per nje tave me diameter 26cm

  • 1 pete sfoljate e gatshme (ose pergatiteni sipas recetes tone ketu)
  • 1kg kunguj te njome, ne feta te rrumbullakta
  • 1 qepe e vogel, e grire holle
  • 3 feta proshute, ne copeza te vogla
  • 4 veze
  • 200ml pana kuzhine
  • 100gr djathe guda, ne kubik
  • disa gjethe borzilok
  • vaj ulliri ekstra i virgjer
  • kripe
  • piper te zi te sapobluar

Pergatisim fillimisht mbushjen duke kaverdisur ne vaj ulliri ekstra te virgjer qepen derisa te rezultoje transparente. Shtojme kungujt e njome, proshuten dhe vazhdojme gatimin edhe per pak minuta ne zjarr mesatar. Shtojme pak uje (rreth 1 filxhan kafe) dhe i gatuajme kungujt me kapak te mbyllur derisa te zbuten duke i rregulluar ne fund me kripe, piper te zi te sapobluar dhe borzilok te fresket. E leme masen te ftohet.

Ne nje tas, rrahim vezet, shtojme panen e kuzhines dhe vazhdojme rrahjen.

Shtrojme ne tave peten sfoljate dhe e çpojme lehtesisht me dhembet e nje piruni ne fundin e saj. Shtojme perberjen me kunguj, qepe dhe proshute dhe siper hedhim kremin me veze dhe pana. Shperndajme ne siperfaqe kubiket e djathit dhe e pjekim ne furre te parangrohur ne 200°C per rreth gjysme ore. Presim te ftohet plotesisht perpara se ta presim dhe ta sherbejme.

Byrek i hapur me kunguj te njome1

Ruajtja: Byreku i hapur me kunguj te njome mund te ruhet ne frigorifer per maksimumi 2 dite mbuluar me qese transparente ose mund te ruhet ne ngrirje i ndare ne feta.

Byrek i hapur me kunguj te njome3

Reklama

Cordon bleu me kungulleshka

  • Racione: 6 persona
  • Vështirësi: e thjeshtë
  • Shtype
Cordon bleu me kungulleshka

Nese thua kungulleshka, menjehere te vijne ne mendje me dhjetra receta te thjeshta te pregatitura me kete perim delikat ne shije. Shtojini edhe kete me poshte:

Perberesit

  • 3 kungulleshka te vogla (nese jane te medha i ndajme ne dy pjese)
  • 6 feta te holla proshute e pjekur
  • 6 feta te holla djath qe shkrin te tipit gouda, provola etj
  • galete
  • djath kackavall i forte te grire holle
  • 2 luge borzilok te grire holle
  • kripe
  • vaj ulliri

Ndajme ne menyre gjatesore kungulleshkat ne dy pjese te barabarta dhe cdo gjysme te saj ne dy gjysma te tjera. Pjeseve konkave i heqim pak tul duke krijuar ne kete menyre nje hapsire te vogel boshe. I sperkasim me kripe dhe i leme menjane.

Ne nje ene bashkojme galeten me borzilokun dhe djathin kackavall te grire.

Mbushim hapesiren bosh te pjeseve konkave te kungulleshkave me proshute dhe djath duke e mbyllur me gjysmen tjeter gjatesore. I kalojme ne kete menyre ne vaj ulliri te bollshem, me pas ne galete dhe i pjekim ne furre te parangrohur ne 180C per rreth 30 minuta. I servirim te ngrohta.

Foto nga: http://blog.cookaround.com/incucinaconpagnott

Byrek me kungull

Byrek me kungullByreku eshte nje nga gatimet tradicionale me te njohura te kuzhines Shqiptare, i servirur ne pothuajse çdo rast. Receta me kungull qe po ju paraqesim me poshte, mund te sherbehet si e embel (duke i shtuar 3 luge sheqer harxhes) ashtu dhe e kripur (duke shtuar pak djath te bardhe sipas deshires).

Perberesit per nje tave me diameter rreth 40cm

  • 15 peta byreku te gatshme (nese doni mund ti pregatisni vet)
  • 1kg tul kungulli
  • 300ml qumesht (rreth 2 filxhan; 1 filxhan per harxhen e byrekut dhe 1 filxhan per te sperkatur petet)
  • 300gr gjalp
  • 3 veze
  • 1 luge miell
  • kripe
  • copeza djathi sipas deshires per byrek te kripur ose 3 luge sheqer per byrek te embel

Grijme tulin e kungullit ne rende me pjesen me te trashe te saj.

Ne nje tenxhere, shkrijme rreth 200gr gjalp dhe shtojme kungullin duke e gatuar ne zjarr te ulet per rreth 30 minuta; ne kete menyre kungulli do te zbutet dhe do ti avulloje lengu i tepert.

Ne nje tas rrahim vezet, shtojme qumeshtin, miellin, pak kripe, 100gr gjalp te shkrire paraprakisht ne mikrovale dhe kungullin duke i perziere shume mire; kjo eshte harxha me te cilen do te mbushim byrekun.

Lyejme me pak gjalp taven ku do te pregatisim byrekun, shtrojme 5 peta duke i sperkatur çdonjeren prej tyre me pak qumesht, shtojme gjysmen e harxhes me kungull, 5 peta te tjera (te sperkatura me qumesht), harxhen e mbetur dhe e perfundojme byrekun me 5 petat e fundit. I kthejme anet byrekut, hedhim mbi te qumeshtin e mbetur dhe e pjekim ne furre te parangrohur ne 200°C per rreth 30 minuta.

Foto nga: http://myretrokitchen.blogspot.com/

Rolè me kungulleshka dhe patëllxhan të pjekur

Role me patellxhan dhe kungulleshkaE kishit menduar ndonjehere qe me patellxhanet dhe kungulleshkat mund te realizoheshin antipasta vertete te shijshme? Jane teper te thjeshta ne pregatitje, dhe gjeja me e mire: mund ti gatuani 1 dite perpara dhe ti ngrohni ne momentin e fundit. Perveç kesaj, mund ti mbushni ne brendesi me çfare te deshironi: djath dhe proshute, gjize dhe spinaq etj.

Mund ti shnderroni ne nje pjate te pare te lehte, duke shtuar pak me shume salce dhe duke i servirur mbi pak kus kus.

Perberesit

  • 8 feta kungulleshka dhe 8 feta patellxhan (4 per person)

…per mbushjen

  • 200gr djath Guda te grire

…per salcen

  • 2 domate mesatare
  • 2 luge vaj ulliri
  • 2 thelpinje hudher
  • 50gr djath grana te grire (ose djath tjeter kaçkavall)
  • borzilok
  • kripe
  • piper

Pjekim ne nje tigan grile fetat e kungulleshkave dhe patellxhaneve nga te dyja anet dhe i leme menjane. Nderkohe pregatisim salcen me te cilen do te lyejme rolète: kaverdisim ne nje tigan me 2 luge vaj ulliri thelpinjte e hudhrave te grira shume holle (ose te kaluara ne mikser) derisa te zbuten. Shtojme domatet e qeruara dhe te prera ne kubik te vegjel dhe vazhdojme gatimin ne zjarr shume te ulet derisa te shperbehen plotesisht dhe te avulloje uji i tepert, per 10-15 minuta. E heqim salcen nga zjarri dhe shtojme pak borzilok, djathin grana te grire dhe e rregullojme me kripe e piper.

Pregatisim rolète duke vendosur mbi çdo fete kungulleshke dhe patellxhani te pjekur pak djath Guda te grire, e sperkasim me nje luge te vogel salce dhe e mbeshtjellim ne forme rolèje duke e fiksuar me nje kunje dhembesh.

Nese na tepron pak salce, ja hedhim rolève siper. I pjekim ne furre te parangrohur ne 180°C per max 5 minuta, apo derisa te shkrije djathi ne brendesi.

Foto nga: http://delishknowledge.com/

Kungulleshka tringjyrëshe

Nje antipaste shumengjyreshe per te gjithe ata qe nuk duan te heqin dore nga linjat, pervecse te shijojne ushqimin e mire ne festat e fundvitit.

Perberesit per rreth 30 antipasta te vogla

  • 5 kungulleshka mesatare
  • 15 domate qershize te prera ne feta
  • 150gr djath gorgonxola
  • 3 luge plot djath Parmixhano te grire (ose djath tjeter kaçkavall)
  • 1 luge te vogel borzilok
  • nje maje luge piper

Presim si fillim kungulleshkat ne feta te trasha rreth 2cm. Me ndihmen e nje luge te vogel, heqim pjesen e brendshme duke e lene hapesiren bosh. I vendosim kungulleshkat ne nje tave te shtruar me leter furre dhe ne hapesiren boshe shtojme gjysme luge djath gorgonxola te cilin e kemi therrmuar me dore.

Ne nje ene te vogel, bashkojme djathin Parmixhano te grire me borzilokun dhe pak piper dhe sperkasim me gjysmen e saj djathin gorgonxola qe ndodhet brenda copave te kungulleshkave. Vendosim nje fete domate ne secilen prej kungulleshkave, e sperkasim me pjesen tjeter te djathit te grire dhe i pjekim ne furre te parangrohur ne 200°C per 5-7 minuta, apo derisa djathi te kete shkrire. I sherbejme te ngrohta.

Tartë tatin me kungulleshka dhe domate

Tarta tatin, tradicionalisht i referohet nje lloj torte me molle ku keto te fundit bashkohen me sheqerin e gjalpin dhe korja e tortes ndodhet ne siperfaqe te saj, e jo poshte si zakonisht. Per kete arsye, tarta tatin duhet kthyer permbyse direkt pas pjekjes. Por versionet tashme jane nga me te ndryshmet, dhe ne pikerisht po ju paraqesim nje te tille te kripur, mjaft te vecante si nga pamja ashtu dhe nga shija!
Perberesit

  • 1 pete sfoljate e rrumbullaket me diameter 26-28cm
  • 2 kungulleshka
  • 3-4 lule kungulleshke (fakultative)
  • 2 domate te rrumbullakta
  • 2 luge sheqer
  • 4 luge uthull vere te bardhe
  • 4 luge vaj ulliri
  • kripe
  • piper

Pastrojme kungulleshkat dhe domatet dhe i presim ne feta te pjerreta me trashesi rreth 5mm.

Ne nje tigan, shkrijme 1 luge sheqer me 2 luge uthull vere te bardhe, shtojme ne fillim kungulleshkat dhe i leme te karamelizohen per pak minuta. I heqim dhe i leme menjane. Te njejten gje bejme edhe me fetat e domateve duke perdorur sheqerin dhe uthullen e mbetur.

Lyejme me 2 luge vaj ulliri nje forme te rrumbullaket tortash me diameter rreth 24cm. Vendosim njera pas tjetres fetat e kungulleshkave dhe domateve te karamelizuara, i rregullojme me kripe, piper dhe i mbulojme me peten sfoljate te rrumbullaket duke futur anet e petes brenda formes .

E pjekim tarten ne furre te prangrohur ne 200°C per rreth 25 minuta derisa peta sfoljate te kete marre ngjyre te arte. E nxjerrim nga furra, e leme per rreth 5 minuta ne temperature ambjenti dhe me pas e kthejme ne nje pjate te ceket. E zbukurojme me lulet e kungulleshkave te pastruara dhe te skuqura ne vajin e ullirit te mbetur

Omëletë me kungulleshka në furrë

  • Racione: 4 persona
  • Vështirësi: e thjeshtë
  • Shtype

Omelete me kungulleshka ne furre

Ne keto dite te nxehta vere, si thoni sikur te pregatisim nje omelete ne furre dhe ta shijojme ne temperature ambjenti bashke me nje sallate te fresket?

Perberesit

  • 6 veze mesatare
  • 4-5 kungulleshka (varet nga madhesia e tyre, afersisht 400gr)
  • 1 qepe e njome e vogel
  • 4 luge qumesht
  • 3 luge plot djath kaçkavall te grire
  • 2 luge galete
  • 150gr djath te bardhe
  • 1 tufe majdanoz
  • vaj ulliri
  • gjalp
  • kripe
  • piper
  • 4 feta buke te thekur per ta shoqeruar

Lajme dhe pastrojme kungulleshkat (pa i qeruar), i ndajme ne 4 pjese ne menyre gjatesore dhe i presim ne kubik.

Ne nje tigan kaverdisim lehte ne vaj ulliri qepen e grire holle derisa te behet transparente, shtojme kungulleshkat dhe vazhdojme gatimin duke i perziere shpesh. I rregulloje me kripe, piper dhe i gatuajme per rreth 10 minuta derisa te zbuten. Shtojme majdanozin e gire dhe fikim zjarrin.

Ne nje ene, rrahim vezet me qumeshtin, djathin kaçkavall, kripe, piper duke shtuar se fundi edhe kungulleshkat.

Lyejme me pak gjalp dhe galete nje tave te rrumbullaket (me diameter 24-26cm) dhe hedhim ne te perberjen me veze dhe kungulleshka.  Siper shtojme edhe djathin e bardhe te therrmuar dhe e pjekim te gjithen ne furre te parangrohur ne 180°C per rreth 20 minuta.

E heqim nga furra, e leme disa minuta ne menyre qe masa te mpikset dhe e kthejme nga ana tjeter mbi nje pjate te ceket. E presim ne feta, e sperkasim me pak piper te zi dhe e dekorojme me disa gjethe majdanozi. E shoqerojme me feta buke te thekura.

Tortë krepesh me perime

Kjo antipaste e cila kerkon pak kohe ne pregatitje, rekomandohet te gatuhet ne raste festash si per shembull nje ditelindje, apo festat e fundvitit. Me pak miremenaxhim te kohes, nuk do te jete shume e veshtire te sillni ne tavoline shijen e vecante te kesaj torte te kripur e cila me ngjyrat e saj, do te mahnise edhe femijet.

Perberesit

  • 10 krepa te kripur sipas recetes qe do ta gjeni ketu
  • 1kg kungulleshka
  • 1kg domate (mundesisht te tipit San Marzano, qe jane edhe ato me te emblat)
  • 1 qepe
  • 400gr djath mocarela (ose djath tjeter qe shkrin)
  • 2 luge vaj ulliri
  • pak borzilok
  • kripe
  • piper

Nderkohe qe kemi pregatitur brumin per krepa dhe ai pushon (minimumi 30 minuta) ne frigorifer, vazhdojme me pregatitjen e mbushjes se tortes me perime:

Ne nje tigan te madh, kaverdisim me dy luge vaj ulliri per rreth 15 minuta qepen te grire shume holle, kungulleshkat e prera ne copa te vogla, domatet te cilave i kemi hequr lekuren, farat e brendshme dhe i kemi prere ne shirita te holle, i rregullojme me kripe dhe piper dhe i gatuajme me kapak te mbyllur ne menyre qe avulli ti zbusi perimet. Ne fund, masa duhet te rezultoje e thate.

E heqim tiganin nga zjarri dhe shtojme djathin mocarela te prere ne kubik te vegjel, borzilokun e prere holle dhe i perziejme derisa djathi te shkrihet.

Marrim nje tas jo shume te madh me forme te rrumbullaket (madhesia varet nga diametri i krepave, duhet te kemi parasysh qe nje krepe duhet “ta veshe” nga brenda tasin) dhe e veshim me leter celofoni. E lyejme letren me pak vaj ulliri dhe vendosim ne te 2 krepa njeri pas tjetrit. Vendosim 1/4 e perimeve, 2 krepa te tjere, dhe vazhdojme ne kete menyre derisa perimet dhe krepat te perfundojne (normalisht jane formuar 4 shtresa me perime dhe 5 shtresa me nga 2 krepa). E mbulojme siperfaqen me leter transparente dhe i vendosim siper nje peshe paksa te rende (psh nje tenxhere me pak uje) ne menyre qe torta te rezultoje kompakte. E fusim ne frigorifer per rreth 2 ore, dhe ne momentin e servirjes e permbysim torten e krepave me perime dhe e presim ne feta.

(recete marre nga: 365 giorni a tavola-Paola Loaldi, dhe modifikuar nga autorja)

Rolè omëlete me kungulleshka dhe domate të thata

Rolè me kungulleshka dhe domate te thataNje recete e denje per te qene ne mes te tavolines suaj per festat e fundvitit, por jo vetem! Mund ta servirni gjithashtu ne nje darke mes miqsh, apo ne nje bufè.

Perberesit

…per omeletat

  • 12 veze mesatare
  • 30gr gjalp
  • 3-4 luge qumesht
  • 6 kungulleshka te vogla
  • 150gr domate te thata nen vaj
  • pak borzilok
  • kripe
  • piper

…per salcen

  • 2 luge kaperi
  • 2 luge vaj ulliri
  • 1 tufe majdanoz
  • lengun e 1 limoni

Pregatisim si fillim omeletat me veze duke perziere ne nje ene vezet me qumeshtin, pak kripe, piper dhe borzilok. Ne nje tigan te madh me diameter rreth 30cm, shkrijme 1/3 e gjalpit dhe hedhim 1/3 e perberjes me veze, e cila pasi eshte gatuar nga njera ane, e kthejme me kujdes nga ana tjeter (nese nuk jeni ekspert, mund ta ktheni me ndihmen e nje pjate). Ne te njejten menyre gatuajme edhe 2 omeletat e tjera dhe i leme menjane nderkohe qe pregatisim mbushjen:

Presim kungulleshkat ne feta te holla dhe i pjekim ne zgare per rreth 10 minuta (ose mund ti zjeni ne uje te kripur per 2 minuta). Vendosim njeren omelete mbi nje leter celofoni, e mbulojme me kungulleshkat e pjekura dhe siper tyre vendosim domatet e thata te prera ne shirita te holle. E rrotullojme omeleten rreth vetes dhe e mbeshtjellim me letren e celofonit. Ne te njejten menyre veprojme edhe me omeletat e tjera. I vendosim ne frigorifer per rreth 1 ore, eleminojme letren transparente dhe i presim ne copeza rreth 2cm. I sherbejme duke vendosur nje kruajtse dhembesh ne secilen prej tyre.

Pregatisim salcen me te cilen do ti shoqerojme duke kaluar ne mikser majdanozin, kaperit, vajin e ullirit dhe lengun e limonit derisa te formohet nje mase homogjene. I rendisim bukur rolète ne nje pjatance te madhe dhe ne mes vendosim nje tas te vogel me salcen e pregatitur.

Variante te tjera mbushje mund te jene:

  • spinaq i ziere, djath me shije delikate (cheddar apo emmental), pançete te pjekur ne grile
  • proshute e pjekur, djath qe shkrin
  • rukola, djath kremoz (te tipit filadelfia), proshute e pjekur

1 2
Krijoni një sajt ose blog te WordPress.com