Tag Archives: Receta me kafe

Kek me kafe dhe arra

  • Racione: 6-8 persona
  • Vështirësi: e thjeshtë
  • Shtype

Kek me kafe dhe arra1

Nje kombinim fantastik i shijes se kafes me arrat, ben qe kjo embelsire te shijohet deri ne feten e fundit. Kontrasti midis kremozitetit te mbushjes me krem kafe dhe krokantes se arrave, e ben perfekt per mengjeset e vona te fundjaves, atehere kur shpesh duam te perkedhelemi me diçka te embel. Receta eshte shume e thjeshte per tu pergatitur, dhe ne me pak se 1 ore do te keni ne tavolinen tuaj nje nga embelsirat me te mira qe keni provuar ndonjehere!

Perberesit per nje torte me diameter 20cm

…per kekun

  • 200gr miell 00
  • 200gr gjalpe, ne temperature ambjenti
  • 200gr sheqer
  • 3 veze, ne temperature ambjenti
  • 1 luge çaji pluhur pjekes
  • 2 luge çaji kafe te tretshme ne uje (psh Nescafè)
  • 100gr arra te qeruara dhe te copetuara trashe

…per kremin me kafe

  • 600ml krem pana per embelsira te sheqerosur, te cilin e kemi mbajtur ne frigorifer per min 1 ore
  • 2 luge çaji kafe te tretshme ne uje

Kek me kafe dhe arra2

Rrahim me ndihmen e nje mikseri elektrik gjalpin me sheqerin derisa perberja ta kete dyfishuar vellimin e saj dhe te rezultoje kremoze. Rrahim lehtesisht vezet ne nje ene te vogel dhe i shtojme dalengadale duke vazhduar rrahjen.

Ne nje tas bashkojme miellin me pluhurin pjekes dhe ja shtojme pak nga pak gjalpit me sheqerin duke e rrahur me shpejtesi te ulet ose duke e bashkuar manualisht me ndihmen e nje spatule kuzhine.

Shkrijme kafen ne 1 luge uje te ngrohte dhe ja shtojme perberjes. Shtojme se fundi edhe copezat e arrave duke mbajtur disa menjane per zbukurim.

Lyejme me pak gjalp dhe miell (ose veshim me leter furre) dy tava te rrumbullakta me diameter 20cm. E ndajme brumin e kekut ne menyre te barabarte ne secilen prej tyre dhe i pjekim ne furre te parangrohur ne 180°C per 20-25 minuta. 

I leme te ftohen plotesisht ne temperature ambjenti nderkohe qe pergatisim mbushjen: rrahim me ndihmen e mikserit elektrik panen e ftohte per embelsira derisa te formohet nje krem qe nuk bie nga ena. Nese kremi eshte i pasheqerosur, shtojme sheqer pluhur sipas deshires. Shtojme kafen dhe vazhdojme rrahjen.

Perhapim gjysmen e kremit me kafe mbi njeren nga gjysmat e kekut dhe vendosim me kujdes gjysmen tjeter siper duke e lyer me kremin e mbetur. E zbukurojme me copeza arrash dhe pak kafe pluhur.

Advertisements

Rolè me arra dhe krem kafe

Role me arra dhe krem kafeReceta e kesaj embelsire eshte relativisht e thjesht per tu realizuar dhe rezultati do te jete teper i shijshem e skenografik. Mund te sherbeje per te mbyllur per shembull menúne e nje darke mes miqsh apo festive.
Perberesit per nje rolè

…per pandispanjen

  • 100gr miell
  • 100gr arra te qeruara dhe te reduktuara ne miell me ndihmen e mikserit
  • 100gr sheqer te bardhe
  • 4 veze
  • 1 luge te vogel plot pluhur pjekes
  • pak vanilje
  • 30gr vaj ulliri ose gjalp te shkrire ne mikrovale
  • pak rum per sperkatje (eleminojeni nese ja servirni femijeve)

…per kremin me kafe

  • 250ml krem pana per embelsira te sheqerosur
  • 1 luge te vogel kafe e tretshme ne uje
  • disa arra te qeruara ne copat e vogla

…per ta mbuluar

  • sheqer pluhur

Pregatisim pandispanjen duke ndare si fillim te bardhat nga te verdhat e vezeve ne dy ene te veçanta. Me ndihmen e nje mikseri elektrik, rrahim te verdhat e vezeve me sheqerin derisa te perftojme nje perberje kremoze dhe me ngjyre te hapur. Shtojme arrat e reduktuara ne pluhur, miellin e situr, pluhurin pjekes, vaniljen dhe vajin e ullirit duke i perziere shume mire.

Ne enen tjeter rrahim te bardhat e vezeve me pak kripe derisa te perftojme nje mase qe nuk bie nga ena. Ja shtojme kete perberjes me te verdhe veze duke e perziere me kujdes nga poshte lart. Ne kete menyre kemi perftuar brumin e pandispanjes se rolèse. E hedhim brumin ne nje tave me permasa rreth 20×30 te shtruar me leter furre, e nivelojme mire dhe e pjekim ne furre te parangrohur ne 200°C per 5-7 minuta, apo derisa pandispanja te marre ngjyre te arte ne siperfaqe.

Lyejme me sheqer pluhur nje pecete te paster te lagur me uje e te shtrydhur shume fort dhe vendosim mbi te pandispanjen duke i dhene formen e rolèse (e rrotullojme gjithmone nga ana me e shkurter). E leme te ftohet nderkohe qe pregatisim kremin.

Shkrijme ne pak uje te vaket kafen e tretshme. Rrahim me ndihmen e nje mikseri elektrik panen per embelsira dhe shtojme dalengadale kafen duke vazhduar rrahjen.

Bejme pregatitjen perfundimtare te rolèse: marrim pandispanjen, e çrrotullojme dhe e lagim me pak rum, ose pak arome rumi te tretur ne uje. Per ata qe nuk e preferojne kete arome, mund ta lagin pandispanjen me pak kafe te tretur ne uje/qumesht duke i shtuar ose jo sheqer (sipas deshires). E lyejme me kremin e pregatitur duke e niveluar mire ne te gjithe siperfaqen, shtojme disa arra ne copeza te vogla dhe e rrotullojme serisht me shume kujdes duke e vendosur ne pjatancen ku do ta sherbejme.E sperkasim me pak sheqer pluhur, dhe ne momentin qe do ta sherbejme e presim bukur ne feta.

Kafe Bonbon

Receten qe po ju paraqesim me poshte, provoni ta servirni edhe ne vend te embelsires, pervecse si pije me baze kafen.
Perberesit

  • 2 kafe ekspres nga 40ml secilen
  • 40ml qumesht te kondesuar nga 20ml per person

Hedhim ne fillim qumeshtin e kondesuar ne gota te vogla qelqi dhe shtojme dalengadale kafen ekspres te nxehte, duke e perziere ose jo (sipas preferencave).

Kafe e ftohtë

Kafe-e-ftohteNe keto dite te nxehta qe po afrojne, çfare mund te na shijoj me mire ne mengjes sesa nje filxhan kafe e ftohte, zbukuruar mbase me pak pana per embelsira? Receta qe po ju paraqesim me poshte eshte elementare, mund ta pregatisi kushdo dhe ne cdo moment te dites!

Perberesit

  • 2 filxhan kafe ekspres ose moka ne temperature ambjenti
  • 6 luge te vogla sheqer (sipas preferencave)
  • 6-7 kuba akulli
  • pak kanelle (sipas deshires)
  • pak pana te rrahur per zbukurim (sipas deshires)

Pregatitja e kesaj recete eshte teper e thjeshte: vendosim ne mikser te gjithe perberesit e mesiperm dhe i grijme per pak sekonda derisa akulli te jete copetuar ne grimca shume te vogla.  Hedhim gjysmen e kafes se ftohte ne gotat ku do ta servirim, dhe vazhdojme akoma edhe per pak sekonda perzierjen e pjeses se mbetur derisa perberja te rezultoje kremoze. E hedhim mbi kafet dhe i dekorojme me pak pana te rrahur sipas deshires.

*Keshille: Nese shija e kafes ju pelqen me e zbutur, mund te shtoni pak qumesht te ftohte gjate perzierjes ne mikser.

Kafen e pregatisni me: (?) Rezultatet e sondazhit

Nga sondazhi mbi menyren sesi e pregatisim kafen, kemi nje fituese: Kafen e vjeter dhe tradicionale turke! Ky rezultat ishte pak a shume i pritshem, duke qene se shqiptaret jane nje popull qe i ruan traditat, dhe nje nga keto eshte pregatitja e kafes se mengjesit me xhezve, dhe me pas pse jo leximi i fundit te filxhanit nga ndonje komshi qe pretendon se praktikon Coffeamanzia.

Rezultatet e meposhtme e tregojne fare mire diferencen e madhe ne perqindje:

…kafe turke 55%
…ekspres shtepie 18%
…kafe qe shkrihet ose neskafe 17%
…ata qe e pine ne lokal 9%
…moka 8%
…tjeter 2%

Sic shihet me lart, perdorimi i kafes moka eshte me i ulti, vetem 8%! Por, ne ju rekomandojme te mbani nje kafetiere moka ne shtepi, pasi eshte ideale per te pregatitur kafen per embelsirat si per shembull Tiramisù. Tani, le te shqyrtojme nje nga nje llojet e kafes dhe menyrat e pregatitjes se tyre:

Kafe turke – eshte nje lloj kafe e perhapur me shume ne Turqi dhe ne vendet Arabe (pervecse ne vendin tone), origjina e se ciles mendohet se daton qe ne vitet 500. Per ta pregatitur, perdoret nje lloj kafe e bluar shume imet (2 luge te vogla), te cilat bashkohen me sheqerin (1 luge e vogel), uje, dhe sipas deshires ndonje erze si psh kanelle. Te gjitha keto vendosen ne xhezve dhe perzihen mire nen zjarr te ulet derisa kafja dhe sheqeri te kene shkrire plotesisht. Sapo kafja te filloi te zieje dhe te formohet shkuma e saj karakteristike, hiqet nga zjarri dhe hidhet ne filxhan. Perpara konsumimit, duhet te presim disa caste ne menyre qe te precipitoj ne fund.

Kafe ekspres – eshte kafja me e konsumuar neper lokale apo bare, dhe perftohet nga pjekja dhe me pas bluarja e farave te Kafes Arabike dhe asaj Robuste. Ne boten e kafes, egzistojne 3 M-te e famshme, gershetimi i se cilave jep nje kafe ekspres perfekte! – Miscela (perzierja), e llojeve te kafeve dhe perqindja e perzierjes se seciles prej tyre. -Macinazione (bluarja), menyra e bluarjes dhe imtesia apo trashesia e kafes. -Mano (dora), menyra sesi e pregatit baristi. Sasia per te pregatitur nje kafe ekspres te mire, eshte 8-10gr kafe te pjekur dhe te bluar; ngjeshja e saj dhe presioni qe ushtrohet gjate berjes se kafes, jane çeshtje eksperience. Por, edhe ne kategorine e kafes ekspres, egzistojne lloje te ndryshme:

  • Kafe dopio (dyfshie) – Ne te njejtin filxhan hidhen dy kafe ekspres (50cc=50ml)
  • Kafe e shkurter – Me pak se 25ml kafe ne nje filxhan
  • Kafe e gjate – Rreth 30ml kafe ne nje filxhan
  • Kafe makiato (e njollosur) – Kafe me pak qumesht te ngrohte apo te ftohte
  • Kafe me pana – Kafe se ciles i eshte shtuar pak pana e rrahur
  • Kafe korreto (e korrigjuar) – Kafe se ciles i eshte shtuar pak pije alkoolike (raki, sambuca, brandy etj)
  • Kafe e ftohte – Kafe ekspres se ciles i eshte shtuar sheqer, uje i ftohte ose akull, dhe perzihet ne nje shaker
  • Kafe amerikane – Kafe ekspres se ciles i eshte shtuar uje i nxehte, rreth 80ml ne nje filxhan
  • Kapuçino – Kafe ekspres (25ml) + 1/3 qumesht i shkumezuar + 1/3 qumesht i nxehte (jo me shume se ne temperaturen 70°C)

Kafe qe shkrihet (neskafe) – eshte kafe e perpunuar pluhur, gati per tu shkrire ne uje te nxehte apo qumesht.

Kafe moka –  ose kafe napoletane, pregatitet me kafetieren moka e cila konsiston ne nje aparat te vogel dhe teper praktik per te bere kafen ekspres ne shtepi. Shpikesi i saj ka qene Alfonso Bialetti ne vitin 1933, emrin e se cilit mban edhe nje nga kafetieret me te mira ne bote. Pregatitja behet duke hedhur fillimisht uje ne enen perkatese, vendosjen e filtrit ne te cilin hidhet kafja, mbyllja me kujdes e kafetieres dhe vendosja e saj ne zjarr te ulet. Per shkak te presionit te ujit ne brendesi, avujt e kafes kalojne neper filtra per te perfunduar me pas ne enen nga ku del kafja e pregatitur.

Disa receta ku perdoret kafja jane:

Granitë me kafe

Granita eshte nje alternative shume e fresket dhe origjinale e akullores me origjine siciliane e perbere nga uje, sheqer dhe limon (granita me limon). Ne po iu japim receten e granita-s me kafe, teper e shijshme per t’u shijuar ne mengjes bashke me nje briosh ose disa biskota.
Perberesit per 4 persona

  • 250ml uje
  • 70gr sheqer
  • 250ml kafe moka
  • 200gr pana e fresket per tu rrahur
  • 1/2 bustine vanilje

Vendosim sheqerin, ujin dhe vaniljen ne nje tenxhere dhe e ziejme per rreth 3 minuta. E heqim shurupin nga zjarri dhe kur te jete ftohur shtojme kafen duke e perziere mire. E hedhim perberjen ne nje ene qelqi ose alumini dhe e fusim ne akull per t’u ngrire per 2-3 ore duke e perziere cdo 30 minuta derisa te formohen kristale akulli te medha.