Tag Archives: Receta me brumë sfoljat

Byrek të vegjël me kërpudha dhe proshutë të tymosur

  • Racione: 6 persona
  • Vështirësi: e thjeshtë
  • Shtype

Byreçka me2

Darkat tuaja mes miqve nuk kane qene asnjehere kaq te shijshme! Provoni te pergatisni keto byrek te vegjel me pete sfoljate te cilat piqen ne vetem 15 minuta! Mund te konsumohen si te ngrohte ashtu edhe ne temperature ambjenti dhe do ti pelqejne absolutisht te gjitheve!

Perberesit

  • 1 pete sfoljate e gatshme
  • 300gr kerpudha te tipit champignon, te pastruara dhe te prera ne feta te holla
  • 150gr djathe guda, ose çdo lloj djathi qe shkrin, te prere ne kubik
  • 6 feta proshute te tymosur, te prere holle
  • 1 te verdhe veze
  • kripe
  • piper te zi te sapobluar
  • vaj ulliri
  • fara susami

Ne nje tigan me pak vaj ulliri, kaverdisim per disa minuta ne zjarr mesatar proshuten e tymosur. Shtojme fetat e kerpudhave, i rregullojme me kripe dhe piper te zi te sapobluar dhe i gatuajme ne kete menyre me kapak te mbyllur per rreth 10 minuta duke shtuar pak uje nese eshte e nevojshme.

Hapim peten sfoljate ne tavolinen e punes dhe me ndihmen e nje forme rrethore ose nje gote, formojme 12 rrathe ose disqe brumi.

Byreçka meNe secilin disk brumi vendosim nga nje luge te vogel mbushje me proshute dhe kerpudha, nje cope djathe qe shkrin dhe i mbyllim me kujdes duke i vendosur nje tjeter siper. I mbyllim mire anet e byreçkve dhe i lyejme ne siperfaqe me pak te verdhe veze te holluar me uje. I sperkasim me fara susami dhe i pjekim ne furre te parangrohur ne 200°C per 15 minuta. 

Byreçka me3

Advertisements

Pema e Vitit të Ri me brumë sfoljat

Peme e vitit te ri prej brumi sfoljate

Nje antipaste shume e veçante te cilen mund ta servirni ne tavolinen tuaj te festave te fundvitit. Kerkon minimumin e perberesve dhe fare pak kohe si per tu pregatitur ashtu dhe per tu pjekur.

Perberesit per nje peme Vitit te Ri

  • 2 peta sfoljat te gatshme (ose te pregatitura vet sipas recetes qe do ta gjeni ketu)
  • 4 feta djath qe shkrin (psh guda)
  • 4 feta proshute
  • 10 domate qershize
  • disa kokrra ullinj pa berthame
  • pak qumesht per lyerje

Vendosim te dyja petet sfoljate ne tavolinen e punes dhe me ndihmen e majes se nje thike te mprehte i japim formen e pemes se Vitit te Ri duke formuar pjesen e siperme dhe trungun (me pjeset e mbetura te brumit sfoljat mund te formoni byreçka te vogla). E leme menjane njeren pete dhe mbi peten tjeter vendosim fetat e proshutes dhe djathit. E mbulojme me peten tjeter duke ushtruar pak presion me mollezat e gishtave ne anet e pemes ne menyre qe gjate pjekies petet te mos hapen.

Formojme deget e pemes duke e prere pjesen e siperme ne shirita horizontal te cilet me pas i rrotullojme rreth vetes. E dekorojme pemen ne siperfaqe me gjysma domatesh qershize dhe ullinjsh, e lyejme me pak qumesht dhe e fusim ne furre te parangrohur ne 200°C per 20-25 minuta. E leme te ftohet pak ne temperature ambjenti perpara se ta sherbejme.

*Keshille: Mbushja e pemes se Vitit te Ri mund te jete sipas deshires, psh me gjize e spinaq, qepe e domate etj.
Mund te pregatisni edhe versionin e embel duke e shtuar si mbushje krem Nutella ose reçelera te ndryshem.

Ullinj të mbështjellë në brumë sfoljat

Ullinj te mbeshtjelle ne brume sfoljatUllinjt e mbushur, jane nje aperitiv shume i thjeshte per tu pregatitur dhe teper i shijshem per tu shijuar perpara darkes. Mund ti mbushni me cfare te deshironi, shija gjithesesi mbetet sublime!

Perberesit

  • ullinj te medhenj jeshil pa berthame
  • per mbushje: djath, proshute, peshk ton, bajame etj
  • 1 pete sfoljat (mund ta pregatisni vet sipas recetes qe e gjeni ketu, ose ta blini te gatshme)

Thajme fillimisht shume mire ullinjte me leter kuzhine, presim ne copa te vogla perberesit me te cilet do ti mbushim dhe i fusim ne zgavren e ullinjve.

Presim ne forme trekendeshe ose shiriti peten sfoljat dhe rrotullojme ne te cdo ulli. Eleminojme brumin e tepert dhe kalojme cdo ulli ne pellemben e dores ne menyre qe ti japim brumit forme sa me te rregullt.

I pjekim ne nje tave te shtruar me leter furre ne furre te parangrohur ne 200°C derisa te marrin ngjyre te arte. I servirim te ngrohta ose ne temperature ambjenti.

Foto nga: http://www.bhg.com

Supë patatesh me kore brumi sfoljatë

Kjo supe eshte e thjeshte per tu pregatitur dhe ka nje efekt viziv te menjehershem tek te ftuarit tuaj. Per kete arsye, ne ju rekomandojme ta pregatisni ne raste festash si psh per Pashke.

Perberesit

  • 2 patate mesatare
  • 1l leng pule (ose leng te pregatitur me koncentrate)
  • 3 te verdha vezesh
  • 60gr djath parmixhano te grire (ose djath tjeter kaçkavall)
  • 25gr gjalp
  • 1 tufe majdanoz
  • 1 luge te vogel leng limoni
  • 1 pete sfoljate ne temperature ambjenti
  • kripe
  • piper

Lajme dhe qerojme patatet, i presim ne feta te holla dhe i kaverdisim ne zjarr mesatar bashke me gjalpin per rreth 10 minuta. I rregullojme me kripe, piper, dhe i ndajme neper 4 tasa per supe te cilat mund te futen ne furre.

Ne nje tenxhere, perziejme 2 te verdha vezesh me djathin parmixhano, majdanozin e grire, lengun e limonit dhe pak piper. Shtojme dalengadale lengun e nxehte te pules dhe e çojme te gjithe perberjen ne vlim per disa minuta duke e perziere shpesh. E shperndajme kete mase mbi patatet.

Nga peta sfoljate, perftojme 4 rrathe me diameter pak me te madh se ai i tasave dhe ia vendosim ketyre te fundit si kapak duke i lyer ne siperfaqe me te verdhen e vezes te holluar me pak uje.

I pjekim ne furre te parangrohur ne 180°C per rreth 15 minuta derisa siperfaqa te marre ngjyre te arte. I sherbejme menjehere.

Si të pregatisim Vol au vent

Vol au vent jane shporteza te vogla brumi sfoljat te cilat sherbehen vecanerisht ne raste festash, ditelindjesh apo raste te tjera te vecanta pasi sjellin ne tryeze te gjithe thjeshtesine dhe shijen e tyre. Ne brendesi mund te mbushen me cdo perberes qe ju vjen nder mend, duke filluar nga filadelfia me proshute te pjekur e deri tek gjalpi i kripur me salmon te tymosur… por gjithashtu edhe me krem pasticerie dhe fruta te fresketa. Realizimi i tyre nuk eshte aspak i veshtire;

  • mjafton vetem nje pete sfoljat, pakez qumesht dhe 10 minuta kohe.

Te shohim me poshte sesi pregatiten:

Hapim brumin sfoljat ne tavolinen e punes dhe nxjerrim nga ai 12 rrathe me dimater rreth 7cm (mund te perdorim nje gote ose forme te rrumbullaket te posacme). Vendosim 4 prej tyre ne nje tave te shtruar me leter furre duke i çpuar 3-4 here me dhembet e nje piruni; kjo behet per te evituar fryrjen gjate pjekjes. Nga 8 rrathet e tjere qe na kane mbetur, nxjerrim serisht 8 rrathe me te vegjel duke perdorur nje forme te rrumbullaket me te vogel se e para. Nga keto do te perdorim vetem unazen qe formohet dhe jo diskun qendror. I lyejme me pak qumesht dhe vendosim dy nga unazat mbi rrathet me te medhenje qe kemi shtruar ne tave duke “i ngjitur” me qumesht. I pjekim ne furre te parangrohur ne 200°C per rreth 15 minuta apo derisa te jene fryre dhe te kene marre ngjyre te arte ne siperfaqe. I leme te ftohen plotesisht ne temperature ambjenti dhe i mbushim sipas deshires.

*Keshille: Pjeset e mbetura te brumit sfoljat i presim ne forma te vogla, i pjekim dhe dekorojme vol au vent tashme te mbushura.

Kroasant me brumë sfoljat

Kroasantet jane embelsira tipike te kuzhines franceze, por tashme te njohura ne te gjithe boten, te cilat konsumohen vecanerisht ne mengjes bashke me nje kapucino te ngrohte. Mbushja mund te jete nga me te ndryshmet, qe nga marmalatat e bera ne shtepi, nutela, krem pasticerie etj. Per realizimin e tyre, brumi sfoljat mund te pregatitet ne shtepi sipas recetes qe do ta gjeni ketu, por mund edhe te blihet i gatshem, gje e cila do t’iu shkurtoj shume kohe.
Perberesit per 6-8 kroasant

Me brumin sfoljat te formuar, hapim nje pete ne forme drejtkendeshi me gjeresi rreth 20cm. Nese perdorim brumin sfoljat te gatshem (te ngrire), duhet ta nxjerrim nga akulli nje nate perpara ne menyre qe te nesermen te kete arritur ne temperature ambjenti.

Me majen e nje thike presim trekendesha me baze rreth 15cm, i terheqim pak me gishta te tre majat e tij dhe vendosim ne mes nje luge mbushje. I mbyllim duke i rrotulluar si ne figure, pra fillojme nga baza te cilen mundohemi ta rrotullojme rreth kroasantit ne menyre qe gjate pjekjes mbushja te mos dal jashte, ndersa anet i perkulim pak nga brenda.

Brumi sfoljat

Brumi sfoljat eshte nje nga recetat baze me te njohura dhe me te perdorura ne pasticeri per realizimin e shume embelsirave, por edhe te tortave te kripura. Pregatitja e tij eshte shume e gjate dhe kerkon teper durim dhe vemendje ne menyre qe fryrja te jete sa me uniforme. Zakonisht eshte me e lehte ta blejme te gatshem ne supermarket (te fresket apo te ngrire), por edhe pregatitja ne shtepi do t’iu jape nje kenaqesi te vecante.

Perberesit

  • 125gr miell 00
  • 125gr miell Manitoba
  • 140ml uje te ftohte akull
  • 50gr gjalp te shkrire
  • 175gr gjalp nga frigoriferi (te ftohte)
  • pak kripe

Vendosim ne nje tas te madh miellin e situr bashke me kripen, i hapim nje grope ne mes dhe shtojme ujin duke e perziere shume mire. Shtojme ne kete moment edhe gjalpin e shkrire i cili duhet te jete ne temperature ambjenti dhe e punojme me dore shume shpejt duke formuar nje brume te bute.

Me majen e nje thike formojme nje kryq (+) ne siperfaqen e brumit te cilin e leme te pushoje ne frigorifer mbuluar me leter transparente per 30 minuta. Ne kete menyre kemi perftuar ate qe quhet “detrempe”.

Vendosim midis dy letrave celofoni gjalpin dhe e “rrahim” me nje rrahes mishi duke u munduar ti japim forme drejtkendeshe dhe te perftojme nje shtrese te bute dhe te holle te cilin gjithashtu e vendosim ne frigorifer per 30 minuta. Kjo perberje ne zhargonin e perditshem quhet “beurrage”.

Pasi te kete kaluar koha me siper, vendosim brumin ne tavolinen e punes te lyer me miell dhe hapim nje pete drejtekendeshe me permasa rreth 50 x 30cm.

Nxjerrim gjalpin nga frigoriferi dhe duke e rrahur hapim nje “pete” sa 2/3 e brumit sfoljat. E vendosim gjalpin mbi pete duke mbuluar rreth 2/3 e saj, palosim anen pa gjalp mbi gjalpin dhe me pas anen qe ka gjalpin drejt qendres. E mbyllim mire brumin anash per te izoluar gjalpin ne brendesi.

E  mbeshtjellim kete brum me leter transparente dhe e vendosim ne frigorifer per 1 ore. Ne kete moment fillojne “xhirot” e brumit sfoljat.

Nxjerrim brumin nga frigoriferi, e vendosim mbi tavolinen e punes me mbylljen qe realizuam me siper nga e djathta dhe e hapim serisht derisa te formojme drejtkendeshin 50 x 30cm gjithmone nga ana e mbylljes. Mbyllim 1/3 drejt qendres dhe 1/3 tjeter mbi te. E vendosim peten ne frigorifer per 1 ore tjeter dhe e perserisim kete procedure per 5 here gjithesej.

Ne xhiron e fundit, e hapim brumin ne trashesine e deshiruar sipas recetes qe po realizojme, apo e ruajme ne akull te mbeshtjelle me leter furre lyer me pak miell. Ne kete menyre brumi sfoljat ruhet deri ne 3 muaj.

Tortë e kripur me kungulleshka

Kjo torte kaq e shijishme dhe e thjeshte ne pregatitje, i pershtatet fare mire festave me shume njerez duke e prere ne kubik te vegjel apo nje dreke/darke te zakonshme ne familje. Gjithashtu perberesit mund t’i hiqni apo t’i shtoni sipas preferences suaj. Nje gje eshte e sigurt: shija do te jete e perkryer!
Perberesit per nje torte mesatare

  • 1 pete sfoljate ose brume te shkrifet
  • 4-5 kungulleshka (ne feta te rrumbullakta)
  • 1/2 qepe (te prere holle)
  • 3 veze
  • 2 karrota (ne kubik te vegjel)
  • 1 pako filadelfia ose 100gr rikota (gjize pa kripe)
  • 100gr proshute e pjekur (ne kubik te vegjel)
  • 125 ml pana kuzhine (fakultative)
  • kripe
  • piper
  • vaj ulliri

Si fillim, presim qepen shume holle (ose perdorim mikserin) dhe e kaurdisim ne pak vaj ulliri. Shtojme karrotat e prera ne kubik dhe pas 2-3 minutash shtojme proshuten ne kubik dhe fetat e kungulleshkave. I leme te gjithe perberesit te gatuhen sebashku per disa minuta, por duke mbajtur gjithmone parasysh qe kungulleshkat dhe karrotat te jene pak krokant (gjysme te gatuar). Ne kete moment i rregullojme me kripe dhe piper. Heqim menjane disa feta kungulleshkash te cilat do t’i perdorim per zbukurim.

Myfle

Myfle foto

Myflet jane nje embelsire teper e lehte per t’u konsumuar dhe per t’u pregatitur. Mund te jene nje zgjidhje ideale ne festat me femije apo edhe per ditelindje e bankete te ndryshme. Mjafton te keni ne shtepi nje pete sfoljat dhe te pregatisni kremin me te cilin ato mbushen; disa fruta te fresketa apo copeza cokollate per zbukurim dhe suksesi eshte i garantuar!

Perberesit per 8 myfle te vogla

Pregatisim rreth 350gr krem diplomat sipas recetes qe do ta gjeni ketu dhe e vendosim ne frigorifer deri ne nje moment te dyte.

Parangrohim furren ne 180C.

Ndajme peten sfoljate ne 16 drejtkendesha te barabarte. I vendosim ne nje tave te shtruar me leter furre, e cpojme komplet siperfaqen e brumit me dhembet e nje piruni, i lyejme drejtkendeshat me pak qumesht dhe i sperkasim me sheqer pluhur. Siper tyre vendosim nje tjeter leter furre dhe i vendosim dicka te rende, psh nje tjeter tave. Kjo do te ndihmoje qe brumi gjate pjekies te mos fryhet dhe te ruaj formen e tij.

I pjekim per 15 minuta derisa te marrin ngjyre te arte dhe te rezultojne krokante. 5 minutat e fundit heqim taven dhe letren e furres qe ndodhet ne siperfaqe duke lejuar keshtu sheqerin pluhur te karamelizohet.

I nxjerrim nga furra dhe i leme te ftohen plotesisht.

Formojme myflen duke vendosur nje drejtkendesh brumi sfoljat ne tavolinen e punes, shtojme 2 luge krem diplomat (ose pak me shume) dhe e nivelojme me pjesen konkave te luges. Vendosim siper kremit nje tjeter drejtkendesh brumi duke e ngjeshur pak me dore. I sperkasim myflet me sheqer pluhur, ose i lyejme me pak krem ne siperfaqe dhe i zbukurojme me copeza cokollate apo fruta te fresketa.

I vendosim ne frigorifer per disa ore ose gjithe naten perpara se ti konsumojme.

Foto nga: http://multinationalcook.blo