Arkiva Etiketash: Receta me arrë kokosi

Kek me arra kokosi dhe krem nutela

Kek me arra kokosi dhe nutelaKeku me arra kokosi dhe nutela, eshte nje menyre e shijshme per te filluar diten bashke me nje filxhan qumesht e kafe.

Perberesit per nje torte me diameter 24cm

  • 300gr miell 00
  • 100gr arra kokosi pluhur
  • 200gr sheqer
  • 200ml qumesht arra kokosi (mund te perdorni edhe qumesht te zakonshem nese nuk e gjeni)
  • 100ml vaj luledielli
  • 4 veze
  • 1 pako te vogel pluhur pjekes (12gr)
  • 200gr krem nutela

Rrahim fillimisht vezet me sheqerin derisa e gjithe masa ta dyfishoj vellimin e saj. Shtojme pak nga pak vajin e lulediellit duke vazhduar rrahjen, shtojme miellin 00, arren e kokosit pluhur, qumeshtit e kokosit, pluhurin pjekes dhe vazhdojme perzierjen me spatul derisa te kemi perftuar nje brum homogjen.
E hedhim brumin ne taven e rrumbullaket te lyer paraprakisht me pak gjalp e miell.

Shkrijme ne mikrovale kremin nutela dhe ja hedhim siper ne menyre te çrregullt brumit.

E pjekim kekun ne furre te parangrohur ne 180°C per 35-40 minuta, gjithmone duke bere proven e pirunit per te pare nese eshte pjekur edhe ne brendesi. E leme te pushoje per disa çaste perpara se ta heqim nga forma.

Reklama

Tortë e ftohtë me arrë kokosi

  • Racione: 6-8 persona
  • Vështirësi: e vështirë
  • Shtype

Torte-e-ftohte-me-arre-kokosi.jpg

Torta qe do t’ju paraqesim me poshte, eshte nje embelsire e shijshme tipike verore e cila edhe pse kerkon pak kohe ne realizim, rezultati final do ta justifikoj totalisht. Ju keshillojme ta provoni sidomos kur keni ndonje feste ne te cilen doni te lini pershtypje te shkelqyer tek miqte tuaj!

Perberesit per nje torte me diameter 26cm

…per kekun me çokollate

  • 120gr gjalp ne temperature ambjenti
  • 150gr çokollate te zeze per gatim
  • 4 veze
  • 130gr miell
  • 20gr niseshte
  • 150gr sheqer normal
  • 40gr sheqer pluhur
  • 1 luge te vogel pluhur pjekes
  • pak kripe
  • pak vanilje

…per kremin me arre kokosi

  • 650ml qumesht
  • 350ml pana te fresket per embelsira te pasheqerosur
  • 200gr arre kokosi pluhur
  • 100gr sheqer
  • 30gr niseshte
  • 12gr xhelatine pjeshke ne flete (ose 6 flete)
  • 70ml rum te bardhe ose pije tjeter me shije kokosi

PREGATITJA E KEKUT ME COKOLLATE

Si fillim, vendosim per te shkrire çokollaten e zeze ne banjomari ose ne zjarr shume te ulet derisa te perftojme nje krem çokollate plotesisht pa kokerriza.

Nderkohe, rrahim me ndihmen e nje rrahesi elektrik gjalpin ne temperature ambjenti me sheqerin pluhur dhe te verdhat e vezeve derisa perberja te fryhet dhe te marre ngjyre te hapur. Shtojme çokollaten e shkrire te ngrohte dhe vazhdojme perzierjen edhe per disa sekonda.

Ne nje ene tjeter, rrahim te bardhat e vezeve me pak kripe derisa te formohet nje perberje qe nuk bie nga tasi, shtojme pak nga pak sheqerin normal dhe vazhdojme rrahjen. Te bardhat e vezeve ia shtojme perberjes me te verdha vezesh duke e perziere me kujdes nga poshte lart ne menyre qe te mos bjere volumi. Shtojme se fundi edhe miellin, niseshten dhe pluhurin pjekes te situr paraprakisht duke i perziere mire.

Lyejme me pak gjalp dhe miell nje tave te rrumbullaket me diamter rreth 26cm, shtojme perberjen e mesiperme dhe e nivelojme me kujdes. E pjekim ne furre te parangrohur ne 160°C per rreth 30 minuta, gjithmone duke bere proven e pirunit per te pare nese eshte pjekur ne brendesi. E leme te ftohet plotesisht, me pas e heqim nga tava dhe e vendosim ne frigorifer nderkohe qe pregatisim kremin.

PREGATITJA E KREMIT ME ARRE KOKOSI

Vendosim ne nje ene te vogel me uje te ftohte fletet e xhelatines se pjeshkes per rreth 10 miuta derisa te zbuten.

Ne nje tenxhere, hedhim qumeshtin, arren e kokosit pluhur dhe e vlojme per rreth 1 minute. Fikim zjarrin dhe shtojme sheqerin dhe niseshten duke e perziere shpejt ne menyre qe te mos formohen kokerriza. Shtojme xhelatinen e shtrydhur mire dhe se fundi edhe rumin (ose liker tjeter) duke i perziere serisht. E leme te ftohet plotesisht perberja ne temperature ambjenti.

Ne nje ene, rrahim per vetem pak sekonda panen per embelsira dhe ia shtojme perberjes se mesiperme duke e perziere me delikatese derisa te formohet nje krem homogjen. Ky eshte kremi me te cilin do te mbushim torten.

PREGATITJA E TORTES SE FTOHTE

Kekut me çokollate i heqim koren e siperfaqes dhe e ndajme ne dy pjese te barabarta horizontalisht. Te njejten tave ku pregatitem kekun, e pastrojme, e veshim me leter furre dhe vendosim njeren gjysme te kekut. Shtojme te gjithe kremin me arre kokosi dhe e nivelojme mire. Vendosim edhe pjesen tjeter te kekut me çokollate duke ushtruar pak presion me duar. E vendosim embelsiren ne frigorifer per gjithe naten.

Ne momentin e servirjes, e heqim nga tava dhe e dekorojme sipas deshires: me kakao pluhur, me arre kokosi ose me pak pana te rrahur. Kjo torte ruhet ne frigorifer per maksimumi 3 dite.

Torte-e-ftohte-me-arre-kokosi.jpg

Bakllava me arrë kokosi

Receta qe po ju paraqesim me poshte, eshte nje alternative shume e shijshme e Bakllavase tradicionale dhe e pershtatshme per te gjithe ata qe e adhurojne shijen e arres se kokosit.
Perberesit per nje tave me diameter 35-40cm
…per petet

  • 1kg miell 00
  • 7 veze (4 te plota dhe 3 te verdhat)
  • 230ml vaj luledielli (ose 1 filxhan)
  • 250ml qumesht (ose 1 filxhan)
  • 1/2kg gjalp i shkrire ne mikrovale
  • niseshte per sperkatje

…per mbushjen

  • 8 veze te plota
  • 500gr sheqer (mund te shtoni masen ne 800gr nese ju pelqen me shume e embel)
  • 600gr kos te trashe grek me shume yndyre
  • 500gr arre kokosi te grire
  • 200gr bajame, arra ose lajthi ne copeza te vogla (sipas deshires)
  • 2 luge te vogla sode buke
  • pak kripe

…per sherbetin

  • 3 filxhan uje
  • 3 filxhan sheqer
  • 1 filxhan mjalte
  • 4 luge leng limoni
  • 1 shkop kanelle
  • pak vanilje

Pregatisim fillimisht mbushjen duke rrahur ne nje tas te madh te verdhat e vezeve me sheqerin derisa te perftojme nje mase kremoze me ngjyre te verdhe te hapur dhe te fryre. Shtojme kosin grek, soden e bukes, arren e kokosit, frutat e thata dhe i perziejme mire. Ne nje tjeter ene rrahim te bardhat e vezeve me pak kripe derisa te formohet nje mase kompakte e cila nuk bie nga ena. I shtojme mases me te verdha vezesh kremin e te bardhave duke e perziere me ndihmen e nje spatule me kujdes nga poshte lart ne menyre qe perberja te mos e humbi volumin e saj. E leme menjane dhe pregatisim petet e bakllavase ne te njejten menyre si per bakllavane tradicionale, pra:

Ne nje ene te madhe, rrahim vezet me ndihmen e nje teli kuzhine, shtojme qumeshtin, vajin dhe pak nga pak miellin derisa te perftojme nje brum te bute. E ndajme brumin ne 4 pjese te barabarta dhe secilen prej ketyre pjeseve ne 15 sfera te vogla, pra gjithesej duhet te perftojme 60 sfera te cilat me pas do te hapen ne pete. Nderkohe qe hapim petet, pjesen tjeter te brumit e mbulojme me nje pecete te lagur ne menyre qe te mos thahet.

Ne tavolinen e punes, hedhim pak niseshte dhe hapim nje sfere brumi me diameter 15-17cm (ne varesi te taves qe do te perdorni per te pjekur bakllavane), te cilen nuk harrojme ta sperkasim me niseshte edhe ne siperfaqe ne menyre qe te hapet sa me lehte dhe te mos cahet. Veprojme ne kete menyre derisa te kemi hapur 15 peta, me pas i vendosim njera siper tjetres dhe e hapim ne nje pete te vetme. E vendosim peten e pare te perbere nga 15 peta te holla ne taven e lyer me gjalp dhe i hedhim 1/4 e gjalpit te shkrire ne siperfaqe. Ne te njejten menyre veprojme edhe me petat e tjera, duke formuar edhe 3 peta te perbera nga 15 peta te holla.

Siper 15 petave qe vendosem ne tave dhe i sperkatem me gjalp, vendosim edhe 15 te tjera dhe me pas shtrojme mbushjen me arra kokosi. E sperkasim siperfaqen me 1/4 e gjalpit, shtrojme grupin e trete dhe te katert te petave dhe ne fund e sperkasim siperfaqen me gjalpin e mbetur. E presim ne forme rombesh dhe e pjekim ne furre te parangrohur ne 130-140°C per 2-3.5 ore, apo derisa siperfaqa te kete marre ngjyre te arte. Nese veme re qe siperfaqa po merr shume ngjyre, e mbulojme me nje leter alumini dhe vazhdojme pjekjen.

E leme te ftohte plotesisht ne temperature ambjenti dhe pregatisim shurupin:

Vendosim ne nje tenxhere ujin, sheqerin, mjaltin, shkopin e kanelles, vaniljen dhe lengun e limonit. E ziejme egzaktesisht 7 minuta qe nga fillimi i marrjes vale te shurupit duke e perziere ne menyre qe sheqeri dhe mjalti te shkrihen plotesisht. Pas kesaj, eleminojme shkopin e kanelles dhe ia hedhim bakllavase tashme te ftohte derisa ta thithi te gjithe sherbetin.

*Keshille: Petet e hapura vet mund ti zevendesojme edhe me petet e blera te gatshme ne supermarket… vetem se shija do te jete shume shume larg asaj origjinales

Tortë me arrë kokosi

Per te pregatitur kete torte, ndiqet e njejta procedure si per te gjitha tortat e tjera. Me pak fjale eshte kaq e thjeshte dhe e shijshme sa mund te sherbeje per te gjitha rastet; mund ta konsumoni ne mengjes bashke me nje kakao te ngrohte apo ta shnderroni ne nje torte te mrekullueshme ditelindje duke e lyer siper me pana per embelsira dhe sperkatur me arre kokosi te grire.
Perberesit per 1 torte

  • 220gr miell 00
  • 200gr sheqer
  • 160gr arre kokosi te grire
  • 250gr gjize pa kripe (rikota)
  • 125-150ml kos natyral (ose kos me arre kokosi)
  • 150ml qumesht
  • 50gr gjalp
  • 3 veze
  • 1 bustine pluhur pjekes
  • pak kripe

Rrahim ne nje ene te verdhat e vezeve me sheqerin derisa te perftojme nje mase kremoze, shtojme gjalpin e shkrire (ose ne temperature ambjenti), gjizen pa kripe, kosin, qumeshtin dhe miellin bashke me pluhurin pjekes. I perziejme shume mire te gjithe keta perberes, ndersa ne nje ene tjeter rrahim te bardhat e vezeve me pak kripe derisa kremi te jete plotesisht i qendrueshem. E bashkojme me brumin qe formuam me siper ne menyre qe perberja te jete e njetrajtshme dhe e hedhim ne nje stampe te rrumbullaket per torta 24-26cm te lyer paraprakisht me gjalp dhe miell.

E pjekim ne furre te parangrohur ne 180°C per rreth 40 minuta, por gjithsesi bejme proven e pirunit per te pare nese torta eshte gati. Siper e sperkasim me sheqer pluhur te aromatizuar me vanilje apo e lyejme me pak mjalte dhe e sperkasim me arre kokosi te grire.

Biskota me arrë kokosi

  • Racione: 6-8 persona
  • Vështirësi: e thjeshtë
  • Shtype
Biskota me arre kokosi logo
Per mua kjo eshte menyra me e mire per te shijuar arren e kokosit… keto biskota jane vertete nje mrekulli! Sa here qe i pregatis veshtire te mbetet ndonje brenda pak oresh. Me pak fjale nje sukses i garantuar. Per me teper, i vetmi perberes qe mund t’iu mungoje ne kuzhine eshte arra e kokosit e grire (e cila gjendet shume lehte ne ditet e sotme) ndersa gjalpi, vezet, sheqeri e mielli normalisht jane pjese e çdo shtepie. Mjafton vetem te ndiqni hap pas hapi receten dhe do te merrni komplimenta pa fund! Mos harroni te nxirrni gjalpin dhe vezet nga frigoriferi gjysme ore perpara se te filloni pregatitjen.

Perberesit per 20-22 biskota

  • 160gr arre kokosi te grire
  • 100gr sheqer
  • 100gr gjalp
  • 2 veze
  • 4 luge miell 00
    …per zbukurim
  • 50gr çokollate e zeze e shkrire

Perziejme gjalpin me sheqerin derisa te perftojme nje krem homogjen. Duke vazhduar perzierjen shtojme me rradhe vezet e rrahura, miellin dhe arren e kokosit te grire. Masen e ndajme ne sfera te vogla  te cilat i vendosim ne tave te shtruar me leter furre dhe i pjekim ne 160°C per 20-25 minuta.

I nxjerrim nga furra dhe i leme te ftohen plotesisht pa i hequr nga tava. I  vendosim ne nje ene te mbyllur hermetikisht dhe i ruajme per maksimumi 1 jave.

Nese duam te kemi nje efekt me te bukur pamor, biskotat i zbukurojme duke i sperkatur me pak çokollate te zeze te cilen e kemi shkrire paraprakisht ne banjomari. Çokollaten e marrim me nje luge te vogel dhe e hedhim ne menyre te çrregullt mbi biskotat e ftohta kur jane akoma ne tave.