Tag Archives: Apple recipes

Biskota me mollë

  • Racione: 8-10 persona
  • Vështirësi: shumë e thjeshtë
  • Shtype

Nese ju pelqen shija e molleve neper embelsira, atehere me siguri do tju pelqejne edhe keto biskota te shijshme me copeza molle ne brendesi.

Perberesit per rreth 20 biskota

  • 250gr miell 00, i situr
  • 100gr gjalp ne temperature ambjenti
  • 100gr sheqer kaf + per sperkatje
  • 1 veze
  • 1 molle e verdhe (Golden)
  • 1 luge kafe xhinxher pluhur
  • 1 luge çaji pluhur pjekes per embelsira
  • lengun e 1 limoni te shtrydhur

Qerojme mollen, e presim ne kubik te vegjel, e sperkasim me leng limoni ne menyre qe te mos nxihet dhe e leme menjane.

Rrahim gjalpin me sheqerin kaf derisa te formohet nje perberje kremoze, shtojme vezen dhe vazhdojme rrahjen te cilen mund ta bejme me dore ose me ndihmen e nje mikseri elektrik. Shtojme miellin, pluhurin pjekes, xhinxherin dhe copezat e molles duke e perziere shume mire brumin.

Shkepusim copeza brumi, i japim forme sferike me dore dhe i vendosim njera pas tjetres ne nje tave te shtruar me leter furre. I shtypim lehtesisht me dore, i sperkasim me pak sheqer kaf ne siperfaqe dhe i pjekim ne furre te parangrohur ne 180°C per 20 minuta, apo derisa te kene marre ngjyre te arte ne siperfaqe. I leme te ftohen plotesisht ne temperature ambjenti perpara se ti konsumojme.

Foto nga: https://www.afarmgirlsdabbles.com

Advertisements

Smoothie me pjeshkë dhe mollë

  • Racione: 2 persona
  • Vështirësi: e thjeshtë
  • Shtype

Smooth-it jane ideal ne stinen e veres per te marre te gjitha vitaminat qe i duhen trupit per te perballuar te nxehtin. Une i pregatis gjithmone me femijet, keshtu eshte me e lehte qe ata te pijne diçka qe e kane pregatitur me duart e tyre.

Perberesit

  • 2 pjeshke ose nektarina, te prera ne copa
  • 1/2 molle e verdhe, e prere ne copa
  • 1 gote leng molle dhe mango

Ne mikserin per smoothie, hedhim copat e pjeshkes, molles dhe lengun e molles dhe mangos. I perziejme per rreth 20 sekonda derisa te formohet nje mase kremoze.

E ndajme ne dy gota dhe e sherbejme.

Foto nga: https://thebeachhousekitchen.com

Kek me mollë i gjyshes

  • Racione: 6-8 persona
  • Vështirësi: e thjeshtë
  • Shtype

Keku me molle eshte nje nga embelsirat me te pelqyera ne familjen time. Kam provuar shume receta, duke shtuar nje perberes, hequr nje tjeter, por kjo qe do tju prezantoj me poshte eshte ajo qe gjithmone kam kerkuar. E keni parasysh kur nje recete eshte aq e mire sa thua: po, kjo eshte perfekte! Zakonisht e sherbej te shtunave apo te djelave ne mengjes, nje rutine qe mundohem ta respektoj cdo fundjave. Pervec kesaj, aroma e molleve, vaniljes dhe lekures se limonit qe mbush shtepine gjate pjekies eshte fantastike! Mua nuk me pelqejne embelsirat shume te embla, preferoj te shtoj pak sheqer pluhur siper per ta embelsuar me tej. Keshtuqe nese e provoni njehere dhe mendoni qe ka nevoje per pak me shume sheqer, shtoni edhe 50 gram te tjere qe jane pak a shume 3 luge e gjysme gjelle.

Perberesit per nje forme te rrumbullaket 26cm

  • 1 kg molle (5 kokrra) te prera ne feta te holla
  • 3 veze, te ndara te bardhat vec e te verdhat vec
  • 100gr gjalp ne temperature ambjenti + pak per sperkatje
  • 300gr miell i situr 00
  • 1 gote qumesht (rreth 150ml)
  • 200gr sheqer i bardhe
  • 1 limon, lengun dhe lekuren e grire
  • 1 pako te vogel pluhur pjekes me vanilje per embelsira
  • sheqer pluhur per sperkatje, sipas deshires

Lagim fetat e molleve me lengun e limonit ne menyre qe te mos nxihen dhe i leme menjane.
Rrahim te bardhat e vezeve  derisa te formohet nje shkume e bardhe qe nuk bie nga ena.
Ne nje tjeter ene, rrahim te verdhat e vezeve me sheqerin derisa te formohet nje krem me ngjyre te verdhe te hapur. Shtojme gjalpin dhe vazhdojme rrahjen. Shtojme qumeshtin dhe e perziejme me spatul kuzhine derisa perberja te rezultoje homogjene dhe pa kokerriza. Shtojme miellin, pluhurin pjekes, lekuren e limonit dhe vazhdojme perzierjen.
Shtojme pak nga pak kremin e te bardhave te vezeve tek brumi duke e perziere nga poshte lart me levizje te lehta. Ne kete moment duam qe brenda perberjes te futet sa me shume ajer.
Ne fund, shtojme edhe fetat e molleve duke lene disa menjane per zbukurim. E perziejme mire te gjithe masen dhe e hedhim ne nje forme te rrumbullaket te lyer me pak gjalp. Ne siperfaqe vendosim fetat e molleve dhe e sperkasim akoma edhe me pak gjalp.

E pjekim ne furre te parangrohur ne 180°C per rreth 1 ore, duke bere gjithmone proven e pirunit per te pare nese keku eshte pjekur edhe ne brendesi. Nese gjate pjekies, keku merr ngjyre te erret ne siperfaqe, e mbulojme me nje leter alumini dhe vazhdojme pjekien.
E leme te ftohet plotesisht ne temperature ambjenti, e heqim nga forma, e sperkasim me pak sheqer pluhur sipas deshires dhe e sherbejme te prere ne copa.

Ruajtja: per 3-4 dite ne nje ene te mbyllur hermetikisht.

Kosto: 350 lek

Ëmbëlsirë me mollë “me thërrime brumi”

  • Racione: 6 persona
  • Vështirësi: e thjeshtë
  • Shtype
embelsire me molle dhe therrime brumi

Mollet e vjeshtes jane absolutisht me te shijshmet e sezonit, me te cilat mund te pregatiten receta te mrekullueshme! Kjo me poshte eshte nje nga keto, teper e thjeshte per tu pregatitur, 40 minuta ne furre dhe ja ku keni nje embelsire me pak kalori te cilen mund ta shijoni per mengjes shoqeruar me krem pana te rrahur. (ose me pak akullore me vanilje ne stinen e veres)
Nuk ju duhet as te hapni brumin, apo te shpenzoni kohe duke e punuar ate, sepse mjafton ti bashkoni perberesit me majat e gishtave.

Perberesit per nje tave me diameter 24cm

…per therrimet e brumit

  • 300gr miell 00 I situr te cilit I kemi shtuar nje maje luge kripe
  • 175gr sheqer kaf
  • 200gr gjalp pa kripe ne temperature ambjenti I ndare ne kubik

…per mbushjen

  • 4 molle te medha (te qeruara dhe te prera ne feta te holla)
  • lengun e 1 limoni
  • 50gr sheqer kaf
  • 1 luge miell
  • nje maje luge kanelle
  • nje maje luge arre moskate te grire

Parangrohim furren ne 180 grade Celsius.

Vendosim ne nje tas te madh miellin me sheqerin kaf duke I perziere mire. Shtojme pak nga pak kubiket e gjalpit dhe I bashkojme me majat e gishtave duke formuar ne kete menyre therrimet e brumit, pra brumi nuk duhet te ngjeshet e te rezultoje homogjen.

Ne nje tjeter ene, bashkojme mollet me lengun e limonit, sheqerin, miellin, arren moskate dhe pak kanelle. I perziejme me delikatese dhe I leme menjane.

Lyejme me gjalp taven, vendosim mollet ne fund te saj dhe e sperkasim te gjithe siperfaqen me therrimet e brumit.

E pjekim ne furren per 40-45 minuta derisa siperfaqa te kete marre ngjyre te arte dhe mollet te jene zbutur.

E sherbejme te shoqeruar me pak pana te rrahur ose me akullore me vanilje.

*Keshille: Embelsira me molle dhe therrime brumi nuk e ruan formen e saj, prandaj nuk duhet te shqetesohemi nese forma nuk del e rregullt ne pjate… nuk duhet te dali!

Per nje variant akoma me te shijshem, i hedhim brumit siper (perpara se ta fusim ne furre) edhe disa arra pecan (arra amerikane) ne copa.

Foto nga: http://realfood.tesco.com

Strudeli origjinal Vjenez (sipas recetës së Café Residenz)

  • Racione: 8-10 persona
  • Vështirësi: e thjeshtë
  • Shtype

SAMSUNG CSC

Ne Vjene, ne oborrin e pallatit mbreteror Schönbrunn, mund te ndiqet nje mini kurs kuzhine sesi pregatitet strudeli i famshem Vjenez me molle, recete e cila mendohet te jete ajo qe i servirej edhe princeshes se Austrise, Sisi. Sigurisht qe ne fund shijohet edhe nje cope strudel nga ai i pregatitur po ate dite… nje shije e pangaterrueshme me asgje tjeter! Kujdes! Sekreti ne kete recete qendron ne respektimin me perpikmeri te dozave!

Perberesit

… per brumin

  • 250gr miell i tipit W700 (i ngjashem me miellin tone te tipit 0)
  • 50gr veze
  • 100ml uje te vaket
  • 20ml vaj luledielli
  • nje maje luge kripe

…per mbushjen

  • 800gr molle te verdha (Golden) te prera ne feta shume te holla
  • 100gr galete (buke e thate e grire)
  • 50gr gjalp + tjeter per sperkatje
  • pak sheqer me vanilje
  • 140gr sheqer i bardhe
  • pak kanelle
  • pak leng limoni
  • 100gr rrush te thate
  • pak rum ose arome rumi
  • pak sheqer pluhur per sperkatje

Pregatisim brumin e strudelit duke i perziere te gjithe perberesit bashke derisa te perftojme nje brume te bute i cili nuk ngjit ne duar dhe ne tavolinen e punes. I japim formen e nje sfere, e lyejme me pak vaj luledielli dhe e leme te pushoje per rreth 30 minuta ne menyre qe brumi te zbutet dhe te jete i lehte per tu hapur.

I sperkasim mollet me pak leng limoni qe te mos nxihen dhe i leme menjane.

Vendosim ne nje ene te vogel rrushin e thate bashke me rumin, ose nese kete recete do t’ja servirim femijeve, perdorim arome rumi te holluar ne uje te ftohte.

Vendosim nje tigan ne zjarr te ulet dhe ne te shkrijme gjalpin, shtojme galeten, pak sheqer me vanilje dhe i perziejme mire derisa buka te marre ngjyre te arte.

Pregatisim mbushjen duke bashkuar shume mire mollet me rrushin e thate te shtrydhur nga uji (ose rumi), galeten e skuqur ne gjalp, sheqerin dhe kanellen.

Hapim brumin ne tavolinen e punes me duar te lyera me gjalp te shkrire (ose nese e kemi me te thjeshte, me okllai) derisa te rezultoje shume i holle. Vjenezet thone qe peta e strudelit duhet te jete aq e holle sa te lexojme nje gazete permes saj!
E mbushim peten me mbushjen me molle dhe e rrotullojme mire me ndihmen e nje pecete te paster.

E vendosim strudelin ne nje tave te lyer me gjalp dhe pak galete dhe e pjekim ne furre te parangrohur ne 190°C derisa te marri ngjyre te arte. Pasi e kemi nxjerre nga furra, e sperkasim me 3-4 luge gjalp te shkrire, e leme te ftohet, me pas e sperkasim me sheqer pluhur dhe e sherbejme.

Strudeli shkon mjaft mire me akullore ose krem pana te rrahur.

Foto nga: UneGatuaj.com

Kek me mollë

Kek me molleNje kek me molle i thjeshte dhe i shijshme te cilin na e sugjeron nje fansa jone. Faleminderit per receten Aida Juli!
Perberesit

  • 350gr miell 00
  • 200gr gjalp ne temperature ambjenti
  • 200gr sheqer
  • 3 veze
  • 3 molle (lloji sipas deshires)
  • 1 pako te vogel maja per embelsira me arome vanilje (ose 1 pako te vogel pluhur pjekes + 1 pako te vogel vanilje)
  • lekuren dhe lengun e 1 limoni
  • pak kripe
  • sheqer pluhur per sperkatje

Qerojme mollet, i presim ne feta te holla dhe i sperkasim me lengun e limonit ne menyre qe te mos nxihen nderkohe qe pregatisim brumin e kekut:

Ne nje ene te thelle, rrahim me ndihmen e nje mikseri elektrik gjalpin me sheqerin dhe pak kripe derisa te jete formuar nje mase e fryre dhe me ngjyre te hapur. Shtojme vezet nje nga nje, lekuren e limonit dhe majane per embelsira duke vazhduar rrahjen. Shtojme pak nga pak edhe miellin dhe e perziejme te gjithe perberjen me nje spatul kuzhine derisa brumi te rezultoje homogjen dhe pa kokrriza. Se fundi, i shtojme brumit edhe mollet e prera ne kubik duke lene menjane disa feta per dekorim.

E hedhim brumin ne nje tave te lyer me pak gjalp dhe miell, e nivelojme mire dhe e zbukurojme siper me fetat e molleve si ne figure.

E pjekim kekun ne furre te parangrohur ne 190°C per 30-40 minuta, duke bere gjithmone ne fund proven e pirunit. E sperkasim me pak sheqer pluhur dhe e sherbejme te prere ne feta.

*Keshille: Nese shohim qe keku eshte duke u pjekur shume nga jashte nderkohe qe brenda rezulton akoma i papjekur, mbulojme siperfaqen e tij me nje leter alumini derisa te perfundoje pjekia

Krem karamel me mollë

Krem karamel me molle Kremi karamel me molle, eshte nje embelsire shume e veçante e cila shoqeron me se miri si menute me baze mishi, ashtu dhe ato me baze peshku.

Perberesit per 6 persona

  • 500ml qumesht me yndyre te plote 3.5%
  • 250gr sheqer
  • 2 veze te plota + 3 te verdha
  • 1 molle e verdhe e tipit Golden
  • 10gr gjalp
  • 4-5 luge vere te bardhe
  • 1 pako te vogel vanilje

Qerojme mollen, e presim ne kubik te vegjel me madhesi rreth 1cm dhe e kaverdisim ne tiganin ku kemi shkrire gjalpin. E lagim me veren e bardhe, me 2 luge sheqer dhe e gatuajme per rreth 2 minuta ne zjarr te larte duke e perziere shpesh derisa i gjithe lengu qe leshon molla te kete avulluar.

Ne nje tenxhere, vendosim te ngrohen qumeshtin me vaniljen, por pa arritur piken e vlimit.

Ne nje ene te madhe, rrahim me ndihmen e nje mikseri elektrik vezet (e plota dhe te verdhat) bashke me gjysmen e sheqerit derisa perberja e perftuar te fryhet dhe te marre ngjyre te hapur. Shtojme dalengadale qumeshtin e ngrohte me vaniljen duke  e perziere shpesh derisa te perftojme nje perberje homogjene. Ne kete moment, shtojme edhe mollet e karamelizuara dhe e perziejme.

Ne nje tigan, vendosim sheqerin e mbetur me dy luge uje te cilat i perziejme shpesh derisa te formohet nje karamel pa kokerriza. E hedhim ne nje forme gjatesore ose rrethore (psh formen per plumcake ose nje forme te rrumbullaket) duke lyer te gjitha anet e formes me karamelin. Shtojme ne forme edhe perberjen me molle te karamelizuara dhe e pjekim krem karamelin ne furre te parangrohur ne 160°C ne banjomari (pra, te vendosu brenda ne nje tave tjeter me uje) per 50-60 minuta derisa te jete mpiksur. E leme te ftohet plotesisht, e nxjerrim nga forma dhe e sherbejme te prere ne feta.

Kek me mollë, arra dhe rrush të thatë

Keku me molle, arra dhe rrush te thate, eshte nje recete klasike, shume e thjeshte dhe teper e shijshme per ta shijuar ne cdo moment te dites, por mbi te gjitha ne mengjes.
Perberesit per nje kek mesatar (ose nje tave me diameter 25cm)

  • 200gr miell
  • 100gr sheqer
  • 200ml qumesht
  • 2 te verdha vezesh
  • 3-4 molle mesatare
  • 70gr gjalp te shkrire ne mikrovale
  • 1/2 bustine pluhur pjekes
  • 50gr arra ne copa te vogla
  • 50gr rrush te thate
  • sheqer pluhur per sperkatje

Vendosim si fillim rrushin e thate ne nje ene te vogel me uje te ftohte ne menyre qe te zbutet.

Ne nje tas te madh, rrahim me ndihmen e nje mikseri te verdhat e vezeve me sheqerin derisa te formohet nje krem me ngjyre te hapur, shtojme me rradhe qumeshtin, miellin, pluhurin pjekes, gjalpin dhe vazhdojme perzierjen me spatul derisa e gjithe masa te homogjenizohet.

Se fundi, shtojme edhe rrushin e thate te shtrydhur fort me dore, arrat ne copa te vogla (nese deshironi mund ti piqni paraprakisht), dhe mollet e prera ne feta te holle. E perziejme mire perberjen dhe e vendosim ne nje tave te lyer me gjalp dhe miell ose te shtruar me leter furre. E pjekim ne furre te parangrohur ne 170°C per rreth 50 minuta. Perpara se ta servirim, e leme per rreth 20 minuta ne temperature ambjenti ne menyre qe te ftohet dhe te kulloje njekohesisht.

E sperkasim me sheqer pluhur dhe e sherbejme

Strudel Vjenez me mollë

Strudeli eshte nje embelsire tipike e kuzhines Austriake, origjina e se cilit daton qe ne vitin 1696 sipas recetes origjnale qe ruhet ne Biblioteken e Vjenes. Perbehet nga nje pete shume e holle, e mbushur me molle, dardha, pjeshke dhe shume fruta te tjera ne varesi te vendit ne te cilin gatuhet. Sipas nje legjende, kjo pete duhet te jete aq e holle, sa te mund te lexohet edhe nje leter dashurie permes saj!
Receten origjinale Vjeneze po iu a paraqesim me poshte:
Perberesit per 2 strudel
…per brumin

  • 250gr miell 00
  • 100ml uje i vaket
  • 1 veze mesatare
  • 2 luge vaj ulliri
  • pak kripe

…per mbushjen

  • 1kg molle Golden te qeruara dhe te prera ne feta te holla (molle te verdha)
  • 100gr gjalp te qartesuar (ose gjalp te shkrire)
  • 120gr sheqer
  • 150gr galete
  • 100gr rrush te thate
  • 2 luge te vogla kanelle
  • lekuren e 1 limoni
  • pak rum (ose arome rumi)
  • pak sheqer pluhur per sperkatje

Pregatisim fillimisht brumin e strudelit duke hedhur miellin ne tavolinen e punes (ose ne nje ene te madhe), i hapim nje grope ne mes dhe shtojme ne te vezen, kripen dhe vajin e ullirit. E punojme brumin me dore duke shtuar pak nga pak uje te ngrohte derisa masa e formuar te rezultoj elastike dhe e njetrajtshme. Formojme nje sfere te madhe me brumin, e lyejme me pak vaj, e mbeshtjellim me nje leter celofoni dhe e leme te pushoje ne nje vend te fresket per rreth gjysme ore.

Nderkohe pregatisim mbushjen: vendosim ne uje te ngrohte ku kemi shtuar pak rum (ose arome rumi) rrushin e thate per rreth 10 minuta. Ne nje tigan skuqim lehtesisht ne gjysmen e gjalpit galeten dhe e hedhim ne nje tas te madh. Shtojme edhe mollet e prera ne feta te holla, sheqerin, kanellen, rrushin e thate te shtrydhur nga uji i tepert, lekuren e limonit dhe i perziejme shume mire te gjithe keta perberes me njeri tjetrin. E leme mbushjen menjane nderkohe qe  pregatisim petet e strudelit:

Vendosim ne tavolinen e punes nje pecete te paster dhe te lyer lehtesisht me miell dhe hapim mbi te gjysmen e brumit derisa peta te rezultoje pothuajse transparente (kete mund ta realizojme me dore ose me okllai). E lyejme me pak gjalp te shkrire dhe vendosim siper saj gjysmen e mbushjes me molle. E rrotullojme me ndihmen e pecetes derisa ti japim formen e strudelit dhe i mbyllim mire anet ne menyre qe mbushja te mos dale gjate pjekjes. Ne te njejten menyre pregatisim edhe strudelin e dyte.

I vendosim strudelet ne nje tave te madhe te shtruar me leter furre me mbylljen poshte, i lyejme me pak gjalp te shkrire dhe i pjekim per rreth 40 minuta ne furre te parangrohur ne 190°C. Kur pjekja te kete perfunduar, e sperkasim me pak sheqer pluhur dhe e sherbejme te ngrohte ose te ftohte te prere ne feta.

*Keshille: Pas pjekjes, siperfaqa e strudelit rezulton pak krokante pasi peta eshte shume e holle. Nese kjo nuk ju pelqen, mund ta mbeshtillni menjehere pas pjekjes strudelin me leter alumini; ne kete menyre avulli i leshuar do ta zbuse te gjithe perberjen.
Gjithashtu sipas deshires, strudelit mund ti shtohen edhe stika pishe, arra apo bajame te pjekura.</stron