Përbërësit
-
250 gr oriz i zierëose pilaf i mbetur
-
200 gr bizele
-
3 vezë
-
2 lugë gjelle djathë kaçkavall të grirë
-
kripë
-
piper i zi i sapobluar
-
majdanoz i freskët
-
pak vaj luledielli
-
...për mbushjen:
-
4 feta proshutë e pjekur
-
1 dorë djathë guda i grirë
Udhëzimet
Nëse keni oriz të zierë që ju ka mbetur nga gatimet e mëparëshme, ose pilaf, mos e hidhni! Duke i shtuar disa përbërës të tjerë, mund ta shndërroni në një vakt të plotë dhe shumë të shijshëm duke mos çuar dëm asgjë. Unë e kam mbushur me proshutë dhe djathë për më shumë shije, por mund edhe ta lini thjesht ashtu siç është. Provoni gjithashtu edhe Supë kremoze me oriz, vezë dhe kos
Hapat
|
1
Kryer
|
Rrahim në një tas vezët me pak kripë e piper. Shtojmë djathin kaçkavall, bizelet, majdanozin, orizin dhe e punojmë masën me dorë ( ose me lugë, por me dorë përziehen më mirë përbërësit dhe shkriftohet më lehtë pilafi). Nëse bizelet i kemi të gatshme, thjesht i kullojmë nga uji i konservimit. Nëse i kemi të freskëta ose të ngrira, i ziejmë në pak ujë me kripë për 5 minuta. |
|
2
Kryer
|
Lyejmë një tigan me pak vaj, shtojmë gjysmën e masës duke e sheshuar mirë me lugë. Shtojmë djathin dhe proshutën dhe sipër pjesën tjetër të masës me oriz. I vendosim kapakun dhe e lëmë në zjarrë të ulët për 20 minuta. (nga 9 nivele nxehtësie të sobës, e çojmë tek 4). E kthejmë me kujdes nga ana tjetër me ndihmën e një pjatë dhe e gatuajmë për 15 minuta të tjera. |
|
3
Kryer
|
Në fund e shërbejmë të prerë në feta. Shijon mrekullisht si e ngrohtë ashtu dhe e ftohtë! |
