Arkiva Etiketash: Sponge cake recipes

Tortë mimoza

Torta mimozaTorta mimoza eshte nje nga embelsirat me te pregatitura per 8 marsin, festen e nenes. E merr kete emer pikerisht sepse eshte e zbukuruar me copeza pandispanje te cilat te kujtojne lulen simbol te kesaj feste, mimozen. Doni ti beni nje surprize te veçante nenes suaj? Receten e gjeni me poshte:Perberesit

…per 2 pandispanja me diameter 22-24cm

  • 200gr miell 00
  • 220gr sheqer
  • 4 veze te plota + 8 te verdha vezesh
  • 40gr niseshte

…per kremin e pastiçerise

  • 300ml qumesht me yndyre 3,5%
  • 300ml pana te lengshme
  • 200gr sheqer
  • 8 te verdha vezesh
  • 50gr miell
  • 1 pako te vogel vanilje

…per shurupin per lagien e pandispanjes

  • 100ml uje
  • 50gr sheqer
  • pije alkoolike (psh Alchermes, Cointreau, Maraschino) apo leng frutash (psh leng ananasi)

…tjeter

  • 200ml pana per embelsira e sheqerosur

Pregatisim pandispanjat: rrahim me ndihmen e nje mikseri elektrik me shpejtesine e tij maksimale vezet e plota me sheqerin per rreth 15 minuta derisa te formohet nje perberje e fryre dhe me ngjyre te hapur. Shtojme te verdhat e vezeve dhe vazhdojme rrahjen edhe per 5 minuta te tjera. I shtojme kesaj perberje miellin dhe niseshten e situr dhe i bashkojme me ndihmen e nje spatule kuzhine ne menyre shume delikate nga poshte lart. E hedhim masen e perftuar ne dy tava te rrumbullakta te lyera me gjalp dhe miell me diameter 22-24cm dhe i pjekim ne furre te parangrohur ne 180°C per rreth 30 minuta. I heqim nga furra, i permbysim ne tavolinen e punes te shtruar me leter furre dhe i leme te ftohen plotesisht.

Pregatisim kremin e pastiçerise sipas recetes qe e gjeni ketu: i vetmi ndryshim qe duhet te bejme eshte ti shtojme qumeshtit panen e lengshme. E leme kremin e pastiçerise te ftohet plotesisht ne temperature ambjenti dhe me pas e fusim ne frigorifer.

Pregatisim shurupin per lagien e pandispanjes: vendosim ne zjarr te avashem ujin me sheqerin dhe pijen alkoolike apo lengun e frutave derisa sheqeri te jete shkrire plotesisht dhe e leme te ftohet ne temperature ambjenti.

Rrahim me ndihmen e mikserit elektrik panen per embelsira derisa kremi te mos bjere nga ena dhe e vendosim edhe kete ne frigorifer.

Ne momentin qe kremi i pastiçerise eshte ftohur, i shtojme panen e rrahur (heqim 2-3 luge) duke e perziere me kujdes nga poshte lart.
Duke perdorur nje thike te gjate dhe te mprehte, ndajme njeren nga pandispanjat ne tre pjese te barabarta horizontalisht. Pandispanjen tjeter e presim ne kubik pak a shume te te njejtes madhesie te cilat do te na nevojiten per zbukurim.

Pregatisim torten: Lagim njeren shtrese te pandispanjes me gjysmen e shurupit, dhe e lyejme me nje luge pana per embelsira. Siper saj shtrojme nje pjese te kremit te pastiçerise qe bashkuam me panen dhe vendosim siper shtresen e dyte te pandispanjes. E perserisim proçeduren si me pare dhe ne fund e lyejme te gjithe torten me kremin e mbetur dhe e zbukurojme me kubiket e pandispanjes. E vendosim torten ne frigorifer deri ne momentin e servirjes dhe e sherbejme te prere ne feta.

*Keshille: Ne menyre qe torta te mos thahet dhe te mos marre eren e ushqimeve te tjera ne frigorifer, e vendosim ne nje mbajtese embelsirash ne forme zile. Mund ta ruani ne frigorifer per maksimumi 3 dite.

Reklama

Rolè me arra dhe krem kafe

Role me arra dhe krem kafeReceta e kesaj embelsire eshte relativisht e thjesht per tu realizuar dhe rezultati do te jete teper i shijshem e skenografik. Mund te sherbeje per te mbyllur per shembull menúne e nje darke mes miqsh apo festive.
Perberesit per nje rolè

…per pandispanjen

  • 100gr miell
  • 100gr arra te qeruara dhe te reduktuara ne miell me ndihmen e mikserit
  • 100gr sheqer te bardhe
  • 4 veze
  • 1 luge te vogel plot pluhur pjekes
  • pak vanilje
  • 30gr vaj ulliri ose gjalp te shkrire ne mikrovale
  • pak rum per sperkatje (eleminojeni nese ja servirni femijeve)

…per kremin me kafe

  • 250ml krem pana per embelsira te sheqerosur
  • 1 luge te vogel kafe e tretshme ne uje
  • disa arra te qeruara ne copat e vogla

…per ta mbuluar

  • sheqer pluhur

Pregatisim pandispanjen duke ndare si fillim te bardhat nga te verdhat e vezeve ne dy ene te veçanta. Me ndihmen e nje mikseri elektrik, rrahim te verdhat e vezeve me sheqerin derisa te perftojme nje perberje kremoze dhe me ngjyre te hapur. Shtojme arrat e reduktuara ne pluhur, miellin e situr, pluhurin pjekes, vaniljen dhe vajin e ullirit duke i perziere shume mire.

Ne enen tjeter rrahim te bardhat e vezeve me pak kripe derisa te perftojme nje mase qe nuk bie nga ena. Ja shtojme kete perberjes me te verdhe veze duke e perziere me kujdes nga poshte lart. Ne kete menyre kemi perftuar brumin e pandispanjes se rolèse. E hedhim brumin ne nje tave me permasa rreth 20×30 te shtruar me leter furre, e nivelojme mire dhe e pjekim ne furre te parangrohur ne 200°C per 5-7 minuta, apo derisa pandispanja te marre ngjyre te arte ne siperfaqe.

Lyejme me sheqer pluhur nje pecete te paster te lagur me uje e te shtrydhur shume fort dhe vendosim mbi te pandispanjen duke i dhene formen e rolèse (e rrotullojme gjithmone nga ana me e shkurter). E leme te ftohet nderkohe qe pregatisim kremin.

Shkrijme ne pak uje te vaket kafen e tretshme. Rrahim me ndihmen e nje mikseri elektrik panen per embelsira dhe shtojme dalengadale kafen duke vazhduar rrahjen.

Bejme pregatitjen perfundimtare te rolèse: marrim pandispanjen, e çrrotullojme dhe e lagim me pak rum, ose pak arome rumi te tretur ne uje. Per ata qe nuk e preferojne kete arome, mund ta lagin pandispanjen me pak kafe te tretur ne uje/qumesht duke i shtuar ose jo sheqer (sipas deshires). E lyejme me kremin e pregatitur duke e niveluar mire ne te gjithe siperfaqen, shtojme disa arra ne copeza te vogla dhe e rrotullojme serisht me shume kujdes duke e vendosur ne pjatancen ku do ta sherbejme.E sperkasim me pak sheqer pluhur, dhe ne momentin qe do ta sherbejme e presim bukur ne feta.

Feta me krem qumështi (Kinder fetta al latte)

Feta me krem qumeshti

Cilit prej nesh nuk i ka ndodhur te gjendet perpara nje banaku frigoriferi ne supermarket dhe te mos ti kete vajtur syri tek te gjitha produktet e markes Kinder te cilat jane njera me e mire se tjetra? Epo, harrojini! Provoni te pregatisni receten e meposhtme dhe do ti thoni lamtumire njehere e pergjithmone ketyre produkteve te gatshme 😉

Perberesit per 10 feta me krem qumeshti
…per pjesen e jashtme (pandispanjen)

  • 60gr gjalp ne temperature ambjenti
  • 60gr sheqer pluhur
  • 60gr miell
  • 60gr te bardha vezesh
  • 3 luge te vogla kakao

…per kremin

  • 170gr qumesht te kondesuar (te tipit panda)
  • 110gr gjalp te nje cilesie shume te mire ne temperature ambjenti

ose

  • 250gr pana per embelsira
  • 2 luge mjalte

Pregatisim si fillim kremin duke rrahur me ndihmen e nje mikseri elektrik gjalpin ne temperature ambjenti per rreth 5 minuta derisa te perftojme nje perberje shume kremoze. Shtojme qumeshtin e kondesuar dhe vazhdojme rrahjen edhe per pak minuta derisa te dy perberesit te bashkohen me njeri tjetrin. E vendosim kremin ne frigorifer per rreth gjysme ore dhe vazhdojme me pregatitjen e pjeses se jashtme. Nese duam te pregatisim kremin e dyte me pana dhe mjalte, kete do ta bejme pasi te jete pjekur pjesa e jashtme (pandipanja). Per kete, thjesht rrahim ne nje tas te cilin e kemi vendosur ne akull panen nga frigoriferi derisa te perftojme nje krem kompakt dhe qe nuk bie nga ena, i shtojme mjaltin dhe vazhdojme rrahjen edhe per pak minuta te tjera.

Ne nje ene te madhe, perziejme shume mire me ndihmen e nje luge gjalpin me sheqerin. Shtojme te bardhen e vezes dhe e perziejme derisa perberja ta kete thithur plotesisht. Shtojme pak nga pak miellin dhe kakaon te situra dhe e perziejme me ndihmen e nje teli vezesh derisa masa te rezultoje homogjene dhe pa kokerriza.

Ne nje tave drejtkendore shtrojme nje leter furre mbi te cilen vizatojme nje drejtkendesh me permasa rreth 15 me 25cm. Kjo do te na ndihmoje qe te dyja pjeset e pandispanjes te jene te barabarta. Hedhim ne qendren e drejtkendeshit gjysmen e brumit te perftuar me siper, dhe e shperndajme ne menyre sa me uniforme me ndihmen e nje spatule kuzhine ose luge. E pjekim ne furre te parangrohur ne 200°C per 4-5 minuta, e heqim nga furra dhe e kthejme menjehere mbi nje leter tjeter kuzhine te paster. Ne te njejten menyre veprojme edhe me pjesen tjeter te brumit.

Nxjerrim kremin nga frigoriferi dhe e hapim mbi njeren pjese te pandispanjes duke lene disa cm nga anet e saj. Siper vendosim pandispanjen tjeter dhe ushtrojme pak presion me gishta derisa kremi te dale nga anet e pandispanjes (kete procedure mund ta bejme edhe me ndihmen e nje okllaie me shume delikatese). Pastrojme anet, dhe e vendosim embelsiren ne frigorifer per te pakten 1 ore. Me pas, e nxjerrim nga frigoriferi dhe presim me ndihmen e nje thike shume te mprehte anet e embelsires duke formuar nje drejtkendesh perfekt. E ndajme ne 10 pjese te barabarta te cilat i ruajme ne frigorifer deri ne momentin e konsumit

Zupa anglez

Zupi anglez eshte nje embelsire me luge teper antike e cila shfaqet per here te pare ne Itali rreth shekullit XIX. Megjithese origjina e tij nuk dihet egzaktesisht, emri na sugjeron qe rrenjet i ka nga Anglia qe ne periudhen e Elizabetes.
Eshte i perbere nga pandispanje ose biskota savoiardi te zhytura ne nje lloj pije qe quhet alchermes dhe e alternuar me shtresa kremi pastiçerie te bardhe dhe me çokollate.

Perberesit

  • pandispanje te pregatitur sipas recetes qe do ta gjeni ketu, ose biskota Savoiardi
  • 500ml krem pastiçerie sipas recetes qe e gjeni ketu
  • 100gr çokollate te zeze

…per te lagur pandispanjen/savoiardit

  • 200ml uje
  • 100gr sheqer
  • 100ml alchermes ose amareto (lloj pije alkoolike)

Pregatisim si fillim kremin e pastiçerise sipas recetes qe do ta gjeni ketu derisa te rezultoje pak me i trashe se zakonisht. E ndajme ne dy pjese dhe njeres prej tyre i shtojme çokollaten e grire holle duke e perziere shpesh derisa te shkrihet plotesisht. Ne kete menyre kemi perftuar kremin e pastiçerise tradicional dhe ate me çokollate te cilet do ti alternojme midis tyre.

Presim pandispanjen (ose biskotat) sa diametri i kupave ku do te pregatisim zupat duke llogaritur 2  disqe pandispanje per cdo kupe, pra gjithesej 16.

Pregatisim shurupin per te lagur pandispanjen duke shkrire sheqerin ne uje ne zjarr te ulet, shtojme alchermes, fikim zjarrin dhe e leme shurupin te ftohet. Ne momentin qe shurupi eshte ftohur plotesisht, zhysim nje nga nje disqet e pandispanjes ose biskotat savoiardi te ndara ne dy pjese per pak sekonda, ne menyre qe keto te lagen, por jo te squllen. I vendosim ne fundin e kupave, shtojme nje shtrese kremi me çokollate me ndihmen e nje luge ose xhepi pastiçerie, shtrojme nje shtrese tjeter pandispanje dhe se fundi nje shtrese kremi pastiçerie tradicional. Se fundi, i zbukurojme zupat me pak krem çokollate, me krem pana te rrahur ose me copezat e pandispanjes te mbetura.

E vendosim ne frigorifer per minimumi 2 ore perpara se ta servirim.

*Keshille: Nese kete embelsire ja servirni femijeve ose nuk doni te perdorni pije me alkool, ne ju sugjerojme te zevendesoni kete te fundit me qumesht, leng luleshtrydhe, ose shurup luleshtrydhe. Gjithashtu, zupat mund ti zbukuroni edhe me fruta te fresketa, ose t’ia shtoni brenda kremit te pastiçerise.

Tortë me çokollatë

  • Vështirësi: mesatare
  • Shtype
Receta e tortes me çokollate e paraqitur me poshte, rekomandohet te pregatitet kryesisht ne raste festash pasi realisht kerkon pak kohe. Por, rezultati final do ti lere te gjithe te ftuarit tuaj me pjaten perpara duke kerkuar edhe nje fete tjeter! Gjithashtu, nuk harrojme te falenderojme Stelen per kete recete.

Perberesit per nje torte me diameter rreth 24cm
…per pandispanjen me kakao

  • 200gr miell 00
  • 100gr sheqer pluhur
  • 100gr sheqer normal
  • 9 veze (nga te cilat: 6 te bardha dhe 9 te verdha)
  • 230gr gjalp ne temperature ambjenti
  • 50gr kakao pa sheqer
  • 12gr pluhur pjekes
  • 1 bustine vanilje

…per shurupin

  • 250gr sheqer
  • 150ml uje
  • pak vanilje ose aroma te tjera

…per kremin

  • 250ml uje
  • 150gr sheqer
  • 300gr pana per embelsira
  • 4 te bardha vezesh
  • 180gr çokollate te zeze
  • copeza çokollate per zbukurim

Pregatisim si fillim pandispanjen me kakao sipas recetes se paraqitur ketu. E leme te ftohet nderkohe qe vazhdojme me pregatitjen e shurupit:

Vendosim ne zjarr te ulet ujin me sheqerin duke i perziere here pas here derisa ky i fundit te jete shkrire plotesisht. Ne fund, shtojme edhe pak vanilje apo disa pika arome rumi, portokalli etj, per ti dhene shije. E leme menjane dhe pregatisim kremin:

Vendosim nje tjeter ene ne zjarr te ulet duke shtuar serisht 250gr sheqer dhe 150ml uje, por kesaj rradhe pa i trazuar, derisa shurupi te arrije temperaturen 125°C (e matim me anen e nje termometri kuzhine).
Rrahim ne nje tas te madh te bardhat e vezeve me ndihmen e nje rrahesi elektrik duke shtuar pak nga pak shurupin e nxehte qe pregatitem me siper derisa te formohet nje mase e qendrueshme.

Shkrijme ne nje ene çokollaten e zeze dhe ia hedhim gjithmone duke e trazuar mases me te bardhat e vezeve qe pregatitem me siper.Shtojme edhe panen per embelsira te rrahur fort dhe e perziejme te gjithe kremin shume mire.

E presim pandispanjen ne sa shtresa e duam torten (zakonisht ne 2 ose 3), e sperkasim me shurupin e mesiperm, shtrojme nje shtrese kremi me çokollate, dhe vendosim serisht nje fete pandispanje. E sperkasim serisht me shurup, me kremin me çokollate dhe vazhdojme ne kete menyre edhe me shtresen e trete. E vendosim te gjithe masen ne frigorifer per tu ftohur. Vendosim ne frigorifer edhe pjesen tjeter te kremit qe kemi pregatitur. Pasi edhe torta edhe kremi jane ftohur, zbukurojme torten me kete te fundit duke e sperkatur edhe me copeza te vogla çokollate.

Pandispanjë me kakao

Pandispanja me kakao eshte nje tjeter recete baze per te pregatitur torta  me krem te te gjitha llojeve. Varianti qe po ju paraqesim me poshte, ndryshon pak nga ai tradicionali duke perfshire edhe gjalpin e pluhurin pjekes. Por rezultati do te jete shume here me i shijshem: do te perftoni ne kete menyre nje pandispanje te larte, jo te thate dhe qe nuk therrmohet sapo te pritet me thike.

Perberesit per nje tave te rrumbullaket me diameter rreth 24cm

  • 200gr miell 00
  • 100gr sheqer pluhur
  • 100gr sheqer normal
  • 9 veze (nga te cilat: 6 te bardha dhe 9 te verdha)
  • 230gr gjalp ne temperature ambjenti
  • 50gr kakao pa sheqer
  • 12gr pluhur pjekes
  • 1 bustine vanilje

Rrahim si fillim te bardhat e vezeve me 100gr sheqer normal derisa te formohet nje krem kompakt qe te mos bjere nga ena.

Ne nje tjeter ene, rrahim gjalpin me sheqerin pluhur derisa te formohet nje perberje kremoze. Shtojme nje nga nje te verdhat e vezeve duke patur kujdes te mos shtojme te verdhen e dyte, nese e para nuk eshte thithur plotesisht nga masa. Perberja perfundimtare duhet te rezultoje ne formen e nje shkume.

Ne nje ene tjeter, sitim miellin, kakaon dhe pluhurin pjekes duke i bashkuar te gjitha shume mire. Shtojme gjysmen e kesaj perberje ne kremin e gjalpit, vezeve dhe sheqerit dhe e perziejme mire nga lart poshte ne menyre qe masa te mos humbe volumin e saj. Shtojme edhe gjysmen tjeter te miellit gjithmone duke e perziere dhe ne fund shtojme edhe kremin e te bardhave te vezeve duke e perziere me te njejten delikates.

E hedhim brumin ne nje tave te rrumbullaket (ose katrore, ne varesi te recetes) te lyer me pak gjalp dhe miell, e nivelojme mire dhe e pjekim ne furre te parangrohur ne 160°C per 45-50 minuta. Duhet te kemi kujdes qe gjate kohes se pjekjes te mos e hapim asnjehere furren, pasi ne kete menyre pandispanja do te humbiste volumin e saj. Kur pjekja te kete perfunduar, e leme akoma edhe 10 minuta ne furren e fikur, e leme te ftohet me pas ne temperature ambjenti dhe e ndajme ne shtresa sipas deshire

Trungu i Krishtlindjes (Bûche de Noël)

Trungu i Krishtlindjes, eshte nje embelsire tipike Franceze e cila pregatitet ne prag Krishtlindjes dhe ka nje histori mjaft interesante: ne vendet e Europes Veriore, pjesa me e gjere e trungut te pemes, pritej nga druvaret dhe ruhej per daten 25 Dhjetor, ku me kete trung ngrohej e gjithe familja, dhe simbolikisht edhe foshnja Jezus.

Perberesit
…per pandispanjen

  • 4 veze
  • 80gr sheqer
  • 80gr miell
  • nje maje luge sode buke
  • pak vanilje

…per kremin me cokollate

  • 250ml krem pasticerie
  • 50gr cokollate te shkrire ne banjomari

…per kremin per ta mbuluar

  • 200gr gjalp pa kripe ne temperature ambjenti
  • 150gr sheqer pluhur
  • 2 luge kakao pluhur
  • 2 luge te vogla kafe qe shkrihet (psh Neskafè)

Rrahim te verdhat e vezeve me sheqerin derisa te formohet nje mase e fryre dhe me ngjyre te hapur. Shtojme miellin, pak sode buke, vaniljen dhe vazhdojme rrahjen edhe per disa minuta.

Ne nje tjeter tas, rrahim te bardhat e vezeve me pak kripe derisa kremi te mos bjere nga ena. Kete mase ja shtojme te verdhave te vezeve qe pregatitem me siper duke i perziere me kujdes nga poshte lart ne menyre qe brumi te mos humbasi volumin e tij.

Shtrojme me leter furre nje tave drejtkendeshe dhe hedhim ne te brumin e perftuar duke e niveluar me ndihmen e nje spatule kuzhine. E pjekim ne furre te parangrohur ne 180°C per rreth 10 minuta. Sapo pandispanja te jete pjekur, e nxjerrim nga furra dhe e permbysim ne nje leter furre te paster te cilen e kemi vendosur ne tavolinen e punes. E mbulojme me nje tjeter leter furre dhe e rrotullojme ne forme rolèje sa eshte akoma e nxehte. Nderkohe qe pandispanja ftohet, pregatisim 250gr krem pasticerie me çokollate sipas recetes qe do ta gjeni ketu. I vetmi ndryshim eshte se ne fund do te shtojme edhe 50gr cokollate te shkrire ne banjomari.

Kur pandispanja te jete ftohur, e çrrotullojme dhe e lyejme me kremin e pasticerise me cokollate duke lene pak hapesire tek te katert anet. E rrotullojme me delikates, presim dy ekstremitetet ne forme diagonale dhe pregatisim kremin e gjalpit me cokollate per ta lyer ne siperfaqe:

Rrahim gjalpin ne temperature ambjenti me sheqerin pluhur derisa te perftojme nje perberje kremoze. Shtojme kakaon, kafen dhe vazhdojme rrahjen edhe per pak minuta derisa perberesit te homogjenizohen ndermjet tyre. Me kete krem, lyejme siperfaqen e trungut me pandispanje, ngjisim ekstremitetet e prera sikur te ishin deget e trungut dhe i lyejme edhe ato me krem. Me dhembet e nje piruni, formojme vija si ne foto, ne menyre qe pamja ti afrohet sa me shume trungut real. E vendosim ne frigorifer per rreth 1 ore perpara se ta servirim. Siperfaqen mund ta sperkasim sipas deshires me pak sheqer pluhur, apo e dekorojme duke perdorur kremin e gjalpit te mbetur.

Pandispanjë klasike

Receta e pandispanjes e ka origjinen e saj qe ne vitet 1700 kur kuzhinieri gjenovez Giobatta Cabona, i ftuar ne Spanje nga markeza dhe ambasadori Domenico Pallavicino, gatoi per nder te Spanjes kete buke te embel te pregatitur me perberes te thjeshte, por qe u vleresua shume ne oborrin spanjoll. Ne fillim pandispanja quhej Pâte Génoise, apo buka gjenoveze, por me kalimin e kohes mbajti emrin e shtetit per nder te se cilit ishte pregatitur.
Perberesit per nje tave te rrumbullaket me diameter rreth 24cm

  • 80gr miell
  • 80gr niseshte misri apo niseshte patatesh
  • 200gr sheqer
  • 6 veze ne temperature ambjenti
  • 1 bustine vanilje
  • pak kripe
  • pak gjalp dhe miell per lyerjen e taves

Per te pregatitur pandispanjen ndajme fillimisht te bardhat nga te verdhat e vezeve duke i vendosur ne dy ene te medhaja. Rrahim ne fillim me ndihmen e nje rrahesi elektrik te verdhat me gjysmen e sheqerit derisa perberja te zbardhet dhe te dendesohet (mund te nevojiten deri ne 20 minuta).

Pastrojme shume mire rraheset, dhe rrahim per rreth 5 minuta edhe te bardhat e vezeve me gjysmen tjeter te sheqerit dhe pak kripe derisa perberja te jete fryre dhe te mos bjere nga ena.

I bashkojme te dyja masat ne nje ene te vetme duke i perziere me kujdes me nje luge druri dhe levizje rrethore. Shtojme dalengadale me ane te nje site miellin, niseshten dhe vaniljen ne menyre qe te mos formohen kokerriza dhe i perziejme te gjitha me luge druri derisa te perftojme nje perberje homogjene.

Lyejme me gjalp dhe pak miell nje tave te rrumbullaket dhe hedhim brumin e formuar duke patur kujdes te nivelojme siperfaqen. E pjekim pandispanjen ne furre te parangrohur ne 180°C per 35-40 minuta pa e hapur asnjehere furren deri ne perfundim te pjekjes. Kur pjekja te kete perfunduar, e leme akoma edhe 10 minuta ne furre te fikur, dhe me pas e nxjerrim nga furra duke e lene te ftohet ne temperature ambjenti.

Kupat e pyllit të zi

Sot duam t’iu propozojme Kupat e Pyllit te Zi, nje emer paksa i cuditshem, por qe i pershtatet fare mire pamjes se embelsires. E pregatitur ne kupa qelqi, apo akoma me mire ne gota te gjata cilindrike, kjo recete perbehet nga pandispanje me cokollate, qershi, pana dhe maskarpone. Nje zgjedhje ideale per te embelsuar diten tuaj apo ate te miqve.
Perberesit per 4 persona

  • 8 feta pandispanje me cokollate ne forme rrethore (te njejtin diameter me gotat apo kupat qe do te perdorim)
  • 100gr pana te rrahur per embelsira
  • 200gr maskarpone
  • 400gr qershi
  • 70gr sheqer
  • 35gr sheqer pluhur
  • 3 luge liker qershie (tipi Kirsch apo liker tjeter i embel)

Ne nje tas rrahim maskarponen, panen, sheqerin pluhur dhe e vendosim ne frigorifer.

Heqim berthamen e qershive dhe i hedhim ne 200ml uje te cilin e cojme ne zierje bashke me sheqerin dhe kanellen ne zjarr te ulet per rreth 8 minuta. Pasi te kete kaluar koha e nevojshme, e heqim tenxheren nga zjarri, ndajme kokrrat e qershise nga shurupi dhe i leme te dyja te ftohen. Kur shurupi te jete ftohur, i shtojme likerin e qershise dhe e perziejme.

Lagim fetat e pandispanjes me shurupin, vendosim ne cdo kupe nje te tille, nje shtrese krem me maskarpone, disa qershi dhe e perserisim dhe nje here proceduren duke formuar dy shtresa. I vendosim kupat ne frigorifer per te pakten 2 ore perpara se ti servirim.

Ne fund mund ta zbukurojme siperfaqen me pak kakao apo me copeza te vogla cokollate.