Arkiva Etiketash: Receta me pana kuzhine

Fileto viçi me pana dhe kërpudha

  • Racione: 4 persona
  • Vështirësi: e thjeshtë
  • Shtype

Fileto viçi me pana dhe kerpudha1

Filetot e viçit te gatuara ne kete menyre jane aq te shijshme dhe te buta sa te shkrijne ne goje! Salca e kerpudhave i jep nje shije te pakrahasueshme, ndersa pana i jep te gjithe kremozitetin per te cilen kjo recete ka nevoje. Une kam perdorur kerpudha te tipit champignon (shempinjon), por mund te perdorni çdo lloj tjeter kerpudhash si porcini, pleurotus etj.
Shoqeruesja ideale e kesaj pjate do te ishte purèja me patate ose pilafi, ne menyre qe salcen e mishit tja hidhnim siper.

Perberesit

  • 8 feta te holla fileto viçi
  • 500gr kerpudha champignon, te pastruara dhe te prera ne feta
  • 200ml pana kuzhine
  • 2 luge gjalpe
  • 2 luge vaj ulliri ekstra te virgjer
  • miell
  • kripe
  • piper te zi te sapobluar
  • disa gjethe mente te fresketa

Fileto viçi me pana dhe kerpudha

Per pergatitjen e kesaj recete, filetot e viçit duhet te jene shume te holla. Prandaj nese eshte e nevojshme i vendosim midis dy letrave per furre dhe i rrahim me kujdes me çekiçin e mishit. I kalojme ne miell dhe i leme menjane.

Ne nje tigan qe nuk ngjit, shkrijme gjalpin, shtojme vajin e ullirit dhe kaverdisim filetot e viçit nga te dyja anet derisa te marrin ngjyre te arte. I rregullojme me kripe, shtojme kerpudhat ne feta dhe e ulim zjarrin ne minimum derisa kerpudhat te zbuten pak (me kapak mbyllur). Shtojme panen e kuzhines dhe vazhdojme gatimin ne zjarre te ulet derisa salca te trashet. Shtojme gjethet e mentes, piper te zi te sapobluar dhe i sherbejme filetot e viçit me pana dhe kerpudha te ngrohta.

Advertisements

Pilaf me krem djathi dhe speca të pjekur

  • Racione: 4 persona
  • Vështirësi: e thjeshtë
  • Shtype

Pilaf me krem djathi dhe speca te kuq
Recete e Ballakumes. Perfekte per te filluar me shije darken e Krishtlindjes!

Perberesit

  • 1 gote oriz per pilaf
  • 100gr djath i bute kaçkavall
  • 100ml pana kuzhine
  • gjalp
  • trumez
  • kripe
  • piper
  • speca te kuq te pjekur

Pregatisim pilafin sipas recetes tradicionale 2 me 1, pra per 2 gota leng pule/gjeli/perimesh, hedhim 1 gote oriz. Pasi orizi eshte ziere, e aromatizojme me gjalp dhe e leme menjane.

Specat e kuq i presim ne shirita te holle, i kriposim, i japim shije me pak trumez dhe i pjekim ne furre te parangrohur ne 180C derisa te zbuten (rreth 30 minuta).
Vendosim nje tenxhere ne zjarr te ulet dhe hedhim ne te panen dhe djathin e prere ne kubik te vegjel. I perziejme derisa djathi te shkrihet plotesisht, e rregullojme me kripe e piper dhe e leme menjane.
Pregatisim pjaten: vendosim ne fundin e pjates pak krem djathi dhe siper tij pilafin te cilit i kemi dhene forme sipas deshires. (nese nuk ju ndodhet forma e yllit, mund te mbushni thjesht nje filxhan çaji me pilaf, ta ngjeshni fort dhe ta permbysni). E zbukurojme me specat e pjekur dhe pak majdanoz sipas deshires.

Fettuccine (fetuçine) Alfredo

  • Racione: 4 persona
  • Vështirësi: e thjeshtë
  • Shtype
Fettuccine Alfredo

Fettuccine-t Alfredo jane kaq te thjeshta per tu realizuar, por kaq te shijshme ne te njejten kohe. Ishte Alfredo di Lelio krijuesi i kesaj recete, i cili punonte si kuzhinier ne nje restorant ne Rome. Legjenda thote se ai e shpiku kete recete per te joshur gruan e tij e cila vuante nga te perzierat e mengjesit (per shkak te shtatezanise). Por kur e serviri edhe ne restorant, receta pati nje sukses shume te madh!
Kete pjate mund ta konsiderojme tipike Amerikane dhe per kete Amerikanet duhet te falenderojne yjet e Hollivudit  Douglas Fairbanks Sr. dhe Mary Pickford. Ata e sollen receten ne Amerike pasi e shijuan ne restorantin e Lelios ne Rome per muajin e tyre te mjaltit.
Receta eshte modifikuar paksa, disa e gatuajne me krem pana e disa te tjere vetem me gjalp e djath te grire. Ne po ja u sjellim te dyja versionet, ju zgjidhni ke te deshironi!

Perberesit

  • 320gr makarona fettuccine te thata
  • 4 luge gjalp pa kripe
  • 70gr djath parmixhano te grire
  • piper i zi i sapobluar

…per variantin kremoz

  • 100ml krem pana kuzhine
  • arre moskate te grire

Ziejme makaronat ne uje te vluar me kripe per egzaktesisht kohen e treguar ne konfeksion nderkohe qe pergatisim salcen:

Shkrijme gjalpin ne zjarr te ulet ne nje tigan te madh, dhe kur te kete shkrire plotesisht e leme menjane. Per variantin kremoz, gjalpit i shtojme edhe kremin pana duke i perzere shume mire. I leme ne zjarr shume te ulet nderkohe qe gatuhen makaronat.

Kullojme makaronat te cilat duhet te rezultojne al-dente dhe ja shtojme tiganit me gjalp mesiper bashke me 1 garuzhde uje makaronash. I rivendosim serisht ne zjarr dhe shtojme gjysmen e djathit te grire duke i perziere shume mire. Shtojme edhe gjysmen tjeter dhe vazhdojme perzierjen me delikatese derisa makaronat te mbulohen me salcen me djath e gjalp.

I servirim menjehere  sperkatur me piper te zi te sapobluar per variantin klasik ose me arre moskate per variantin kremoz.

Foto nga: http://badgerkitchen.blo

Supë krem me thjerrëza të kuqe

Thjerrezat jane nje nga ato bishtajore te cilat shijohen mjaft mire ne stinen e dimrit. Receta qe po ju paraqesim me poshte ka si protagoniste kryesore thjerrezat e kuqe, te cilat faktikisht kane ngjyre portokalli te ndezur dhe behen te verdha gjate gatimit. Duke qene se nuk  e kane lekuren e jashtme, jane me te lehta per tu tretur dhe kete supe mund tja servirni fare mire edhe femijeve tuaj.
Perberesit

  • 400gr thjerreza te kuqe te vogla
  • 40gr pançete e tymosur
  • 40gr gjalp
  • 1/2 qepe
  • 1 thelpi hudher
  • pak xhinxher te fresket te grire holle
  • 100ml pana per kuzhine
  • kripe
  • kubik buke per shoqerim

Lajme nen uje te ftohte te rrjedhshem thjerrezat e kuqe (nuk eshte e nevojshme ti leme ne uje paraprakisht, pasi gatuhen shume shpejt). I hedhim ne nje tenxhere, i mbulojme me uje te ftohte me pak kripe dhe i gatuajme ne kete menyre me kapak te mbyllur per rreth 1 ore ne zjarr te ngadalte derisa te jene zbutur. I shplajme (duke ruajtur lengun qe kane leshuar) dhe i kalojme ne mikser derisa ti reduktojme te gjitha ne purè.

Ne te njejten tenxhere ku gatuam thjerrezat, shkrijme gjalpin dhe kaverdisim ne te qepen e prere holle sebashku me thelbin e shtypur te hudhres dhe pançeten e prere ne kubik duke i lene per rreth 5 minuta. Eleminojme hudhren, shtojme purène e thjerrezave, xhinxherin e fresket te grire holle, shtojme pak leng nga ai qe hoqem menjane nga thjerrezat (nese purèja ka dal pak e trashe) dhe ne momentin e fundit shtojme panen dhe e rregullojme me kripe.

E sherbejme kete supe krem te nxehte ose te vaket te shoqeruar me kubik buke te skuqura ne gjalp.

Makarona me pana, proshutë, speca dhe kërpudha

Kjo recete u mundesua nga Emirjola Baja: faleminderit ne emer te stafit te UneGatuaj!
Perberesit

  • 350gr makarona te gjata
  • 300gr kerpudha te pastruara (rreth 5 cope)
  • 2 speca te kuq
  • 2-3 feta proshute te prere pak trashe
  • 200ml pana per kuzhine
  • 1 e verdhe veze
  • vaj ulliri
  • kripe
  • piper

Ziejme makaronat per egzaktesisht kohen e treguar ne konfeksion.

Ne nje tigan, kaverdisim ne vaj ulliri kerpudhat e prera ne feta te holla, shtojme specat e kuq te prere ne fije dhe nje thelpi hudher te shtypur (ose te grire shume holle), i rregullojme me kripe, pak piper dhe i vendosim kapakun duke i lene te gatuhen ne zjarr te ulet me avullin e tyre.

Ne nje tjeter tigan kaverdisim proshuten e prere ne kubik, dhe kur kjo te kete marre ngjyre te arte e perziejme se bashku me specat dhe kerpudhat.

Ne nje ene te vogel vendosim panen per kuzhine, i shtojme nje te verdhe veze dhe e perziejme mire. Kete ja hedhim perberjes se mesiperme dhe se fundi shtojme edhe makaronat tashme te ziera dhe te kulluara.

Njoki me shafran

Njoki-me-shafran1Shafrani eshte nje nga erezat me te kushtueshme dhe me te vleresuar ne mbare boten. Kjo per shkak se per te perftuar vetem 1gr prej tij, duhen mbledhur me dore dhe duhen thare pistilat e 200 luleve! Ky perberes i jep edhe shijen e veçante dhe ngjyren karakteristike recetes se meposhtme, e cila eshte nje pjate tipike Sarde.

Perberesit

  • 400gr makarona te tipit malloreddus
  • 200ml pana kuzhine
  • 100gr djath te tipit asiago
  • 1 pako te vogel shafran
  • 2 luge vaj ulliri
  • kripe
  • piper

Ziejme makaronat ne uje te bollshem me kripe per egzaktesisht kohen e treguar ne konfeksion.

Ne nje tigan ngrohim panen e kuzhines pa e lene te zieje, fikim zjarrin dhe shtojme shafranin duke e perziere shume mire. Kur salce te kete rezultuar ne te njejten ngjyre, e rregullojme me kripe e piper dhe shtojme ne te makaronat e kulluara mire bashke me vajin e ullirit. I perziejme mire, shtojme se fundi edhe djathin e grire derisa ky te shkrije.

Fikim zjarrin dhe i servirim makaronat te ngrohta.

Torta Kish Loren (Quiche Lorraine)

  • Racione: 6 persona
  • Vështirësi: e thjeshtë
  • Shtype

Torta kish loren

Torta Kish Loren, eshte nje recete tipike tradicionale Franceze e njohur ne te gjthe boten per thjeshtesine e pregatitjes se saj, dhe per shijen karakteristike. Nese nuk ju pelqen pançeta, mund ta zevendesoni me proshute te pjekur, apo edhe me perime ne kubik.

Perberesit

…per brumin e shkrifet

  • 250gr miell 00
  • 125gr gjalp te ftohte nga frigoriferi
  • 1 veze
  • pak kripe

…per mbushjen

  • 200gr pançete ne kubik
  • 200ml pana per kuzhine
  • 4 veze
  • 30gr gjalp
  • 1 luge plote miell
  • pak arre moskate
  • kripe
  • piper

Pregatisim si fillim brumin e shkrifet duke vendosur miellin, pak kripe dhe gjalpin e sapo nxjerre nga frigorifere (pra akoma te ftohte), ne nje mikser per “t’i grire” te gjithe perberesit bashke derisa te copetohen imtesishte.

Masen e mesiperme e vendosim ne tavolinen e punes, hapim nje grope ne mes ne te cilen hedhim vezen,  dhe i bashkojme te gjitha shpejt derisa te perftojme nje brum kompakt dhe mjaftueshmerisht elastik. Formojme me brumin nje top te madh, e mbulojme me leter transparente dhe e vendosim ne frigorifere per te pakten gjysme ore.

Pregatisim mbushjen duke kaverdisur ne gjalp pançeten e prere ne kubik derisa te marre ngjyre te arte.

Ne nje tas te madh, bashkojme vezet, panen per kuzhine dhe i japim shije kremit me pak kripe, piper dhe arre moskate.

Nxjerrim brumin nga frigoriferi, e hapim me kujdes ne tavolinen e punes te veshur me leter furre dhe e shtrojme ne nje tave me diameter 24-26cm. E çpojme ne te gjithe siperfaqen e saj me dhembet e nje piruni dhe kthejme anet nga brenda. Shtojme mbi te pançeten e kaverdisur, me pas kremin me pana kuzhine dhe e nivelojme mire.

E pjekim ne furre te parangrohur ne 180°C per rreth 30 minuta, e nxjerrim nga furra dhe e sherbejme te ngrohte apo ne temperature ambjenti te prere ne feta.

Fileto derri alla Strogonoff

Kjo pjate kaq e veçante dhe e shijshme, eshte nje recete tipike e kuzhines ruse e krijuar nga nje mjek, emri i te cilit ishte pikerisht Strogonoff, qe ka jetuar ne epoken e Marias se Rusise. Ai ishte mjeku i gjuetareve te balenave dhe thuhet se gjate nje gjuetie, te gjithe gjuetaret e Shen Peterburgut u helmuan per shkak te nje haringe polare (lloj peshku). Per kete arsye, Strogonoff e vendosi te gjithe ekuipazhin e tij nen nje diete shume strikte te perbere vetem nga orizi i ziere dhe mishi i lopes i marinuar ne pana dhe leng qepesh.

Perberesit

  • 600-700gr fileto derri pa kocke
  • 1 qepe mesatare
  • 1 thelpi hudher
  • 200gr salce domatesh
  • 200gr pana kuzhine
  • 2 luge te vogla mustarde Digione (ose mustarde tjeter te zakonshme)
  • 4 luge konjak
  • lengun e 1 koncentrate perimesh ose viçi
  • 40gr gjalp
  • pak vaj ulliri
  • 1 gjethe dafine
  • kripe
  • piper
  • pak miell

Presim filetot e derrit ne shirita rreth 2cm, i lyejme me pak miell dhe i skuqim nga te dyja anet ne gjalp dhe pak vaj ulliri derisa te kene marre ngjyre te arte. I heqim nga tigani duke lene aty yndyren e mbetur, i vendosim ne nje pjate, i kriposim dhe i mbulojme me kapak (ose me nje pjate tjeter) nderkohe qe pregatisim salcen.

Ne te njejtin tigan, kaverdisim qepen dhe hudhren te grira holla (ose te kaluara ne mikser) duke shtuar edhe pak leng koncentrate dhe gjethen e dafines. Pasi jane zbutur, i shuajme me konjak te cilin e leme te avulloje ne zjarr te larte. Shtojme salcen e domateve dhe e leme salcen te trashet per pak minuta.

Shtojme mustarden, panen e kuzhines, e rregullojme me kripe dhe piper dhe shtojme se fundi edhe mishin e lene menjane duke i perziere mire ne zjarr te ulet derisa salca te jete trashur. E leme te pushoje per disa minuta perpara se ta servirim.

Kjo pjate rekomandohet te shoqerohet me pilaf te bardhe.

Makarona me tul gaforre dhe kungulleshka

Kjo pjate ka nje shije teper delikate, te cilen ia jep vecanerisht tuli i gaforres. Ky i fundit eshte pak i shtrenjte dhe i veshtire per tu gjendur (ne Shqiperi e gjeni ne rrjetin e supermarketeve Conad), por ne pamundesi te tij mund te perdorni surimi, qe ndryshe nga tuli i gaforres, eshte tul peshku merluc i Oqeanit Paqesor te cilit i eshte shtuar niseshte dhe paketohet ne forme cilindrash me ngjyre te jashtme portokalli. Per informacione te metejshme mbi kete produkt mund te lexoni ketu. Nderkohe shijoni receten: Perberesit

  • 400gr makarona te gjata (spageti, linguine etj)
  • 150gr tul gaforre (ose surimi)
  • 1 kungulleshke
  • 100ml pana kuzhine
  • 1 thelpi hudher
  • 1 gote vere te bardhe
  • pak konjak
  • pak djath parmixhano te grire (ose djath tjeter kaçkavall)
  • disa kokrra piper te kuq per zbukurim
  • kripe
  • vaj ulliri

Ziejme makaronat ne uje me kripe per kohen e treguar ne konfeksion.

Ne nje tigan qe nuk ngjit, kaverdisim ne pak vaj ulliri hudhren e shtypur, shtojme kungulleshken e lare dhe te prere ne rrathe dhe e leme te marre ngjyre per pak minuta. I shuajme kungulleshkat me vere te bardhe te cilen e leme te avulloje ne zjarr te fort, i kriposim, shtojme pak uje te nxehte dhe i leme te gatuhen per rreth 10 minuta ne zjarr te ulet.

Ne nje tigan tjeter me te madh, shtojme tulin e gaforres te prere holle dhe e shuajme me konjak ne zjarr te ulet. Shtojme panen e kuzhines, djathin kaçkavall te grire dhe e leme disa minuta derisa te marrin shije. Se fundi, shtojme edhe kungulleshkat, makaronat e ziera dhe te kulluara dhe i perziejme shume mire.

E sherbejme pjaten te zbukuruar me ndonje kokerr piper te kuq.

1 2
Krijoni një sajt ose blog te WordPress.com