Tag Archives: Heavy cream recipes

Tortë djathi (cheesecake) me luleshtrydhe

  • Racione: 10-12 persona
  • Vështirësi: e thjeshtë
  • Shtype

111

Kete torte e pregatita per te festuar 3 mujorin e djalit tim, te cilit çdo muaj po i pregatis nga nje torte te ndryshme! Eshte fantastike, teper e thjeshte dhe mbi te gjitha mund te pregatitet nje dite perpara. Eshte e kot te theksoje qe mbaroj brenda 24 oreve 😀

Perberesit
…per bazen

  • 180gr biskota Digestive
  • 100gr gjalp te shkrire ne mikrovale

…per kremin

  • 500gr krem djathi (te tipit Filadelfia Klasike)
  • 200ml krem pana per embelsira te sheqerosur
  • 100gr sheqer pluhur
  • 10gr xhelatine pjeshke (=5 fleta)
  • 1 pako te vogel vanilje

…per salcen me luleshtrydhe

  • 200gr luleshtrydhe
  • 1 luge sheqer pluhur

Pregatisim bazen e tortes me krem djathi duke kaluar ne mikser biskotat Digestive derisa te reduktohen ne pluhur, shtojme gjalpin e shkrire ne mikrovale dhe i perziejme mire.
Lyejme me gjalp nje tave te rrumbullaket, anet e se ciles mund te hapen, e veshim me leter furre dhe hedhim ne te perberjen mesiper duke e ngjeshur me pellemben e dores. Ne kete menyre kemi formuar bazen e tortes. E vendosim ne akull qe masa te forcohet dhe vazhdojme me pregatitjen e kremit.

Rrahim me ndihmen e nje mikseri elektrik kremin e djathit bashke me 50gr sheqer pluhur dhe vaniljen derisa kremi te zbutet dhe e leme menjane.
Vendosim xhelatinen e pjeshkes te zbutet ne nje ene te vogel me uje te ftohte per te pakten 10 minuta.
Ne nje tenxhere te vogel, ngrohim 4 luge pana (te parrahur) dhe shkrijme ne te xhelatinen e pjeshkes te cilen e kemi shtrydhur mire nga uji i tepert. Ja shtojme kete perberje kremit te djathit.
Se fundi, rrahim shume mire edhe panen per embelsira me 50gr sheqer pluhur derisa kremi te rezultoje i qendrueshem, dhe ja shtojme kremit te djathit mesiper duke i perziere me kujdes.

E hedhim kremin e perftuar mbi bazen e tortes te cilen e kemi nxjerre nga akulli dhe e nivelojme mire me ndihmen e nje spatule. E vendosim torten ne frigorifer per gjithe naten.

Pregatisim salcen me luleshtrydhe duke vendosur ne nje tenxhere ne zjarr te ulet luleshtrydhet e prera ne copa bashke me sheqerin derisa te shperbehen plotesisht. E kalojme kete perberje ne nje site (qe te eleminojme farat), e leme te ftohet plotesisht dhe ja hedhim tortes me krem djathi ne siperfaqe.

E zbukurojme sipas deshires me disa luleshtrydhe dhe e sherbejme te prere ne copa.

Advertisements

Tortë mimoza

Torta mimozaTorta mimoza eshte nje nga embelsirat me te pregatitura per 8 marsin, festen e nenes. E merr kete emer pikerisht sepse eshte e zbukuruar me copeza pandispanje te cilat te kujtojne lulen simbol te kesaj feste, mimozen. Doni ti beni nje surprize te veçante nenes suaj? Receten e gjeni me poshte:Perberesit

…per 2 pandispanja me diameter 22-24cm

  • 200gr miell 00
  • 220gr sheqer
  • 4 veze te plota + 8 te verdha vezesh
  • 40gr niseshte

…per kremin e pastiçerise

  • 300ml qumesht me yndyre 3,5%
  • 300ml pana te lengshme
  • 200gr sheqer
  • 8 te verdha vezesh
  • 50gr miell
  • 1 pako te vogel vanilje

…per shurupin per lagien e pandispanjes

  • 100ml uje
  • 50gr sheqer
  • pije alkoolike (psh Alchermes, Cointreau, Maraschino) apo leng frutash (psh leng ananasi)

…tjeter

  • 200ml pana per embelsira e sheqerosur

Pregatisim pandispanjat: rrahim me ndihmen e nje mikseri elektrik me shpejtesine e tij maksimale vezet e plota me sheqerin per rreth 15 minuta derisa te formohet nje perberje e fryre dhe me ngjyre te hapur. Shtojme te verdhat e vezeve dhe vazhdojme rrahjen edhe per 5 minuta te tjera. I shtojme kesaj perberje miellin dhe niseshten e situr dhe i bashkojme me ndihmen e nje spatule kuzhine ne menyre shume delikate nga poshte lart. E hedhim masen e perftuar ne dy tava te rrumbullakta te lyera me gjalp dhe miell me diameter 22-24cm dhe i pjekim ne furre te parangrohur ne 180°C per rreth 30 minuta. I heqim nga furra, i permbysim ne tavolinen e punes te shtruar me leter furre dhe i leme te ftohen plotesisht.

Pregatisim kremin e pastiçerise sipas recetes qe e gjeni ketu: i vetmi ndryshim qe duhet te bejme eshte ti shtojme qumeshtit panen e lengshme. E leme kremin e pastiçerise te ftohet plotesisht ne temperature ambjenti dhe me pas e fusim ne frigorifer.

Pregatisim shurupin per lagien e pandispanjes: vendosim ne zjarr te avashem ujin me sheqerin dhe pijen alkoolike apo lengun e frutave derisa sheqeri te jete shkrire plotesisht dhe e leme te ftohet ne temperature ambjenti.

Rrahim me ndihmen e mikserit elektrik panen per embelsira derisa kremi te mos bjere nga ena dhe e vendosim edhe kete ne frigorifer.

Ne momentin qe kremi i pastiçerise eshte ftohur, i shtojme panen e rrahur (heqim 2-3 luge) duke e perziere me kujdes nga poshte lart.
Duke perdorur nje thike te gjate dhe te mprehte, ndajme njeren nga pandispanjat ne tre pjese te barabarta horizontalisht. Pandispanjen tjeter e presim ne kubik pak a shume te te njejtes madhesie te cilat do te na nevojiten per zbukurim.

Pregatisim torten: Lagim njeren shtrese te pandispanjes me gjysmen e shurupit, dhe e lyejme me nje luge pana per embelsira. Siper saj shtrojme nje pjese te kremit te pastiçerise qe bashkuam me panen dhe vendosim siper shtresen e dyte te pandispanjes. E perserisim proçeduren si me pare dhe ne fund e lyejme te gjithe torten me kremin e mbetur dhe e zbukurojme me kubiket e pandispanjes. E vendosim torten ne frigorifer deri ne momentin e servirjes dhe e sherbejme te prere ne feta.

*Keshille: Ne menyre qe torta te mos thahet dhe te mos marre eren e ushqimeve te tjera ne frigorifer, e vendosim ne nje mbajtese embelsirash ne forme zile. Mund ta ruani ne frigorifer per maksimumi 3 dite.

Rolè me arra dhe krem kafe

Role me arra dhe krem kafeReceta e kesaj embelsire eshte relativisht e thjesht per tu realizuar dhe rezultati do te jete teper i shijshem e skenografik. Mund te sherbeje per te mbyllur per shembull menúne e nje darke mes miqsh apo festive.
Perberesit per nje rolè

…per pandispanjen

  • 100gr miell
  • 100gr arra te qeruara dhe te reduktuara ne miell me ndihmen e mikserit
  • 100gr sheqer te bardhe
  • 4 veze
  • 1 luge te vogel plot pluhur pjekes
  • pak vanilje
  • 30gr vaj ulliri ose gjalp te shkrire ne mikrovale
  • pak rum per sperkatje (eleminojeni nese ja servirni femijeve)

…per kremin me kafe

  • 250ml krem pana per embelsira te sheqerosur
  • 1 luge te vogel kafe e tretshme ne uje
  • disa arra te qeruara ne copat e vogla

…per ta mbuluar

  • sheqer pluhur

Pregatisim pandispanjen duke ndare si fillim te bardhat nga te verdhat e vezeve ne dy ene te veçanta. Me ndihmen e nje mikseri elektrik, rrahim te verdhat e vezeve me sheqerin derisa te perftojme nje perberje kremoze dhe me ngjyre te hapur. Shtojme arrat e reduktuara ne pluhur, miellin e situr, pluhurin pjekes, vaniljen dhe vajin e ullirit duke i perziere shume mire.

Ne enen tjeter rrahim te bardhat e vezeve me pak kripe derisa te perftojme nje mase qe nuk bie nga ena. Ja shtojme kete perberjes me te verdhe veze duke e perziere me kujdes nga poshte lart. Ne kete menyre kemi perftuar brumin e pandispanjes se rolèse. E hedhim brumin ne nje tave me permasa rreth 20×30 te shtruar me leter furre, e nivelojme mire dhe e pjekim ne furre te parangrohur ne 200°C per 5-7 minuta, apo derisa pandispanja te marre ngjyre te arte ne siperfaqe.

Lyejme me sheqer pluhur nje pecete te paster te lagur me uje e te shtrydhur shume fort dhe vendosim mbi te pandispanjen duke i dhene formen e rolèse (e rrotullojme gjithmone nga ana me e shkurter). E leme te ftohet nderkohe qe pregatisim kremin.

Shkrijme ne pak uje te vaket kafen e tretshme. Rrahim me ndihmen e nje mikseri elektrik panen per embelsira dhe shtojme dalengadale kafen duke vazhduar rrahjen.

Bejme pregatitjen perfundimtare te rolèse: marrim pandispanjen, e çrrotullojme dhe e lagim me pak rum, ose pak arome rumi te tretur ne uje. Per ata qe nuk e preferojne kete arome, mund ta lagin pandispanjen me pak kafe te tretur ne uje/qumesht duke i shtuar ose jo sheqer (sipas deshires). E lyejme me kremin e pregatitur duke e niveluar mire ne te gjithe siperfaqen, shtojme disa arra ne copeza te vogla dhe e rrotullojme serisht me shume kujdes duke e vendosur ne pjatancen ku do ta sherbejme.E sperkasim me pak sheqer pluhur, dhe ne momentin qe do ta sherbejme e presim bukur ne feta.

Tortë djathi (cheesecake) klasik

Cheesecake klasikCheesecake Njujorkez (lexohet: çiz’keik) , ose shqip Torta me djath Njujorkeze, eshte nje embelsire tipike amerikane e cila pregatitet me djath te fresket, edhe pse origjina shume e larget mendohet te jete nga ishulli Delos ne Greqi.

Ne momentin qe kjo embelsire kaloi nepermjet romakeve ne Amerike, amerikani James Kraft u mundua te krijonte nje lloj djathi nga qumeshti i pasterizuar i cili do ti pershtatej mrekullisht kesaj embelsire. Keshtu ne vitin 1928, ai krijoi djathin Philadelphia i cili eshte deri me sot me i perdoruri per kete embelsire.

Perberesit

…per bazen

  • 200gr biskota Digestive
  • 120gr gjalp
  • 2 luge sheqer

…per kremin

  • 600gr djath Philadelphia original ne temperature ambjenti
  • 100ml pana per embelsira e sheqerosur
  • 3 veze ne temperature ambjenti
  • 50 gr sheqer
  • 2 luge niseshte
  • 1 pako te vogel vanilje
  • lekuren e 1/2 limoni

…per siperfaqen

  • 5 luge reçel nga ai qe preferoni me shume

Lyejme fillimisht me pak gjalp (ose e veshim me leter furre) nje tave me diameter 22-24cm qe hapet anash dhe parangrohim furren ne 160-170°C.

Per bazen: Grijme ne mikser biskotat Digestive, i hedhim ne nje tas dhe shtojme gjalpin qe kemi shkrire ne mikrovale dhe sheqerin. I bashkojme mire derisa therrimet e biskotave ta kene thithur gjalpin dhe e hapim ne fundin e taves dhe anet e saj duke e ngjeshur me luge. E fusim taven ne frigorifer nderkohe qe pregatisim mbushjen.

Per mbushjen: Rrahim me mikser elektrik kremin e djathit, sheqerin dhe niseshten per rreth 2 minuta. Shtojme vezet nje nga nje, duke patur kujdes te mos shtojme vezen e dyte nese e para nuk eshte thithur plotesisht nga perberja.

Ne nje tjeter tas rrahim panen per embelsira me lekuren e limonit dhe vaniljen dhe ja shtojme me kujdes kremit te mesiperm derisa te bashkohen plotesisht.

Nxjerrim bazen e cheesecake nga frigoriferi, hedhim ne te kremin e pregatitur dhe e pjekim ne furre 170°C per rreth 15 minuta, me pas e ulim temperaturen ne 120°C dhe e pjekim akoma dhe per 1-1.5 ore apo derisa masa te mpikset.

E mbulojme embelsiren me nje leter transparente dhe e leme te ftohte gjithe naten.

Ne momentin e servirjes, e sherbejme me pak reçel ne siperfaqe.

Tortë me çokollatë dhe krem me qershi

Torte me çokollate dhe qershiMuajt maj-qershor jane ato kur qershite arrijne kulmin e pjekies se tyre, prandaj po ju servirim nje recete teper te veçante perpara se mos ta gjejme me ne treg kete frute. Kjo torte ngjan paksa me cheesecake, torten me djath tipike amerikane, por vetem se baza pregatitet me buke te ndenjur bashkuar me qumesht, çokollate te zeze etj. Perberesit

…per bazen me çokollate te tortes

  • 400ml qumesht
  • 100gr çokollate te zeze
  • 150gr buke te ndenjur per 1 nate
  • 50gr sheqer
  • lekuren e 1 limoni

…per kremin me qershi

  • 250gr qershi te qeruara nga berthama
  • 250gr kos frutash me qershi
  • 3 flete xhelatine
  • 250ml pana per embelsira te sheqerosur

…per zbukurim

Ngrohim qumeshtin, shtojme çokollaten e ndare ne copeza, sheqerin, buken e thare dhe lekuren e limonit te grire holle duke i perziere mire derisa te formohet nje mase homogjene. Kete mase e leme te pushoje ne temperature ambjenti per rreth 4 ore. Lyejme me pak gjalp dhe miell nje tave te rrumbullaket me diameter rreth 22cm, hedhim perberjen e mesiperme dhe e pjekim ne furre te parangrohur ne 175°C per rreth 50 minuta. Nderkohe bashkojme kosin me qershi me qershite pa berthame dhe xhelatinen e shkrire ne pak uje te nxehte. Ne nje ene, rrahim panen per embelsira derisa te formohet nje mase e qendrueshme. Bashkojme panen me kosin me qershi dhe kremin e formuar e hedhim siper kekut qe tashme eshte pjekur, e nivelojme mire dhe e fusim ne frigorifer per rreth 3 ore ne menyre qe te mpikset. Ngrohim ne zjarr shume te ulet reçelin e qershise dhe lyejme me te siperfaqen e tortes. E zbukurojme torten me kokrra te plota qershie ose me pak krem pana te rrahur.

Kupa me luleshtrydhe dhe kek të shkrifët

Kupa me luleshtrydhe dhe kek te shkrifetKupat me luleshtrydhe dhe kek te shkrifet, jane nje embelsire shume e shijshme dhe e lehte tipike te kuzhines Amerikane. Le te shfrytezojme edhe per pak kohe kete periudhe kur luleshtrydhet jane te kuqe dhe plot leng!

Perberesit

…per kekun e shkrifet

  • 120gr miell 00
  • 20 gr sheqer
  • 60gr gjalp te ftohte
  • 100ml qumesht ne temperature ambjenti
  • 1/2 luge gjelle pluhur pjekes
  • nje maje luge te vogel kripe

…per luleshtrydhet e marinuara

…per kremin

Bashkojme ne nje tas luleshtrydhet e prera ne feta me sheqerin, e mbulojme tasin me leter transparente dhe e vendosim ne frigorifer deri ne momentin e servirjes; ne kete menyre luleshtrydhet do te marinohen ne menyre natyrale.

Ne nje tjeter tas, bashkojme miellin e situr, sheqerin, pluhurin pjekes dhe pak kripe duke i perziere mire. Shtojme gjalpin e prere ne kubik te vegjel dhe me ndihmen e nje mikseri elektrik i bashkojme perberesit derisa te formohet nje brum i trashe (nuk eshte problem nese ne brum ngel ndonje cope e vogel gjalpi). Shtojme pak nga pak qumeshtin dhe vazhdojme rrahjen me pirun derisa brumi te zbutet.

E transferojme brumin ne tavolinen e punes te lyer me pak miell dhe e punojme lehtesisht me dore per 3-4 here derisa te behet i njetrajtshem. Me ndihmen e nje okllaie, hapim nje pete me trashesi rreth 1/2cm dhe me ane te formave rrethore per biskota (ose mund te perdorim nje gote te vogel) formojme rreth 16 rrathe. I vendosim biskotat ne nje tave te shtruar me leter furre dhe i pjekim ne furre te parangrohur ne 220°C per 8-10 minuta, apo derisa te marrin ngjyre te arte ne siperfaqe.

Nderkohe rrahim panen per embelsira me ndihmen e mikserit elektrik derisa masa te mos bjere nga ena.

Kur keket e vegjel te jene pjekur, i leme per disa minuta ne temperature ambjenti dhe me pas fillojme me pregatitjen e kupave qe do te servirim; vendosim nje cope kek ne pjesen e poshteme te kupave, e lagim me nje luge luleshtrydhe dhe shurupin e tyre, nje luge krem pana dhe keshtu me rradhe duke e zbukuruar ne fund me pana dhe luleshtrydhe.

Ne rast se kupat nuk i servirim menjehere, i vendosim ne frigorifer

Krem maskarpone me fruta pylli

Krem maskarpone me fruta pylli

Kremi maskarpone i shoqeruar nga frutat e pyllit, eshte nje embelsire me luge shume e fresket dhe me perberes te thjeshte, ideal per tu shijuar ne nje dite te nxehte.
Perberesit

Rrahim me pirun ne nje tas kremin maskarpone me 2 luge qumesht derisa te hollohet pak, shtojme sheqerin pluhur, vaniljen dhe i perziejme mire.

Ne nje tjeter tas, rrahim panen per embelsira me ndihmen e nje mikseri elektrik dhe ja shtojme dalengadale kremit me maskarpone duke e perziere me kujdes nga poshte lart ne menyre qe te mos bjere volumi.

E ndajme kremin e perftuar neper kupa te vogla qelqi te cilat i vendosim ne frigorifer per 2-3 ore.

Nderkohe perziejme frutat e pyllit me sheqerin normal, me lengun dhe lekuren e limonit dhe i leme te marinohen ne frigorifer.

Ne momentin e servirjes, nxjerrim kupat me krem nga frigoriferi dhe i hedhim siper 1-2 luge fruta pylli te marinuara.

*Keshille: Nese perdorim fruta pylli te ngrira, pasi te jene shkrire plotesisht ne temperature ambjenti, i vendosim ne tigan bashke me sheqerin normal ne zjarr shume te ulet duke i perziere shpesh; ne kete menyre do te humbasin ujin e tepert

Tortë me lajthi dhe krem pana

Torte me lajthi dhe krem panaProvoni t’ja servirni miqeve tuaj kete torte si pjate te fundit pas nje menù-je me baze mishi.
Perberesit

  • 300gr lajthi te qeruara
  • 500ml pana per embelsira
  • 120gr sheqer
  • 4 veze
  • 1 luge sheqer pluhur
  • pak gjalp
  • pak miell
  • nje maje luge kripe

Ne nje tigan qe nuk ngjit, pjekim ne zjarr mesatar lajthite e qeruara  per rreth 2 minuta duke i perziere shpesh. I leme te ftohen plotesisht dhe kalojme 250gr prej tyre ne mikser duke i reduktuar ne miell lajthish. 50gr e mbetur i presim me thike ne copeza te vogla.

Ne nje ene, rrahim shume mire te verdhat e vezeve me sheqerin derisa te formohet nje perberje e fryre dhe me ngjyre te hapur. Shtojme miellin e lajthive dhe i perziejme me kujdes.

Ne nje tjeter ene, rrahim te bardhat e vezeve me pak kripe derisa te formohet nje perberje e qendrueshme qe nuk bie nga tasi. I bashkojme keto dy masa (te bardhat e vezeve me te verdhat dhe miellin e lajthive) me kujdes nga poshte lart me ndihmen e nje spatule, ne menyre qe te mos bjere vellimi.

E hedhim brumin e tortes ne nje tave te rrumbullaket me diameter rreth 20cm te cilen e kemi lyer paraprakisht me pak gjalp dhe miell, dhe e pjekim ne furre te parangrohur ne 180°C per rreth 40 minuta.
E nxjerrim torten nga furra, e leme te pushoje per rreth 15 minuta dhe e kthejme ne tavolinen e punes ku e leme te ftohet plotesisht.

Disa çaste perpara se ta servirim, e ndajme ne dy pjese te barabarta, e mbushim me krem pana te rrahur ne te cilin kemi perziere lajthite e mbetura, vendosim shtresen tjeter te tortes dhe siperfaqen e zbukurojme me pana dhe pak sheqer pluhur.

Pandoro e mbushur

  • Racione: 8 persona
  • Vështirësi: shumë e thjeshtë
  • Shtype

Receta e pandoros se mbushur qe po ju paraqesim me poshte, eshte nje embelsire teper e shijshme per tu servirur diten e Krishtlindjeve, duke e shnderruar ne kete menyre kete embelsire te thjeshte (te cilen mund ta blini te gatshme), ne nje embelsire te sofistikuar.

Perberesit

  • 1 pandoro e gatshme
  • 250gr krem maskarpone
  • 150ml pana per embelsira
  • 100gr qumesht i kondesuar (qumesht Panda)

…per zbukurim

  • copeza çokollate te zeze ose
  • fruta te fresketa (psh kokerra shege)

Rrahim si fillim kremin maskarpone me qumeshtin e kondesuar derisa te dy te bashkohen shume mire me njeri tjetrin.

Ne nje tjeter ene rrahim me ndihmen e nje mikseri elektrik panen per embelsira derisa te formohet nje perberje qe nuk bie nga ena.

I bashkojme te dy kremerat me ndihmen e nje spatule duke patur kujdes qe te mos bjere volumi.

Ndajme pandoron ne pese ose gjashte feta duke e prere horizontalisht. Lyejme secilen fete me kremin e perftuar me siper duke vendosur feten tjeter ne menyre paksa te çrregullt qe te formohet nje “peme Krishtlindjesh”.

Me kremin e mbetur lyejme pandoron ne siperfaqe dhe e zbukurojme sipas deshires me copeza cokollate te zeze, apo me fruta si psh kokrra shege.