Arkiva Etiketash: Krem për torta

Krem pastiçerie i lehtë (pa vezë)

  • Vështirësi: e thjeshtë
  • Shtype
Krem pasticerie i lehte

Edhe pse po mundoheni te kontrolloni kalorite qe konsumoni ne dite, kjo nuk do te thote qe te hiqni dore nga nje cope embelsire… aq me mire nese e pregatitur me krem pastiçerie. Pse? Sepse ne ju tregojme nje tjeter menyre per te pregatitur kremin e pastiçerise te lehte, pa veze dhe pa qumesht lope, por me qumesht soje.

Perberesit

  • 1l qumesht soje
  • 4 luge plot sheqer
  • 4 luge plot miell ose niseshte
  • 1 pako te vogel vanilje
  • lekuren e 1 limoni
  • pak shafran indie ose nje maje luge shafran per ti dhene ngjyre

Ne nje tas perziejme miellin me sheqerin dhe dy filxhan qumesht te ngrohte derisa masa te rezultoje pa kokerriza.

Vendosim ne zjarr nje tenxhere me qumeshtin e mbetur te cilit i kemi shtuar vaniljen dhe lekuren e limonit. Sapo te arrije piken e vlimit, e heqim nga zjarri dhe shtojme perberjen me qumesht, miell dhe sheqer duke e perziere shpesh.

E rivendosim serisht ne zjarr te ulet dhe vazhdojme perzierjen derisa kremi te kete arritur trashesine e deshiruar. Nese duam ti japim kremit tone nje ngjyre te bukur te verdhe, shtojme ne sekondat e fundit pak shafran te tretur ne nje filxhan kafe qumesht.

Eleminojme lekuren e limonit dhe e perdorim ne embelsira te ndryshme.

Per receten e Kremit te Pastiçerise klasik, klikoni ketu.

Foto nga: http://guidecucina.pianetadonna.it/

Reklama

Kremi ganash (ganache)

(torte e lyer me kremin ganash dhe e zbukuruar me arra)

Kremi ganash eshte nje krem me origjine franceze i cili pregatitet duke perziere panen e lengshme per embelsira te nxehte dhe cokollaten e grire imet zakonisht ne raportin 1:1. Ky krem eshte krijuar nga gabimi i nje nxenesi, i cili gabimisht derdhi qumeshtin e nxehte ne cokollate, dhe mesuesi i tij i ngjiti nofken ganache (qe ne frengjisht do te thote i ngathet).
Perberesit per kremin ganache jane ne varesi te madhesise se tortes, por pergjithesisht

  • 250ml pana per embelsira te lengshme
  • 250gr cokollate te zeze (apo cfare cokollate preferoni)
  • 20gr gjalp (sherben per ti dhene shkelqim kremit, por mund edhe ta eleminoni)

Vendosim ne zjarr te ulet panen e lengshme bashke me gjalpin e prere ne copeza te vogla, dhe kur perberja te jete after pikes se vlimit, e heqim nga zjarri dhe shtojme çokollaten e grire holle (me thike ose ne mikser) duke e perziere me nje tel kuzhine derisa te kete shkrire plotesisht. Sipas deshires, mund ta perdorim ne dy menyre:

1. kur kremi te jete ftohur plotesisht, e rrahim me ndihmen e nje mikseri elektrik derisa te dyfishoje vellimin e tij, ose

2. e hedhim kremin te ngrohte siper kekut qe kemi pregatitur, profiterolave, tortave etj, dhe e perhapim me ndihmen e nje spatule kuzhine ose nje thike.

Vecantia e kremit ganash eshte se nese vendoset ne frigorifer, ngurtesohet se tepermi, dhe nese vendoset ne nje vend te nxehte, shkrihet se tepermi. Per kete arsye rekomandohet qe torta e lyer me kete krem te ruhet ne frigorifer dhe te nxirret 2-3 ore perpara konsumimit.

*Keshille: Me kete krem, pervecse mund te lyeni tortat ne siperfaqe, mund ta perdorni edhe per ti mbushur ato ne brendesi duke ndryshuar shijen ne varesi te shijes se cokollates qe zgjidhni.

Krem limoni anglez (Lemon curd)

Kremi i limonit eshte nje embelsire tipike Angleze i cili perdoret per te mbushur torta, mafins te embel apo thjesht per t’u lyer mbi feta buke te thekura shoqeruar me nje filxhan caj. Pregatitja e tij eshte mjaft e thjeshte dhe perberesit jane te gjithe natyral; per kete arsye mund ta shijojne edhe femijet per mengjes bashke me nje gote qumesht. Perberesit per rreth 2 kavanoza

  • 4 limona
  • 2 veze te plota + 2 te verdha vezesh
  • 110gr gjalp i cilesise me te mire ne temperature ambjenti
  • 450gr sheqer

Perpara se te fillojme pregatitjen e kremit te limonit, grijme ne rende lekurat e limonit dhe shtrydhim lengun e tyre te cilin e filtrojme me ndihmen e nje kulluese. Rrahim lehtesisht edhe vezet ne nje ene te vogel.

Shkrijme ne banjomari ne zjarr te ulet gjalpin e prere ne copa bashke me sheqerin derisa ky i fundit te kete shkrire plotesisht. Shtojme vezet dhe vazhdojme perzierjen me luge druri derisa perberja te rezultoje kremoze, por kujdes; nuk duhet te shkoje asnjehere ne vlim. Ne kete moment shtojme edhe lengun e limonit dhe lekuren e tij dhe e leme ne kete menyre ne zjarr te ulet per 5-10 minuta derisa kremi te trashet; e kuptojme qe eshte gati kur kremi te veshe lugen e drurit.

E hedhim kremin e limonit neper kavanoza, e leme te ftohet ne temperature ambjenti dhe e vendosim ne frigorifer te pakten nje nate perpara se ta perdorim.

*Keshille: Ky lloj kremi mund te ruhet te frigorifer per maksimumi nje jave, prandaj mos e pregatisni ne sasi shume te madhe!

Kremi diplomat

Krem diplomatKremi diplomat konsiston ne bashkimin e dy nga kremerave me te perdorur per embelsira: Kremit te pastiçerise (i perbere nga qumesht, miell, veze dhe sheqer) dhe Kremit shantili (i perbere nga pana, sheqer pluhur dhe vanilje).

Perberesit

I bashkojme te dy kremerat dhe e perdorim Kremin diplomat menjehere. Ne rast te kundert, e ruajme ne frigorifer te mbuluar me leter celofoni per 2-3 dite.

*Shenim: Kremi diplomat perdoret mbi te gjitha per te pregatitur Torten Diplomat (ose torten me pete) e cila eshte e perbere nga shtresa Petash sfoljat dhe pandispanje dhe e mbushur me kete krem  (shpesh i aromatizuar edhe me liker) dhe e sperkatur me sheqer pluhur.

Foto nga: http://lesgoutsclaude.canalblog.co

Krem shantili

Krem shantili

Kremi Shantili, i krijuar nga francezi François Vatel ne shekullin e XVII, eshte i perbere nga pana e fresket e rrahur, vanilje dhe sheqer pluhur ne raportin 5 pana dhe 1 sheqer. Duke qene nje nga kremerat me te perdorur ne pastiçeri, perveç se perdoret i vetem neper emblesira te ndryshme, shpesh bashkohet edhe me Kremin e pastiçerise per te formuar Kremin diplomat

Perberesit per 250gr krem shantili

  • 250ml krem pana nga frigoriferi
  • 50gr sheqer pluhur
  • 1/2 luge te vogel vanilje pluhur

Ne nje tas te madh, rrahim me ndihmen e nje mikseri elektrik me shpejtesi maksimale kremin pana derisa te trashet. Shtojme sheqerin pluhur te situr dhe vazhdojme rrahjen derisa kremi te kete arritur trashesine e deshiruar. Shtojme se fundi edhe vaniljen pluhur, dhe e rrahim edhe per 3 apo 4 sekonda te tjera.

Kremi shantili mund te pregatitet maksimumi nje dite perpara perdorimit, dhe te ruhet ne frigorifer i mbuluar me leter celofoni. Nese para perdorimit veme re qe ne siperfaqe te tij eshte formuar nje leng, pra eshte ndare kremi nga uji, vazhdojme rrahjen edhe per pak çaste derisa kremi te rezultoje homogjen.

Foto nga: http://domesticfits.com/

Krem gjalpi

Krem gjalpii

Kremi i gjalpit eshte mjaft i perdorur per mbushjen apo zbukurimin e tortave te ndryshme. Duke qene se eshte pak i rende per organizmin, keshillohet te perzihet me Krem marenge apo me Krem pastiçerie. Gjithashtu duhet patur kujdes qe raporti i sheqerit dhe gjalpit te jete gjithmone 1:2, pasi nqs i hedhim me shume gjalp ose sheqer seç duhet, prishet struktura e kremit dhe ky i fundit behet i paqendrueshem.

Perberesit per te mbushur nje torte me diameter 23cm

  • 250gr gjalp i nje cilesie shume te mire, ne temperature ambjenti
  • 500gr sheqer pluhur, i situr
  • 2-4 luge qumesht
  • 1 luge te vogel vanilje pluhur

Ne nje tas te madh, rrahim gjalpin e zbutur me ndihmen e nje mikseri elektrik ose nje luge druri derisa te behet kremoz. Shtojme gjysmen e sheqerit pluhur dhe vazhdojme rrahjen derisa te zbutet akoma me shume.

Shtojme gjysmen tjeter te sheqerit, 2 luge qumesht dhe vazhdojme perzierjen derisa te kemi arritur trashesine e deshiruar. Nese kremi rezulton shume i lengshem, shtojme akoma edhe pak sheqer pluhur, apo nese rezulton shume i trashe, shtojme akoma edhe pak qumesht. Shtojme se fundi edhe vaniljen duke e perziere mire, e mbulojme tasin me leter celofoni dhe e ruajme ne frigorifer per maksimumi 3 dite. Perpara se ta perdorim, e leme ne temperature ambjenti per disa ore dhe e rrahim per pak sekonda me mikser elektrik per ti rikthyer butesine.

Krem pastiçerie klasik

Krem pasticerie klasik

Kremi i pastiçerise eshte nje nga kremerat me te perdorur per emblesira te tilla si myfle, pastashu, binjè etj. Duke qene se nuk e ruan formen e tij, eshte mire te bashkohet me nje krem me te qendrueshem (psh Krem gjalpi) ne menyre qe te formohen zbukurime te ndryshme mbi torta. Sekreti per te perftuar nje krem perfekt qendron ne hedhjen dalengadale te perberjes me sheqer, veze dhe miell ne qumeshtin e ngrohte dhe e gjithe masa vendoset ne zjarr te avashem duke u perziere shpesh.

Perberesit per 500gr krem pastiçerie

  • 500ml qumesht me yndyre te plote (2 gota mesatare)
  • 2 luge plot miell ose niseshte
  • 6 luge plot sheqer
  • 6 te verdha vezesh
  • aroma: vanilje/lekure limoni/lekure portokalli

Fillimisht, vendosim qumeshtin per t’u ngrohur ne zjarr te moderuar pervec nje gote e cila do te na nevojitet ne nje faze te mevonshme. E leme disa minuta mbi zjarr dhe me pas e heqim duke shtuar aromen e vaniljes apo aroma te tjera.

Ne nje ene (joalumini) rrahim te verdhat e vezeve me sheqerin me ndihmen e nje mikseri, shtojme miellin, qumeshtin e ftohte qe kemi hequr menjane dhe vazhdojme rrahjen. Kete mase te perftuar ia shtojme qumeshtit te ngrohte ne tenxhere duke vazhduar rrahjen me mikser edhe per disa çaste.(Kujdes! Nese qumeshti nuk eshte i ngrohte, e vendosim perseri ne zjarr.)

Vendosim ne zjarr te avashem te gjithe perberjen duke e perziere here pas here me ndihmen e nje piruni apo teli per rrahje dhe e leme per pak minuta derisa masa te trashet dhe te mos jene formuar kokrriza. E heqim nga zjarri dhe e leme kremin te ftohet duke e perziere here pas here.

*Keshille: Nqs perdorni lekuren e limonit apo te portokallit per te aromatizuar kremin, vendoseni kete te fundit kur qumeshti eshte akoma i ftohte (ne fillim) dhe hiqeni kur ai te jete i vaket (ne fund).

Nqs doni te evitoni formimin e nje “shtrese” ne siperfaqen e kremit kur ky ftohet, mbulojeni me nje leter celofoni apo me nje pecete te lagur apo hidhni pak gjalp ne siperfaqe.

Per Kremin e Pastiçerise te lehte (pa veze), klikoni ketu.

Foto nga: http://www.djfoodie.com

Krem marengë

Kremi marengeKremi marenge i pregatitur sipas recetes me poshte, eshte nje nga kremrat marenge me te qendrueshem. Te bardhat e vezeve “gatuhen” ne momentin qe i hidhet shurupi i nxehte i perbere nga uji dhe sheqeri, prandaj gatimi i tyre i mevonshem eshte opsional. Mund te perdoret per te bere zbukurime mbi torta, per ti lyer ne siperfaqe apo edhe per ti mbushur ato.

Perberesit

  • 4 te bardha veze ne temperature ambjenti
  • 200gr sheqer
  • lengun e 1 limoni
  • 200ml uje te ftohte

Vendosim nje tenxhere ne zjarr te ulet dhe hedhim ne te ujin me sheqerin. E perziejme shpesh me luge druri derisa sheqeri te kete shkrire plotesisht.

Rrisim zjarrin nga i ulet ne mesatar dhe e ziejme shurupin derisa te arrije temperaturen 115C (e masim me termometer kuzhine), pas afer 10 apo 15 minutash. Ne te njejten kohe, zhysim nje furce kuzhine ne uje te paster dhe “lyejme” me te pjesen e brendshme te tenxheres qe te mos lejojme kristalet e sheqerit te formohen. Kjo do te na prishte perberjen e kremit.

Ne nje tas te madh te paster, rrahim te bardhat e vezeve me ndihmen e nje mikseri me shpejtesi minimale derisa te formohet nje shkume e bute. Shtojme lengun e limonit dhe e rrisim shpejtesine e mikserit ne mesatare derisa te na formohet nje krem qe nuk bie nga tasi.

Kur shurupi te kete arritur temperaturen 121C, e hedhim gradualisht tek kremi marenge duke vazhduar rrahjen derisa kremi te arrije ne temperature ambjenti dhe te rezultoje i trashe e i shnderritshem, pas 15 apo 20 minutash.

Foto nga: http://fabatable.com/