Arkiva Etiketash: Makarona furre

Makarona furre me mish të grirë

Sot po iu servirim nje recete klasike te makaronave ne furre, por qe nuk del kurre jashte mode edhe pse alternativat mund te jene te shumta. Nese doni te kurseni kohe, mund ta pregatisni per 10 minuta duke blere te gatshme si kimen me mish te grire (ose salcen ragù) ashtu dhe salcen beshamel. Por ju siguroj qe shija do te jete teper “komerciale” ne krahasim me ate cfare pregatitet ne shtepi!

Perberesit

  • 1/2 liter salce beshamele (sipas recetes qe do ta gjeni ketu)
  • 500gr makarona ne forme tubi (ose makarona te tjera te gjata)
  • 600gr mish te grire viçi
  • 400gr salce domatesh
  • 1 qepe mesatare
  • 2 veze
  • 250ml vere te bardhe
  • 1 tufe majdanoz
  • djath kaçkavall te grire
  • pak kanelle pluhur
  • pak spec te kuq djeges
  • vaj ulliri

Pregatisim si fillim kimen duke kaverdisur ne zjarr mesatar qepen e grire holle me 4 luge vaj ulliri, shtojme mishin e grire dhe e perziejme derisa te marre ngjyre duke e copetuar me dhembet e nje piruni. Shtojme salcen e domateve, majdanozin e grire, pak spec djeges, nje maje luge te vogel kanelle, veren e bardhe, kripen, piperin dhe e leme te zieje te gjithe perberjen ne zjarr te ulet per rreth gjysme ore duke i shtuar pak uje te nxehte nese eshte e nevojshme. E heqim nga zjarri dhe shtojme 1 veze te plote duke e perziere mire.

Nderkohe pregatisim salcen beshamele sipas recetes qe do ta gjeni ketu. Sipas deshires, salces mund ti shtojme edhe 1 te verdhe veze ne momentin e fundit pasi e kemi hequr nga zjarri (nderkohe qe te bardhen ia shtojme ne fund kimes).

Ziejme makaronat tubolare ne uje te kripur per rreth 7-8 minuta dhe i kullojme.

Ne nje tave te rrumbullaket (ose drejtkendeshe) te lyer me pak gjalp, hedhim gjysmen e makaronave, i sperkasim me gjysmen e djathit kackavall te grire dhe shtojme kimen me mish te grire duke e sheshuar me luge. Formojme shtresen e dyte te makaronave duke i shtuar siper salcen beshamel. E sperkasim siperfaqen me djathin kackavall te mbetur dhe e pjekim taven ne furre te parangrohur ne 180°C per 30-35 minuta. E leme te ftohet ne temperature ambjenti per te pakten 15 minuta dhe e servirim.

Advertisements

Makarona furre siçiliane (me patëllxhan)

Kjo pjate tipike siciliane eshte vertete shume e shijshme, por gjithashu edhe e rende nga pikepamja kalorike. Prandaj nese mendoni ta servirni per ndonje vakt, ose reduktoni sasine per cdo person, ose sherbeheni si pjate te vetme pa u ndjekur nga nje pjate e dyte. Megjithate… shija eshte sublime!

Perberesit

  • 400gr makarona te shkurtra
  • 300gr djath mocarela
  • 150gr djath parmixhano (ose djath kackavall)
  • 200gr bizele
  • 8 patellxhane te vegjel
  • 1 qepe te vogel
  • 4 veze te ziera
  • 1l salce domatesh
  • 1 thelpi hudher
  • 1 tufe borzilok
  • vaj ulliri
  • kripe
  • piper

Pregatisim fillimisht salcen e makaronave duke kaverdisur per pak minuta ne vaj ulliri qepen dhe hudhren te grira holle, shtojme bizelet, salcen e domateve, pak uje dhe e ziejme te gjithe perberjen per rreth 15 minuta ne menyre qe bizelet te zbuten (do te gatuhen edhe ne furre). Ne fund e rregullojme me borzilokun e grire holle.

Nderkohe presim ne kubik patellxhanet dhe i skuqim ne vaj te nxehte duke i vendosur me pas ne leter kuzhine per t’i thithur vajin e tepert.

Ziejme makaronat ne uje me kripe per trecerekun e kohes qe tregohet ne konfeksion, i shplajme dhe i bashkojme me salcen me bizele qe tashme duhet te jete gati.

Ne taven qe do te pregatisim makaronat siciliane formojme fillimisht nje shtrese makarona, me pas shtojme patellxhanet e skuqur, djathin mocarela ne feta, vezet e ziera ne feta, djathin parmixhano te grire dhe vazhdojme ne kete menyre derisa te gjithe perberesit te kene mbaruar (duhet te formohen 2-3 shtresa) duke e perfunduar me djathin parmixhano ne siperfaqe.

E vendosim taven ne furre te parangrohur ne 180°C per rreth 20 minuta, apo derisa te kete marre ngjyre te arte dhe e sherbejme te ngrohte

Pastiço me djath të bardhë

Pastiço me djath eshte nje nga gatimet me te njohura ne vendin tone, edhe pse origjina e saj e vertete nuk dihet ende. Shume e thjeshte per tu pregatitur dhe e pershtatshme ne keto dite te ftohta dimri, mund te shijohet edhe nga te vegjelit per shkak te thjeshtesise dhe natyralitetit te perberesve qe permban. Shoqeroheni me nje sallate te thjesht jeshile dhe vakti juaj do te jete i kompletuar.

Perberesit

  • 300gr makarona spageti
  • 400ml qumesht
  • 3 veze
  • djath i bardhe i therrmuar
  • djath kackavall i grire
  • gjalp
  • arre moskate
  • kripe
  • piper i zi
  • 500ml salce beshamel

Ziejme makaronat ne uje te valuar me kripe per gjysmen e kohes qe tregohet ne ambalazhin e tyre, pasi gjysmen tjeter te kohes do te gatuhen ne furre.

Ne nje ene rrahim mire vezet, shtojme pak qumesht dhe vazhdojme serisht rrahjen edhe per pak caste. Shtojme djathin e bardhe te therrmuar, pjesen tjeter te qumeshtit, pak kripe, pak piper, pak arre moskate dhe ne kete menyre kemi formuar “salcen” ne te cilen do te gatuhen makaronat.

Vendosim makaronat ne nje tave te lyer me pak gjalp, shtojme salcen e formuar me siper dhe rregullojme me pirun siperfaqen ne menyre qe te jete e njetrajtshme. E mbulojme pasticen me salcen beshamel te pregatitur me pare (receten e gjeni ketu), e sperkasim siper me pak djath kackavall te grire dhe disa copeza gjalpi dhe e vendosim ne furre ne 180°C per rreth 20-25 minuta apo derisa te kete marre ngjyre te kuqerremte ne siperfaqe. Pasi te jete pjekur, e leme te ftohet per disa minuta ne menyre qe e gjithe perberja te mpikset dhe e presim ne copa sipas deshires.

Foto nga: https://www.cucchiaio.it

Jufka dibre me pulë

Kjo recete ben pjese tek ato receta tradicionale shqiptare te cilat ndonjehere mbesin ne harrese. Te perdorura shume ne Diber, jufkat jane makarona artizanale te pregatitura vetem me miell, veze dhe qumesht. Receta e meposhtme eshte teper e shijshme duke kombinuar mishin e pules dhe jufkat ne nje pjate te vetme.
Perberesit per 4 persona

  • 1 pule te vogel (apo cfaredo mishi tjeter)
  • 400gr jufka
  • 100gr gjalp
  • 1 qepe mesatare
  • kripe

Lajme mire pulen dhe e ziejme ne tenxhere me presion me uje dhe kripe per 15-20 minuta.

Nderkohe presim shume holle qepen dhe e skuqim me 50gr gjalp derisa te marre ngjyre te arte, por jo te vyshket. Shtojme jufkat dhe gjithashtu i skuqim per disa minuta duke i perziere shpesh qe te mos ngjiten. Kur edhe ato te kene marre nje ngjyre te arte i heqim nga zjarri dhe i vendosim ne tepsine ku do te gatuhet receta. I shtojme siper lengun e pules derisa te mbulohen, i sperkasim me 50gr gjalp te mbetur dhe i vendosim ne furre te parangrohur ne 250 grade celcius per 10-15 minuta, ose derisa jufkat ta kene pire te gjithe lengun e pules.

Krijoni një sajt ose blog te WordPress.com