Krem marengë

Vendosim një tenxhere në zjarr të ulët dhe hedhim në të ujin me sheqerin. E perziejmë shpesh me lugë druri derisa sheqeri të ketë shkrirë plotësisht.

Rrisim zjarrin nga i ulët në mesatar dhe e ziejmë shurupin derisa të arrijë temperaturën 115°C (e masim me termometër kuzhine), pas afër 10 apo 15 minutash. Në të njëjtën kohë, zhysim një furçë kuzhine në ujë të pastër dhe "lyejmë" me të pjesën e brendshme të tenxheres që të mos lejojmë kristalet e sheqerit të formohen. Kjo do të na prishte përbërjen e kremit.

Në një tas të madh të pastër, rrahim të bardhat e vezëve me ndihmën e një mikseri me shpejtësi minimale derisa të formohet një shkumë e butë. Shtojmë lëngun e limonit dhe e rrisim shpejtësinë e mikserit në mesatare derisa të na formohet një krem i qëndrueshëm që nuk bie nga tasi.

Kur shurupi të ketë arritur temperaturën 121°C, e hedhim gradualisht tek kremi marengë duke vazhduar rrahjen derisa kremi të arrijë në temperaturë ambjenti dhe të rezultojë i trashë e i shndërritshëm, pas 15 apo 20 minutash.