Tag Archives: Receta me spinaq

Tortë e kripur me spinaq

  • Racione: 6-8 persona
  • Vështirësi: e thjeshtë
  • Shtype

SAMSUNG CSC

Nje torte e kripur per tu konsumuar e ngrohte, e sapodale nga furra apo edhe e ftohte diten tjeter. Shume e shijshme dhe e ushqyeshme, ideale per vaktin e drekes apo per tu shijuar ne nje piknik me miqte!

Perberesit per nje tave me diameter 28cm

…per brumin

  • 300gr miell 00
  • 250gr gjalpe ne temperature ambjenti
  • kripe

…per mbushjen

  • 500gr spinaq te lare e te pastruar, te prere holle
  • 250gr rikota (gjize pa kripe)
  • 250gr domate qershize, te ndara ne dy pjese
  • 100gr djathe kaçkavall dele, te prere ne kubik
  • 50gr djathe guda, te grire holle ne rende
  • 50gr ullinj pa berthame
  • 1 qepe, te prere holle
  • 3 thelpinje hudhra, te prera holle
  • 100ml vaj ulliri ekstra te virgjer
  • 3 veze
  • kripe
  • arre moskate
  • piper te zi te sapobluar

SAMSUNG CSC

Bashkojme ne nje ene miellin e situr me kripen, shtojme gjalpin ne temperature ambjenti (te zbutur) dhe e punojme brumin shume mire me dore derisa te rezultoje i bute. E mbeshtjellim me leter transparente dhe e vendosim ne frigorifer per 30 minuta.

Nderkohe pergatisim mbushjen: ne nje tigan qe nuk ngjit, kaverdisim ne vaj ulliri qepen, hudhren dhe spinaqin. I vendosim kapakun dhe i leme te gatuhen ne zjarre te ulet, ne menyre qe te zbuten me avullin e tyre. E rregullojme  me kripe, piper te zi te sapobluar dhe arre moskate. Masa duhet te rezultoje pa leng, pra e thate, prandaj vazhdojme gatimin me kapak hapur derisa i gjithe uji i tepert te avulloje.

Ne nje tjeter ene rrahim vezet me rikoten, shtojme spinaqin dhe ne kete moment kemi gati mbushjen e tortes.

Nxjerrim brumin nga frigoriferi, e heqim nga qesja transparente dhe e shtypim paksa me duar. I vendosim siper leter furre e cila do te na ndihmoje ta hapim me lehtesisht. E hapim brumin nga te gjitha anet duke formuar nje pete me trashesi rreth 1cm. E shtrojme ne taven ku do te gatuajme torten e kripur te cilen e kemi lyer paraprakisht me pak vaj ulliri. Hedhim siper mbushjen me spinaq dhe rikota dhe nivelojme me kujdes. E zbukurojme me domatet qershize te ndara pergjysme, ullinjte pa berthame, kubiket e djathit kaçkavall dhe djathin guda te grire. E pjekim ne furre te parangrohur ne 200°C per rreth 45 minuta. E leme te ftohet per minimumi gjysme ore perpara se ta sherbejme te prere ne feta.

Advertisements

Ravioli të mbushur me gjizë dhe spinaq

  • Racione: 6 persona
  • Vështirësi: e vështirë
  • Shtype
Ravioli me rikota dhe spinaq1
Makaronat e fresketa te pergatitura ne shtepi, jane nje nga ato gatime qe veshtire mos ti pelqejne te gjitheve. Dhe nese jane te mbushura, akoma me mire! Heren e kaluar i pergatita me kungull dimerak (receten e se cilave e gjeni ketu). Kesaj here vendosa te provoje nje kombinim me klasik dhe me shije me delikate, siç eshte ai i gjizes pa kripe (rikota) dhe spinaqit. Me pas i kalove ne tigan me gjalp te aromatizuar me sherebele te fresket, i sperkata me pak djathe parmixhano te grire, dhe nuk di tju them sesa komplimente mora!

Perberesit

…per makaronat

  • 200gr miell 00
  • 100gr miell me krunde (miell i trashe)
  • 3 veze, ne temperature ambjenti

…per mbushjen

  • 300gr gjize pa kripe
  • 400gr spinaq te fresket, te grire shume holle
  • 6 luge djathe kaçkavall te grire (receta origjinale kerkon perdorimin e djathit parmixhano)
  • 1 veze
  • kripe
  • piper te zi te sapobluar

…per ti dhene shije

  • 2 luge gjelle gjalp
  • 5-6 gjethe sherebele te fresket
  • djathe parmixhano, te grire

Ravioli me rikota dhe spinaq

Per te pergatitur raviolit me gjize dhe spinaq, fillimisht pergatisim brumin me veze: ne tavolinen e punes ose ne nje tas te madh hedhim 2 llojet e miellit te situr, i hapim nje grope ne mes dhe shtojme vezet lehtesisht te rrahura me pirun. E punojme brumin fillimisht me gishta duke bashkuar avash avash vezet me miellin qe gjendet rreth e qark derisa te formohet nje top brumi te cilin e punojme ne tavolinen e lyer me miell per te pakten 10 minuta derisa te rezultoje elastik. Ne rast se brumi rezulton pak i forte, shtojme 2 apo 3 luge uje te ngrohte, apo ne rast se rezulton pak i bute, shtojme edhe pak miell. E mbeshtjellim brumin me leter transparente dhe e leme te pushoje per 1 ore ne frigorifer.

Nderkohe pergatisim mbushjen: kaverdisim ne pak vaj ulliri spinaqin e pastruar dhe te grire holle, i vendosim kapakun dhe e leme derisa te avulloje i gjithe uji. E transferojme ne nje tas ne te cilin shtojme edhe rikoten, djathin kaçkavall te grire, vezen, pak kripe e piper te zi duke i perziere mire. E hedhim mbushjen ne nje qese pastiçerie dhe e leme menjane.

Kur brumi te jete gati, e ndajme ne dy pjese te barabarta dhe pjesen qe nuk e perdorim e mbeshtjellim serisht me leter transparente. Kjo per shkak se ne kontakt me ajrin, brumi thahet dhe formon nje kore te holle e cila e prish lemueshmerine qe duhet te kene makaronat.
E vendosim gjysmen e brumit ne tavolinen e punes te lyer me miell krundesh dhe e hapim ne fillim me pellemben e dores, me pas me okllai te lyer me pak miell ne menyre qe te mos ngjise.

Me ndihmen e nje thike me maje te mprehte, e presim brumin ne drejtekendesha pak a shume me permasa 6cmx3cm. Vendosim nje luge te vogel mbushje me gjize dhe spinaq ne mes, i lyejme anet me uje dhe e palosim raviolin duke i shtypur mire anet ne menyre qe te eleminojme ajrin ne brendesi dhe mbushja te mos dal gjate gatimit. I japim forme raviolit duke perdorur nje rrote te dhembezuar per makarona (ose nje thike te mprehte). Me nje pjese brume duhet te dalin 8-10 ravioli. Procedojme ne te njejten menyre edhe me pjesen tjeter te brumit

Nderkohe, ne nje tigan shkrijme gjalpin ne zjarr te ulet dhe skuqim per 3-4 minuta gjethet e sherebeles.

Pasi te kemi pergatitur te gjithe raviolit, i ziejme ne uje te bollshem me kripe per 4 minuta, i kullojme mire dhe i vendosim neper pjata. Siper i sperkasim me gjalpin e aromatizuar me sherebele dhe pak djathe kackavall te grire. I sherbejme menjehere zbukuruar me ndonje gjethe sherebele.

Ruajtja: ne akull per 1 muaj.

Hikërr e tiganisur me kërpudha dhe spinaq bebe

  • Racione: 2 persona
  • Vështirësi: e thjeshtë
  • Shtype

Hikerr me spinaq

Hikerra ose gruri hikerror, ka nje shije neutrale e cila kombinohet ne menyre perfekte me perimet, mishin, peshkun apo kerpudhat. Receta qe po ju paraqes me poshte, eshte ideale per ata qe duan te hane lehte, shendetshem dhe me shije. Sot do ta kombinojme me kerpudha, spinaq bebe dhe domate qershize. Ja sesi:

Perberesit

  • 150gr hikerr (1 gote)
  • 1 qepe e kuqe e vogel, e prere holle
  • 150gr kerpudha, te prera ne feta
  • 100gr spinaq bebe, i pastruar dhe i lare
  • nje dore domate qershize (6-7 kokerra)
  • kripe
  • piper te zi te sapobluar
  • pak hudher hungareze te thate
  • vaj ulliri ekstra te virgjer
  • 1 luge gjelle uthull molle

Hikerr me spinaq1

Si fillim, shplajme shume mire grurin hikerror nen uje te ftohte te rrjedhshem derisa uji te rezultoje plotesisht i paster. Pas kesaj, e vendosim ne nje ene me uje te ftohte dhe e leme te zbutet gjithe naten. Per te lehtesuar kete proçes, shtojme edhe nje luge gjelle uthull molle.

Ne kete moment, hikerra eshte zbutur dhe eshte gati per tu gatuar. E shplajme shume mire dhe e ziejme ne nje tenxhere me uje te vluar per 3-5 minuta. E kullojme dhe e kalojme menjehere nen uje te ftohte.

Hikërr e tiganisur me kërpudha dhe spinaq bebe2

Ne nje tigan, kaverdisim ne zjarr te ulet ne vaj ulliri qepen e kuqe derisa te zbutet (1). Shtojme kerpudhat e prera ne feta (2), kripe, piper te zi te sapobluar, hudher hungareze dhe vazhdojme gatimin per disa minuta derisa kerpudhat te zbuten (shtojme pak uje nese eshte e nevojshme) (3).

Hikërr e tiganisur me kërpudha dhe spinaq bebe3

Shtojme spinaqin bebe (4), domatet qershize te plota (5) dhe i leme derisa spinaqi te ule volumin. Shtojme ne fund edhe hikerren e shtrydhur mire me dore, e perziejme mire derisa te marre shije dhe e sherbejme neper pjata zbukuruar me ndonje gjethe spinaq bebe (6).

Byrek me spinaq

  • Racione: 6-8
  • Vështirësi: e thjeshtë
  • Shtype

Byrek me spinaq

Byreku me spinaq eshte nje recete klasike e kuzhines shqiptare e cila pregatitet gjithe vitin, por sidomos per Krishtlindje dhe Vitin e Ri. Tradita kerkon qe nen petet e byrekut te vendoset nje monedhe e cila perfaqeson fshehjen e femijes Jezus nga Mbreti Herod. Cdo pjestar i familjes, duke filluar nga me i vjetri, merr nje cope byrek dhe personi qe gjen monedhen konsiderohet me fat vitin qe vjen. Por kujdes: nese fshihni nje monedhe brenda ne byrek, sigurohuni qe te tjeret ta dine perpara se ta hane!

Perberesit

  • 15 pete byreku
  • 500gr spinaq te prere holle
  • 200gr djath te bardhe ne therrime
  • 3 qepe te njoma te prera holle
  • 2 veze te rrahura
  • 200ml vaj ulliri
  • koper te fresket te grire
  • kripe
  • piper te zi te sapobluar
  • kos grek ose salce kosi per shoqerim

Parangrohim furren ne 180C.

Ngrohim 5 luge vaj ulliri ne nje tigan ne zjarr mesatar dhe kaverdisim qepet derisa te marrin ngjyre te arte.  Shtojme spinaqin dhe e mbulojme tiganin me kapak derisa te zbutet. I japim shije me kripe dhe piper te zi, shtojme djathin e bardhe, vezet, kopren, i perziejme shume mire dhe e leme mbushjen te ftohet ne temperature ambjenti.

Lyejme nje tave 30x20cm me pak vaj ulliri, shtrojme nje pete, e lyejme siper me vaj dhe e perserisim kete proces derisa te kemi shtruar 5 peta poshte. Shtojme gjysmen e mbushjes, vendosim 5 peta te tjera siper dhe vazhdojme ne kete menyre duke formuar 3 shtresa me nga 5 peta dhe 2 shtresa mbushje.

Me ndihmen e nje thike te mprehte, e presim byrekun duke e ndare ne copa dhe e pjekim per 40 minuta ose derisa shtresa e siperme te jete bere krokante dhe te kete marre ngjyre te arte. E leme byrekun te pushoje per 5 minuta perpara se ta servirim.

E shoqerojme me nje sallate jeshile dhe kos grek ose salce kosi.

Foto nga: http://www.kitchensecret.com

Sallatë me spinaq dhe luleshtrydhe

Sallate me spinaq dhe luleshtrydheeLuleshtrydhet jane nje nga frutat qe i pershtaten mrekullisht te gjitha gatimeve, si ato te kripura ashtu dhe te embla. Receta qe po ju paraqesim me poshte eshte elementare, dhe mund ta servirim si ne formen e sallates, ashtu dhe ne ate te antipastes.

Perberesit

  • 400gr luleshtrydhe
  • 100gr spinaq me gjethe te vogla
  • 50gr rukola ose sallate jeshile
  • 200gr djath i bardhe dhie ose dele
  • 4 luge vaj ulliri
  • lengun e 1/2 limoni
  • stika pishe/arra/bajame/lajthi
  • kripe

Lajme dhe thajme shume mire spinaqin dhe rukolen (ose sallaten) dhe i vendosim ne nje tas te madh. Pastrojme luleshtrydhet, i heqim gjethet dhe i ndajme ne dy ose kater pjese (varet nga madhesia e tyre). Presim ne kubik ose therrmojme me dore edhe djathin e bardhe.

I hedhim te gjithe perberesit tek tasi me spinaqin, shtojme pak kripe, lengun e limonit, vajin e ullirit dhe i perziejme me delikatese. Ne fund i zbukurojme me frutat e thata ne siperfaqe.

Foto nga: http://spontaneoustomato.com

Rolè me pulë, gjizë dhe proshutë spek

  • Racione: 3 persona
  • Vështirësi: mesatare
  • Shtype

Rolè me pulë, gjizë dhe proshutë spekKjo eshte nje menyre shume e shijshme dhe e vecante e gatimit te mishit te pules, e cila nga ana tjeter ka dhe nje pamje teper ndjellese. Mund ta shijoni te ngrohte apo ne temperature ambjenti, shoqeruar nga nje garniture patatesh ne furre apo te ziera.

Perberesit per 3 rolè

  • 3 gjokse pule (rreth 450gr)
  • 350gr gjize pa kripe (rikota)
  • 200gr spinaq
  • 20 feta proshute spek
  • 2 gjethe dafine
  • vaj ulliri
  • kripe

Si fillim, pervlojme spinaqin ne uje me pak kripe, e leme te ftohet dhe e shtrydhim nga uji i tepert.

Presim ne kubik gjokset e pules dhe i bashkojme me rikoten, spinaqin e prere holle, pak kripe duke i perziere mire derisa masa te homogjenizohet.

Ne tavolinen e punes vendosim 6-7 feta proshute spek te prera holle, duke i mbivendosur paksa njera siper tjetres. Ne kete menyre kemi formuar bazamentin e rolèse, mbi te cilin hedhim 1/3 e perberjes se mesiperme dhe e rrotullojme me kujdes. Ne te njejten menyre pregatisim edhe rolète e tjera.

I vendosim me kujdes rolète ne nje tave te lyer me pak vaj ulliri, shtojme gjethet e dafines te ndara ne copa dhe e pjekim ne furre te parangrohur ne 170°C per 35-40 minuta te mbuluar me leter alumini te cilen e heqim vetem 10 minutat e fundit qe te marre ngjyre ne siperfaqe.

E leme te ftohet ne temperature ambjenti, e presim ne feta dhe e sherbejme shoqeruar me patate furre.

Burani me spinaq (Spanakorizo)

Burania me spinaq eshte nje pjate tradicionale e kuzhines vegjetariane greke e cila konsumohet vecanerisht ne stinen e veres. Mund te pregatitet me mish (psh mish pule) apo pa mish, qe eshte pikerisht receta qe po iu paraqesim me poshte:
Perberesit

  • 300gr oriz kokerrgjate
  • 500ml uje
  • 1kg spinaq i fresket
  • 2 qepe te njoma
  • 2 thelpinje hudher
  • majdanoz
  • koper
  • kripe
  • vaj ulliri

Si fillim, pastrojme dhe lajme shume mire spinaqin nen uje te rrjedhshem, e presim holle dhe e pervlojme ne uje te valuar me kripe per 5-10 minuta.

Ne nje tenxhere, kaverdisim ne vaj ulliri qepet e njoma te prera holle per rreth 5 minuta, shtojme thelpinjte e hudhres te grira, orizin dhe i perziejme mire te gjithe perberesit. Shtojme edhe uje derisa e gjithe masa te mbulohet, e rregullojme me kripe dhe e leme te zieje per 10 minuta. Pasi ka kaluar kjo kohe, shtojme edhe spinaqin e kulluar dhe vazhdojme zierjen edhe per 10 minuta te tjera derisa te avulloje uji i tepert dhe perberja te rezultoje me pak leng. E rregullojme ne fund me pak koper dhe majdanoz te grire holle dhe e servirim.

*Keshille: Sipas deshires, buranin me spinaq mund ta shoqerojme me pak djath feta te grire ne siperfaqe apo me limon.

Qofte me spinaq

Spinaqi eshte nje nga perimet qe mund te gatuhet ne shume menyra, por sot do te shohim sesi pregatiten qoftet me spinaq. Mund ti servirim si garniture te shoqeruara me mish te kuq apo te bardhe, por gjithashtu edhe si pjate te pare sperkatur me salce domatesh apo salce me djath gorgonxola.
Perberesit per 4 persona

  • 1kg spinaq te fresket (apo te ngrire)
  • 100gr buke te thare
  • 50ml qumesht
  • 3 veze
  • miell
  • galete
  • arre moskate
  • kripe
  • piper
  • vaj per skuqje

Per te pregatitur qoftet me spinaq, si fillim, regjim buken e thare ne qumesht per te pakten 15 minuta.

Nderkohe lajme mire spinaqin dhe e pervlojme ne uje te valuar me kripe per 10 minuta, e shtrydhim per ti hequr ujin e tepert dhe e presim holle.

Ne nje ene te madhe vendosim buken e shtrydhur mire, spinaqin, 1 veze, pak arre moskate, kripe, piper dhe e perziejme mire derisa masa e qofteve te jete homogjene. Formojme ne kete menyre qofte me madhesi sa nje arre (apo sipas deshires suaj) te cilat i kalojme fillimisht ne miell, me pas ne veze te rrahur e se fundi ne galete dhe i skuqim uniforme per pak minuta ne vaj te nxehte (luledielli apo ulliri).

Per t’i shoqeruar, mund te perdorim salcen e fresket me domate dhe borzilok apo salcen me djath gorgonxola te cilat do ti japin nje shije vertete te vecante.

Kaneloni me gjizë dhe spinaq

Kanelonit me gjize dhe spinaq perfaqsojne nje pjate te pare tipike shtepiake te tradites italiane, e cila gatuhet mbi te gjitha diten e djele kur e gjithe familja mblidhet prane tryezes.

Per 8 Kaneloni

per mbushjen

  • 500gr spinaq
  • 400gr gjize lope
  • 2 veze
  • 100gr djath parmixhano (apo djath tjeter kackavall)
  • pak arre moskat
  • kripe
  • piper te zi sipas deshires

per t’i mbuluar

Vendosim ne zjarr 2 tenxhere me uje dhe pak kripe: njera do te na nevojitet per te “ziere” Kanelonit dhe tjetra per te perveluar spinaqin.

Si fillim, pregatisim mbushjen duke lare mire spinaqin e fresket dhe duke e perveluar per 2 minuta ne njeren nga tenxheret. E kullojme, e leme te ftohet, e shtrydhim mire per t’i hequr ujin e tepert dhe e presim holle me nje thike te mprehte.

1 2
Krijoni një sajt ose blog te WordPress.com