Arkiva Etiketash: Receta me kos grek

Akullore me kos dhe salcë mjedre

  • Racione: 12 persona
  • Vështirësi: e thjeshtë
  • Shtype

Akullore me kos dhe salce mjedre

Kete akullore mund ta shijojme ne mengjes kur nuk kemi kohe te pregatisim asgje dhe duam dicka te shpejt dhe te ushqyeshme apo ne darke, kur kemi deshire per dicka te embel. Pervecse e bukur ne pamje, eshte dhe tejet e shendetshme dhe e shijshme, femijet tuaj do ta dashurojne!

Perberesit

  • 300gr mjeder te ngrire ose te fresket (ose luleshtrydhe, boronica apo cfare fruti deshironi)
  • 2 luge sheqer
  • 250gr kos grek me % te larte yndyre
  • 2 luge mjalt shumelulesh
  • ½ gote qumesht (rreth 50ml)
  • 40gr oriz i fryre (ose corn flakes, musli, tershere etj)

Marinojme mjedren me dy luge sheqer ne nje ene per minimum 10 minuta duke I perziere here pas here derisa frutat te leshojne lengun e tyre. I vendosim ne zjarr mesatar dhe I gatuajme derisa ti avulloje uji I tepert. I leme te ftohen ne temperature ambjenti.

Ne nje tas, perziejme kosin me qumesht dhe mjalt, e hedhim gjysmen e tij ne nje ene tjeter dhe I shtojme orizin e fryre.

Ne format e akullores hedhim si fillim nje luge te vogel kos, shtojme nje luge te vogel kos me oriz te fryre, nje luge te vogel salce mjedre dhe vazhdojme ne kete menyre derisa te mbushet e gjithe forma. I vendosim bishtin dhe i ngrijme ne akull per minimumi 6 ore perpara se ti konsumojme.

Per ta hequr akulloren nga forma e saj, e kalojme kete te fundit disa sekonda ne uje te nxehte.

Ruajtja: ne akull per dy jave

Advertisements

Embëlsirë e freskët me kos dhe kajsi

Embelsire e fresket me kos dhe kajsiReceta e meposhtme i ka te gjitha karakteristikat e veres: e fresket, e pregatitur me fruta biologjike dhe shume e shpejt ne gatim. Eshte ideale per tu konsumuar ne mengjes pasi i permban te gjitha vlerat ushqyese qe keni nevoje. Provoni te zevendesoni kajsite me cdo lloj fruti qe ju pelqen!
Perberesit

  • 300gr kos i trashe grek
  • 12 kajsi te vogla te forta
  • 1 luge mjalt
  • fruta te thata: fistik/lajthi/bajame etj
  • gjethe mente per zbukurim

…per shurupin

  • 250ml uje
  • 50gr sheqer pluhur
  • 1 luge mjalt
  • pak kanelle

Lajme shume mire kajsite e vogla dhe i ndajme ne dy pjese duke i eleminuar berthamen.

Pregatisim shurupin duke vendosur ne nje tenxhere ujin, sheqerin pluhur, mjaltin dhe shume pak kanelle. Ne momentin qe shurupi ka filluar zierjen, hedhim ne te kajsite dhe i leme ne zjarr te ulet per maksimumi 5 minuta.

I heqim nga zjarri, marrim 8 kajsi (dmth 16 gjysma) dhe i kalojme ne mikser bashke me nje luge mjalt. E bashkojme pure’ne e kajsive me kosin grek dhe e shperndajme ne kater tasa te vegjel. Siper i zbukurojme me 2 gjysma kajsishe, fisitik ne copeza te vogla dhe ndonje gjethe mente. I vendosim ne frigorifer per minimumi 1 ore perpara konsumimit.

*Keshille: Kete embelsire mund ta pregatisini edhe me kajsi te thata te cilat i keni lene ne uje te ngrohte per rreth 15 minuta, apo ne dimer me komposto kajsishe.

Manti me mish qengji

Manti, eshte nje nga pjatat e para me te njohura te kuzhines turke e cila ngjason me raviolit italiane, vetem se brumi i tyre eshte me elastik dhe mbushja realizohet me mishin e grire te qengjit. Mantit shoqerohen me nje salce paksa pikante te cilen gjithashtu do t’iu servirim me poshte.
Perberesit per 4 persona

Per brumin:

  • 300gr miell
  • 1 veze te rrahur me pak uje
  • 1/2 luge te vogel kripe

Per mbushjen:

  • 1/2kg mish te grire qengji apo vici
  • 1 qepe te vogel te grire
  • majdanoz te fresket te grire
  • kripe
  • piper te zi

Per salcen me kos:

  • 500ml kos te trashe (kos grek)
  • pak qumesht
  • disa pika tabasko
  • 2 luge te vogla spec te kuq te embel (paprika)

Pregatisim brumin per mantit duke vendosur miellin ne tavolinen e punes, i hapim nje grope ne mes ne te cilen shtojme vezen pak te rrahur, kripen dhe mbajme prane vetes nje filxhan uje dhe pak miell. E punojme brumin me dore derisa te formohet nje perberje e bute, elastike dhe homogjene duke shtuar pak miell apo uje sipas nevojes. Formojme me te nje sfere te madhe te cilen e leme te pushoje larg korrenteve te ajrit (per shembull brenda ne furren e fikur) mbuluar me nje pecete te paster per rreth 1 ore.

Nderkohe pregatisim mbushjen: Ne nje ene perziejme mire mishin e grire, qepen e grire holle (apo te kaluar ne mikser), majdanozin e fresket te grire, kripen dhe piperin e zi. E leme ne nje ane mbushjen deri ne momentin qe do te na nevojitet.

Gjate kesaj kohe pregatisim edhe salcen me kos: Ne nje tigan te thelle vendosim kosin te holluar me pak qumesht, shtojme disa pika tabasko dhe 2 luge spec te kuq te embel duke patur kujdes qe salca te mos behet shume pikante. E vendosim ne zjarr te ngadalte duke e perziere derisa salca te ngrohet, por jo te vloje. E leme menjane dhe pregatisim manit.

Krem me hudhra të freskëta

Sot kam zgjedhur nje recete sa te vecante, aq edhe ndjellese, megjithesi perberesi kryesor eshte hudhra dhe dikush mund te mendoj: Hudhra??? Pikerisht keshtu… Eshte e pamundur t’i rezistosh cdo gjeje te fresket qe sheh cdo dite ne merkate. Ju siguroje qe nuk do te keni pasoja te padeshiruara, por vetem nje krem i cili mund te shijohet ne menyre perfekte me copeza buke te thekura.
Perberesit per 4 persona

  • 12 koka hudhrash te fresketa
  • 300gr kos grek (kos i trashe)
  • 300ml pana kuzhine
  • bishtat e nje qepe te njome
  • leng limoni
  • 0.5l leng i pregatitur me nje kub koncentrate
  • kripe
  • piper

Ziejme per disa minuta hudhrat ne uje te valuar derisa te zbutet (ose ne avull). I presim shume holle dhe i perziejme me kosin grek, me panen, me disa pika leng limoni dhe me bishtat e qepes se njome te prera gjithashtu shume holle. E vendosim perberjen perseri ne zjarr ne temperature shume te ulet duke e perziere here pas here dhe duke i hedhur pak nga pak lengun e perftuar nga shkrirja e nje kubi koncentrat ne gjysme litri uje, per rreth gjysme ore. I shtojme kripe dhe piper dhe e sherbejme shume te nxehte bashke me buken e thekur.

Tavë Elbasani (Tavë kosi)

rsz_tave_kosiTava e Elbasanit ose e quajtur ndryshe Tave kosi, eshte nje recete tipike Shqiptare e pregatitur me pjesen e shpatulles ose brinjet (mund te perdorni si mish qengji ashtu dhe dashi per kete recete) i pjekur ne furre ne nje baze salce me kos dhe pak oriz. Kjo pjate u be shume e famshme kur Ismail Qemali erdhi ne Vlore ne vitin 1912, dhe kerkoi te provonte kete gatim te shijshem. Kjo eshte arsyeja pse Tava e kosit pregatitet vecanerisht ne Diten e Pavarsise!

Perberesit

  • 750gr shpatull qengji (ose brinje) te ndara ne 4 pjese
  • 4 luge gjalp pa kripe
  • 2 luge oriz kokerrgjate
  • kripe
  • piper te zi te sapobluar

…per salcen me kos

  • 1kg kos ne temperature ambjenti
  • 5 veze
  • 4 luge miell
  • kripe
  • piper te zi te sapobluar

Per mishin e qengjit, parangrohim furren ne 190°C.

E sperkasim mishin me kripe, piper te zi dhe gjysmen e gjalpit dhe e pjekim ne furre derisa te jete gjysme i gatshem. I hedhim pak uje nese shohim qe mishi thahet shume.

E heqim taven nga furra, shtojme oriz dhe e leme menjane.

Per salcen me baze kosi, skuqim per 3-5 minuta miellin ne gjalpin e mbetur duke i perziere shume mire. Rrahim vezet me kosin, shtojme kripe, pak piper te zi te sapobluar dhe se fundi masen me miell. E hedhim salcen me kos mbi mishin e qengjit dhe e pjekim per rreth 45 minuta. E sherbejme te ngrohte.

*Keshille: Nese perdorim mish dashi ne vend te mishit te qengjit, duhet ta gatuajme fillimisht ne tenxhere me presion per 10-15 minuta dhe me pas te veprojme si me siper.

Foto nga: http://www.epicurus.com/

Salcë xaxiqe

TzatzikiEshte e pamundur te shkosh ne Greqi dhe te mos shijosh kete salce fantastike e cila pervecse eshte nje antipaste tipike e ketij vendi, sherben edhe si shoqeruese e Sufllaqes greke. Por ajo mund te shoqeroje cdo pjate; duke filluar nga mishi, peshku e duke perfunduar tek Sallata Greke apo orizi. Origjina e fjales xaxiqe, vjen nga turqishtja e vjeter “cacik”, nje ushqim te cilin turqit e perdornin per tu freskuar gjate dites duke perziere kos, uje, hudhra dhe buke: kjo eshte paraardhesja e xaxiqit te sotem, e cila ne Bullgari njihet me emrin tarator. Nje nga vetite e saj eshte se mund te ruhet ne frigorifer per rreth nje jave nga momenti i pregatitjes: ne kete menyre do te kurseni  kohe dhe do te shijoni nje fete buke te thekur me xaxiqe kur te ktheheni ne shtepi te uritur.

Perberesit

  • 400gr kos i trashe Grek
  • 4 thelpinje hudher
  • 4 luge vaj ulliri
  • 2 luge leng limoni
  • 1 kastravec
  • 1 luge koper te fresket te grire
  • kripe
  • piper i zi i te sapobluar
  • per zbukurim: gjethe mente, ullinj te zinj

Si fillim, grijme kastravecin ne fije te trasha nga ana me e trashe e grireses dhe shtrydhim me dore lengun qe ai leshon, ose nqs kemi kohe e leme te kulloje mbi nje pecete te paster. Grijme hudhrat shume holle apo mundesishte i kalojme ne mikser per te perftuar nje krem nga to.

Ne nje tas mesatar, bashkojme kosin grek me kastravecin, hudhrat, lengun e limonit, vajin e ullirit dhe kopren. E rregullojme salcen me kripe dhe piper, e mbulojme tasin me leter transparente dhe e fusim ne frigorifer per te pakten 1 ore ne menyre qe shijet te bashkohen me njera tjetren.

E servirim te zbukuruar me gjethe mente dhe disa kokrra ullinj te zinj.

*Keshille: Per pregatitjen e xaxiqes duhet perdorur kos grek i cili eshte mjaft i trashe dhe i yndyrshem, por ne pamundesi te tij kete recete mund ta pregatisim edhe me kos normal te cilin  do e leme te kulloje nje nate ne nje pecete te paster per t’i hequr te gjithe ujin e tepert.

Foto nga: http://galleryhip.com/

http://rapidshare.com/files/302942433/Julie.A.J.2009.iTA.MD.DVDRip.XviD-SiLENT.2CD.CoMiCo.UpZ.part1.rar

Sallatë patatesh me kos dhe qepë të njoma

Sallate me patate dhe qepe te njoma

Perberesit

  • 800gr patate
  • 2 qepe te njoma
  • 150gr kos i trashe grek (me shume yndyre)
  • 2 luge majoneze
  • 2 luge bishta qepesh te thata
  • kripe
  • piper

Ziejme patatet me gjithe lekure ne uje pa kripe dhe me pas i kalojme ne uje te ftohte te rrjedhshem duke i lene te ftohen.

Pasi te jene ftohur i qerojme, i presim ne kubik dhe i vendosim ne nje tas ku shtojme majonezen e perziere me kosin grek, qepet e njoma te prera holle, kripen, piperin dhe qepen e njome te thate.

I perziejme te gjitha bashke dhe i vendosim ne frigorifer per te pakten 1 ore. E servirim te ftohte.

Foto nga: http://www.thecrazykitchen.co.uk/