Arkiva Etiketash: Raisin recipes

Kek me rrush të thatë

Kek-me-rrush-te-thateReceta e kekut me rrush te thate qe po ju paraqesim me poshte, eshte nje embelsire shume e bute dhe e lehte per tu konsumuar per mengjes ose per zemer se bashku me nje gote qumesht apo çaj.

Perberesit

  • 260gr miell 00
  • 250gr gjalp ne temperature ambjenti
  • 250gr sheqer
  • 150gr rrush te thate
  • 3 veze te plota+2 te verdha
  • 80ml konjak
  • 1 pako te  vogel pluhur pjekes
  • 1 pako te vogel vanilje
  • lekuren e 1 limoni
  • pak kripe

Vendosim per tu regjur ne nje ene rrushin e thate se bashku me konjakun per rreth gjysme ore (nese do t’ia sherbeni edhe femijeve, zevendesojeni konjakun me uje ose arome rumi te tretur ne uje).

Nderkohe, rrahim me ndihmen e nje mikseri elektrik gjalpin me sheqerin derisa te formohet nje perberje e fryre dhe me ngjyre te hapur. Shtojme vezet e plota nje nga nje duke patur kujdes te mos shtojme te dyten nese e para nuk eshte thithur plotesisht nga perberja, dhe ne fund shtojme edhe te verdhat.

Hedhim miellin e situr, pluhurin pjekes, pak kripe, vaniljen, lekuren e limonit dhe i perziejme shume mire te gjithe perberesit me ndihmen e nje spatule derisa te formohet nje brume homogjen.

Shtrydhim rrushin e thate i cili tashme duhet te jete gati, e kalojme ne pak miell dhe e bashkojme me brumin qe perftuam me siper.

E hedhim perberjen ne nje forme drejtkendore (prej plumcake) me gjatesi rreth 26cm te cilen e kemi lyer me pak gjalp dhe miell dhe e pjekim ne furre te parangrohur ne 170°C per rreth 40 minuta, duke bere gjithmone ne fund proven e pirunit.

E leme te ftohtet per disa minuta ne temperature ambjenti, me pas e heqim nga forma me kujdes dhe e leme te ftohet plotesisht perpara se ta sherbejme te prere ne feta

Reklama

Kek me mollë, arra dhe rrush të thatë

Keku me molle, arra dhe rrush te thate, eshte nje recete klasike, shume e thjeshte dhe teper e shijshme per ta shijuar ne cdo moment te dites, por mbi te gjitha ne mengjes.
Perberesit per nje kek mesatar (ose nje tave me diameter 25cm)

  • 200gr miell
  • 100gr sheqer
  • 200ml qumesht
  • 2 te verdha vezesh
  • 3-4 molle mesatare
  • 70gr gjalp te shkrire ne mikrovale
  • 1/2 bustine pluhur pjekes
  • 50gr arra ne copa te vogla
  • 50gr rrush te thate
  • sheqer pluhur per sperkatje

Vendosim si fillim rrushin e thate ne nje ene te vogel me uje te ftohte ne menyre qe te zbutet.

Ne nje tas te madh, rrahim me ndihmen e nje mikseri te verdhat e vezeve me sheqerin derisa te formohet nje krem me ngjyre te hapur, shtojme me rradhe qumeshtin, miellin, pluhurin pjekes, gjalpin dhe vazhdojme perzierjen me spatul derisa e gjithe masa te homogjenizohet.

Se fundi, shtojme edhe rrushin e thate te shtrydhur fort me dore, arrat ne copa te vogla (nese deshironi mund ti piqni paraprakisht), dhe mollet e prera ne feta te holle. E perziejme mire perberjen dhe e vendosim ne nje tave te lyer me gjalp dhe miell ose te shtruar me leter furre. E pjekim ne furre te parangrohur ne 170°C per rreth 50 minuta. Perpara se ta servirim, e leme per rreth 20 minuta ne temperature ambjenti ne menyre qe te ftohet dhe te kulloje njekohesisht.

E sperkasim me sheqer pluhur dhe e sherbejme

Simite të ëmbla me rrush të thatë

Sot po iu japim nje ide me shume per te pregatitur nje mengjes te embel, te bute dhe aromatik per te gjithe familjen tuaj; simitet e embla me rrush te thate. Ne vend te ketij te fundit, mund te perdorni edhe copeza çokollate, apo disa minuta perpara servirjes ti mbushni me krem pasticerie, pana te rrahur apo nutella.
Perberesit per 24 simite
…per brumin

  • 500gr miell 00
  • 300ml qumesht
  • 50gr gjalp
  • 50gr sheqer
  • 25gr maja birre
  • lekuren e grire te 1 limoni
  • pak kripe

…per mbushjen

  • 200gr rrush i thate
  • sheqer pluhur me vanilje

Pregatisim brumin e simiteve duke shkrire majane e birres ne gjysme filxhani qumesht te ngrohte dhe 2 luge te vogla sheqer, i perziejme mire dhe e leme te pushoje per disa minuta derisa ne siperfaqe te jete formuar shkume.

Nderkohe, ngrohim qumeshtin e mbetur ne nje tenxhere, shkrijme ne te sheqerin, gjalpin, pak kripe dhe lekuren e limonit.

Ne tavolinen e punes, ose ne nje ene te madhe, hedhim miellin duke i hapur nje grope ne mes ne te cilen shtojme perberjen me maja birre  dhe qumeshtin derisa te jete formuar nje mase pa kokerriza dhe homogjene (e punojme me dore per rreth 10 minuta). E leme te pushoje brumin larg korrenteve te ajrit (per shembull brenda ne furren e fikur) dhe te mbuluar me nje pecete te paster derisa te dyfishoje vellimin e tij, pra per te pakten 2 ore.

Nderkohe, vendosim rrushin e thate ne nje ene te vogel me uje te ngrohte ne menyre qe te bymehet.

Ne momentin qe brumi ka dyfishuar vellimin e tij, shtojme rrushin e thate te shtrydhur mire me dore nga uji i tepert, e perziejme shume mire dhe e ndajme ne 24 sfera te vogla te cilat i leme te pushojne akoma edhe per 1 ore, apo derisa te dyfishojne vellimin e tyre.

I vendosim ne nje tave te shtruar me leter furre, i lyejme me pak qumesht ne siperfaqe dhe i pjekim ne furre te parangrohur ne 180°C per rreth 15 minuta. 

Kur te jene ftohur, i sperkasim me pak sheqer pluhur me vanilje ne siperfaqe dhe i sherbejme.

*Keshille: Ne vend te rrushit te thate, mund te perdorni edhe copeza çokollate te zeze, me qumesht, apo si te deshironi. Gjithashtu, ne momentin e servirjes, paninet mund ti ndajme ne dy pjese dhe ti mbushim me krem pastiçerie,receten e se cilit e gjeni ketu.
Per ti ruajtur, mjafton ti vendosni ne nje qese plastike posaçerisht per ushqimet.-:

Krijoni një sajt ose blog te WordPress.com