Arkiva Etiketash: Receta me lepur

Çomlek me qepë

  • Racione: 6 persona
  • Vështirësi: mesatare
  • Shtype
Comlek me qepeKjo recete kerkon qe mishi i lepurit te marinohet gjithe naten, prandaj filloni pregatitjen e pjates nje dite perpara se ta konsumoni.

Perberesit

  • 1kg lepur te ndare ne pjese (ose shpatull viçi te ndare ne 6 pjese)
  • 2kg qepe te vogla te qeruara dhe te plota
  • 2 luge gjelle salce domatesh
  • 4 luge gjelle uthull vere te kuqe
  • 1 gote te vogel vere te kuqe
  • 2 thelpinje hudhra te qeruara
  • 2 gjethe dafine
  • arre moskate te grire
  • kripe
  • piper te zi te sapobluar
  • vaj ulliri

Shplajme copat e lepurit dhe i vendosim ne nje tas te madh bashke me gjethet e dafines dhe uthullen. I perziejme mire, i mbulojme me leter celofoni dhe i leme ne frigorifer te marinohen gjithe naten.

I heqim copat e mishit nga marinata (te cilen e ruajme), i thajme me letra kuzhine dhe i leme menjane.

Ne nje tigan, skuqim copat e lepurit nje nga nje per 5 minuta, apo derisa te kene marre ngjyre te arte ne siperfaqe.

Kur te gjitha copat e mishit te jene skuqur, i vendosim serisht ne tigan, shtojme hudhrat, marinaten, arren moskate, kripe, piper te zi, veren, salcen e domateve dhe uje te nxehte. I gatuajme ne kete menyre per rreth 1 ore.

Nderkohe, ne vajin e mbetur, skuqim qepet e vogla ne zjarr mesatar derisa te marrin ngjyre te arte dhe ja shtojme mishit, e mbulojme tenxheren dhe i gatuajme edhe per gjysme ore tjeter.

E sherbejme çomlekun me patate te skuqura, pilaf te bardhe dhe nje sallate jeshile.

Keshille: Per ta bere kete pjate akoma me te shijshme, shtojme edhe 5-6 kumbulla te thata.

Foto nga: http://cookinginplaingreek.com

Advertisements

Lepur alla franceze

Lepuri eshte nje nga kafshet me mish me te shijshem dhe me te lehte, prandaj mund te gatuhet ne shume menyra. Me poshte po iu propozojme menyren “franceze” te gatimit te tij, e cila sigurisht qe do t’u pelqeje edhe femijeve.

Perberesit

  • 1 lepur te plote
  • 1/2 limoni
  • 1 gote vere te bardhe
  • 1/2 gote vaj ulliri
  • 3-4 gjethe dafine
  • 1 thelpi hudher
  • kripe
  • piper

E presim lepurin ne copa afersisht te te njejtes madhesi ne menyre qe te gatuhet uniforme. E vendosim ne nje tenxhere te thelle dhe te gjere qe te permbaj te gjitha copezat pa i vene njera siper tjetres, i mbulojme me veren e bardhe, vajin e ullirit, lengun e gjysme limonit dhe lekuren e tij, gjethet e dafines, hudhren e shtypur dhe pak kripe e piper. E leme ne kete menyre te marinohet me kapak te mbyllur per minimumi 2 ore.

Pasi ka kaluar kjo kohe, e vendosim lepurin per tu gatuar ne zjarr mesatar per rreth 1 ore duke shtuar pak uje apo leng mishi ne menyre qe te mos digjet. Duhet te kemi parasysh qe ne fund lepuri duhet ta kete thithur te gjithe ujin dhe lekura e tij duhet te rezultoje paksa krokante, gje te cilen e realizojme duke e kthyer shpesh nga njera ane dhe nga tjetra.

Perpara se ta sherbejme ne pjate, heqim hudhren, gjethet e dafines dhe lekuren e limonit dhe e servirim shoqeruar me purè patatesh apo patate ne furre.

Lepur me limë

Lepuri me lime eshte nje recete teper e rafinuar dhe origjinale e cila duke u pregatitur vetem me kofshet e lepurit, i pershtatet cdo dreke apo darke festive. Mund ta servirni gjithashtu edhe per festen e Shen Valentinit, per shkak te aromes se kendeshme te frutit te limes. Pregatitja nuk eshte impenjative, pervec faktit qe lepuri duhet vendosur te marinohet nje nate perpara ne frigorifer, ndersa vazhdimi i pregatitjes eshte lehtesisht i realizueshem.
Perberesit per 4 persona

  • 4 kofshe lepuri
  • lengun e 3 limave
  • 4 thelpi hudher
  • pjesen e bardhe te 2 presheve
  • leng pule te pregatitur me koncentrate pule
  • 1 gote vere te bardhe
  • rozmarine
  • trumez
  • 2 gjethe dafine
  • pak miell
  • kripe
  • piper
  • vaj ulliri

Per zbukurim

  • 1 lime e prere ne feta te rrumbullakta

Ne nje tas te thelle vendosim 4 luge vaj ulliri, thelpinjte e hudhres te shtypur, pak trumez, pak rozmarine, 2 gjethe dafine dhe lengun e dy limave duke i perziere te gjitha bashke. Kriposim dhe piperosim kofshet e lepurit dhe i leme te marinohen ne kete perberje per 12 ore ne frigorifer me kapak te mbyllur duke i rrotulluar te pakten dy here.

Diten tjeter, i heqim nga marinimi duke i thare me letra kuzhine, i lyejme me pak miell dhe i skuqim ne tigan me pak vaj ulliri derisa te marrin ngjyre te arte uniforme nga te gjitha anet. E shuajme lepurin me veren e bardhe, shtojme pak leng pule dhe lengun e limes se trete dhe e gatuajme ne zjarr te avashem per rreth 40 minuta, duke shtuar here pas here leng kur te jete e nevojshme.

Nderkohe, lajme dhe pastrojme me kujdes preshet, i persim pergjysme dhe me pas ne fije te holla te cilat ia shtojme lepurit 10 minuta perpara perfundimit te gatimit. E rregullojme pjaten me kripe e piper dhe leme kapakun hapur ne menyre qe salca te trashet dhe te avulloje uji i tepert. E servirim kete recete te ngrohte, te dekoruar me feta lime te prera holle.

Krijoni një sajt ose blog te WordPress.com