Tag Archives: Receta me avokado

Pite e mbushur me fileto pule

  • Racione: 1 person
  • Vështirësi: shumë e thjeshtë
  • Shtype

pite e mbushur me fileto pule2

Nese deshironi nje vakt te shijshem, por nuk keni shume deshire te gatuani, pitet e mbushura jane pikerisht ato qe ju duhen! Mund ta mbushni brenda me çfare te deshironi, por e rendesishme eshte te kene: nje perberje kremoze (djathe i shkrire apo majoneze), nje proteine (mish pule, viçi, peshk, veze), nje sallate (jeshile, rukola, spinaq) dhe pak zarzavate te gjalla (domate, kastraveca, finok, avokado) te cilat e bejne me krokante. Me poshte, po ju propozoj variantin tim:

pite e mbushur me fileto pule1

Perberesit

  • 1 pite gruri e gatshme (piadina, tortija etj)
  • majoneze
  • rukola
  • 1 fileto pule e pjekur/skuqur, e prere ne copa te vogla
  • 1/4 avokado, e prere ne copa te vogla
  • 1 domate e thare, e prere holle
  • pak finok, i prere holle

E vendosim piten ne tavolinen e punes dhe e lyejme me pak majoneze. Hedhim rukola ne te gjithe siperfaqen e saj, me pas shtojme me rradhe perberesit e tjere: copezat e filetos se pules, te avokados, domates se thare dhe finokut. E rrotullojme mire, e ndajme ne dy pjese dhe e sherbejme.

*Keshille: Nese doni ta pregatisni vete piten, ndiqni receten tone duke klikuar ketu.

Advertisements

Takos të shpejtë

  • Racione: 4 persona
  • Vështirësi: e thjeshtë
  • Shtype

takos te shpejte

Nese ju pelqen kuzhina meksikane apo ajo tex-mex, mos e lini pa provuar kete recete te shijshme dhe shume te thjesht per tu pregatitur. Tako (taco) eshte nje pjate tipike meksikane e perbere nga nje lloj pite misri e cila mund te jete krokante ose e bute (soft shell/hard shell). Ndryshe nga tortija (tortilla) e cila ka nje dimension me te madh, tako eshte me vogel ne diameter, afersisht 20cm. Mbushja mund te behet me mish, pule, peshk, fruta deti apo vegjetariane. Zgjidhni perberesit qe i pershtateten me se miri shijes se familjes suaj. Me poshte po ju tregoj variantin tim:

Perberesit per 10 takos

  • 10 pite misri te forta
  • 500gr salçiçe e fresket puljeze (mund te perdorni edhe salçiçe normale, mjafton te jete e fresket)
  • 3 luge gjelle salce domatesh
  • piper i zi i sapobluar
  • spec i kuq i embel (paprika)
  • spec i kuq djeges

..per salcen me avokado (guakamole)

  • 1 avokado e pjekur mire (e bute)
  • 5 domate qershize, te prera holle
  • 1 qepe e njome, e prere holle
  • lengun e 1/2 limoni jeshil
  • 1/2 tufe majdanoz (nese gjeni koriander akoma me mire), e grire imet
  • vaj ulliri

…per salcen me kos

  • 3 luge gjelle salce kosi
  • 1 luge gjelle kos
  • lekuren e 1 limoni jeshil te grire

Pregatisim perberjen me salçiçe duke eleminuar lekuren e holle qe i rrethon dhe duke i ndare ne copa te vogla. I vendosim ne tigan ne zjarr te larte pa vaj dhe fillojme ti shtypim me dhembet e nje piruni derisa te ndryshojne ngjyre, te leshojne yndyren e tyre dhe te skuqen. Shtojme salcen e domateve, specin e kuq djeges, specin e kuq te embel, piperin e zi dhe i heqim nga zjarri duke i vendosur ne nje tas.

Pregatisim salcen me avokado: shtypim avokadon me dhembet e nje piruni, shtojme domatet qershize, qepen e njome, lengun e limonit jeshil, majdanozin dhe pak vaj ulliri duke i perziere shume mire.

Pregatisim salcen me kos: perziejme ne nje ene salcen e kosit me kosin dhe lekuren e limonit jeshil.

Marrim pitet e misrit te gatshme dhe i mbushim ne fillim e nje luge gjelle salçiçe, nje luge çaji salce me avokado dhe pak salce me kos.

Sallatë shumëngjyrëshe me mandarina

  • Racione: 6 persona
  • Vështirësi: e thjeshtë
  • Shtype
Sallate shumengjyreshe me mandarina

Nje sallate me ngjyra dhe shije fantastike; provoni ta servirni naten e Viti te Ri apo te Krishtlindjes.

Perberesit

  • 6 mandarina
  • 3 avokado 
  • 120gr salmon i tymosur
  • rukola ose lakerishte (mund te perdorni edhe sallate jeshile)
  • piper te zi te sapobluar
  • lengun e 1 limoni
  • vaj ulliri ekstra te virgjer

I qerojme mandarinat dhe i presim horizontalisht ne tre pjese.

Ndajme pergjysme avokadot, i heqim berthamen e brendshme, i qerojme dhe i presim ne feta.

Ne pjaten ku do te servirim sallaten, shtrojme fillimisht rukolen dhe vendosim ne menyre jo te rregullt mandarinat dhe avokadot. Ne mes te tyre vendosim salmonin e tymosur te prere ne shirita. E sperkasim te gjithe sallaten me leng limoni te saposhtrydhur, vaj ulliri ekstra te virgjer dhe piper te zi te sapobluar.

Foto dhe receta nga: http://inspiration.sainsburys-live-well-for-less.co.uk

Antipastë meksikane

Nje antipaste e shijshme e ngjashme me salcen guakamole, me tipiken e kuzhines tex-mex. Paraqitja e kesaj recete eshte me e bukur, me praktike (pasi serviret ne gota te vecanta per çdo person), dhe eshte ideale per te filluar si duhet nje darke meksikane.
Perberesit

  • 1 avokado e pjekur mire
  • 1 mango pak e pjekur
  • 2 limona jeshil
  • 200gr tul gaforre
  • 2cm xhinxher te fresket
  • 3 luge vaj ulliri
  • pak spec djegs pluhur
  • kripe
  • 100gr patatina nachos per shoqerim

Qerojme avokadon, e ndajme ne dy pjese duke eleminuar berthamen, e presim ne copa dhe e kalojme ne mikser me pak kripe, dy luge vaj ulliri, lengun e gjysme lime dhe pak spec te kuq djegs duke perftuar keshtu nje salce homogjene. E shperndajme salcen ne 4 gota te shkurtra qelqi te cilat i leme menjane.

Presim tulin e gaforres ne copa, e hedhim ne nje tas dhe e sperkasim me vajin e ullirit te mbetur, pak kripe, xhinxherin e qeruar e te grire, lengun e gjysmes se mbetur te limes dhe lekuren e gjysme lime. E perziejme mire dhe e vendosim kete perberje siper salces me avokado.

Qerojme mangon, dhe me ndihmen e nje qeruesi patatesh, perftojme shirita shume te holle te cilet i rregullojme me pak kripe dhe pak spec djeges dhe i vendosim edhe keto siper kremit me avokado.

I zbukurojme gotat me feta lime dhe e sherbejme te shoqeruar me patatina nachos.

Peshk salmon në zgarë me salcë mango dhe avokado

Receta qe po iu paraqesim sot, perben nje pjate shume te veçante, e cila kombinon shijen e peshkut salmon te pasur me omega 3, dhe vitaminat C, fibrat dhe antioksidantet te gjendura ne salcen e frutave. Kjo pjate e dyte i pershtatet sidomos personave qe duan te humbasin kilet e teperta, por ne te njejten kohe te ushqehen shendetshem. Perberesit

…per salmonin

  • 4 fileto peshku salmon
  • 50ml vaj misri
  • 2 luge salce soje
  • 1 luge te vogel salce pikante (Sriracha)
  • 1/2 luge xhenxhefil pluhur
  • 1 thelpi hudher te grire holle

…per salcen me mango dhe avokado

  • 1 mango e prere ne kubik te vegjel
  • 1 avokado e prere ne kubik te vegjel
  • 1 domate e prere ne kubik te vegjel
  • 1 qepe e njome e prere holle
  • 1 qepe e vogel e kuqe e prere holle
  • 2 luge vaj misri
  • lengun e 1 limoni
  • pak menderz
  • kripe
  • piper

Marinojme fillimisht salmonin per 2-4 ore duke hedhur te gjithe perberesit, pra filetot e peshkut, vajin e misrit, salcen e sojes, salcen pikante, xhenxhefilin dhe hudhren e grire holle ne nje tas te madh dhe e perziejme shpesh. Pasi te kete kaluar kjo kohe, heqim lengun e tepert nga filetot  dhe i pjekim ne zgare te lyer me pak vaj misri per rreth 5 minuta, apo derisa peshku te shkeputet lehte nga zgara. Pregatisim salcen me fruta duke vendosur te gjithe perberesit ne nje ene dhe duke i lene ne nje vend te fresket per rreth 1 ore. I shoqerojme filetot e salmonit me salcen e frutave dhe ne vend te bukes mund te perdorim sipas deshires pilaf ose kus kus.

Sallatë me avokado dhe peshk ton

Avokado eshte nje nga frutat me te pershtatshme per te shoqeruar pjata te sofistikuara peshku, apo edhe thjesht per te realizuar nje sallate me peshk ton, karkaleca, salmon te tymosur etj. Pervec kesaj, ne ju keshillojme ta perdorni si nje nga perberesit kryesore per darken e Shen Valentinit, per shkak te vetive te tij te forta afrodiziake.
Perberesit per 4 persona

  • 2 avokado te pjekur
  • 2 kuti peshk ton nen vaj (ose 300gr fileto peshku ton)
  • 10 domate qershize
  • lengun e 1 limoni
  • vaj ulliri
  • kripe
  • piper

Ndajme avokadot ne dy pjese ne menyre gjatesore duke i hequr berthamen e brendshme, ndersa tulin e presim ne copeza kubike dhe e vendosim ne nje tas qelqi.

Shtojme ne enen mesiper edhe domatet e prera ne kater pjese dhe peshkun ton te cilit i kemi hequr vajin e tepert dhe e kemi copetuar me dhembet e nje piruni.

E rregullojme sallaten me kripe, piper, vaj ulliri dhe lengun e limonit, e perziejme shume mire dhe e vendosim ne frigorifer per rreth gjysme ore perpara se ta servirim.

*Keshille: Ne vend te peshkut ton nen vaj mund te perdorim edhe peshk ton te fresket, karkaleca te te ziere 3-4 minuta apo fileto salmoni te tymosur.

Krijoni një sajt ose blog te WordPress.com